大推大推大推～～～

呢間「モリタ屋」既壽喜燒真係好食到暈呀!!! 想試下壽喜燒既可以諗諗佢。

行程第五日, 上午著和服, 下午還和服再去嵐山「快遊」。因為去到果陣時間已經唔早, 我地又慢慢 hea 行, 走果陣D商店都開始關門。

跟住就搭巴士去三条, 目的地就係呢度: モリタ屋 食晚餐。

我地係嵐山搭6點2車, 去到三条要差唔多成個鐘! 不過可以體驗搭巴士+望下外面既風景, 都唔覺得坐左咁耐。

大約7點半去到, 但因為我地冇Book位, 接待員初頭同我地講話 full 哂, 果下都幾失望。點知隔離果位姨姨就同佢講話可能有位, 所以我地就企&坐哂係門口位度等, 終於可以入座啦!

好 Surprise! 間房係「個室」!! 好正!! 

即係一間獨立既房間, 仲要唔細, 仲要係好大間!! 仲有仲有, 就係有一邊「間」左出黎, 有敞門, 入面有兩張櫈一張枱仔! (不如叫佢休息區, 好似真係咁既名) 仲要有個大窗添!!! 正到不能夠形容!!

雖然係冇靚景, 但係響間房入面有得咁樣望出去, 心情都即時舒暢左!!

MENU除左日文外, 都有英文。

我地當然係要食壽喜燒啦! (すき焼き)

揀左兩個「極み」, 同兩個「松」。

食物送黎果陣, 都唔係好難認出邊樣係屬於邊個餐, 因為「極み」係多D野食既。

主角出埸啦! 超級期待!!

Max 想忍唔住要 lam lam 脷!!

大家放心, 有專人會幫你煮/燒 (??) 個牛肉, 同埋之後D餸菜。

煮完了~~ Max 竟然一口氣食左兩碗飯, 食完仲不斷話要食。

事實係, D牛真係超級無敵好味到爆炸!!!

而間房最特別既地方係…有埋呢張BB用既床仔/換片墊!!

超級細心同貼心!! 唔怪之得頭先去到問有冇位後, 仲要等咁耐啦!! 原來係要準備呢D野!!

日本人做野真係細心到你服到貼地呀!!

睇下呢兩婆孫 (Sorry…grandma^^ 呢個時候只有呢個形容詞) 訓得幾舒服XD

由於大家都食個不停, 而且一埸黎到, 又咁好味, 緊係要食返夠本啦!

結果我地再追加多個「極」, 埋單就5萬多D。

雖然好貴, 不過物有所值! 回味無窮!!

差D唔記得講, 呢間分店係有「納涼床」架! 想體驗一下既一定要事先預約。

モリタ屋

官網: http://www.moritaya-net.com

是次用餐分店「木屋町店」: http://www.moritaya-net.com/restaurant/kiyamachi.html#shop_view

地址: 〒604-8001　京都市中京区木屋町三条上る上大阪町531 地圖