Posted in 【英國】學校篇 (2021)

Nursery 畢業典禮

上星期收到 nursery e-mail 話黎緊下星期二會舉行”Graduation Ceremony”,頓時覺得好奇怪。

咁就讀完左個 nursery,咁就開始返小學啦!?點解好似乜都冇做過就升小學咁既?

雖然明明知道只係讀一年,又明明知道5歲(未夠)就會讀 Reception,但係事實發生時,原來仍然感覺有少少難以接受……

如果係香港, 佢仲係讀K1咋!如果仲係香港,佢只不過係升K2咋…….

所謂既畢業,完全唔能夠同香港既幼稚園比較!雖然我仲未去參加,但係單單係諗,就已經覺得成件事好神奇。呢種畢業,就好似係香港讀完個Playgroup,或者好多叫做學前班咁,上幾個月就話畢業著袍仔。有點兒戲。

當然,唔係話佢兒戲,小朋友係度確實係渡過左好多個早上 (數返都有72日),不過就點都冇得同香港既幼稚園比…..

有時覺得細佬冇得讀幼稚園係種損失……甚至唔只一次因為諗到呢樣嘢而唔開心。但如果一諗到佢放學返嚟喺我面前唱@歌,我就……覺得好慶幸。

Posted in 【精油。芳療】, 【英國】生活篇 (2021)

【精油 DIY】驅蚊(蟲)膏 – 盒裝方便攜帶

轉眼間,2021年已經過左4個月,好快就開始步入夏天啦!

黎到呢邊未夠一年,天氣既變化仲未完全體驗哂。由一開始(10月)到埗時覺得好凍,到12月至2月時真真正正既凍!直到而家所謂既春天,冇錯好似回暖,但係氣溫依然由零至12度左右不等。只不過係因為一來日照時間長左,二來個太陽曬得耐左,又唔知點解個太陽好似特別熱咁!如果冇出去,有時係屋企都真係要換短袖衫褲,連我咁怕凍既人都會換!(不過涼返少少就要換返長袖!)

周圍d花花草草樹木都好似由沉睡中起返哂身!明明出面棵樹黎到果時一塊葉都冇,到而家竟然開哂花!!

雖然未見有好多蚊蟲(但開始有螞蟻),不過做定準備都係有需要!所以今次整既係驅蚊(蟲)膏。

Continue reading “【精油 DIY】驅蚊(蟲)膏 – 盒裝方便攜帶”
Posted in 【精油。芳療】, 【英國】生活篇 (2021)

【精油 DIY】乳木果油+椰子油乳霜 (小朋友可用)

喺英國有時都好得閒㗎!雖然話冇工人乜都要一腳踢,但係時間點都係有嘅!

呢排就開始學吓自己整 Lotion / Cream 啦!因為對精油 (Essential Oil) 有興趣,愈睇就愈想自己整嚟用!之前都為咗兩個仔嘅健康而學整嘢食,其實用喺皮膚上嘅嘢都一樣要注意吓,冇咁多化學嘢一定係件好事丫。🤣

第一次整就緊係搵啲簡單啲啦!如果你係新手就更加啱哂。呢個乳霜未必係最完美或最適合你,不過如果想加入呢個 DIY 行列嘅話,都可以話係入門同必試。而且我打算之後都會繼續試吓整其他唔同嘅 Lotion / Cream,有興趣記得 follow 我個 blog 呀!或者 Facebook Page,不過就好少 update,like 咗都叫做搵得返丫!😅

其實自己整乳霜係一啲都唔難,可以話超簡單!最緊要係買到啲材料。唔知點解硬係覺得喺香港係難買啲,呢度可能慣咗樣樣上網買,所以只要 search 吓就好輕易就搵到,而事實上呢邊嘅選擇就好似多D。

我呢次所有材料都喺 Amazon 買。

首先第一種材料就係乳木果油。(Shea Butter) 我係買呢隻:連結 Link

材料1:乳木果油(SHEA BUTTER)

好多 DIY Lotion / Cream 都會用到佢,睇返原來係因為……

一來佢係純天然嘅植物油脂,非常溫和唔刺激,連敏感皮膚都用得,BB同孕婦都可以安心用。

二來佢嘅油脂可以做到深層滋潤,防止皮膚乾燥爆裂,又好容易被皮膚吸收,仲可以喺皮膚表面形成一層保護膜,洗都唔係咁容易就洗得甩。

三來佢含有天然嘅抗氧化成份,同埋維他命 A, D, E, F 等等,促進表皮細胞再生!幫助延緩肌膚老化。

總之要保濕又要 homemade,好大機會都會用到佢。

Continue reading “【精油 DIY】乳木果油+椰子油乳霜 (小朋友可用)”
Posted in 【英國】生活篇 (2021), 【買】Online Shopping 網店購物

【英國。網上購物】Cashback

知道很多人都打算 / 計劃 / 準備前往英國,有很多想寫的……不過想想就覺得這篇講的一定要早些讓大家知道!

就是,在英國 online shopping 十分流行用 “Cashback” 的方法來省錢。

Cashback 的意思就是每次當你在網站購物後, 有一定的現金回贈。換句話說,即是你每次買東西都有便宜到!留意!必須先成為那些網站的會員後,依據網站上的連結前往完成整個購物程序,包括收貨後沒有任何問題如退款退貨之類,一定日子後就會有現金返回給你。

剛來到英國的時候,要為家居添置很多東西,例如電器、傢俬、廚房用具等,上網購買通常都可以免費送貨!又可以多看幾個網站格價比較一下價錢。如果能好好利用這些 Cashback 網站,肯定有你著數!😆

Continue reading “【英國。網上購物】Cashback”
Posted in 【童書】, 【學習】, 【推薦】

【免費eBook】OxfordOWL

相信很多家長都知道 Oxford,而這個 OxfordOWL 的網站又知道嗎?

這個網站超級值得推薦!由大仔(哥哥)小時候開始,我已經加入會員了!

以前常常跟哥哥一起選故事。但到弟弟就很少了,一來環境跟之前不同,弟弟比哥哥有更多機會接觸英語,所以我已經忘記了這個網站的存在!😂

近來哥哥在英國的小學也有 OxfordOWL 的 link 建議學生去看圖書,這又讓我記起她了!立即把已忘了密碼的戶口重開,好讓弟弟也可以去看 eBook。

Continue reading “【免費eBook】OxfordOWL”
Posted in 【英國】學校篇 (2021)

【4歲2個月。Nursery】寫英文字母

疫情關雖然而家仍然係 Lockdown,但小學已經喺3月8日,即係上星期一開始復課。細佬都跟哥哥一樣,等到8號先開始一齊返學。而今日就係第二個星期,由於佢一星期只係返三日,所以今日係復課後第4日返 Nursery。

放學果陣通常老師都會同我哋講幾句佢喺學校玩啲乜,”dinner” 食啲乜咁。今日就同我講話佢好鍾意畫畫!喆亦都好努力咁將佢幅畫 show me😂

原來佢自己自發性地寫哂呢26個 (27?!A前面仲有一個🤣) 英文字母,媽媽真係超級感動😭

Posted in 【英國】生活篇 (2021)

【英國。日常】拆禮物啦😆 (家檔到)

尋日啲家檔終於都送到嚟喇!由1月中到今日收到,用咗足足兩個月時間,其實就同網上啲人講嘅同搬運公司估計差不多啦!

本身係星期三啲家檔已到,但係因為佢喺我哋啲箱上面放咗人哋一樣重成500kg嘅嘢!仲要佢㗎車冇嘢可以搬箱,咁我哋又點搬啲箱呢?結果就冇得拎……再安排咗今日送嚟。

今次就好好多,有司機幫手又有架可以搬貨嘅機 (唔係好知部機叫咩名),咁就順利落哂貨。

不過其實今日送嚟之前都出咗少少事……就係我哋上一單果個人拎錯咗我哋啲箱,仲要即場拆開咗先發現唔係自己嘅,真係暈😑

Continue reading “【英國。日常】拆禮物啦😆 (家檔到)”
Posted in 【英國】生活篇 (2021)

【英國。遊玩】英倫西北面的Chester

雖然過來英國已經4個多月了,但我們是第一次到這個地方:Chester

Chester 在哪裡?

我有沒有提過我們是住在英國的西北面?(North West England)
從我們家駕車前往需時約50分鐘。
如果從 Manchester 曼城或 Liverpool 利物浦搭火車約一小時, 從倫敦則是兩小時多。

未過來英國之前,我對英國可算是達到超級不熟悉的程度!除了 London, 曼城和一些聽過名字的大城市外,其他地方,就如今次到的 Chester 根本就完全不認識!!之前說過,我們未去過英國旅行呢!如果曾經有計劃過的話,或多或少都會對旅遊景點和地區有點認識。

Continue reading “【英國。遊玩】英倫西北面的Chester”
Posted in 【買】BB用品, 環保尿片 Cloth Diaper

【環保尿布】不可缺的抹布!Reusable wipes

環保尿片的同時, 還需要用 reusable wipes 來抹便便, 無需常常買濕紙巾, 這樣亦都更環保!

一開始的時候, 我用的是: OsoCozy Flannel Baby Wipes – Reusable And Washable – 15 Pack (Unbleached)

osocozywipes1.jpg

 

要買幾多才夠呢?

上面為例, 15塊為1套, 最少要買兩套, 可以的話3套更好!即45塊。

雖然我家的是男孩, 但每次換片無論開大或開細, 我都會用來抹一抹, 這樣最少用一塊。如果開大, 用量也不會太多, 因為一塊已經可以抹走很多了!這是濕紙巾無法媲美的!!!!最多也只會用5塊, 那已經是又抹前又抹後超級乾淨的用量!

這樣計算的話, 一天換6次, 包括1次便便, 最少要用8塊 (只算1次開大, 用3塊)。
預鬆一點, 如果一天換8次, 包括2次便便, 那就要用16塊 (開大用5塊)。

兩天洗一次片片跟抹布(可以一起清洗的), 16塊x2(日), 兩套的話30塊還是不太足夠, 除非是每日洗啦!

由於沒有計算過就只買了兩套, 所以後來我也加碼買多些!又因為喜歡嘗新, 所以第二次就買了這款: Bumkins Reusable Flannel Wipes

bumkinswipes.jpg

哪款比較好用?

個人認為是後者!質料比較柔軟, 即使洗了多次依然比 OsoCozy 軟!而且也比較大塊一點, 推薦大家買這款!而且一買就是 36 條 (另有12條可選), 兩日洗一次都夠用呢!

不知道大家對100%認證的有機棉有沒有興趣呢?(100% GOTS certified organic cotton)

最近看 Amazon 及發現原來有這個選擇!

按此連結

用環保尿片真的慳不少尿片錢!反正要洗尿布,這種專為環保尿布而設的抹布絕對要一起買來用!既環保又健康更省錢!

除了用來代替濕紙巾之外,更看到有 Commend 說用來代替卸妝棉去卸眼妝呢!!

Amazon Baby

Save 50% on select product(s) with promo code 50LZQLGY on Amazon.com

Posted in 【英國】生活篇 (2021)

【英國。遊覽】Beeston Castle

來到英國之後已經分別經歷了/著兩次 Lockdown,很多地方都還沒有開放,但我們天天關在家裡實在悶到發慌,只想找個地方去去,即使明知道這個城堡在關閉中,依然打算去走走,沒有想過真的可以進去!當時也不知道自己「已經進去」了。

就是說,我們本來就不是打算來「參觀」的,而是到附近看看這一帶是怎麼樣,好讓將來想去的時候大概知道是怎樣。

結果,我們「誤闖」而且已「參觀」了這個城堡!!

來之前早就知道沒有開放,而且在城堡對面的停車場付費機也寫著 “not in use”。儘管如此,一場來到當然下車到處去看看吧!這也是早就計劃好的嘛!

BEESTON CASTLE AND WOODLAND PARK

Beeston Castle
Beeston Castle 正門

我們到達後,沿著城堡的正門往左邊走,當時也有其他人在前面,就想:走這邊肯定沒錯。

走著走著,見到城牆有一道大門打開了,就走進去看看。見到有個人坐在遠處的長椅上,心想:這裡應該是可以進來吧?當時還是有點疑惑的。

入到去見到後面有個女人坐著,旁邊放了單車 (看到嗎?)

但因為見到有人從山坡上走下來,所以就以為這裡是開放的!沒有想過這原來是已關閉了的 area!!😖

右邊就是上城堡的斜坡
再上面又是一道圍牆

我們是後來走完了幾乎整個區域後才知道。因為當我們返回接近大門的位置前時,有個拖著狼狗的男人跟我們說話。他問我們有沒有看見其他人在裡面,我們說見不到有其他人,然後他就說了一試話,我聽不太明白,但之後他說有人拆了門上的鎖走進來,說這裡現在是關閉的,所以是不可以進來的。

哎呀~ 竟然是這樣?!我們豈不是變成了……非法闖入……?!那一刻才如夢初醒……想想也是,裡面除了一開始見到的女人,從山坡上走下來的兩個人,還有一家四口之外,就再沒有其他人了!如果是個開放的地方,也未免太少人來了吧??

Anyway,我們已經參觀完畢了(真的是無心之失),那個男人也沒有跟我們說些甚麼,所以沒有發生任何事……(汗)

不過還是奉勸大家要留意一下,打開了的大門不一定就是可以進入的喔!尤其到了外國的地方…….因為太多不知道的情況,也不熟悉當地環境,這次算是上了一課。

BEESTON CASTLE AND WOODLAND PARK

Website : 官方網站

Posted in 【英國】生活篇 (2021), 【LIFE】飲飲食食

【英國。生活】逛Market

在我們家附近的一個小鎮,有一個只在星期四開放的 Market。

Lockdown 之前曾經上網想發掘一下附近有些甚麼地點可以去時,就發現了這個 Market。不過由於各種原因,一直都未去過。

今次因為爸爸說想去 market,適逢到了星期四,當然順理成章來逛逛。

Sandbach Market
Sandbach Market

附近有個免費停泊兩小時的 Carpark,旁邊有另一個只可「短泊」好像是20分鐘左右的 Carpark,那當然是要泊兩小時的那個啦!

不過大概是因為疫情的關係,只有寥寥數間店舖……如果只計算「流動的」有一間賣魚和蛋的、一間賣Pie的,還有一間賣蔬菜水果的。在 Town Hall 入面有4間固定的舖位,只開了3間,分別是賣芝士和蜜糖的,賣糖果的和賣肉類的店舖。

所以,真的沒有甚麼好逛😅 全程用了應該不用半小時吧?🤔🤣

蘑菇一包超級多!只需 £1😱

我們買了一大袋蘑菇,只是£1!一盒8個的布冧也只是£1。

英國人很愛吃的魚:Cod,我們也買了一部份,回家量一下,接近800 grams!價錢大約£18。

Cod Fish

另外還有已製成的魚餅,回家焗25分鐘就食得!

Fish Cake
2磅多,4個

味道都可以……

Posted in 【英國】生活篇 (2021)

我們已經搬到英國了

實在太久沒有寫BLOG,這兩年間發生了很多事,大多都是不太開心的……而去年2020年,我們更決定要離開香港,到英國定居。

兩個孩子都已經找到學校,而且正式上學了好一陣子。但因為最近又再LOCK DOWN,所以大的 (小學 YEAR 5) 不用上學,小的 (NURSERY) 當然也不要去冒險吧!兩個已經待在家裡快一個月了。

至於我們的日常生活,以後再在 BLOG 裡面寫吧!

Posted in 【FTM】心情記事

又沉迷玩 Game?!

因疫情而停課已兩個多月了,不只有孩子們覺得悶,我也悶到發毛了……

雖然有件有意義又重大的事情可以做:車縫口罩!但都無可能一起來就車,車到吃飯,飯後又車,不停地車吧?重點是整天坐著車呀車的,也會很累。

所以,才會發生這種情況:手機app玩個不停!

如果我專注於一件事情,就會整個人都「瞓哂身」去做。(我承認最瞓身的會是打機)

自從孩子出世後,我已經沒有很大癮。特別是第二個孩子出世之後,更是完完全全地改變了。除了對打機絲毫沒有興趣外,也對酒類物品生人勿近!😌

但近日真係又有人生中的大改變!那就是……竟然學人用手提電話玩遊戲!都是淘寶惹的禍😠😠😠 (因為要做每日任務而入坑😂)

我最愛玩的是這種模擬遊戲😉 現正在玩的是:”Designer City: building game” 和 “City Island: Builder Tycoon”。

因為天天只可以「乖乖的」留在家中,除了追看劇集外,手機不停滑是常識吧?😂 但有時真的沒有甚麼好滑的,就變成打機……個人是這樣而已😆

Posted in 我看的

韓劇《梨泰院class》

最近的生活除了車縫口罩和衣服外,又加入了追劇這個環節。

我沒有很努力地追,都是先生開了劇集來看,我就一邊做自己的事一邊看,可以說是不太專心。但其實呢……已經算是很專心了!因為大多數是在兩個孩子睡覺時追看。要是他們未睡,尤其弟弟,我就會變得很忙,很難邊看邊「招呼」他。😂

我在電腦上已經看過兩集,沒看完就被《愛的迫降》的強勢奪去我的煲劇時間了!

《愛》未看完,反而先看完這套。前面說了,是孩子爸爸想看呀!既然我本來都想看,那當然要一起看啦!(好像有種強迫自己要完成一件事的感覺)

評價是……超好看!好感人,卻出奇地沒令我流下一滴眼淚。(肯定是因為未夠非常專心😅)

10分滿分,我會給9分。

☆☆☆☆☆☆☆☆☆

那1分是甚麼呢?就是開頭的節奏好慢,慢到我都跑去看另一套了!但想不到真的很好看呢!

不作任何劇透,也不怎麼評論了!哈!就只是記下來,大家看到分享的話,可以讓大家知道,這是值得花時間看的韓劇!(香港人太忙了嘛!😌)

Posted in 【FTM】心情記事

一些小事。

Kids Story App: inFable

剛 download 了這個 app,目的是讓孩子入睡前多聽聽英語,而且也都是一些經典童話。如:Cinderella 灰姑娘、Hansel and Gretel 糖果屋等。

Aeon 傳單

這張傳單放在枱上,弟弟看見了,指著三色丸子說:「我要這個!」真識貨😁

宵夜最愛「卜卜米」

近日的宵夜都是這個啦!卜卜米!好過之前吃白飯 (突然瘋狂愛上,而且已經持續了超過大半年,但已停止當宵夜數月了),也比吃薯片之類的零食稍為好一點吧!😅

只加少量牛奶,加太多反而不喜歡,因為本身沒甚麼味道,加太多奶更加失去那丁點味道,但不加奶就太乾了。

有時早餐吃這個,弟弟看到又嚷著要吃,不過他就指明不要加奶!其實加到剛好吸收了牛奶的卜卜米是超好吃的!

Posted in 【童書】

很久沒分享童書了, 這次網購的十二本書

看到了 Facebook 專頁後, 就下了單, 買了這12本書。

後來才發現買貴了很多….有些一本就已經貴了接近20元, 媽啊~~~~
算了, 對於這種事已經不是第一次發生, 所以我也只好想:「早買早享受,不用等!」
其實也不清楚其他店發貨快不快。
但這間的確很快, 付款後兩三日內就發貨了。

這本”好急好急的看看蟲”, 好像是曾經看過有人推薦所以買的。
如果我自己是恐怕不會選它, 因為….圖畫不怎麼吸引!
不過其實小孩子看的話, 只要色彩夠繽紛, 至少是彩色啦!就已經夠吸引吧。

實際上, 書的內容頗為有趣, 連9歲的哥哥都看得哈哈大笑。
弟弟不太明白但也跟著哥哥笑….很傻瓜。

上面兩本我考慮了很久買不買好, 生怕得不到想要的效果, 反而令弟弟反感……
但我真的好想好想加深他對這個必需要的規則的印象!
平時只是叫他不要這樣做, 不要那樣做, 太多的「不要」了。
而且, 不要完之後還是會忘了, 又或者懶理你。
暫時只看了一本~ 腳那一本。
在他犯了錯之後我提醒過他, 他也能說出腳是用來走路的, 用來跳舞等等…..而不是用來踢人。
即是說, 有印象了!
雖然…..依然間中再犯。

第一張相的兩本屁屁偵探是繪本, 跟第二張相的三本不同, 那三本是讀本, 比較多字, 而繪本就適合年幼點的孩子。
兩個都很喜歡看!
但說到弟弟最愛的, 是這本:蠟筆小黑和小小白
之前在圖書館借了一本”蠟筆小黑”, 發現他超喜歡!
想不到買了這本之後更是……瘋狂!一天看三、四遍!!(別忘了他還是要伴讀的年紀, 媽媽我啊…..說得喉嚨都有點痛了)

但我覺得就這12本還是不夠, 真的好想好想買更多!😂

Posted in 【買】Shopping, 【植物世界】

「盆栽」:最新的5盆植物

近日買了好多盆栽!人都開心啲!😆

前後買了六盆:

常春藤
應該是……網紋草吧!為甚麼可以讓葉子長得這麼好呢?!
中文名字可能是「幸福豆」,英文就比較確定是 “Happy Beans”,好可愛吧!
這是萬年青的同類?黛粉葉白玉
龜背竹

可能現在的生活太無聊了……雖然有兩隻馬騮要照顧,但自己也總需要做些自己的事,當作輕鬆一下又好,減減壓也可以呀!

面對幾盆全不熟悉的 (除了常春藤外) 新成員,感覺好忙好忙,要一一上網找資料,了解一下如何照料!在我來說,這是十分充實的。

以前曾經因為愛上水晶,而不斷吸收水晶的知識。又曾經因為孩子,很努力的學習如何教養。還有很多很多……總之生活中,如何缺少了對某樣東西的興趣,或者說是嗜好,那感覺就像空空的,非常不享受……

生活就是要有樂趣,有對事物的熱情,這樣的生活才有意義吧!

雖然有時會迷失,但當找到了感興趣的事情,就全情投入,那就是我。😉

現在,植物就如我的孩子般,每天無論如何都要看看它們。當然跟真正的孩子大不同,根本不用整天對著它們🤗。如果真的沒空看,也不會有不舒服、有件心事未了般的感覺。一旦有空了,毫無疑問就一定要去看,從來都沒有「忘記了」的時候。看著它們時,腦袋裡實在沒有想甚麼,只想想怎麼擺放 (我真的完全沒有固定的位置,大部份都每天被我搬來搬去……也許是太無聊了🤣)。或者是 觀察或 檢查,看看有沒有掉下的葉子、枯葉等。有很多時都因為這樣而發現了蟲害或病害。

像最近就發現(舊)常春藤葉面上的黑色霉點,還未能確定是甚麼名稱,也不確定是不是有蟲,總之,為此我剪掉了很多葉(有剪錯無放過),也包括了放在旁邊的驅蚊樹,相信是被感染了。

病的原因可能是我太勤力了,最近兩三個晚上都向它們噴水……但那到底是甚麼病,網絡上的名稱好像有幾個,我也懶得去確定了,當務之急是清除。往後有時間的話就 update 一下吧。

岔開話題一會,去年我們旅行的地方:Zagreb (Croatia 克羅地亞) 竟然發生地震😱。

完。😂😂😁

Posted in 【Rex】成長記錄

37M28D【有禮貌】

通常我都會陪喆睡覺。雖然從小 (3個月左右) 就開始訓練他自己入睡,但因為有人不合作😩 ,所以也沒辦法了,我由間中陪伴,到現在幾乎9成。

今日午睡時,我陪了他一會便出房。他一直大哭叫我,但我有事情在做🤫,就沒有理他。

期間,哥哥入房陪他,但卻被他打還是踢了一下。

到我回房間陪伴他時,他第一句就問:「你頭先去咗邊度呀?」(一直都很喜歡問人「去咗邊 / 做乜嘢」之類)

然後第二句竟然是:「Sorry, mom.」(最近由「媽媽」改口叫我 “mom”)

可能是知道自己做了錯事,所以道歉?總之就是令我感到驚訝。

最近他的禮貌亦在很大進步。除了會跟哥哥叫人「食飯」外,平時任何人幫他取水杯,夾餸等等,都會說 “Thank you” 或者「唔該哂!」

Posted in 【Rex】成長記錄

塗鴉 (37m8d)

前排話寫字,都寫到幾似樣嘅英文字母,可惜冇影低。

呢次真係要影低啦!不過唔係寫字,佢話係畫隻狗。本身只有中間果堆,畫吓畫吓變成咁。

Posted in 【旅】歐洲自駕遊 2019 - 克羅地亞。斯洛文尼亞

【東南歐自駕途2019】Day 3 住宿@Lake Bohinj ~ 溫馨的獨立屋

由首都 Ljubljana 前往 Lake Bohinj 時間只需1小時15分左右。
可能因為天開始黑, 心開始急, 中途又發生了小事 (要加那個甚麼 AdBlue), 所以覺得這一程有點久。

20190210_173411.jpg

20190210_173618
幾十元攪定, 但我們沒有向租車公司 Claim

Screenshot_20190210-180339_Weather
還好….未到零下…..

抵達住所後, 在門外等了屋主一陣子, 最後入屋的時間是6點半。
天已經全黑, 好像在告訴你….夜已深……
那只是個人的感覺而已,事實上, 6點半一點兒也不晚。

20190210_183648.jpg Continue reading “【東南歐自駕途2019】Day 3 住宿@Lake Bohinj ~ 溫馨的獨立屋”

Posted in 【旅】歐洲自駕遊 2019 - 克羅地亞。斯洛文尼亞

【東南歐自駕遊2019】Ljubljana, Slovenia (盧比安納)

20190210_142343.jpg

Ljubljana, 是斯洛文尼亞的首都。
我們由克羅地亞前往今晚住宿, 就要先經過 Ljubljana, 所以這裡就成為今日的第一站。
上篇講到我們逛完超級市場, 然後便開始踏入這個城市。

20190210_142446.jpg

「飛龍橋」 Continue reading “【東南歐自駕遊2019】Ljubljana, Slovenia (盧比安納)”

Posted in 【Rex】成長記錄

【33m15d】Went on the potty 👏👏👏

今朝早好成功喺 potty 度痾咗 poo poo 呀!

不過佢嘅表現係好驚,超驚,驚到一路痾就一路企起身!

首先係第一次話 make poo poo,check 吓條戒片褲濕唔濕,因為佢尋日每次都係痾完之後先話 make pee pee,原來冇濕喎,諗住佢真係要痾啦,坐咗一陣就話「冇喇」,起身著褲,如是者重覆咗兩三次,有時仲坐咗喺 potty 度有成5分鐘左右,仲諗緊佢可能覺得好好玩?好得意?但又覺得冇理由㗎!個 potty 又唔係舒適。

以下內容可能令人感到不適 / 不安。你有權唔睇😁 但睇完就唔好話我……😂

終於有次坐落去之後一陣就搵隻手攪後面,見到佢隻手指污糟咗!原來發現佢痾咗少少,即係佢知道肚唔舒服要痾啦?!之後仲真係痾咗一大條添!但係好好笑嘅係佢一路痾,一路就勁驚!好似唔知有啲咩要喺自己後面果度走出嚟咁,而且痾好大條果陣,佢係緊張到係咁要企起身,我就係咁㩒返佢坐低,話俾佢知唔好起身……

原來,乜原來會驚成咁?我已經對哥哥以前係點冇乜印象了……我只知道有小朋友會因為唔習慣冇片片而選擇一定要喺尿片度痾。

細佬呢個表現就令我明白到「片片俾到小朋友安全感」,冇片,完全係「凌空」痾嘅感覺又確係一時間好難接受嘅。

Posted in 【Rex】學習記錄, 【每日】學習內容

【33m15d】在家裡上了一課 ~ 小小的農場知識

由於弟弟是大B,即入讀K1時年齡已經是3歲8個月了,除了暑假完結前幫他報讀了一個一星期兩天的日語課程外,並沒打算再報讀其他課程 / 興趣班,所以有很多時間。本來很想用這一年去實行 homeschooling,不過要好好計劃一番才可,否則只能像現在般,零碎地去教。

想不到,今日這樣簡簡單單,已經做到一個小小的 homeschooling。

從昨天買的新書開始,一邊講,一邊開影片給他看。

這樣做,不但加深了他對書內提及過的事物的認識,而且也令他看這本書的興趣更大。

另外,因為書內的都是畫出來的圖畫,而影片則是真實的東西,所以亦可以讓他清楚知道畫中的東西實際上是甚麼樣子。

書內提到收割後的 wheat 可以用來製成 flour,家裡一直長期有麵粉,於是就順理成章拿出來給他玩,來一個 messy play 完成一個簡單的「小課程」。

如果可以,帶他到農場看看更好呢!

Posted in 【Rex】成長記錄

【33M12D】戒片、獎勵計劃

而家有兩大個項目要訓練細佬!

第一:自己著鞋&除鞋

第二:戒片

自己著鞋&除鞋

每次出門口著鞋同返屋企除鞋, 佢都係要攪好耐~~好耐~~好耐, 先肯自己除。又氹又盛咁, 可以等成幾乎半個鐘先除鞋, 都唔明點解要等咁耐….佢已經知道:唔除鞋就唔可以入屋玩, 淨係可以坐喺門口隔離張櫈仔度。照計係小朋友都會想快D入去玩架㗎!但係佢又唔受呢套….坐喺度好耐都可以自娛, 唱歌, 趴係度…..

前日我開始就整左個 Reward Chart, 有幾樣嘢做到就有星星貼紙。佢本身好鐘意玩貼紙, 我當然期望獎貼紙可以吸引到佢啦!第一樣就係自己除鞋, 第二樣係擺好自己嘅咗, 包裝玩具。第三樣係坐 Potty, 第四樣就係成功係 Potty 度痾咗 pee / poo。

果日佢去完公園玩, 返到屋企之後, 同平時一樣淨係坐喺度唔除鞋。我就拎呢張獎勵計劃嘅紙俾佢睇, 同時拎埋張星星貼紙, 同佢講話除咗鞋就俾佢貼貼紙。佢即刻好快手咁除咗對鞋啦!但係就只此一次……

當晚爸爸帶佢去街, 又唔肯自己著鞋, 拎D貼紙出嚟吸引佢都唔得, 佢話唔要。去完街返到嚟又係咁。即係話, 貼紙只可以吸引到佢一次?!我又要用其他方法去令佢自動自覺除鞋…..(但仍然keep住著咗除咗都俾貼紙, 佢唔貼就我幫佢貼上去)

尋日出去食飯時又係咁, 我地三個都準備好哂出門口, 佢都係唔肯自己著鞋, 想我幫佢。結果佢肯自己著喇, 但就唔肯貼個魔術貼。咁對鞋有三條魔術貼, 我就幫佢貼兩條, 最後果條我一定要佢自己, 佢到行出出門口都係唔貼, 要落到樓下, 佢終於忍唔住自己貼啦!

戒片

好喇~到戒片片

呢排間唔中都有同佢坐 Potty, 但就冇一個特定時間, 即係唔會每隔15分鐘定30分鐘去一次。主要原因係我懶….佢一直非常唔願意坐, 每次都掙扎唔肯坐低, 坐低咗都成日要起身。

所以就喺個 Reward Chart 進行嘅同時間, 整埋坐 Potty 嘅獎勵。另外再加上睇完一篇人地分享的教仔方法後, 套用落呢個 Situation 度, 又OK work 咁喎, 佢唔再係每次都掙扎唔肯坐啦!

兩樣夾埋我覺得已經成功令佢唔抗拒坐 Potty!可能又因為其中一次, 即係前日朝早同佢坐係成功咗pee pee, 我即刻大大力咁讚佢, 再打埋電話俾爸爸, 等佢感受到自己成功咗係一件值得開心嘅事。

今朝我早咗起身, 8點半左右, 細佬已經食完早餐仲刷完牙一陣, 我就同佢去坐 Potty。

然後, 第一次同佢著底褲。

早幾日都仲係著 Training Pants (都係環保尿片果種, 外層防水), 突然轉普通底褲係因為咁啱睇到有人分享「3日如廟訓練」, 提及著嘅係普通底褲, 要令佢感覺到濕, 所以我就順勢試吓。雖然只有5, 6條底褲, 但我會同 Training Pants 輪住用。

呢幾日唔可以完全唔出街, 同埋 Naptime 都係要著片片, 聽日又要出去, 我預咗可能需要比3日更多既時間去訓練。話哂, 今次同哥哥細個果陣唔同, 而家我完全唔急, 因為知道勉強冇幸福😂 (其實係怕對佢有心理上嘅影響)。

黎緊我會繼續記錄!!

Posted in 【LIFE】生病紀錄

【哥哥】第一次見政府醫生

排期已達18個月了!今日終於都第一次見醫生。

順便自己都去埋登記,封轉介信已經快兩個月前,唔係帶個仔嚟都唔知幾時先肯嚟排期。😂

一去到交齊文件就喺房門口等見醫生,期間阿仔好乖咁拎啲功課出嚟做。一來等嘅時候冇咩好做,二來快啲做完功課返去可以玩丫嘛!

都唔洗一個鐘,可能只係半個鐘左右,就到我哋啦!姑娘都話我哋好好彩,平時好多人。

醫生就問好多問題,其實都答過好多次……對上一次係見社工,嘩!耐到呢!好在今次都唔算耐,主要係問啫,上次係傾計

然後就去約期,再去拎藥。

拎藥果層超臭,救命……點知原來我要去登記新症就係呢一層……😭 我好想去第二間登記呀…但諗返上次陪媽咪去果度都間中有臭味,又遠,咁就算啦!都係幾個月先嚟一次啫……到時。

見我個護士長係男人,好好人,知我有兩個小朋友要照顧,就話幫我睇吓有冇啲已取消嘅預約,等我唔洗排到出年9月先睇。最後約咗出年3月。太太太好啦!唔洗再俾咁貴去睇醫生啦……早半年即係睇少兩次啦!多謝哂你呀!

期間佢叫我當細佬都有喎……佢話因為兩個一定會有影響。其實我都當佢係,不過而家咁細個,就做唔到啲乜啦!見醫生果陣我都有問,醫生就話太細一定 check 唔到。其實有又點,藥一定唔會食,行為方面就……醫生都有建議做法嘅,都係果啲啦!要一致,兩個都係咁處理之類。

等攞藥果陣就去買啲嘢食,阿仔已經肚餓了。

返到去,細佬已經落咗公園玩啦!於是哥哥換套衫都落去,因為佢已經做哂功課。

Posted in 【LIFE】2019, 【Rex】成長記錄

【32m18d】撞穿頭😭

今朝10點搭1左右,我仲半睡半醒期間,突然聽到細佬喊得好大聲,即刻起身衝出去睇,見到工人抱住佢,話佢撞到個頭。

本來以為好小事,只係痛啫,點知睇真啲,工人用紙巾印佢個頭,心知不妙!

果刻好唔想相信呢個事實……但真係發生咗!!😖

頭後面有條裂開咗嘅血痕!唔洗諗咁多,一定要去醫針縫針啦!

因為有過哥哥嘅經驗,所以都唔叫白車,自己執嘢同不停索走啲血,然後就抱佢出門口。

去到醫院登記完,再去到分流站,大約係10點8,9左右。見姑娘係10點10左右。

姑娘問洗唔洗同佢照 x 光,話驚撞裂頭骨,我覺得唔需要,就冇照到。不過問到縫唔縫針,就緊係要啦!

等咗成個鐘,終於都叫我哋入去啦。原來係頭先果位姑娘縫,仲有一個姨姨幫手,主要要hold實佢唔俾佢郁。

我要求喺房,所以全程我都用電子奶咀但求令佢分心,但係都唔得。佢真係太痛啦…姑娘同佢左右各打一支麻醉針,然後就縫咗3針,跟住叫我睇。我見到係縫好咗,但果個 area 啲頭皮就腫哂,佢話係因為啲麻醉藥。跟住就幫佢貼膠布。

縫完出嚟要坐多45分鐘,即係1點,因為要觀察吓佢會唔會嘔吐之類。

佢都算精神嘅,即使撞完,抱佢到樓下見到個看更伯伯時,竟然識得笑住講拜拜!!估佢唔到呢!不過仲好,證明唔算太嚴重……之後一直都冇喊同幾好精神又識玩,只係每次俾人攪個傷口先狂喊。

記得應該係4年前,哥哥果陣4歲,又係撞穿頭要去醫院,縫針果陣係唔俾我入的,而且房入面亦有好多人,至少都3,4個,係咪醫生縫呢,我就唔記得啦。果時仲好驚訝「嘩!要咁多個人捉實佢㗎!」但今次同樣驚訝,因為咁少人。

惡夢完了……我完全忘記咗要去攞藥,不過印象中哥哥果次都冇俾藥,所以就算啦!都應該可以唔用,係止痛藥。

返到屋企問佢仲企唔企上張書枱度,佢話「唔係呀 / 唔企呀!」

係就好啦!😊

Posted in 【LIFE】2019, 【Rex】成長記錄

2019之日常~2019.09.19(星期四) 愛寫字。去公園玩

20190919_101014.jpg

細佬真係好鐘意寫字!!亦都好鐘意睇住本書來讀。

雖然仍然係未認得D字, 但佢勝在唔怕醜, 自己作D語言出黎!

而家間唔中都會叫我幫佢影相, 例如見到D好我意既公仔, 又或者見我影緊佢, 就即刻扮個得意樣俾我影。

今日同佢去街就係咁啦~我地去左尖沙咀個遊樂埸玩, 估唔到人少到呢!可能因為係閒日, 雖然已經下午4點幾, 但附近冇乜學校。

20190919_161132.jpg

一去到冇耐已經有個哥哥問細佬可唔可以一齊玩!

呢個哥哥已經4歲啦!知道細佬唔敢行一條橋咁既野, 就鼓勵 + 夾硬迫佢行, 好攪笑。可惜哥哥好快就要走啦。

20190919_164603.jpg

之後見佢好似同個外藉既姐姐玩緊咁, 佢係度同人地講外星話, 人地可能見佢都唔知講乜, 怕左佢!

玩左一個鐘左右就返屋企, 好在有帶野食, 臨走果陣佢係咁要我抱, 通常都係因為肚餓!反而眼訓又未扭抱扭得咁緊要。

20190919_172306.jpg
好味~ 不過唔會飽

呢個新既 McQueen 水樽細細個好岩佢而家咩, 車左個 backpack 俾佢好鐘意, 出門口果陣係都要拎D無謂野擺入去…另外仲有幾架玩具車, 然而就 backpack 同水樽都話要自己咩!

Posted in 【LIFE】2019, 【Rex】成長記錄

2019之日常~2019.09.08 (星期日)

原來, 我的小兒子睡覺時很「定」, 這點跟哥哥又是大不同。

近來, 弟弟很常說的開埸白是:「我想…..」。例如想吃 gummy, 想玩某某玩具。

line_leaf

有時候, 哥哥令我很生氣。

是未懂得照顧弟弟吧….總是以自己的喜樂行先….

還小….是吧!

儘管有時會見到比他還小的孩子很照顧弟弟……

line14

20190908_125824.jpg

2019.09.08 星期日

今日打算去某海濱公園玩, 沿途經過「馬騮山」, 便入去看了一會。

完全是 unlucky day….當我們想要去 Grandma 那裡吃午餐時, 就下起雨來。(沒帶雨傘)

因為討厭站著的那個地方….所以即使雨勢頗大, 還是決定抱住弟弟衝過去。

東西還未開始吃, 已經看到雨愈下愈細, 後來更是整天都沒有再下雨了, 可惡。

Posted in 【LIFE】2019, 【Rex】成長記錄

2019之日常~2019.09.05 (星期四)

20190905_175844.jpg

煎了 Pancake 等你們去公園玩完回來後吃的。
平時不愛吃 pancake 的哥哥竟然也有吃!
還說一開始吃的時候不覺得好味(但他太餓了),吃了一會才覺得好味。

P.S. 這個 pancake 不是自製的。

lineb_illust_47_2m

20190906_002301.jpg

弟弟跟哥哥大大大不同!
弟弟喜歡拿筆畫,甚至會拿筆來跟著寫。
以前哥哥從來不會填色,弟弟卻是很有興趣。
這是弟弟說最喜歡的「美國隊長」!
他常把 “Captain America” 說成好像是 “Captain 阿咩黎架”!

Posted in 【旅】東京 2017 - 媽媽和哥哥的二人之旅

【二人遊東京】DAY 2 ~ Disney Sea 迪士尼海洋 (1)

未夠6點,即係香港時間未夠5點!我就已經起左身啦!
因為民宿有露台,所以就行出去望下,原來真係睇到晴空塔!身處於日本既感覺更加強烈!
第一次自己一個帶埋阿仔去旅行,感覺好特別!雖然係香港都成日同佢周圍去,不過而家我地喺日本呀!飛幾個鐘先到嘅地方呀!

20170823_054741.jpg
見到晴空塔嘛?

其實我仲好想繼續瞓, 但係點都係瞓唔到! 阿仔呢, 仲係瞓得好lum lum豬! 唔捨得叫醒佢。

本來plan咗話今日早D出發, 迪士尼一開門就跟住人衝入去拎出發前已經揀好的遊樂設施 Fast Pass! 結果呢, 我地就7點幾先出門口, 仲要慢慢行, 買下 Suica Card, 又買埋麵包食埋先去搭車。

所以其實同小朋友,儘管已經是小學生了,都係適宜將行程編排得輕鬆啲好。

20170823_073708.jpg
過左呢條斑馬線再行多幾百米就係最近既JR入口–「入谷口」

20170823_075526.jpg
我咃嘅 SUICA CARD 要喺櫃檯買

20170823_080137.jpg

20170823_075623.jpg
仍然係 ANDERSEN

20170823_081547.jpg
繁忙時間…非常多人

去到舞濱站,嘩!同以前嚟好唔同丫!多咗好多嘢,當時趕住入園,所以都冇乜留意多咗乜,明顯係本身周圍冇乜嘢,印象中出站後向右邊行,就可以沿住條長長嘅路同橋,行到去門口。但而家變成要向左邊行,仲要搭「單軌電車」先去到!

後來玩完就知道原來多咗個商場,總之就複雜咗好多啦!😥

20170823_084623.jpg
要買飛搭單軌電車去迪士尼海洋

20170823_085438.jpg

TokyoDisney.gif
睇完呢張地圖就明哂, 以前未有海洋, 所以一出站向右行就入到樂園啦!

入園果陣我哋兩個都十分興奮,話哂我第一次去海洋,十分之期待㗎!

20170823_090117.jpg

20170823_090454.jpg

20170823_090522.jpg

20170823_090533.jpg

20170823_091353.jpg

入到去個感覺超正,情緒都高漲哂!一邊「趕路」一邊閃電手咁影影影~

咁啱前面「地中海港灣」有表演,雖然睇唔到係乜表演(因為好趕),但都已經感受到樂園濃濃嘅快樂氣氛。

乜都唔理,即刻去搵我哋嘅目標:「玩具總動員瘋狂遊戲屋」。

但入面太大,又未黎過,唔識路呀!就算係向住地圖顯示嘅方向都唔係幾識行,我仲心諗,乜咁多橋同斜路既…..唔想浪費時間,捉個工作人員問吓。

點知收到惡耗……呢個 Fast Pass 已經俾人拎哂啦!😰 原來受歡迎嘅程度咁高!!唉…咁冇計啦!唯有衝去拎第二個機動遊戲啦!

20170823_093148.jpg

因為唔識路,行咗超大個圈先搵到!我哋第一張FP呀!就係呢個:”Journey in the center of the earth”,阿仔揀的。

拎完第一個 FP 係唔可以即刻拎第二個,要等兩個鐘!張 FP 上面有時間,話俾你知下一次可以拎 FP 的時間係幾時。即係,我地呢張係 9:25 拎,下一次就係 11:25 先可以再拎。

20170823_093443.jpg

趕完一大餐,終於可以自由自在做下其他野啦!

咁岩行行下又黎到「地中海港灣」(因為佔地太廣了),表演仲未完,阿仔又好想睇,幾熱幾曬都睇啦!(真係好~~曬)

20170823_094531.jpg

Posted in 【LIFE】2019

【荷花BB展】2019年8月

2019年8月2至5日「第27屆國際嬰兒、兒童用品博覽」, 只得4日, 所以選擇了星期日前往。

先在銅鑼灣「榮式」吃了個雞扒飯後就出發, 到了會展才買票。($30/張)

20190804_124405.jpg

去年買了很多奶粉! 因為禮品都太吸引了! 今年的禮品好像比較遜色, 還好我沒打算買。Rex 現在都是喝普通的全脂牛奶, 沒有再飲奶粉了。 Continue reading “【荷花BB展】2019年8月”

Posted in 【LIFE】2019, 【Rex】學習記錄

對水彩畫失去興趣?+我們三人的電影之夜

2019.07.13

現在通常一至兩星期才給喆用水彩畫畫。

今日竟然只畫了不到10分鐘, 就說要洗手了!

可能開始覺得悶?

看來要想想辦法改變一下了。

 

晚上又再去戲院看戲,是我都想看的蜘蛛俠。

沒帶喆,只有我們三個去。

出門口前看著喆,十分捨不得…….不忍心掉下他(和工人)在家裡。

重點是他也在不停地叫「媽媽…..」。

我想,應該不會有下次了!

Posted in 【FTM】心情記事

準備去瞓之前……靜一靜

又係時候靜一靜,諗一諗,打吓blog啦!

其實人應該要每日都搵幾分鐘,甚至更多時間,俾自己靜靜哋坐吓,諗吓嘢。

突然講呢啲好似傻咗咁,哈哈!

事實係真係咁覺得,唔坐埋一邊打blog,都唔覺自己原來好幾日冇咁做啦!

而家唔多喺呢度打,但有喺自己部電話度用app打,只可以自己睇到。唔想公開係因為又有相又有生活記錄,我未至於大方到乜相都可以公開,想以後可以睇返「當年今日」做過啲乜,同兩個仔去過邊度……但係又懶得用筆寫,最好嘅方法都係用app,唔知可唔可以永久保存呢?

呢篇好無聊,只係臨瞓前想寫吓嘢,冇主題。

(有主題嘅我都寫好少嘢了!甚至……最有熱誠寫嘅旅行記錄都停哂手。其實仲寫blog嚟做乜呢?)

Posted in 【LIFE】2019, 從遊戲中學習

2019暑期流流長之家裡活動

20190628_113432

突然想起這個兩年前買的玩具,拿出來給弟弟玩。

本來哥哥沒太大興趣玩,我叫他幫我砌一個給弟弟看,他就很努力地砌起來了。

弟弟還雖然不太明白怎麼可以讓粒波子順利滑下來,但一樣很努力地去搭積木。

對於哥哥已砌好的軌道,或是我簡單砌的,都玩得很開心。

 

20190629_010222

近日買了很多手工材料,希望多讓兩個孩子動手去做些小手工。

哥哥顯然十分有興趣,自己拿來這些去做了一個小飾物!

Posted in 【香港】周圍遊, 【LIFE】2019

【29M22D】初訪香港中央圖書館+玩具圖書館

雖然天氣又係麻麻,但係都無阻我帶佢哋去中央圖書館嘅決心!

Book 咗玩具圖書館嘅時間係下午3點,我哋早咗大半個鐘到,想佢哋睇吓書先,同埋我都係第一次嚟,所以早啲去睇吓係點。

每節45分鐘,其實好快過。入面唔大,但係都夠小朋友玩啦!有唔同種類嘅嘢玩,有啲都幾創新,用環保物品製成玩具。就同尋日去嘅萬象館一樣,呢個概念真係好好!

玩完再搵吓書,前前後後都係逗留咗喺圖書館個半鐘左右。細佬成日好大聲同好嘈,叫極都唔合作,好頭痛……係貪玩定叫唔聽?

Posted in 【香港】周圍遊, 【LIFE】2019, 從遊戲中學習

大玩@萬象館

想了很久,終於真的實行了!

來這裡玩要預約,早已買了大玩券,但那次因為天氣預報會下雨,唯有不預約啦!

今次就不理啦!下不下雨也要玩,小朋友就是要玩嘛!

雖然地方不算很大,不過這樣也好,不同的空間分開得很清楚。

想不到弟弟最愛玩的是火車和砌路軌!

應該佔了全部的七成時間!(我發現他玩的有進步!)

哥哥則走來走去,每樣都玩玩。

上面這些應該是男孩子都愛玩的吧?

哥哥還自己弄了一個貌似十字架,但原來是劍的木製品呢!職員都忙著幫他固定……真是十分感激!

星期日可以由1點半玩到5點半,足足有4個小時。但我們只玩到5點便離開了。

兩個小孩都累得很快就在車上睡著了。

看到他們玩得開心,是我人生中其中一件非常高興的事!只要他們開心就好!

Mama love you two♡

Posted in 【Home】家居綠植、盆栽

發現蝸牛同菇菇

家裡種了不少盆栽,應該說是愈來愈多!

常常都有【驚人發現】!

首先第一次發現的是蟲蟲……好嘔心的白色小小蟲!

然後是養得不錯但時間只是一星期甚麼未夠的薄荷,出現一條大大的 Caterpillar! 那次真是嚇死我了!!!嚇得我把整盆薄荷立即包起來掉去垃圾房……

剛買回來的百里香,因為太淩亂了,用了幾天時間給它整理一番,連續兩天發現另一種蟲蟲!這種蟲蟲比之前見到的長一些也粗一點點,大約有時1~2mm,超嘔心的。奈何我無法置蟲蟲不理……唯有按捺著那恐懼,用拑子拑走牠們!唉呀……回想起來也好嘔心……

之後不知是否盆栽多了,飛來的昆蟲也多了!蜜蜂、不知名的黑色昆蟲,還有「烏英」丫!

我個人真的很怕也超級討厭昆蟲,想當年要行山行村……除了非小型犬外,我最怕的就是昆蟲了。

雖然好怕好怕好討厭,但這些都無改我對種植的熱情……

昨天清理 Boston Fern 的枯葉時,竟然發現了一隻十分迷你的蝸牛!

有了之前不時找到 Caterpillar 的經驗,我就準備了一個放昆蟲的盒子,可以把這小小蝸牛放入去了。

雖然不喜歡,但可以讓兩個孩子看看,研究一下也好!

不過可能是我想多了,哥哥沒有我預期中的興奮和雀躍,反而我自己會久不久看看牠。

弟弟也有興趣,但就想要搖牠……對了,他只當牠是玩具罷。

然後,同時我又發現換了盆的豬籠草,竟然有一個菇菇!在泥土上!發現的時候我有點不相信自己的眼睛,甚麼啦?真的是菇嗎?怎麼這樣有趣?會有菇菇在這裡?難道是從外面掉進來嗎?(豬籠草是掛在露台的)

無知的我想確定那是不是真的,就用手去拿。結果一拿就發現它是插在泥中的,即是說,它是長出來的???

但就是因為我的無知,一手把它拿了出來後,想要好似一般植物般放回泥中,才知道原來已經不可能,因為它太【軟林林】了!即是說,林到一個點,放不回了。

我就讓它靜靜地,以反肚的姿態,繼續悠然地躺在另一個它的身邊,直到變成慘不忍睹 (我個人無法接受) 的樣子…… (就掉了它)

種植真的太有趣了!!!

但我還是希望以後不要再給我甚麼驚喜……😅😅😅

Posted in 【Rex】成長記錄, Montessori & Homeschooling

【在家學習】(28m20d) 剝雞蛋殼

沒有刻意在家給他玩 messy play / sensory activity,只在公園讓他走到草地那邊玩泥沙。

去完公園就帶他去買麵包 (我一說要走啦,他就說:「包包」)。

入到麵包店,他第一時間走去拿夾子,想自己夾麵包?我沒有讓他夾,但在前往付款時,讓他雙手捧著托盤,走了幾步到收銀處。很成功功呢!當然我在旁邊緊張地「磅住」……

買完麵包去 supermarket。由於比平時晚了回家,就直接取消 naptime。

拿了個煮好的雞蛋給他剝殼,這是我早幾日前已經想讓他做,終於今日做了!

想不到這個小朋友竟然可以自己把雞蛋殼全剝掉了!我教的,就只是在一開始給他雞蛋時,示範了兩秒,然後他就全神貫注地剝啦!

最有趣的是一剝完殼就跟我說:「食㗎!」(意思是他要吃),我想說這是留來做晚餐的,但見他很想吃的樣子,而且,也不是大問題,就隨他的意思讓他吃吧!

這樣會不會比較有「立刻體會」的效果?常說發生甚麼事都要立即回應或跟孩子說,否則過後未必記得而且無意義了。剝完殼立即有雞蛋吃也算是吧?🤭

Posted in 【Rex】成長記錄, Montessori & Homeschooling

【在家學習】(28m19d) Sensory / Messy Play / Art : Finger paint

早前在書店見到一盒四色的 finger paint,竟然只需30元有找,立即就買。

今日終於拿出來玩了!

無可否認,我有時很怕讓他玩這類型,即是會弄髒的玩意。但他們這個年齡層,又確是很需要這類 sensorial 的發展,所以總會在某些時候「的」起心肝去做。

其實都不算太 messy,因為顏料都是可以清洗。

沒有準備甚麼紙張,我直接就叫 Rex 畫在地上。他也很自在地左畫右畫,發現地上的顏料有點滑,還站起來用雙腳踏在地上然後大力地左扭右扭!正好!可順便作為大肌肉的訓練了!🤣

Posted in 【Rex】成長記錄, 從遊戲中學習

【28M6D】玩粟米粉

午餐後又在家裡自製 Messy Play,或者叫做 Sensory。

正好有整整一包已過期的粟米粉,就隨便拿來倒了半包,加了些水。因為水太多了,又加多些粉。

如果不加水的話可以跟他玩寫字,但我不知怎的突然走去加水……?

後來 Rex 玩到雙手好 messy,說要洗手!問他還玩嗎?他說不。其實他是肯定會洗完手再玩的!所以我不讓他去洗手,只用上圖右下角那個白色的盤裝水給他洗手。

但他洗完之後就一整盤水倒在粟米粉裡去……

然後,才真正享受這次「遊戲」。

這次大概玩了接近一小時。

粟米粉加水 (我用水喉水,沒過濾也非熟水) 好像不能完全融解,不清楚是因為已過期,還是本來就是這樣?因後期的清潔工作不斷都有粒粒。

上次玩水是放在地上玩的,今次突然想到用這張淘寶買的積木桌,非常好用呢!中間凹下去的位置原本是用來放積木的,上面有塊面板,可用來砌積木或當桌子用。雖然質量不算很好,而且中間有個洞,是用來加條柱子承托著面板的。我把面板拿開,用膠紙封了那個洞,就可以用來放水玩了!清洗又容易!十分推薦!

平時玩的就是這種積木。

照片的重點其實是拍下弟弟自己砌的積木,他能夠把軌道拼成這樣,證明已經明白珠子要在這樣的積木軌道上才能滾動。媽媽真的好滾動呀!

Posted in 【Rex】成長記錄

28個月4天

很久沒玩這個了!剛把桌子打開,就急不及待地拿出來玩。

這方法太好了!就是把一部份玩具收起來,間中跟擺出來的玩具調轉,就能保持新鮮感!

即使是放了出來的玩具,也要不時轉換擺放位置,也有同樣效果。👍

Posted in 【LIFE】2019

日常~2019.05.03

今年積極幫哥哥報暑期興趣班, 已先後在兩間機構報名了。

而最近亦為弟弟的共學做準備, 很期待開始呢!


近來弟弟會搶電話, 不是要玩遊戲, 而是要打電話或者我接電話時就搶來聽。

也有嚷著要玩遊戲的時候, 我也會給他玩一會的。雖然電子產品對小孩子來說超大的不好, 但無奈有時候我也迫不得已……相比起同月齡時的哥哥來說, 弟弟已經算是玩得極少了!還記得那一年「收購」了一部 Mini iPad, 就是為了讓哥哥玩。

弟弟好像天生的 dancer 般, 跳舞似模似樣, 有時又像演員, 非常作怪!樣子實在攪笑得很。

 

Posted in 【FTM】心情記事

2019 ~ 3,4月

近來又懶惰了….要寫的遊記一直還未有那種心情去寫…..該不會又…..?!
我自己也難說, 就跟我做人一樣, 一開始總是很有決心, 十分有衝勁。
但隔了一陣子之後, 就會突然停下來….
原來, 很多很多年前的一位好朋友曾經話我「三分鐘熱度」很正確。
雖然明知道自己有這個毛病, 但還是改不了。
太愛跟著情緒和感覺去走。

20190405_112224.jpg
2019.04.05 亂剪出來種植的鈕扣椒草 (串錢藤) 和碰碰草 (左手香)

前陣子對盆栽的興趣超濃, 至今仍沒有減退。
種植是需要花不少時間的, 慢慢的等待…..靜靜的期待….. Continue reading “2019 ~ 3,4月”