細佬真係好鐘意寫字！！亦都好鐘意睇住本書來讀。
雖然仍然係未認得D字, 但佢勝在唔怕醜, 自己作D語言出黎！
而家間唔中都會叫我幫佢影相, 例如見到D好我意既公仔, 又或者見我影緊佢, 就即刻扮個得意樣俾我影。
今日同佢去街就係咁啦～我地去左尖沙咀個遊樂埸玩, 估唔到人少到呢！可能因為係閒日, 雖然已經下午4點幾, 但附近冇乜學校。
一去到冇耐已經有個哥哥問細佬可唔可以一齊玩！
呢個哥哥已經4歲啦！知道細佬唔敢行一條橋咁既野, 就鼓勵 + 夾硬迫佢行, 好攪笑。可惜哥哥好快就要走啦。
之後見佢好似同個外藉既姐姐玩緊咁, 佢係度同人地講外星話, 人地可能見佢都唔知講乜, 怕左佢！
玩左一個鐘左右就返屋企, 好在有帶野食, 臨走果陣佢係咁要我抱, 通常都係因為肚餓！反而眼訓又未扭抱扭得咁緊要。
呢個新既 McQueen 水樽細細個好岩佢而家咩, 車左個 backpack 俾佢好鐘意, 出門口果陣係都要拎D無謂野擺入去…另外仲有幾架玩具車, 然而就 backpack 同水樽都話要自己咩！
{Life.Learning.Travelling} Our Diary 