今個星期六冇興趣班上，取而代之既係另一種活動：唱歌！
一開始就點哂小朋友歌俾佢地唱。Max 唔算好肯唱..但係佢都有自己揀歌, 只不過唱得比較少。
總覺得佢…內心可能諗太多野….
跟住兩個小朋友就玩到錯哂..有時都好想唔鬧佢, 令到佢唔開心。但有D行為又點可以由得佢呢? 我真係太嚴太惡???
由於返到屋企樓下超市買野時, 又因為佢撞到我而唔識得即時道歉, 我就好嬲, (唉~我都好錯) 即刻同佢返屋企, 然後再鬧佢…唔識禮貌, 整到人要同人道歉等等….
呢樣野由前排開始發生既次數非常頻密！講極教極都係唔識得同人道歉。到底佢係因為太驚？定係覺得其實唔需要？所以拖得就拖？甚至諗住唔講？？
呢張相見到佢就好可憐…我罰佢坐係度直到夜晚爸爸返黎, 除非要去洗手間。佢就攰到咁樣訓左了…(睇下yoyo, 守候著主人…XD)
Advertisements
