生完B, 成日都留係屋企湊B。得閒就上下網, 睇下 Whatsapp, 所以…好易就會被燒到！
未生B前我地冇乜點準備BB野, 好多都係生完之後先買。
例如前排見谷既媽媽 share, 就去左呢個 Facebook page （泡菜媽韓國生活百貨- Kimchimombaby）度買左塊「Bebenuvo車墊」啦！佢寫話「涼墊」, 夏天咁熱, BB 坐車都係訓多, 之前已經諗緊整唔整個風扇仔係BB車度好, 而家係成張墊, 岩哂啦！見到都OK靚, 就買了。
哥哥細個都係出世之後買左好多野, 不過果陣都未有咩 whatsapp group, 又未興 facebook page 買野, 都可以燒好多＄＄….而家更方便, 真係好難唔被燒！
4月13日過數訂貨, 24號寄出, 今日5月2日收到。
都唔算快, 所以上網買野絕對唔急得！
雖然預左要等, 但總會心急好想快D收到, 有邊個買野唔會？？！其實我冇記住幾時買, 只係心中有數仲有邊D未收到, 如果好似等得太耐, 我先會搵返係幾時買, 視乎係咪太耐先問下賣家。
打開就係咁樣, 好靚!!
(放上BB車照片後補)
Advertisements
