Posted in 【買】BB用品, 【Rex】成長記錄

Rex ~ Day 88

初生嬰兒的發展的確十分快!

第一日買個健身架返嚟,佢雙手只能夠掂到右邊舊轉轉。(因佢大部份時間側去右邊,所以頭仔右邊都扁咗😢)
好明顯佢係唔識伸高對手。

第2,3日已經慢慢掂到掛住嘅玩具!即係雙手已經識得伸高。
仲係咁”打”D玩具。

呢兩日仲開始用手抓啲玩具添!有時會捉到實一實,就好似平時掂到乜都抓實一樣。

20170331_085416
捉實!(31/3)

Continue reading “Rex ~ Day 88”

Posted in 【LIFE】2016

嘔奶

2017-03-30 

Rex 87 day

今早10點半餵奶粉,點知飲咗一半就嘔哂出嚟!因為只有自己一個喺屋企,第一時間當然係照顧咗佢先啦!好在因為天氣涼涼哋,同佢喺件短袖包pat嘅衫外面著多件背心仔同埋長褲,所以只係除咗呢兩樣嘢就ok,入面果件只有少少濕,我通常都唔會換住。

除咗衫又抹乾淨佢同自己個身之後,細佬又喊啦!因為佢仲餓!嘔哂出嚟嘛!於是成地奶都唔理得咁多,餵埋果兩安奶奶先。

總覺得佢一食奶粉就咳得特別勁…奈何自己飲食習慣唔好,唔想因為咁而影響到佢!其實都係由尋日開始決定減少啲餵,我想睇吓佢會唔會變得好瞓啲!因為佢日頭瞓親都好快醒!

而家一日大約有3餐人奶,雖然每次只係10分鐘左右,仲要係瞓住食,即係食得比平常少,但聽聞一日有50ml都已經可以 (咁當然係愈多愈好啦),所以諗住繼續 keep 住係咁。但佢呢兩日又咳多咗,可能都要去睇睇醫生。星期日果日去完街返嚟後第二日開始,就見佢多咗鼻屎,唔知係咪有少少病…

Posted in 【童言】

【熙言】窩心

今日 grandma 上左黎, 我可以唔駛咩住 Rex BB 去接哥哥放學啦!
Max 一見到我就問「細佬呢?」
我話佢係屋企。
「係咪工人姐姐黎左啦?」
(我都想呀!)
「好野!」
(唔係呀!工人姐姐未到呀…我係話我都想佢到左。點解你咁開心?你好想工人姐姐快D到咩?)
「係呀!因為你就唔駛咁辛苦,成日都要帶住細佬走黎走去丫嘛!」
(嘩~!sweet 到暈呀…乜原來你咁識諗呀!媽媽真係好開心,多謝你!)

Posted in 【LIFE】飲飲食食

坐月湯 (轉後第一日)

之前訂的是湯加餸, 由於期間患感冒了, 所以暫停了好一段時間!
由2月21日開始, 直至今天才繼續, 而且將本來剩下的5日餐+湯, 改為10日淨湯。
這樣更好, 平時包兩個餸, 一個是菜, 另一個是肉類, 有雞或豬肉, 多數都是雞。
但發現他們送來的菜都不是太好…肉倒是不錯的!

他們說盡量每日12點前送到, 今日順豐的速遞員剛好12點到達。

20170316_120802
好久不見了, 我的湯…

其實我好喜歡飲湯, 不過自己懶, 而且會煲的湯也不多。
雖說湯很容易煲, 但功夫也實在很多…

20170316_121327
全倒出來, 先解凍
20170316_175946
晚上6畸, 已經把湯喝完了
Posted in 【LIFE】生病紀錄, 【Rex】成長記錄

Rex ~ Day 67【健康院打針】

20170310 (Friday)

咁快又一個月啦?! 上次去健康院好似唔係好耐之前既事。
今次好勁呀, 朝早7點幾食完奶, 一直到差唔多可以離開健康院前先醒一醒!

20170310_104231
訓足全程
20170310_124601
兩隻大脾仔都打哂

打完針去左西九龍一間新開既餐廳食飯,都係因為張傳單,爸爸話去試下。
佢既comment係差, 咁我個飯我又覺得味道係OK好食既, 只是賣相唔多掂。

Rex 係餐廳飲奶, 飲完同佢坐係度掃風時, 佢咳左幾聲 (呢排都有少少咳) 之後就噴泉式咁嘔奶!
都唔得幾多下….
我自己係第二次見, 上一次就係埋完身之後嘔。
今次可能因為有痰? 定係打完針有D唔舒服呢?

食完飯拿拿林搭的士返屋企, 因為要換片!

返到去以防萬一就同佢食左次退燒藥(回家後第二餐奶前食),之後一直都冇發燒,又冇乜唔舒服,不過就咳多左!唔知同支針有冇關,之前咳聲幾清,而定咳聲好濁,又多左痰,所以飲奶都咳好多次…好慘咁…平時佢飲得急就咳, 但都唔會咳太多次, 而家就飲一餐奶都起碼咳4, 5, 6, 7次….總之飲幾啖就咳啦。

睇返哥哥細個D相, 原來仍打完呢兩支針後係有發燒, 細佬就冇。
唔通因為有食人奶? 而家只希望佢D咳可以自然好…雖然唔係好想佢睇醫生食西藥, 但暫時咁睇佢仲未有好轉。