2016-11-20 (Sunday)
朝早同朋友交收完畢，就去 TKO 飲茶，之後去 AEON 買 BB 床。
本身拎左張床返黎，人地俾既，我唔知邊個啦….總之張床又舊又甩咁Ｄ木，仲要少左粒縲絲…..為何咁都俾得出手既呢？仲要因為咁而要唔到好朋友果張….嗚….嗚……T_T
自己買張新既其實仲好啦！只不過覺得樣樣都係要錢，慳得既都慳啦！而且有Ｄ野確係用二手都唔怕嘛！
本來張 High Chair 都諗住買2手，點知…當我見到張椅時，實在唔理得咁多，衰Ｄ都要同佢直接講：「唔好意思！我唔要啦！」都怪自己冇堅持叫佢SEND多幾張實物相俾我望下就信左佢啦！但有咁大範圍既污漬，作為賣家都好應該向買家講清楚嘛！以免浪費大家既時間，尤其我地唔係住附近。
我地係AEON唔止買左BB床，仲買埋張 High Chair 添啦！咁岩個 Sales 姨姨推介我地，而且又確係抵！原價$3880，而家折上折只需 $23xx，當埸就決定買，就算冇折上折都諗住買，都係差幾百蚊，但而家再平左更加要買啦！
另外仲買左少量零星要用既野，如棉花球、ＢＢ指甲剪刀等。
Max 一去到都同我地一齊睇野, 佢仲話要揀份禮物送俾細佬添!! 好乖啊!!
佢揀中左既就拎黎問我好唔好, 我就教佢睇, 通常有寫 for 幾多個月或幾多歲玩, 咁佢就繼續自己揀啦! 真係真係好乖豬呀!! 雖然最後佢都係揀唔到, 而且仲有點反常…(一陣講), 但係其實媽媽個心都已經甜哂啦…好多謝你呀 baby….快要做哥哥既 baby…哈哈!
Max 點反常法呢? 佢睇到咁上下, 突然係咁攬實我, 我幾乎行都行唔到, 差D跌, 超級嗲同癡身!! 完全感覺到佢係唔想我睇野咁。我就緊係估到D啦…返屋企問清楚佢, 就可以更確定冇估錯啦! 不過我自己都係做得唔太好, 雖然我冇鬧佢, 但果刻我冇去安撫佢弱小既心靈….掛住睇, 真衰。
睇下佢, 真係成個 baby 咁丫!! (我可能永遠都係咁覺得! XD)
原本要上籃球班, 但途中 Max 已經攰到訓著左了, 所以就冇去上堂。
FOLLOW / CONTACT US : FACEBOOK
