整開 Video 就想繼續整！今日就整左細佬食手手既片！
尋晚細佬又係2, 5, 8咁食奶, 前晚就1, 4, 7…
雖然全職湊佢係有時間休息, 訓下, 但咁樣分段訓, 其實都唔多夠精神…
而且亦唔係話每次都訓到！有時真係想訓啦~ 細佬又會開始喊…
呢排成日都係咁樣主住自己隻手！
個腦仔可能諗緊：「呢舊咩黎架？點解癡住我既？？」
哈哈～
以前睇過一D BB發展既文章, 其實佢地仲未知道呢隻手就係佢身體既一部份, 唔知係要到幾大個先知！
差D唔記得寫, 尋晚抱住細佬玩”swing”, 佢竟然大大力咁笑出聲呀！！
笑左兩三次, 之後我想拎電話影video, 但佢已經冇笑出聲了…
呢次係第二次聽到佢笑出聲, 對上果次想寫又唔記得…
只係幾日前, 當時同佢玩緊, 用手指”da~da~da”咁係佢隻腳仔度行到上去佢耳仔。
可能我又配埋音啦, 佢就笑啦！！
