Posted in 【LIFE】生病紀錄, We Two

【急性過敏】同貓貓玩完之後敏感

2016-11-25 (Friday)

今朝早時我同 Max 講過話放學同佢去街,等佢放學返黎時,睇 openrice 見到一間貓 cafe,喺油麻地,有得食吓野又可以俾佢同啲貓貓玩吓,玩完仲可以順便去買啲練習俾佢溫習同準備下星期測驗。於是返屋企換件衫咩個袋就出門口啦!佢有話想去公園玩,但公園咁近,幾時都去得啦!而且就快測驗,我同佢講話測完驗先可以去玩,去貓 cafe 有得同貓貓玩又可以食埋野,佢都好開心好期待。

點知….呢個係一個錯誤既決定…..

isu29.gifMax 同啲貓貓玩左陣,我地就叫野食,大約過左20分鐘就開始食野。食到咁上下阿仔就繼續搵啲貓貓玩,跟住開始走埋黎係咁捽眼,我叫佢唔好捽啦!佢話好痕,我望吓佢係咪有貓毛或者其他嘢入眼,望咗幾次又用紙巾同佢抹吓,都唔覺有嘢入左眼,但就發現到佢隻左眼有啲透明嘅嘢,好似啲 Gel 咁樣?唔似係外來物,但我又完全諗唔到係啲乜,又抹唔到。佢突然間好攰好眼訓,可能因為返完學好攰要午睡果種,我叫佢合埋眼休息吓先。然後再發現佢塊面起左啲紅色同一粒粒,佢覺得痕又去抓,我開始估到佢應該係敏感啦!!於是拿拿林食埋果少少嘢就即刻同佢去睇醫生,前後逗留左喺 cafe 大約40分鐘,而開始敏感係嚟到之後35分鐘左右。
Btw,啲嘢食其實都幾唔掂!!不過埋單個價錢同餐牌既唔同?平啲喎!埋單 $128。

落到樓下本來想搭的士去長沙灣睇雷慕德,但搵的士時突然記起我地嚟果陣經過過一間診所,不如近近哋去呢度睇算啦!入到去…嘩!好多人呀!想想哋走…不過都入左黎就登記啦….雖然話要等半個鐘,但阿仔佢好攰好眼瞓,合埋眼行路,都係唔好周圍走。等既期間佢一直 ZZZZ,好在冇騰來騰去咋!可以俾佢休息吓。

illu_12_006.gif醫生先睇佢隻左眼,話果啲透明 gel 狀既野係佢眼球既啫喱因敏感而腫脹!阿仔患上急性敏感症,話呢啲滴眼藥水都冇用,咁我又唔會亂同佢用眼藥水,我自己不嬲都唔用呢啲野。醫生仲建議我喺診所餵埋阿仔食咗藥先走,唔係就可能連隻右眼都腫埋。(結果都係腫哂) 睇埋咳同流鼻水,都只係俾兩支藥水 : 敏感同咳,仲有盒藥膏搽敏感。即刻食次藥先走,搭的士返去。阿仔一直都好攰,瞓住咁行返屋企。

[醫生話要戒口,唔可以食:蛋、牛同海鮮]

返到去佢係房訓多陣,我就即刻將所有衫褲褸,有機會痴住D可能係既致敏源全部拎去洗。

Max 只係恰著左一陣就話唔訓,走左出電腦椅度坐,我先發現佢兩隻眼已經腫成咁!!

20161125_193305.jpg
唉…好慘豬呀!!心痛死我啦….. Continue reading “【急性過敏】同貓貓玩完之後敏感”

Posted in 【旅】北海道 2015 - 4歲時的家庭親子旅行

【北海道】登別地獄谷+溫泉街午膳

離開大湯沼川天然足湯, 我們繼續駕車前往下個目的地:「支笏洞爺國立公園」的「登別地獄谷」。

【登別】地獄谷。大湯沼。天然足湯

其實不算是目的地, 因為不打算入去慢慢逛, 只在外圍看看而已。

DSC06504 Continue reading “【北海道】登別地獄谷+溫泉街午膳”

Posted in 【LIFE】2016, 【學習】

【小一生】寫聖誕卡

20161118_171326.jpg

星期五放學, 返屋企放低書包同支樂器之後, 我地就係商埸行下諗住買D野俾佢食啦!

點知佢食左支珍寶珠就夠…話唔駛買野食。

我諗到都好耐冇同佢去公園玩了, 所以就同佢去公園玩。

返屋企之後我好攰, 去訓左一陣。

期間 Max 已經入過黎問過我幾次D字點寫或點串, 我都估到下佢做緊乜。

就係:自己寫聖誕卡俾老師同同學仔!

呢個小朋友真可愛♥

lineb_simple_128_0m
20161118_213357.jpg
準備好哂…筆…課本…仲有係咁叫我 print 俾佢既全班同學姓名list Continue reading “【小一生】寫聖誕卡”

Posted in 【FTM】心情記事, 【LIFE】2016

SHOPPING@AEON。Max揀禮物俾細佬

20161120_131957.jpg

2016-11-20 (Sunday)

c_t2e.gif朝早同朋友交收完畢,就去 TKO 飲茶,之後去 AEON 買 BB 床。
本身拎左張床返黎,人地俾既,我唔知邊個啦….總之張床又舊又甩咁D木,仲要少左粒縲絲…..為何咁都俾得出手既呢?仲要因為咁而要唔到好朋友果張….嗚….嗚……T_T
自己買張新既其實仲好啦!只不過覺得樣樣都係要錢,慳得既都慳啦!而且有D野確係用二手都唔怕嘛!
本來張 High Chair 都諗住買2手,點知…當我見到張椅時,實在唔理得咁多,衰D都要同佢直接講:「唔好意思!我唔要啦!」都怪自己冇堅持叫佢SEND多幾張實物相俾我望下就信左佢啦!但有咁大範圍既污漬,作為賣家都好應該向買家講清楚嘛!以免浪費大家既時間,尤其我地唔係住附近。
我地係AEON唔止買左BB床,仲買埋張 High Chair 添啦!咁岩個 Sales 姨姨推介我地,而且又確係抵!原價$3880,而家折上折只需 $23xx,當埸就決定買,就算冇折上折都諗住買,都係差幾百蚊,但而家再平左更加要買啦!
另外仲買左少量零星要用既野,如棉花球、BB指甲剪刀等。 Continue reading “SHOPPING@AEON。Max揀禮物俾細佬”

Posted in 【開心時刻】2016, 【活動】BB會。朋友聚會

旺中Neway渡過星期六的幾個小時

今個星期六冇興趣班上,取而代之既係另一種活動:唱歌!
一開始就點哂小朋友歌俾佢地唱。Max 唔算好肯唱..但係佢都有自己揀歌, 只不過唱得比較少。
總覺得佢…內心可能諗太多野….
跟住兩個小朋友就玩到錯哂..有時都好想唔鬧佢, 令到佢唔開心。但有D行為又點可以由得佢呢? 我真係太嚴太惡??? Continue reading “旺中Neway渡過星期六的幾個小時”

Posted in 【買】BB用品, 【買】Online Shopping 網店購物

【淘寶好物分享】BB睡袋、折疊浴盆、懶人沙發

近來在淘寶買了很多東西!前後已經有三、四次集運!
今次就分享下面三件昨天收到的東西。

20161118_130041
第一件:嬰兒睡袋

這件嬰兒睡袋的質料很厚, 是夾棉的。(此處購買,我買的價格是84元)
因為上胎用過厚夾棉的睡袋, 覺得太好用了, 所以專程去淘寶尋找。
實在很少出街去買嬰兒用品…唯有在網絡逛街吧… Continue reading “【淘寶好物分享】BB睡袋、折疊浴盆、懶人沙發”

Posted in 我看的

煲劇完畢:太陽的後裔

 

cup026.gif忘了從幾時開始看《太陽的後裔》,應該是一個月前吧?
一開始覺得幾有興趣追看,但看了幾集之後感到有點兒悶。
之後我就看得愈來愈慢了,因為看的時間少了,可能兩三天才看一會。
甚至轉為重看「吸血新世紀」!也沒怎麼追看下去。
今日終於都看完全劇, 原來看到最後面才有點感人…

對我來說, 韓劇不催淚就會悶, 我不喜歡看喜劇類…催淚而又帶有攪
笑成份還可以。

一直覺得男女主角非常不匹配!男主角的樣子太年輕了吧?!女主角雖然樣子不錯,但她好多年前的《浪漫滿屋》太出名了,令我覺得她已經「老」了!不夠年輕…跟男主角就很不匹配。

原來女主角宋慧喬1981年出生, 男主角宋仲基是1985年, 真是男比女年輕”很多”呢…
宋仲基這個名字有點熟, 不知道是否之前已經很紅?
至於女配角(金智媛)原來~竟然就是《繼承者們》一劇中的那個有錢女!雖然我很喜歡這套韓劇但都完全認得出來呢…

Posted in 【小學】Max P.1

【小一生】數學功課

通常星期五放學返黎我都會俾佢玩, 唔洗佢做功課, 星期六先做。
話哂返左成個星期學, 雖然每日都會有時間玩, 但係放假嘛, 俾佢盡情玩耐D。

CYMERA_20161112_091200.jpg

呢份係星期五佢係學校做左既功課, 真係….有冇攪錯….錯成咁都得!!!
係學校做就係咁…佢會好求其, 字都寫得非常醜, 我成日都會擦佢D字。
我都想做到「唔好擦咁多」, 但係實在太多..亦都寫得太求其啦….!!

Posted in 【FTM】心情記事

回顧…又一年!

不只 facebook 有類似「當年今日」的「回顧」, 一直使用的 Google 相簿也有這個功能:「重溫這一天」。好讓每年(幾乎每天)都提提你,一年前、兩年前、甚至五年前,你所拍過的照片。只要你有照片放在相簿,你的 Google account 都會替你找出來, 好讓你重溫一番。

我也是被提醒後才記起, 去年的今日:11月8日, 是 Max 參與「迪士尼美語世界畢業典禮」的日子。
Continue reading “回顧…又一年!”

Posted in 【童書】

【英文圖書】Smelly Ghost – 跟垃圾食物 Say No!!

20161107_smellyghost01
在圖書館借來的英文故事書

Max 很喜歡這本書。
那天剛借完書,已經一邊走路一邊拿著看!
不過也怪我,是我先拿本書來引他的。
因為他沒有用心去找圖書,常說找不到書來借。但為何我又會找到他喜歡看的書呢?
只因他太沒耐性…或者說,他對從未接觸過的書沒有興趣,總是只管去找些曾經看過的、或同系列的書。(這點好像有點似我,不太熱衷接觸新事物?!) Continue reading “【英文圖書】Smelly Ghost – 跟垃圾食物 Say No!!”

Posted in 【孕記】2016, 【推薦】

「樂兒網」拎禮物

改期兩次, 今日終於都”成功”去左「樂兒網」拎禮物啦!

20161104_171847.jpg

幾年前陀 Max 果陣都未流行 Whatsapp group, 而家真係唔入呢D谷唔得呀!
實在太多好叻既準媽媽有呢D資訊!我都係因為見到人地 Share 先識得去登記入會咋!

呢個網好得意, 只要你係懷孕滿八週既孕婦, 持有懷孕證明, 就可以入去登記做會員, 然後約期上去佢地位於荔枝角 (長沙灣廣場) 既寫字樓, 俾資料去登記同佢地合作既各個品牌做會員, 就可即時獲得各會籍的迎新禮品!

好似尋日咁, 我只需俾資料樂兒網職員核對, 佢地就有張貼紙 Print 出黎, 再貼上去唔同品牌既入會form度, 自己就唔洗將D資料寫完又寫就能夠入會啦!幾方便。

不過有D禮品都唔需要填form入會都可以透過入樂兒網而獲得禮品, 所以各個孕媽媽千其唔好錯過呢個「一站式入會平台」呀!!

line17

樂兒網 FACEBOOK / WEBSITE / 登記成為會員

lineb_illust_114_1m

♣FOLLOW / CONTACT US : FACEBOOK

Posted in 【開心時刻】2016

【小一生】全校秋季旅行

今天是升上小學後的第一次旅行, 地點是「保良局賽馬會大棠渡假村」。
不同於過往的是他已經是小學生了, 不再是「親子」旅行啦!
雖然…幼稚園只去過K2那次旅行….

20161104

前幾天MAX已經說要帶相機, 是真的嗎?!這麼小的人兒帶相機…實在很不放心。
不過, 既然他真的很想帶, 而且也曾經當過小小攝影師 (台中旅行那一次), 就相信他吧!

Max 第一攝影集XD:The Old England (Taiwan) ~ Photos by Max

20161104_063649-1

同學們要自備午膳, Max 說他負責帶腸仔, 所以就蒸了一包去 (其實夠不夠呢….)
本想用煎的, 但怕太熱氣, 不如就蒸啦!
重點是….早上五時許起來, 不夠時間解凍呢…哈哈!
至於三文治, 好像有其他同學帶, 但昨天去超市採購食物時, Max 說想要吃芝士, 那就弄一些讓他帶去吧!另加些藍莓, 水果健康有益嘛….近來他還有些咳!

後來收到同學的家長拍的照片, 看到大家都玩得很開心, 我才想起自己忘了給他20元…
之前老師在小一分享會有提過可以帶, Max 也有跟我說過的, 但我這個善忘的媽媽竟然忘了…
看到照片中的同學吃雪條那些, 想到兒子沒帶錢不能買, 心裡很難過…>”<

Posted in 【LIFE】2016, 從遊戲中學習

【益智遊戲】比利時腦力遊戲 “BRAIN CHEESER”

我成日都覺得 Max 係一個…「搜索者」!
因為好多時都會俾佢搵返一D我都唔記得買過既野出黎。
20161102_090155

就好似呢個名為 “BRAIN CHEESER” 既遊戲咁, 前日佢就無啦啦拎住佢, 走黎問我可唔可以玩呢個GAME。

本來係買黎送俾朋友,點知最後約唔到出黎,又成件事忘記左,所以就一直擺左係屋企個櫃桶冇理到啦!

20161102_090213

到底係咩黎既呢?點玩呢?
原來同以前阿仔玩過既某D board game 差唔多!
舊文可參考下面兩篇:
【網購】淘回來的益智玩具和圖書&評語
最近一次在淘寶買的東西

就係「解題」。
下圖見到有綠色&黃色, 紅色&藍色既「書仔」, 入面就係題目啦, 分成4個等級, 由容易到困難。
最後幾頁有答案。
Continue reading “【益智遊戲】比利時腦力遊戲 “BRAIN CHEESER””