做咗ftm咁多年，我諗我近排先開始算合格！
尋日去 Taste 買咗好多正嘢！分享吓呢幾包意粉。
3包都係0納，啱哂 baby 食，尤其 BLW 嘅BB。
不過左邊果包就細粒啲，要抓握能力好啲先試到。
我今日就先煮中間果包 ~ Delverde 嘅蝴蝶意粉，睇落個外形係最易俾bb拎嘅！
不過Rex似乎唔係好咬到！定係懶呢？成餐都食少好。
用嚟撈意粉嘅白汁就係一向都用開方法整：奶粉 + 麵粉 + 芝士。
呢包芝士都係尋日買，因為 bb 最好係食「真正」嘅芝士，而且必須要完全成熟，納含量每100g唔好超過600mg，咁就可以啦！
呢啲我教係上網得知嘅，大家可以參考呢度。
呢包 Emmental cheese 就好 fit 啦！因為佢只含 320mg sodium (per 100g)。
另外又作新嘗試！用前排喺惠康買啲無激素雞脾扒 (400g)，攪碎，加埋洋蔥、粟米、紅蘿蔔同一隻蛋，本來想整雞肉丸，點知可能洋蔥多水，攪到太濕，整唔到肉丸型，唯有加啲粟粉 (4茶匙)，再將啲蓉分隔入 tray，分咗少部份拎去光波爐焗，180度焗11分鐘，反轉再焗5分鐘。攪掂！Yeah! 拎得起，唔易散。
但如頭先所講，Rex只係食好少，呢塊雞應該只係食咗2啖仔咋！
呢段玩同掉食物嘅日子幾時先完呀？
