今朝一早就試下著環保尿片, 我等左呢一日好耐啦！
相關文章：我的第一套【環保尿片】Charlie Banana
睇過原來著起上黎都好大舊, 睇過官網定唔知邊度, 話3個月以上建議用兩條片芯, 於是就放入一大一細入去, 所以真係好大舊呢!! 怪不得D外國人成日話 bulky 啦! Continue reading “CB片片初體驗 + Sunday Shopping”
Month: April 2017
Gucci
我承認，喺 ig 被毒到…再去專門店睇過，好鍾意！
雖然好貴，但係我都好耐冇買靚 (貴) 袋啦！買返個都唔過份丫？！
Gucci 轉咗設計師真係唔同哂，我有啲鍾意咗佢！😂
DAY 111 又好多粒粒
雖然開始用美國加州寶寶既金盞花來幫細佬沖涼, 但係依然都係有繼續出粒粒, 不過就好似…係好似比之前少左！不過都會繼續用。
California Baby Calendula Shampoo & Bodywash (251ml)
California Baby Calendula Everyday Lotion (192ml)
上面兩支購自babyhk.com, 分別都係$118。
近來飲奶比之前好少少, 係少少咋!
冇之前咁揀擇…冇扭得咁勁…然後先飲奶樽。
通常都係肚餓就肯飲, 但飲了一大半就停, 其實又未飽, 然後又啜手又好似想飲奶咁既樣子。
估計佢係想埋身…..所以留肚!! 又或者係眼訓, 想要一點 comfort 而已…
有時食食下, 通常又係食到咁上下, 即係丑仔已經唔太餓, 但又未飽時, 就會好似影片咁樣玩…啜下又吐下出來咁。終於都俾我影到佢啦! 不過由於部電話唔掂…所以影到好「疾」, 呢排hang機好嚴重, 9成9係因為影太多相同video, 攪到部機好有問題!
雖然我呢部LG G4攪成咁, 但係我大大話話都用左年半有多(?), 整過唔記得係一次定兩次, 但係依然都叫做用到, 不過真係想換機了!!
我不嬲都對換電話呢件事冇乜興趣, 除非有需要, 但都唔會點研究! 但今次又想研究下到底換iPhone好定係都係用返Android機好。我主要都係for影相, 同埋要有超大容量先得!! 實在影太多太多相啦…
我的第一套【環保尿片】Charlie Banana
生BB之前有諗過用環保尿片, 但係遲遲都冇研究用邊度好, 近日終於決定買呢個牌子試試!
上網買, $790/盒, 有6條尿片+12條可洗片芯。
即係每條尿片內已附有一條片芯, 另再有6條。
不過我發現在尿片入面果條片芯, 比另外果6條大條D, 長D同埋厚少少, 原來大D既係 Med /Large Size, 即係中或大碼, 細D既係 Small Size。
因為用之前要洗4至6次, 而呢排天氣又唔好, 日日都冇太陽咁滯! 所以仲未開始用, 今日先準備洗第三次。
一盒得6條其實唔夠, 不過想試左先…同埋其實我而家已經睇緊其他牌子既comments, 準備再入手！遲D買左/用後再寫！
「茶具文物館」之行
今日全家人一起去街街！
因為哥哥要做功課，所以決定到金鐘的「茶具文物館」看展覽。
Rex 第一次穿叔叔送的這件連身衣，雖然天氣已經很熱，但始終會出入冷氣地方，所以這件都算剛剛好，不太薄。 Continue reading “「茶具文物館」之行”
工人姐姐到了！
等到頸都長，終於來到了！
今日就去 agency 公司接她回家。
暫時覺得她ok的，來到就主動清潔、掃地和執拾。也主動去看看Rex。
而Max就一如既往，熱情地跟她暢談！主動拖姐姐的手etc….所以我不太擔心他不喜歡或不肯跟工人姐姐，反而怕以後會欺負人家，不聽姐姐的話…
電動牙刷 & 續訂 Happy Dragon
好幾個月前玩左個遊戲, 有呢份超吸引既獎品!
但收到e-mail話有少少意外(唔記得係咩問題), 所以要到而家先有得拎!
