首先講吓晚餐有啲咩食。
1) 三文魚+菜心+蛋黃+糙米白米飯波
2) 菜心莖
由於Rex下午3點半左右醒咗到晚飯時間 (7點幾8點) 都冇瞓過！本來都好驚佢會太眼瞓而唔肯食，點知竟然幾乎同我掃哂所有嘢！
今次堅唔係掃落地！本身我一開始放低個盤，佢就拎乜掉乜，我嬲嬲地，已經一見佢掉就捉住佢隻手，平時最多擋吓，唔俾佢掉到落地。今次我見佢掉多幾掉就成盤拎走，然後逐啲嘢分批放喺檯。咁樣佢反而開始拎嚟食！丫…明明肚餓，都要掉餐飽先！
有時佢一邊掉，隻狗就一邊喺附近等食，好好似佢餵緊狗咁！😑
然後呢一餐就係佢一路食，我就一路將啲嘢食放喺檯。最後仲食到冇哂，連喺檯上面啲碎哂嘅都拎嚟食！從未見過嘅奇景呀！！
