終於收到D相啦！當然第一時間些牙啦啦啦～～
細佬出世前已經 BOOK 左影相, 因為預產期係2016年12月30日, 所以約左1月8日。
雖然遲左幾日先出世, 但係個日期唔需要更改。
反而因為遲左幾日, 所以細佬比預期中細個！
真係好有 Newborn 既味道呀！哈哈～
睇返佢果陣D頭髮咁少咁順, 有D唔慣!
而家已經好長啦, 又多頭髮!
Ｄ造型未落訂前已經睇中左, Whatsapp send 過俾攝影師話我鐘意呢D。
生完之後又冇認真咁再揀一次, 所以其實上面果堆花花我自己唔係十分喜歡架咋!
但鬼叫自己懶咩…又唔好意思講…因為見到佢地準備左D野同埋已經擺緊D花花…
咁其實都幾靚既!! (如果呢個係女仔, 用粉紅色+白色花花我一定會超鐘意呀!!)
Oh…please ignore 嘴角果一點奶漬。
當時完全冇留意到….睇返D相先知。
Max 仍然係一個好天真既小朋友。
雖然係咁, 但佢唔肯正正經經咁同細佬一齊影靚靚相…
攝影師就同佢一邊玩一邊捕捉, 非常專業! 了解到呢個年齡既男仔係要咁影, 而且亦好有耐性呢!!
佢地上黎果陣細佬就開始肚餓, 等到餵完奶先開始影。
而為左 keep 住細佬既訓覺狀態, 開左D for BB 既聲音等佢好訓D! 仲一直掃佢額頭黎暗佢訓添!
可見佢地的確好有經驗了! 最重要既係有耐性嘛 (因為我冇), 而且兩位都十分 nice!
所以今次影相係開心同滿意的!
(想知邊間請用下面方式聯絡我)
因為我地有一次非常不愉快既攝影經歷(團購), 就係影大肚相啦!
有時間再寫…
BTW, 仲有另一次團購攝影, 果間亦都係一間好好既公司, 全程連埋相, 加埋服務都十分滿意!
遲D一定會抽時間寫的…!!
Follow / Contact Us :
Our Diary 家庭育兒生活旅遊分享
Please support & like my page!
M.R. In UK 