【小一生】寫聖誕卡

星期五放學, 返屋企放低書包同支樂器之後, 我地就係商埸行下諗住買D野俾佢食啦！

點知佢食左支珍寶珠就夠…話唔駛買野食。

我諗到都好耐冇同佢去公園玩了, 所以就同佢去公園玩。

返屋企之後我好攰, 去訓左一陣。

期間 Max 已經入過黎問過我幾次D字點寫或點串, 我都估到下佢做緊乜。

就係：自己寫聖誕卡俾老師同同學仔！

呢個小朋友真可愛♥

準備好哂…筆…課本…仲有係咁叫我 print 俾佢既全班同學姓名list

自從上次有同學生日, 教過佢寫生日卡後, 佢就用返同一方法去寫聖誕卡。
有D貼貼紙, 有D仲畫公仔添！當然唔少得既係祝福句啦～

張卡佢調轉左上款同下款, 即係自己個名寫左去上面, 人地個名寫去右下角。
我話咁樣唔岩喎, 佢就話「唔緊要啦！」
唔可以唔緊要, 因為咁樣既格式係錯啊阿仔！！
我冇叫佢擦, 畢竟係佢既心血…咁努力寫同畫D卡！唯有叫佢其他果D要寫返岩。

見到佢拎左本學校既英文書出黎, 應該係搵返D字點串。
佢咁主動去做呢樣野, 我非常開心！仲要係識自己去搵書, 呢樣先係最值得稱讚！
希望佢繼續對寫聖誕卡充滿熱誠同享受呢種樂趣啦！
大個仔真係大個仔呢！！