晚餐：芝士薯仔西蘭花焗蛋，西蘭花，雞鎚
開頭食得唔好，成日掉嘢食落地，食食吓又喊想人抱抱。估唔到氹吓又唔理吓佢，最後可以清哂盤入面啲嘢食！又有一大進步啦！太開心了～
《我識拍手啦！》之前一直都有做呢個動作，但係今次佢一拍，我就俾好大反應佢，佢好似更加開心咁繼續拍。果種感覺又唔同左！其實好多時佢學識一樣嘢都係比我哋發現為早，只係我成日都覺得「未必係」，所以先後知後覺！
細佬近來又瘦咗，唔知係咪因為BLW食嘢唔夠。但其實佢飲少咗好多奶，有時夜晚BLW完都唔洗補奶就瞓到朝早。
但呢幾日唔知咩事，朝朝都晨咁早就醒！試過4點幾，5點幾，總之同之前相比早咗好多！前排係可以瞓到6點幾7點幾都有。
尋晚，應該係今朝……我完全冇睇時間，佢喊我抱佢同我哋一齊瞓，佢「囡囡吓」就自己瞓返，一直到朝早7點幾。咁至係㗎嘛！點可能4，5點果轉要起身飲奶奶㗎？
M.R. In UK 