Posted in 【Rex】成長記錄

【23M13D】影子

尋日同今日都要去尖沙咀上堂,懶媽媽唔慣早起身都要起……好耐冇上過上午嘅堂啦!今日係11點半。

因為去果陣呢個BB瞓緊覺,又想佢瞓耐少少,所以就推BB車。尋日冇推,幾乎自己行足!只係抱過唔超過5分鐘。叻叻!

返到屋企附近放佢落地行,好似發現新嘢咁,一路行一路望住自己個影子!

其實佢得幾個月大果陣已經有留意過,仲走去捉啲陽光射喺屋企地板上嘅光線!

之後我有時見佢有望影子,都會扮吓手勢引佢玩,但從來都好似冇太大興趣咁。

今日終於都再次留意到,同佢用影子 SAY HI 又會望住個影同我講返 HELLO。

是日WF嬰幼兒活動:當一位小偵探

Advertisements