早幾日病咗，間唔中都周身攰又頭痛，仲要瞓住覺時骨痛！辛苦到暈！不嬲都唔鐘意食藥，所以冇睇醫生。今日病情又好咗好多喎！又手痕要整吓嘢食先安落。
繼今朝整個一口藍莓燕麥後，又整咗南瓜同菠菜麵條。(南瓜麵條跟呢度整, 兩款都冇落鹽)
其實十分容易整！只要個麵團唔好太濕又唔可以太乾 (講廢話)，同埋用多啲麵粉防黏，就已經OK。
晚飯前又開始整芝士麵包，用食飯嘅時間去等發酵，食完飯又開工！
整到咁上下又要等麵包第二次發酵，又忍唔住整多個藍莓 muffins 俾細佬食！真係全日冇停過咁滯！但我都有瞓咗陣午覺㗎！嘻～
