講過都要再講，呢個玩具買得冇錯！非常非常好！
一來可以搬來搬去，有時係大床玩，有時放 high chair 上面玩。而且高度又可以調較。
最重要係Ｄ玩具公仔就係佢面前，甚至雙手隔離，可以就住佢去俾佢捉摸得到。
而果三隻公仔又係膠，而唔係布。其實我好怕Ｄ布公仔，成日要洗，又總覺得好易吸塵。事實上，Ｄ布一痴住頭髮，就咁洗係洗唔走，一定要用手一條一條咁拎走…而膠既就隨時抹一抹就得！勁方便。
仲有我最鐘意佢每隻公仔都會發出唔同既聲音！就好似俾ＢＢ摸唔同質地既野一樣原理，可以俾佢聽多Ｄ唔同既聲音，刺激腦部發展！最得意既係佢係咁推打拍Ｄ公仔時，就好似玩緊樂器咁！
最後，就係間唔中都幫到忙，玩玩下可以自己訓著覺（不過有時都會扭一陣計先訓得著），好難得架！唔洗自己抱住暗佢訓喎！
講完玩具，講下佢張被。
平時佢訓ＢＢ床，除左有床單之外，仲一直用緊一塊「包被」墊住係底黎訓。
因為呢張包被夠厚，好暖，而且佢面頭張被係拉鍊，可以拆出來的。
呢排天氣暖返，我就拆走佢張被，俾佢蓋另一張冇咁厚既被，但仍然墊住呢一張。
但係 Rex 既皮膚實在太乾燥！甩皮超級嚴重！睇下呢張相就知…..
初時都冇留意，唔知道原來可以甩成咁！當我發現左之後就即刻拎去洗啦！所以大家都可以留意一下ＢＢ訓既床單會唔會咁。
