午餐：水蜜桃 南瓜 南瓜飯波
今日再整飯波，亦都好成功！好開心終於整到實淨啲嘅飯波啦！
Snack : 香蕉班戟
媽媽第一次整，都係上網學。雖然網上有教只用香蕉＋蛋黃都可以整到，但今次我就試下用全蛋，因為細佬之前已經食過少少全蛋（大人食物），唔覺得有咩敏感，所以就大膽咁俾佢試下啦！
結果呢，第二日竟發現佢雙手同背脊都出左好多細細粒既紅點！
所以我諗都係唔好俾蛋白佢食住啦！
晚餐：菜心，菜心飯波
因為有Ｄ懶，所以個飯波只係加左自己切碎既菜心，撈埋入Ｄ飯度整成波波。
唔知係咪因為用返普通米，所以唔係咁實淨呢？！
再加上呢位ＢＢ唔係好想食野咁噃～
一開始就已經唔願拎黎食，我拎起引佢，佢就有拎黎食。
不過都只肯食兩三條，同埋揸爛Ｄ飯，跟住就唔肯食啦～（扭計喊）
最近買咗個video editor，試用版有水印我唔鍾意，所以用咗80大元去買！不過效果唔太理想，唔係修得唔好，而係有時用心打咗好多字之後，竟然可以突然間冇咗一半！可能係我條片太長啦！但都冇可能咁樣㗎嘛！我仲好有心機咁一而再，再而三咁打過哂！總共冇咗3，4次。最後我太攰啦！放棄咗一啲字幕…但真係嬲嬲哋呀！
Anyway，細佬食嘢嘅片暫時冇出事，可能真係因為片長比較短啦…整咗今日全日精華片段！去片~~
Advertisements
