星期日, 我地去左九龍灣 Mega Box 行街買野食野。
坐月坐左成個月, 終於可以出下街, 大滿足!!
第一次帶住 Rex 去到咁遠, 之前果兩三次都係近近地去樓下, 只有一次係搭的士約10分鐘路程。
所以今次帶左三餐奶, 三條尿片。飲左兩餐奶, 換左一次片片。
我地一去到, Max 就話肚餓要食野…不過都上左9樓行左陣先, 咁就俾細佬”捷足先登”食左先! BB仔唔餓得…
之後入左玩具反斗城行左…幾分鐘!! 因為我發覺我體力仍然好差, 只係行左一陣已經好攰好攰啦! 好需要坐低休息下。
於是去溜冰場果層食野, Max 又可以睇人打 hockey / 溜冰。佢仲話想去溜冰, 不過今次唔得, 下次啦!
食完野就去 Aeon 行, 買左少少野。
不過呢度開始, Rex 就有點扭計啦, 原來佢要人抱, 仲要打橫抱係唔得, 打直抱先唔喊。
點解呢? 9成係佢八掛豬啦! 想周圍望野…!! 佢有時係屋企都係咁架, 抱住佢就周圍望, 好八掛。
