雖然Rex啱啱先至14個月大, 不過我想為戒片片做定準備！
所以就揀咗上圖果套 “Best Bottom Potty Training Kit”。
另外, 因為屋企用緊嘅片片已舊, 唔係話唔可以繼續用, 不過我真係好想同佢換多啲輕巧啲嘅片! 而且有啲牌子吸咗VV就會勁臭！當然同時間有關, 但只不過係隔耐少少都會好臭喎！我仲有好多其他牌子可以對比, 所以我真的不能亦不想接受….！
又有啲牌子雖然唔算好臭 (點都係會有啲, 分別在於是否強烈!!), 但質地就偏硬, 我覺得唔夠舒適。
今次就主力只買 Best Bottom 呢個牌子, 因為佢係片殼同片芯分開, 又有 button 可以扣實, 條芯唔會周圍走, 呢樣好緊要呀！大家都知道, 啲 BB 幾咁活躍㗎啦！換片又點會同你乖乖瞓喺度唔郁任你舞。呢個時候, 我唔想仲要去 adjust 冇固定到嘅片芯囉……
另外一個重點就係佢啲片芯仍然好柔軟, 感覺好舒服, 我買既係 “Stay Dry Bamboo – Large”。
今次想試下第二款, 就揀咗 Bamboo, 同 Bamboo Overnight。而家夜晚用緊即棄式, 唔想咁臭嘛……我又唔敢博用一啲比較薄嘅環保尿片(Flip, Best Bottom) Best Bottom 呢隻片芯我怕唔夠吸。
講返今次我都係 Nicki’s Diapers 度買, 原來星期六 order 仲有 giveaway 添！！
但如首圖 Order Summary 所見, 只有3位幸運兒咋！！唔知有冇我份呢～嘻嘻！！
Order Summary 第二張相果份係 Free Gift, 買滿 USD 49 就送俾你, 唔洗抽獎。
買滿 USD 100 同 200 又有另一款禮物, 我記得滿 $200 好似係送 Bamboo Blanket, 都幾吸引！可惜我冇乜野要買了, 或者遲D要戒片片果時就要再入貨。
但如果你係新手媽媽/ for new born baby/ 入定環境尿片做準備, Nicki’s Diapers 真係一個唔錯既選擇。
相關文章：
M.R. In UK 
Halo,
我家小男孩現在7個月了，之前也在日本西松屋買了一些尿布給婆婆使用(平日返工時間是婆婆湊)，婆婆現在用了尿布差不多1 個月亦表示會繼續使用尿布，請問你用了這麼多款尿布覺得那款比較好(易清洗、易乾、防漏好)? 我本來心儀Alva Baby, 但見你用Best Bottom 又好似好好。花多眼亂，太多選擇了
謝謝你
防漏其實隻隻都幾好! 唯獨是 R 字頭….初初幾個月都會有少許滲漏, 不過用到而家, 又冇再漏, 唔知點解?! 仲有環保尿片真係比即棄式尿片防漏更更更好!! 所以揀用尿布呢個決定好明智! 咁最好呢, 應該都係 Best Bottom, 其次我會揀 Flip 同 bumGenius, 質料比較舒適。易乾既話就用D薄D, 例如 stay dry, 不過就要換密D! 因為吸水後都會好濕!! Alva Baby 其實都可以買D, 因為平嘛!! 當後備都好(建議最好有3x條)。佢既設計比較大條, 都有好處ga! 希望幫到你=)