“媽媽抱”是否一種特效藥？
4點7埋身，食咗半個鐘，唔夠喉又再食，轉頭又唔食，以為佢夠啦！點知點抱都係喊，個嘴仔又好似搵嘢食。沖奶，只係食咗 20ml 就好滿足咁瞓。放低佢去 bb 床後，我就行開咗。點知行開幾分鐘已經喊到失聲咁滯，一抱即停+瞓著！
如果次次都係咁，我願意努力做好“呢種藥”！
11點幾, 食完奶 (40ml 人奶+60ml 奶粉) 唔願訓, 俾個奶咀佢啜啦！
今次係第二次肯啜, 仲啜得好用力。
不過睇得出佢唔滿足, 雖然啜到瞇埋眼, 但仍然係點啜都訓唔著。
最後, 都係要食奶先訓到….
睇到張相就知道, 佢成塊面都係粒粒呀！
應該就唔痕, 似係會痛多D。
因為我有次唔小心撞到佢下巴, 佢就喊得好勁！
同埋下午爸爸同佢沖金銀花, 用D水同佢抹面時, 又係爆喊。
所以估計係會痛。
慘慘豬….D粒粒幾時先退呢！？
7點幾食完奶, 爸爸見佢熟睡了, 就放佢落床仔。
點知轉頭就醒左！
由於我係房間訓緊, 就抱佢同我一齊訓。
今次將佢攬埋黎, 佢個頭咁樣對住個枕頭, 竟然唔喊！
唔通咁樣有安全感？
爸爸話佢「好需要」（強調係好需要好需要）安全感, 又似係噃！
