【英國。購物】由賣家變買家@eBay

多年前, 我做過 eBay Seller。

估唔到, 而家我要做 eBay Buyer！！

仲可以用返以前個 Seller Account, 哈！

近日諗到有D咩買就一定係上 eBay 或者 Amazon 搵。原來, 最方便嘅都係呢兩個網站。

分享下買左D乜：

抽油煙機隔油紙 — Cooker Hood Filter
屋企果張已經隔唔到D油煙啦！（£3.23）一包有兩張, 可以自己剪啱個 Size, 都OK！

香薰機 — SEPOVEDA 400ml Essential Oil Diffusers
本身帶咗香港果部過嚟, 但兩間房嘛, 唔夠用, 買！🤣

全棉雙人床單 — 100% Cotton Duvet Cover Set
都係唔夠用, 而家四個人三張床, 兩個仔自己瞓一人一張床, 開頭嚟到冇留意買咗唔係全棉, 所以今次一定係買全棉, 但要靚又要全棉原來都唔易搵, 好在呢張啱心水, 而且質量都唔錯, 已經用緊啦。

印度酥油 — KTC Ghee
之前喺香港食開嘅牌子係 iherb 買, 點知嚟到呢度竟然冇, 去過一D Supermarket 同D小店都搵唔到, 唯有上網買啦。點知買完之後俾我發現, 原來 TESCO Extra 有第二隻牌子買！仲要價錢平好多…..所以下次用哂會去幫襯 TESCO Extra。
如果大家唔知 Ghee 係咩黎, 推介俾大家！用佢黎代替牛油, 健康好多。👍

矽膠隔熱手套 — Pair of Silicone Heat Resistant Oven Gloves
呢樣真係需要, 除非你唔蒸野食, 我地就係因為要蒸包包, 先發現呢度冇香港用開嘅「碟夾」, 唯有上網搵。如果打算過來英國的話, 覺得有需要嘅要記得自己帶定呀！

香薰精油 — Essential Oil
用開果D唔寄得, 唯有買啦！最愛 Lime Oil 😍

Elemis 保濕精華 — Elemis Hydra-Boost Serum

咖啡紙 — Coffee Filters Papers

暫時收到幾樣野, 其實如果係搵返英國 seller, 佢寄出之後一般都係好快收到。

好似個全棉被單+枕頭套咁, 19號買, 20號中午就已經收到, 勁快！！

當然都有D會耐少少, 隔熱手套 我18號買, 今日先23號先至收到, 雖然好有可能係 Made in China, 不過質量都非常好！

雖然話去D專門商店好似有保障D, 但我覺得有好多野都係上網買方便, 再加上有時D少見既野就更加啦！上網 search 就搵到啦！唔洗問人呢樣邊度買, 果樣又可以去邊度買咁….！