Posted in 【Rex】成長記錄

[25M27D] 說句子

呢幾日講嘢有明顯進步!

之前都係3個字嘅句子。

而家幾乎係5、6個字都講到!

好似尋晚咁,突然講咗句: “I will get the seven.”

同埋頭先好認真咁望住我講: “Can you find ot?”

有時佢講嘅嘢真係突然到會令人嚇一跳!

好多嘢佢哋早就「在心中」!只不過係你未發現或佢未表現出嚟。

所以我仍然深信「Input」、「Output」之說。

你想佢學乜,多啲 input,遲早有日佢會 output。

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊】克羅地亞 Zagreb – Funicular 世界上最短的纜車。St. Mark’s Church 聖馬可克教堂

20190209_161600vvv.jpg

來到克羅地亞首都 Zagreb 旅行, 這個教堂是必需要到的地方!因為是 Zagreb Icon 嘛!!☺ 亦是 Zagreb 其中一個最有代表性的建築物。

St. Mark’s Church(克羅地亞語:Crkva sv. Marka)

如此這般「可愛」的教堂, 吸引了大批遊客!即使是在淡季 (2月) 依然是遊客絡繹不絕。

我們有幸遇上一團香港團友, 他們在拍大合照, 大部份遊客都因為他們而讓位, 所以才拍到後面完全無人的照片!👍

20190209_161715.jpg

不過就不能拍出完整的教堂…

關於這間教堂的歷史就留待大家自行研究啦!有興趣可參考這裡:Link / Link

Continue reading “【歐洲自駕遊】克羅地亞 Zagreb – Funicular 世界上最短的纜車。St. Mark’s Church 聖馬可克教堂”

Posted in 【旅】歐洲自駕遊 2019 - 克羅地亞。斯洛文尼亞, 【旅行】住宿分享

【歐洲自駕遊】Zagreb – Ilica Street。愛 Shopping / Cafe 必到。住宿推介

從 Trakoscan Castle 駕車回到 Zagreb 時, 弟弟已經熟睡了!

20190209_151708.jpg

把車泊在停車場後, 因為時間尚早, 當然要到處逛逛啦!

而且我們還未去過 Zagreb 其中一個一定要去的地方:St. Mark’s Church

憑著亂咁行+大概知道位置的感覺, 不知不覺就來到這條街:Ilica Street

20190209_155932.jpg
Ilica Street 沿途都是商店, cafe, 小型超市等等, 非常適合喜歡熱鬧和愛逛街的人!

Continue reading “【歐洲自駕遊】Zagreb – Ilica Street。愛 Shopping / Cafe 必到。住宿推介”

Posted in 【旅】歐洲自駕遊 2019 - 克羅地亞。斯洛文尼亞, 【旅行】住宿分享

【歐洲自駕遊】Croatia 克羅地亞。Zagreb 住宿分享:超精緻公寓。靚。靚。靚!位置又方便!

20190210_072416.jpg

抵達克羅地亞後,我們就直接駕車到位於 Zagreb 市中心, 位置無敵方便的 apartment

先看正門,是否已經感受到屋主的心思?

20190210_072422.jpg

(上圖)再看門口旁邊的椅子,好有田園 feel 吧!還有一張小小的茶几。 Continue reading “【歐洲自駕遊】Croatia 克羅地亞。Zagreb 住宿分享:超精緻公寓。靚。靚。靚!位置又方便!”

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊2019】Day 2 Croatia 克羅地亞。Trakošćan Castle 浪漫城堡(附住宿介紹)

由開車至到達目的地 Trakošćan Castle, 大概是80分鐘。

capture-20190223-004618.jpg

下面是我們泊車的位置

20190209_140718.jpg

車位不算多, 大概10個左右。我們來的時候只有兩個位, 沒多久又有人來泊車, 即是剛好沒有車位了!記得, 我們是2月來的, 如果旺季的話…..可以泊哪裡呢?可能附近還有其他停車埸….

20190209_111851.jpg

來到這裡跟 Zagreb 是兩個境界!感覺好舒服!大自然啊~~!❤

Continue reading “【歐洲自駕遊2019】Day 2 Croatia 克羅地亞。Trakošćan Castle 浪漫城堡(附住宿介紹)”

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊2019】Day 2 Zagreb。Tunel Grič。無意中發現 Outlet!

逛了一個小時左右, 我們便返 apartment。

20190209_074632.jpg

第二次在 Zagreb 光顧的麵包店, 在 Radiceva Street 上。

20190209_075827.jpg

這三個麵包要 18 kn, 比昨天那間貴一點, 不過還是很便宜!

Continue reading “【歐洲自駕遊2019】Day 2 Zagreb。Tunel Grič。無意中發現 Outlet!”

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊】Croatia 克羅地亞。Zagreb 詳細行程第二日 Day 2「Dolac Market」

20190209_071416.jpg

Dolac Market

本來沒有計劃在行程中, 但不知不覺就逛到這裡來, 當然也要看一下。

20190209_071421.jpg20190209_071456.jpg

也許時間尚早, 大概只有一半的舖位是有開, 或者是正準備營業。

當然有來買東西的人, 我們是其中之一啦! Continue reading “【歐洲自駕遊】Croatia 克羅地亞。Zagreb 詳細行程第二日 Day 2「Dolac Market」”

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊】Croatia 克羅地亞。Zagreb 詳細行程第二日 Day 2「清晨閒逛」

20190209_065641.jpg

這邊的天氣比香港慢七小時 (冬季), 所以第一晚大家都睡至半夜, 應該說是深夜便醒來!

兩個孩子昨晚大概六點多去睡, 弟弟深夜三點多起來, 如果算香港時間的話是早上十時許, 已經比平時的五、六點晚了許多。

因為頭兩晚住的這間 apartment 有兩間房, 分別一張雙人床和兩張單人床, 沒有BB床, 所以弟弟都是跟工人睡, 我和爸爸就可以得到比較好的休息。

這也是為什麼我們要帶工人的原因之一, 另一個原因就是多個人幫忙拿行李和照顧孩子。

別小看行李, 這可是我們第一次一家人一起到歐洲旅行, 而且是在寒冷的冬季, 出發前為了禦寒這個問題可算是傷透腦筋…怕他們不夠衣服保暖, 尤其住在 Slovenia 那幾天….這些之後再寫吧!

20190209_065648.jpg

雖然我也是三點多就醒, 但五點左右我又再去睡覺, 睡至六點半起來, 然後我們三個就出去走走, 留下又再熟睡的弟弟和工人在 apartment。 Continue reading “【歐洲自駕遊】Croatia 克羅地亞。Zagreb 詳細行程第二日 Day 2「清晨閒逛」”

Posted in 【旅】歐洲自駕遊 2019 - 克羅地亞。斯洛文尼亞

【歐洲自駕遊】Croatia 克羅地亞。Zagreb 詳細行程第一日 Day 1「Hi! Beautiful City」

中午12點左右, 我們終於坐完總共約15小時飛機, 來到克羅地亞的ZAG機埸。

由於我在租車的時候太急趕 (原因是有關幫菲傭申請Visa, 以後再寫), 沒有認真確定所選的車型是否合適便付款了, 所以這時候SIXT的職員跟我說這款車可能不夠我們坐, 幫我們upgrade了兩次, 終於租到這次陪伴我們11日行程的車了!

20190208_131851.jpg

下午1點40分左右開始駕車, 抵達 apartment 時, 屋主已經在等我們, 因為途中我透過 booking.com send message 給他, 說我們會比預期的3點鐘早到。

20190208_150422.jpg

放下行李休息一會 (小朋友就當然是在玩) 就出去了。
Apartment 的位置不錯, 位於 upper town 的 Radićeva Street。

20190208_153043.jpg

在歐洲的街頭漫步是一件多令人響往的事!
小孩子自由自在地隨處走,開心極了!
Continue reading “【歐洲自駕遊】Croatia 克羅地亞。Zagreb 詳細行程第一日 Day 1「Hi! Beautiful City」”

Posted in 【Rex】成長記錄

有規律?愛整齊?

雖然有時弟弟好像聽不明白,或是聽了不理你,或是根本沒聽到。但昨天上 playgroup 時,導師說他是個很有規律的人,沒有一個小朋友能做到,但他就做到。

我知道他很愛整齊,從他把圖書一本一本排列好,有不整齊或自己弄不到很整齊的時候,會很脾氣就能看出端倪!

不過,他也未至於甚麼也整齊,至少他沒想做的話就是東西亂放!到處都是……

然而,看得出他也是對自己有要求的,只不過脾氣很臭就是了!😅

Posted in 【LIFE】生病紀錄

流感

近日流感又開始嚴重,哥哥也是在學校被感染了吧?星期二放學回家後,睡了幾個小時,然後就發現他發燒了。

爸爸立即帶他去看醫生,但沒有做流感測試。多看一兩日才決定吧!

然後一直都有燒,服藥後會退,但時間隔久了又再燒。

雖然這幾天正值上學期考試!但都不敢讓他上學,一是怕傳染給別人,二是身體虛弱,需要多休息。(可是孩子就是這樣,覺得好了點就有精神狂玩,不肯休息,幾乎要罵才肯休息)

十分慶幸好自己作出了這麼正確的決定!因為到了星期五,這麼多日了,情況以為會好點嗎?原來是沒有!爸爸帶他出去一會便不舒服了!回家時更辛苦到哭呢!說好頭暈又想嘔。我可憐的孩子……如果勉強去上學了,會不會暈倒呢??又或者要去學校接他回家??總之就肯定是辛苦的。

今日星期六,學校興趣班也不上了。而且問題是,他媽媽也病了!(抵抗力到底是有沒有的呢?) 實際上星期四已經有少許病徵,星期五嚴重了一點,靠著家裡的感冒藥、維他命C等,捱過了一天。但星期六就不行了,只覺得嚴重了,沒有好轉,唯有看醫生。

弟弟呢?Touchwood 沒有甚麼事,有幾聲咳,但精神好好!一定要小心不要傳染他,也希望家中不要再有人病。

Posted in 【LIFE】2018

2018年最後一天 ~ 看電影

20181231_105113.jpg

聖誕假之前已打算帶哥哥去看埸電影, 實在太多吸引的戲。

終於在前天乘車往博物館途中買了票, 而且還是早埸!

其實這個時間對我來說有點兒早…不過, 票價是75元, 跟之後的埸次105元差太多了吧?

所以寧願早一點起來好了…

電影不錯, 好看!! Bumblebee 好可愛, 哈哈!

不得不提, 途中有個小朋友說眼訓…

相信是因為那一段對他來說比較悶。

問題是, 決定了要做的事, 不要輕易放棄! 無論如何也要要堅持下去!!

而且我也是超眼訓的……因為回家後我已忍不住睡了一個大覺~2點睡至5點! 可見我應該是更累的人XD (兒子倒是沒有真的睡過)

Posted in 【LIFE】2018, 【哥哥的小學生涯大小事】

假期功課 ~ 博物館

每年都要做博物館功課, 今次我們選擇了這個:「夢建城市」(“Ronan & Erwan Bouroullec – Urban Daydreaming”)

資料來自這裡

HKDI Gallery 隆重呈獻首次於亞洲展出的城市規劃模型項目展覽「夢建城市」(“Ronan & Erwan Bouroullec – Urban Daydreaming”),展示法國設計組合布魯萊克兄弟(Ronan & Erwan BOUROULLEC)對城市發展提出的多個研究方案。布魯萊克兄弟為近10年國際設計舞台最受矚目的設計師之一,先後榮獲多個國際設計大獎所頒發的「年度最佳設計師」殊榮,其中包括2016年Wallpaper* 設計大獎(Wallpaper* Design Award) 。

展覽以想像中的各種城市新形態為主題,通過模型與影片呈現蜿蜒曲折、富未來感的都市風景。作為國際設計界的頂尖領袖人物,布魯萊克兄弟於展覽首次涉獵城市發展範疇;這些設計項目背後的創作意念大多源於大自然如何與城市互動,透過詳細的實例方案重新探索都巿中建築物、行人路、噴泉等公共設施與樹林種植間的關係,從多方面探討環境保育問題。

是次展覽透過詳細的城市規劃實例方案,探索將大自然融入市區的不同可行性,並提議以不同方法將樹木、動物、水和火等自然元素帶回市區,平衡城巿環境發展的需要。展覽猶如一齣發人深省的舞台劇,讓觀眾彷如置身於一幕幕都巿場景之中。


20181229_11282720181229_112840

今日天氣轉冷了, 好凍!! 幸好出地鐵站, 過條馬路便到。

20181229_114344

還順便看這個“Tim Yip: Blue – Art, Costumes and Memory”, 大開眼界!!!

由於想快點完成參觀, 所以沒有帶弟弟一起來, 參觀完便立即回家了!

Posted in 【Rex】成長記錄

【23M13D】影子

尋日同今日都要去尖沙咀上堂,懶媽媽唔慣早起身都要起……好耐冇上過上午嘅堂啦!今日係11點半。

因為去果陣呢個BB瞓緊覺,又想佢瞓耐少少,所以就推BB車。尋日冇推,幾乎自己行足!只係抱過唔超過5分鐘。叻叻!

返到屋企附近放佢落地行,好似發現新嘢咁,一路行一路望住自己個影子!

其實佢得幾個月大果陣已經有留意過,仲走去捉啲陽光射喺屋企地板上嘅光線!

之後我有時見佢有望影子,都會扮吓手勢引佢玩,但從來都好似冇太大興趣咁。

今日終於都再次留意到,同佢用影子 SAY HI 又會望住個影同我講返 HELLO。

是日WF嬰幼兒活動:當一位小偵探

Posted in 【LIFE】2018, 【Rex】成長記錄

【23M6D】乜都學,今次係要剪……

話說我見到哥哥啲腳趾甲好長,拎嚟睇果陣話而家同你剪腳甲,然後我就行去拎指甲鉗。

同一時間細佬就去除自己原本著緊果對毛毛鞋!

本來都冇為意係咩一回事,到我同哥哥剪腳甲果陣,細佬就「遞」佢隻腳俾我!!

原來佢聽到我話同哥哥剪腳甲又要剪埋一份😂😂😂

呢個BB真係好攪笑,永冇蝕底!

Posted in 【Rex】成長記錄

【23M4D】同人 say sorry

今日食完午飯,帶佢去上 playgroup。

行到近地鐵站出口附近,差啲撞到人,因為佢成日都唔肯俾我拖住……

點知佢識得同人講:Sorry!

果剎那嘅同時,我都有同對方講 sorry。但聽到佢講真係好安慰,我自己都好習慣講 sorry,估唔到細佬咁叻叻學咗!

好嘅學到,當然都有學到唔好嘅嘢啦!但因為佢今次唔係對住屋企人,而係街外人嘛!所以都幾 surprise 㗎!

至於 Playgroup 今日係最後一堂,本來唔打算繼續報,但後來又諗到,既然一來未搵到報邊間,二來呢度有個好好嘅地方就係上堂比較自由,唔返學只要早一日請假就可以,唔會話只可以請幾多日假咁,呢樣我最鍾意!仲有三來係其實細佬都幾鍾意上堂,即使我真係覺得……好悶,但係佢開心係最重要。

所以,暫時我只報4堂,如果12堂就最快都要2月先上完,而且根本冇可能,因為至少有兩三堂我哋係上唔到。到時25、6個月了,又好似太大個……所以4堂雖然貴啲 (250/堂),但都還算值得俾佢上多幾堂嘅。

可能有哥哥嘅經驗,真係唔想咁快俾佢獨自去上堂,第一個小朋友係唔知點解會咁狠心?反而第二個就比較……珍惜!覺得佢得果兩歲就自己返學好慘豬!

哥哥果陣的確係好可憐㗎……由本身好唔怕陌生人,又鍾意同任何人溝通,變成連成日見嘅親戚都驚咗怕咗,完全反哂常!!諗返其實果時都好掙扎,到底係咪應該停止唔好再返,定係再睇耐啲呢?

當然,到後來佢都適應到啦!但就總係覺得好殘忍!又唔知會唔會因為咁而令佢有心理陰影 (或者佢自己都唔知)。有得揀,第二個就唔再咁行囉。

Posted in 【童書】, 【迪士尼美語學習】World Family, 【Rex】成長記錄

World Family 寄來的聖誕禮物

如果冇記錯, 會員每年都會有一份聖誕禮物。

早期好似係DVD多, 呢兩年開始轉為故事本, 仲好啦!

20181203_13565020181203_135703

仲有埋碟添, very good!

20181203_135655.jpg

下午一收到呢份禮物, 就拎住黎講故事俾細佬聽啦! 因為當時佢坐係 high chair 度食緊 lunch, 所以都好專注咁睇。不過睇左幾頁就開始話: mama, no

所以就唔再講。

到夜晚訓覺前同佢一齊睇迪士尼D書 (呢排幾乎每晚都會咁做) 第一本就係講呢本書。

佢竟然可以好有耐性咁聽我講左幾頁, 雖然冇下午果陣咁多, 但係叫做「佢可以控制本書」時都肯睇。即係平時佢睇迪士尼D書係佢自己掀, 佢掀到邊頁我就講邊頁。而佢又好有自己主見, 未講完就又掀 (其實佢係完全唔聽你講乜), 指下呢樣又指下果樣咁, 要你跟住佢既步伐…..你又要應佢「哦! Mickey…哦! Donald…」不過如果你教佢一D佢冇自己指既公仔, 即係一個新字詞, 佢又會聽同跟你講喎!

其實佢都係有接收到你講既野, 所以我先會繼續我有我講, 佢有佢指!!

睇完呢本書, 佢就繼續睇返佢最愛既迪士尼啦~ 呢排好鐘意講: Book 6。所以今日我就拎呢本出黎睇, 又係睇左大約半個鐘左右就去訓覺。

可能佢都眼訓, 所以同D書講拜拜時都冇扭計, 抱起佢又乖乖地伏係我度, 然後叫佢關燈又好乖咁關燈, 同佢唱埋首歌仔, 訓佢落床仔又完全冇扭計, 超乖。

陪佢睇書前係工人放佢落床, 但佢就喊到好可憐咁, 唔肯訓。照計今日冇訓到下午果轉, 應該十分眼訓, 但可能佢期待同我睇書, 所以就扭計豬啦~ 我呢個媽媽…應該要主動D做丫嘛!!!

Posted in 【DIY】縫紉分享

【DIY】車縫毛毛手套

車左「幾隻」手套俾兩個小朋友。點解話幾隻, 因為車完一隻俾佢地試戴完之後, 發現SIZE唔係咁岩囉!所以又再車過, 而且都用既布都唔同。

20181024_120335
咁細隻好難車….

20181024_165016

上面呢對內面用既毛毛比較柔熟舒適!

20181025_001309

而呢對紅色毛毛既呢就勁啦!因為佢本身係一種複合面料, 有防風效果架!希望到時去到咁凍既地方夠暖啦…不過我仍然會繼續試下再整其他手套, 再厚D就更加暖!

Posted in 【DIY】縫紉分享

DIY 手作 ~ 背心外套

近日沉醉於縫紉,前幾天車縫了一條長褲給兩個公子。昨天車了一件給哥哥,今日再車一件給弟弟。

因為昨天剛做完,所以沒有看著 YouTube 教學也能完成!

但縫得不太好,所以還需繼續努力,繼續「實習」!

下一件「作品」想試試有袖的外套。

Posted in 【LIFE】生病紀錄

又病

早兩個星期因為感冒令哮喘發作,仲要入院住咗兩晚 (其中一晚可回家),估唔到今日又突然病咗。

朝早都冇乜嘢,仲同佢做功課、對功課。攪掂之後轉個頭見佢去咗瞓覺。起身時話頭暈,好似入面有嘢攪吓攪吓咁!仲愈來愈辛苦咁樣。我就話不如你睇陣電視,睇吓會唔會好啲。但結果睇睇吓發現佢發燒了……

臨出門口去睇醫生時問佢先話有啲喘……

去睇咗最唔想去果間,不如今次唔係果個男醫生 (上次星期日去睇都唔係佢) 都好啲!

雖然而家咁大個仔,但係就反而比以前更擔心佢……

Posted in 【LIFE】生病紀錄

哥哥住院一晚

今次應該係第三次住院,唔計出世果次。

本來以為係感冒引致中耳炎或肺炎 (醫生話),後來去醫院照到冇事,但因為氣喘得厲害,所以要佢留院觀察!

而家雖然出咗院,但係叫做渡假 (想當年都係咁),聽朝都再返醫院。

呢次住院我哋冇陪佢過夜,一來佢大個仔啦,二來佢都叫我哋返屋企。不過因為半夜都要探熱,聞氣,所以佢話成晚只係由兩點瞓到五點左右,返到屋企又唔瞓吓,結果食飯果陣就超攰超眼瞓,食完即刻瞓了。

條氣順返又冇咁唔舒服果陣都仲可以咁……活潑可愛🤣

Posted in 【買】BB用品, 環保尿片 Cloth Diaper

【環保尿布】不可缺的抹布!Reusable wipes

忘了之前有沒有提及過, 用環保尿片的同時, 還需要用 reusable wipes 來抹便便, 不需要常常買濕紙巾, 這樣亦都更環保!

一開始的時候, 我用的是: OsoCozy Flannel Baby Wipes – Reusable And Washable – 15 Pack (Unbleached)

osocozywipes1.jpg

要買幾多才夠呢?

上面為例, 15塊為1套, 最少要買兩套, 可以的話3套更好!即45塊。

雖然我家的是男孩, 但每次換片無論開大或開細, 我都會用來抹一抹, 這樣最少用一塊。如果開大, 用量也不會太多, 因為一塊已經可以抹走很多了!這是濕紙巾無法媲美的!!!!最多也只會用5塊, 那已經是又抹前又抹後超級乾淨的用量!

這樣計算的話, 一天換6次, 包括1次便便, 最少要用8塊 (只算1次開大, 用3塊)。
預鬆一點, 如果一天換8次, 包括2次便便, 那就要用16塊 (開大用5塊)。

兩天洗一次片片跟抹布(可以一起清洗的), 16塊x2(日), 兩套的話30塊還是不太足夠, 除非是每日洗啦!

由於沒有計算過就只買了兩套, 所以後來我也加碼買多些!又因為喜歡嘗新, 所以第二次就買了這款: Bumkins Reusable Flannel Wipes

bumkinswipes.jpg

哪款比較好用?

個人認為是後者!質料比較柔軟, 即使洗了多次依然比 OsoCozy 軟!而且也比較大塊一點, 推薦大家買這款!而且一買就是 36 條 (另有12條可選), 兩日洗一次都夠用呢!

 

Posted in 【買】Online Shopping 網店購物

【準備去滑雪】Next & iHerb 網上購物

前晚開始睇吓啲滑雪衫,見到 Next 有得買,仲要只係2百幾蚊衫,就即刻放入購物車。

點知原來又係放到入去但就冇貨……

咁我就一直開住個網頁冇關,尋晚再睇,又揀咗件衫,一按 refresh,冇貨果三件滑雪衫竟然有貨!好 surprise! 於是就再睇真啲揀邊件好。

事隔只係幾分鐘,又突然冇哂貨!嘩!係咪咁誇張呀?

到今朝起身再睇,揀吓揀吓又由冇貨變有貨,於是唔再諗啦!即買!

當然我已經睇好要邊件,一有貨就可以即刻買啦!

落完呢張單,又好想買多件,起碼去到歐洲果幾日咁凍都可以著,唔係淨係玩雪時著!

所以又再落多張單……

想買俾哥哥都唔得,冇咁大個嘅滑雪衫😞!褸果啲又想親身睇同試,所以只揀到一件衫俾佢。

想買長褲,但佢又怕熱 (又怕凍),驚佢唔著。

早兩日又喺 iherb 買返啲牛油同oatmeal etc,3百幾蚊。咁夾埋又千幾蚊啦!洗錢真係倒水咁易……😓😓😓

Posted in 【旅】大阪京都 2018 - Family Travel

【大阪京都2018】一家大細開心遊

半年後才POST!但….有總好過沒有!哈哈!

原本計劃的行程, 因為天雨關係, 有整整一天的行程取消了……即時變成沒有計劃過的 Plan B。
幸而民宿的位置夠方便, 未能前往萬博那兩間童裝店 Akachan 和 Markey’s, 改去 Namba City 的 Markey’s, 雖然要行十多廿分鐘左右, 好過無啦!😅

實際行程 GO~

第一日
搭南海電鐵去難波
【大阪。京都】關西機埸=>難波:搭特急Rapi:t
途經高島屋, 買嘢返民宿
民宿 Check in 後食埋野就行去道頓堀
【大阪。住宿】西心齋橋民宿。好大的露台+位置方便
晚餐 :「大起水產迴轉壽司」
心齋橋行一陣, 行美國村返民宿

第二日
下雨天……幾乎全日!
午餐 :「北極星蛋包飯」就在民宿樓下步行不到1分鐘!外賣民宿食
留低佢地, 我地自己去 Namba Walk 同 Namba City shopping!!
幾經辛苦先搵到 “Markey’s”, 買咗兩件衫一條褲同一對襪
高島屋買嘢食返去俾各大小朋友做晚餐
喺民宿慶祝母親節!有靚靚好味蛋糕啊~

第三日
10點幾出門口, 去心齋橋行街
午餐同日本朋友一齊食 :「串かつ だるま 心斎橋店」估唔到真係咁好食!
【大阪●美食】串炸「串カツ だるま」心齋橋店
再戰心齋橋, 爸爸同哥哥大戰日本橋!
返民宿放低戰利品&休息一會
晚餐 :「但馬屋E-ma」朋友推薦, 好好食! 而且仲有驚喜!
【大阪。梅田】晚餐:但馬屋E-ma

第四日
早餐 :「Egg ‘n Things」10點幾去到已經排緊隊
返民宿拎行李 & Check out, 搭地鐵轉京阪電車去京都
放低行李係民宿後, 搭巴士諗住去清水寺
東山安井站落車, 行行下已經去到八坂庚申堂
沿八坂通一直行到三年坂, 沿途太多店舖太吸引, 咁已經行咗兩個幾鐘
到達清水寺, 因為佢地4個都話都唔入去參觀, 所以我地都冇入去
返民宿休息一陣, 再行去四条通
茶寮都路里食個 Dessert
晚餐 :「我逢人 かっぱ」Tatami 座位, 好正! 好地道!

第五日
和服體驗, 只係響附近一帶行吓影吓相
午餐 :「いづう」必食鯖姿壽司, 箱壽司

竟然俾我哋見到真正嘅「舞妓」!
還和服後去嵐山, 搭嵐電
渡月橋及附近一帶閒逛
太多蚊…而且時間都唔早, D舖開始收, 搭巴士返去食晚飯
晚餐 :「モリタ屋 木屋町店」食壽喜燒, 超級無敵好食!! 貴得十分值得!!
【京都。木屋町】超級無敵美味壽喜燒:モリタ屋 (十級推介)

京都穿和服 kimono 遊記

第六日
早餐 : 麥當勞 兒童餐架 TOMY 車又係抵!!
開始單車旅程
參觀二条城
午餐 :「はとや食堂」 又係好地道既餐廳, 冇驚喜, 勝在便宜!
繼續單車行程, 沿住鴨川踩, 爽爽^^
還車後去超市買野食, 是日晚餐又在民宿解決!! 仲有自己煮!

京都,踏單車親子遊

第七日
早餐 : 「やまもと喫茶」
搭共乘的士去機埸, 超方便, 就喺你住嘅地方接上車
【京都】共乘制機場接送 MK Taxi ~ 便宜方便舒適的好選擇

Posted in 【Rex】成長記錄

20m18d 又上Playgroup啦!玩麵粉

今日上 playgroup 玩麵粉 (其實係糯米粉),估唔到細佬都幾有興趣喎!玩玩吓仲將我搓成嘅波波擺入口!!可能佢認得呢樣嘢係整食物,喺屋企我緊係唔俾佢玩啦!最多都係俾搓好嘅麵團佢「督」吓!都已經督得好開心,哈哈笑。

原來喜歡玩車上的機關

上完堂之後又喺外面玩一陣,玩咗呢架車好耐,原來係攪果兩度門。喺屋企玩哥哥啲車都發現佢係對啲可以開關嘅車門比較有興趣,並不是將啲車推前推後。


今晚工人整到隻蛋好 cute! 不過細佬唔係咁欣賞,仲好似驚驚哋添!直到將隻「雞仔樣」整到冇咗,佢先肯食隻蛋!😂

Posted in 【Rex】成長記錄

Rex’s Baby Language (20m17d)

近排成日學我哋咁叫哥哥:Max

好似今日咁,我一叫Max,佢就即刻望向哥哥然後講:Max ark co gee si ho bee he ba ee da…..

以上除咗Max一字外,其他都係BB話 😂

另外,今日想整頂帽俾佢,所以量度吓頭仔,大約 49.5 cm!

前排試過一次睇住佢撞親隻腳,心痛佢一定好痛,情不自禁地就攬住佢錫返。跟住開始就一整親痛就要人錫錫🤣🤣😘😘

Posted in 【FTM】學整嘢食, 【LIFE】2018, 【哥哥的小學生涯大小事】

哥哥三年班啦 + 蕃薯波波 (煙un版)

呢幾個月已經冇乜太多心機去整野食, 應該話去完旅行返黎之後就已經懶左!

再加上早前迷上手作…再愛上車縫, 結果就只有好間唔中整下麵包, 冇喇!!

熱度總會減退, 尤其我呢D出左名三分鐘熱度既人…雖然未至於冇哂興趣, 但就因為某D原因, 所以就暫時減慢速度! (唔係停止, 熱誠依然有!)

而且9月開學嘛! 哥哥又鬼咁大食! 要為佢準備多D零食同早餐! 雖然我未叻到可以準備到「每日」, 至少仍然可以減少食D唔多有益既食物。

今日開學第一日, 我堅持要自己送佢去搭校車。冇錯…之前連落樓我都懶…但我其實唔係咁過得到自己…所以今日仲要帶埋細佬一齊送佢返學添! 順便同細佬去公園行下, 玩左陣。

係喎, 而家先醒起唔記得等哥哥放學返黎再同佢地去公園玩添…因此晨咁早冇人玩, 哥哥今日又放早。

下午同佢兩個去左超市, 買左兩條大眼雞, 好耐冇煲過魚湯啦!! 竟然, 哥哥俾分有「十份之九」(佢用既形容詞….) 仲肯食哂一個大碗添!! 我要努力D煲多D先得! 反而細佬就唔鐘意飲! 可能有薑味? 但係細佬肯食D魚肉同埋豆腐, 哥哥就唔多食。兩個真係好唔同呀!!

岩岩又試左個新食譜! 係蕃薯波波! 唔係之前果隻!! 係用木薯粉同低筋麵粉整。

我係跟呢度整既: https://cook1cook.com/recipe/27014

材料:
蕃薯 370g
牛油(我用GHEE) 20g
糖 20g
鹽 1g
木薯粉 80g
低筋麵粉 20g

做法請參考上面條LINK

蕃薯其實隨手拎左3個超市買既日本蕃薯, 所以重量猜跟足。
另外將D波波搓成 10~12g 一個, 方便細佬食。焗既時間大約係15分鐘。

自己試食後覺得好好好好味呀~!! 相信佢地都會鐘意食掛?!! (哥哥超級挑食….)

Posted in 【Rex】成長記錄

Rex 發展:玩砌圖,講 next

晚飯後同工人玩,第一次聽到佢講 “next”。

之前都有類似嘅音,但冇今次咁清。

原來佢玩緊 puzzle! 之前喺玩具反斗城買果套。

玩完一個又一個!工人同佢講 upside down,似明又好似未明咁,但估唔到佢完全冇人幫之下都可以砌到!叻叻豬呀!

除咗 next,佢已經識講好多嘢,不過就冇哥哥果時細個講嘢咁清咁快同咁叻!

佢叻嘅係大小肌肉嘅發展,連密實袋都俾佢開到。

仲有最叻嘅係發脾氣!🤣

Posted in 【迪士尼美語學習】World Family, 【Rex】成長記錄

【DWE】活動:我的字母

20180810_152942.jpg

好耐好耐冇寫下細佬上 World Family 活動啦! 呢次唔係 Story Telling, 又係「活動」!!

一去到又係攬到我實一實, 好怕醜!

明顯對D字母好有興趣! 因其實近呢個月已經開始左教佢 Letter Sound, 所以認得下而特別感興趣吧?!

無論係聽或睇碟, 細佬都係比哥哥少得多, 但相對由於工作照顧佢而日日都有得聽, 再加上有哥哥之前的經驗, 所以都係睇少D, 同講多D中文好….

Posted in 【FTM】心情記事, 【LIFE】2018

突然愛上手作

又好耐寫BLOG, 其實除左有D忙之外(幾時都好多野想做&要做!), 主要原因係小朋友開始大個, 要保護佢既私隱啊!

但仍可以分享既係自己既野。近排就開始迷上DIY!!

人真係可以突然有好大既轉變!!

以前我對「手作」呢回事一D興趣都冇, 當然, 讀書果陣都有學人織下手繩、頸巾咁, 但係果D只不過係貪得意, 人整我又整, 同興趣冇關。

最近就整左兩個和風頭飾, 第一次整, 非常之唔靚。

20180620_231008
呢個睇落好少少
20180622_014638
呢兩個其實有D怪

所有材料(除左支膠槍)都係淘寶買, 價錢非常便宜!以後會再分享!

Posted in 【Rex】成長記錄

【1Y5M】17個月

無意中睇返以前既 Blog, 雖然記錄哥哥既發展唔算係十分多, 但都比細佬多好多好多….
點解會咁架? 明明之前仲覺得寫哥哥既唔夠詳細, 好想將細佬既發展寫得更詳細, 點知仲衰….
唯一既解釋係….要湊住佢兩個!(喂, 你有工人點解都唔得閒寫?) 我都唔知點解, 永遠都有好多野做咁!例如…訓覺!!哈哈….

講下者….其實細佬我就比較專注於佢響食果方面!哥哥就簡單D, 煲粥多。主要都係環境影響啦!仲有就係年紀大左, 諗野又唔同左啦!

呢次睇返哥哥細個, 就好明顯可以睇到細佬同哥哥既分別。

首先最最最大分別就係:「講野」
而家睇返先知道當時同月齡的哥哥(即係都係17個月大)已經識接歌啦!(哥哥的舊文:接歌
講野就更加早啦!
細佬到而家都仲係簡單既字, 例如 mum mum, 街 (去街), 媽媽 (好似要好用力咁), 數1, 2 (呢排開始自己數1然後又講到2, 我地好早好早已經教佢啦….), 至於其他佢都多跟我地講, 不過就唔係咁清楚, 其實佢係肯講, 尤其跟住讀D字, 只不過係講得唔岩, 而且平時係唔多講, 最叻就係自己會數1,2囉!

第二樣想講既係:「肯唔肯自己行」
仲有好大好大既分別就係哥哥成日都係行路, 即係出街已經幾乎完全唔帶BB車, 重點係佢肯自己行。
但係細佬係行兩步就要人抱, 所以一定帶車, 唔係就抱到手都斷….(再講一次, 年紀大啦, 我冇力)

第三樣係:「怕唔怕陌生人」
呢樣又係好大分別。哥哥係咩人都唔怕, 見到陌生人都唔會驚, 又乜人抱佢都得。
細佬就唔係啦, 人地未掂佢就已經驚緊, 如果抱住佢, 佢就攬到實一實, 如果冇抱, 佢就喊住要抱。試過好幾次係見到人就爆喊, 要抱佢”離開現埸”。

細佬雖然參加得比較多 World Family 既活動, 主要都係 Story Telling, 但就比較少去 D Playroom, 即係有波波池果D度玩, 亦冇參加過出面既 Playgroup。(哥哥的舊文:1小時45分的PLAYGROUP (試堂)
而係活動中既表現都明顯唔同, 哥哥係幾乎成堂都四圍走, 攪呢樣攪果樣冇時停。
細佬就比較定, 一開頭都係會驚驚地, 有D緊張咁, 細少少仲會喊, 抱住佢一陣就會好D, 都會開始跟其他BB一樣企起身, 周圍走同周圍爬。

「時間表」
其實我冇刻意安排時間表俾細佬, 但佢就由細細個開始已經有好定時既作息, 完全係由佢自主地安排時間表!而且亦都一個十分好!!一開頭覺得個時間表幾定果陣, 佢係8點多D就開始眼訓, 到後來慢慢調較到而家10點訓覺。而起身呢, 就冇乜得點調較啦, 佢通常係6點至7點半就醒, 前排完去日本仲慘, 而家有時會5點幾未夠6點就醒!!仲未適應返香港時間咁。
哥哥就係比較夜訓, 但就晏D起身。

「大小肌肉發展」
細佬亦明顯比哥哥發展得好, 好細個已經識掀書, 擰開D蓋呀, 樽呀等等, 今日(2018.6.3)仲試過兩三次自己玩到迪士尼美語世界部卡機, Play 到張卡添!(因為對佢地黎講都算幾難) 仲有細佬超鐘意爬高爬低, 枱枱櫈櫈….乜都擒!仲要超大膽!哥哥就冇擒咁多, 可能係環境做成, 間屋太多地方俾佢擒!

「健康狀況」
哥哥未滿月已經病了, 但細佬到而家為止, 傷風感冒之類係極少, 有都會自然好, 睇醫生就只有兩次左右, 打完針都未試過發燒!!!

講住咁多先….

 

 

(其實呢篇寫完好耐, 10月1日凌晨先post…)

Posted in 【LIFE】飲飲食食, 【旅】大阪京都 2018 - Family Travel

【京都。木屋町】超級無敵美味壽喜燒:モリタ屋 (十級推介) 一定要預約!

京都木屋町壽喜燒 モリタ屋入口

大推大推大推~~~

呢間「モリタ屋」既壽喜燒真係好食到暈呀!!! 想試下壽喜燒既可以諗諗佢。

行程第五日, 上午著和服, 下午還和服再去嵐山「快遊」。因為去到果陣時間已經唔早, 我地又慢慢 hea 行, 走果陣D商店都開始關門。

跟住就搭巴士去三条, 目的地就係呢度: モリタ屋 食晚餐。

我地係嵐山搭6點2車, 去到三条要差唔多成個鐘! 不過可以體驗搭巴士+望下外面既風景, 都唔覺得坐左咁耐。

大約7點半去到, 但因為我地冇Book位, 接待員初頭同我地講話 full 哂, 果下都幾失望。點知隔離果位姨姨就同佢講話可能有位, 所以我地就企&坐哂係門口位度等….

終於可以入座啦!

京都必吃壽喜燒, 環境

好 Surprise! 間房係「個室」!! 好正!!  Continue reading “【京都。木屋町】超級無敵美味壽喜燒:モリタ屋 (十級推介) 一定要預約!”

Posted in 【LIFE】飲飲食食, 【旅】大阪京都 2018 - Family Travel

【大阪●美食】串炸「串カツ だるま」心齋橋店

尋日落雨落足全日,細佬(仲有哥哥都係)留在民宿全日,今日好好天,有得出街街,好開心啦~

其實就算落雨都要出呀!因為今日有件好重要嘅事…就係約咗個日本朋友食 Lunch。

朋友就揀咗呢間:「串カツ だるま」食串炸。

だるま 心斎橋店 Website Tabelog

20180514_110603
呢度咁多人, 要捉到實一實呀!
20180514_110702
未食野, 就想食甜品?!

原來樓上都有,仲要係環境都好寬敞。人又唔多,所以我地好似包左半個埸咁。

Continue reading “【大阪●美食】串炸「串カツ だるま」心齋橋店”

Posted in 【Rex】成長記錄, 【學習】認字

【Rex 學習】中文認字

唔知大家有冇睇開 Facebook 一啲二手童書 Group?我間中都會睇吓。最近就俾我見到套中文認字閃卡,係大 size 果種,於是就俾我買咗啦!

之後喺淘寶訂購咗幾百張白卡紙,好似係 300g/張,重到阿媽都唔認得😅

但要自己手寫,我又懶,買就叻,做就……哈哈!都寫咗10張㗎!不過就好少同佢睇,所以其實都仲係停留咗喺度。

去完旅行返嚟正常都唔想洗錢住,已經洗咗一大筆嘛……都唔知點解無啦啦又走去睇啲 Group。都好嘅!中文字卡不嬲都想買,只不過我未搵到邊度有,先至唯有去淘寶訂。而家終於都有啦!就開始同細佬玩嚕!

首先,我係已經知道佢OK會睇嘅,我先決定買。之前一直有用迪士尼美語世界啲卡仔同佢閃,佢好開心㗎!重點係我發現佢真係有睇,仲會好似睇到唔夠喉咁!所以每次同佢玩完我都會攬到佢實同大力拍手讚佢,佢又會笑得好開心!好似因為認到字而有滿足感咁。

而家一日同佢閃兩三次,記得果吓就會玩,唔知成果會係點呢?我都好期待……就好似用迪士尼套教材咁,我相信堅持同佢做都係會有成果嘅!

希望佢可以對中文都有興趣啦!英文我反而唔擔心。

Posted in 【買】Shopping, 護膚品

Kiehl’s

今日去做 Laser,做完順便行吓,諗住買返啲護膚品。
啱啱先去完日本,冇理由買 Sofina 㗎!其實我想買眼部精華,Sofina 果啲我都用緊,話就話可以當眼精華,但我多數用嚟搽喺最後,即係用作減淡或預防皺紋。但係我又懶,唔係成日有用,因為搽完一大堆嘢之後,通常都已經唔記得搽佢……

行過Kiehl’s,好耐冇買佢啲產品。
買左兩樣野 ($1300),俾錢果陣先知道原來對上果次係2015年!
係囉~不嬲用開 Sofina,有乜咁奇?
只係覺得乜時間過得咁快……

今次買咗兩樣野,一支自己用,一支俾媽咪。

因為我係會員而且今個月係生日月,所以送埋呢三樣野!
印象中好似舊年定前年都拎過一次。
都係幾唔錯嘅禮物^^

最後就係送嘅 Sample。

又因生日月份有雙倍積分,一蚊一分,即係我即時有 2600 分!已經可以換到野啦!不過果支好似係金盞花洗面,唔係幾啱我,所以就留返下次先啦!(希望記得!)

今次先感受到雙倍積分嘅「威力」!

Posted in 【旅】大阪京都 2018 - Family Travel

【大阪。京都】關西機埸=>難波:搭特急Rapi:t

出發前, 在南海電鐵網站內買了「特急 Rapi:t (普通席)」成人 : ¥1,130, 兒童 : ¥570

普通車費即一般空港列車都要 ¥920/成人, 加多二百 yen 就可以坐 Rapi:t, 所以就決定買飛。

不過下次再黎既話應該唔會再買啦! 因為真係快好少, 但最大問題係, Rapi:t 既班車比較少! 好似我地咁, 去到南海電鐵既服務櫃台換車票時, 下一班 Rapi:t 列車要等成25分鐘!! 咁如果我係買普通車票, 呢25分鐘就唔洗呆等, 而且問題係都係慢10分鐘左右…即係話, 點都會快D到達目的地!! 所以問題唔係平同貴, 因為都係差少少, 最大問題係時間。

=> 南海電鐵 特急 Rapi:t 網上買票 :
http://www1.nanka-e-tabi.com/NERCT/ItemDetail.aspx?tc=IB4AOSKIXWTT&sk=1

20180512_140120
我到左日本啦啦!嘻嘻~

Continue reading “【大阪。京都】關西機埸=>難波:搭特急Rapi:t”

Posted in 【旅】大阪京都 2018 - Family Travel

【大阪。住宿】西心齋橋民宿。好大的露台+位置方便

說到民宿, 第一個想到的就是 Airbnb。
在找優惠碼的你, 快去登記+訂房 (接此連結), 訂單滿$550 HKD便可享$263的優惠折扣了!!
因為要填入境表格, 租民宿的記得要準備好地址和電話號碼! 是一定要填的呢!

(咦? 怎麼又用了書面語來寫….哈! 希望沒讓大家感懊惱)

今次去日本租的兩間民宿都十分滿意, 跟上次在芭提雅的那間感覺差很遠呢!所以誠意推薦!!

先說在大阪這間, 位置就在難波地鐵站附近, 走路大約只是幾分鐘。
不過沿途都有很多店鋪, 可能會令步行時間增加呢!(受不了誘惑)

由於沒有刻意拍下照片, 所以大家就自行到民宿的連結去看好了~ 照片跟實際上相差不遠。

 

20180513_113700
行程第二天就下雨了…..

上圖是民宿的露台, 超大!拍到的只是其中三份一!除了有這張戶外桌椅和太陽傘外,再前一點有個網床, 看到嗎?(我知道….看不清楚!連我自己也幾乎看不出來!)

照片左轉走的話又是三份一,有曬衣服的地方!即使下雨天也都不用收衫,因為雨打不到,超正! Continue reading “【大阪。住宿】西心齋橋民宿。好大的露台+位置方便”

Posted in 【LIFE】飲飲食食, 【旅】大阪京都 2018 - Family Travel

【大阪。梅田】晚餐:但馬屋E-ma

但馬屋イーマ,係一位現居大阪的日本朋友推介, 不過佢話佢自己都未去過…叫我試完話返佢知好唔好食!!估計應該都係睇 [食べログ] 的食評,見評分高所以推薦吧!?

由於行程嘅關係,編排咗喺第三日夜晚去梅田果間分店食。不過呢間就唔可以 Online Booking,要用電話預約,我地民宿附近果間心齋橋分店亦都係冇得 Book,最後唯有請朋友幫我地打電話去 Book。

Book 咗七點半,本想諗住食晚飯前去 Grand Front Osaka 果間 Kid O Kid 度玩。但最後我地因為行完街之後所剩嘅時間唔夠,所以就冇去到,真係好遺憾!但冇計啦!我已經編排得好少行程……

六點幾由民宿出發,難波搭地鐵去梅田十分鐘都唔洗,不過行去地鐵站都有一段路程,而且去到梅田又驚迷路,所以咁早出發係正確的!可以喺七點半前準時到達!日本人好講信用嘛!遲到就唔係咁好啦。

去到梅田出站後完全唔知點行,要不斷問路先去到!(太驚行錯)

20180514_191714
連接地鐵站的入口

Continue reading “【大阪。梅田】晚餐:但馬屋E-ma”

Posted in 【旅】大阪京都 2018 - Family Travel

【京都(2018)】共乘制機場接送 MK Taxi ~ 便宜方便舒適的好選擇

共乘的士松埸接送 MK TAXI

回程去機埸本來想包車, 問過幾間淘寶店, 多數都話我哋可以坐七人車, 但有一兩間堅持只可以坐九人車。

由於佢哋比較便宜嘅車都係白牌, 而非白牌嘅就貴成倍! 所以遲遲都未能決定租唔租。

後來上網見到有人分享呢兩間: MK Taxi 同 Yasaka

於是就 Send 左份表格俾 MK Taxi 先。收到回覆係話我想 book 果日嘅大型商旅車已經滿了….唯有轉搵第二間啦!

去 Yasaka Taxi 網站, send 左份預約表格, 但之後一直都冇收到佢哋嘅確認信, 亦冇任何 e-mail, 唔知係咪收唔到? 後來都係試下 Book 返 MK Taxi 嘅共乘機埸接送。

竟然又有位喎!! 好似好奇怪咁? D車原來會留俾共乘多! (??) Continue reading “【京都(2018)】共乘制機場接送 MK Taxi ~ 便宜方便舒適的好選擇”

Posted in 【哥哥的小學生涯大小事】

哥哥的禮物

星期五放學返嚟拎住呢個公仔,原來係中文科老師送俾佢,因為佢乖喎!

多謝老師呀!哥哥都要繼續努力!我成日都覺得佢係食咗藥之後先咁乖……但其實佢本來就係咁乖乖㗎……

佢好鍾意,瞓覺都捨棄咗隻 bear,攬住呢隻公仔瞓!

Posted in 【LIFE】2018, 【Rex】成長記錄

準備去旅行啦!(+細佬發展情況)

成個月有多冇寫 blog,睇嚟我真係好忙!🤤

忙啲乜,前排搬屋都已經夠多嘢攪,仲要同工人攪日本簽證!臨發現時日無多果陣,仲差兩個星期日左右就出發…好在,唔需要等5~7個工作天就已經收到通知話批咗,拎得visa啦!太好啦!幾驚唔批…唔批錢事少,冇人幫手就好大件事啦!

因為根據上次旅行嘅經驗,真係會攰到咩咁㗎!想瞓多陣都唔得。即係呢,個B晨咁早起身,習慣咗都係工人湊住先,到我瞓醒先接手,但去旅行就冇啦…所以我同爸爸都一致認為呢個決定係冇錯!(帶埋佢去)

其實幫工人攪簽證都唔係咁煩複,只要齊哂文件就OK!但有啲冇喺網站度註明,但原來都係要嘅,其實係咪應該改改佢,寫返清楚啲呢?攪到我係咁即時搵俾佢哋…

不過算啦!都批咗!而家就等出發!仲有一個星期咋!好好好好好期待呀!

細佬而家16個月大啦!呢張相影到佢超級老積…其實真人都唔係咁老成嘅!係好 cute 㗎!而家成日扮可愛引人笑,又比以為大膽咗!仲大膽到不得了,成日擒高擒低,睇少一陣都可以已經爬咗上哥哥張書枱度,隻手攪緊隻窗啦!😲

未係好識講嘢,但會有意識咁指住一樣嘢讀,例如英文字,圖書同海報上面嘅字,有時睇圖書見到幅圖畫仲會「咔」一聲笑出嚟!好似覺得個公仔好好笑咁!

講得最叻嘅應該係個「街」字,喊果陣識叫「媽」,好肚餓或者想食嘢時識講「mum」,擲骰仔又學人講個掉字,但係…完全聽唔出係咩字囉…😂

佢好鍾意喺我哋張床度典來典去,好 enjoy cozy 同軟林林嘅嘢!但就多次因為突然撐個人,撞到我爆缸!尋日先俾佢撞爆完咋!痛到我呢…仲要佢又痛,狂喊,我點痛都要忍住,首要任務係錫返佢……

佢雖然超級好動,成隻 monkey 咁,但係又可以非常專心。呢樣嘢同哥哥唔同,而且比哥哥早更多對書本有興趣,會自己拎出嚟睇。

哥哥而家鍾意睇書嘅程度,可以用「極度喜歡」嚟形容,甚至都未夠貼切,因為佢經常喺未瞓著果陣,偷偷地睇書,仲要冇開燈!有時半夜醒咗,都會拎書嚟睇,確實係非常誇張!

Posted in 【Baby Food】

【14個月】每日餐單 (March from 2018.3.18 ~ )

今個月開始會喺度記錄細佬每日餐單。其實之前一直都有記錄,等我得閒果陣再喺度寫返啦!雖然都係 copy and paste,但都要搵時間整理吓!

呢個3月都係由18號開始記,因為本身諗住唔再記,但諗諗吓又好想記,咁不如寫喺呢度啦!應該會比較努力😁 不過有時我都會忘記咗㗎!(大家作為參考好了,我只係一個普通媽媽,而且都係剛開始煮食半年左右😊)

細佬14個月,體重大約係9點幾 kg。通常一日都有4餐固體食物,只飲朝早起身一餐奶,約 100~180 ml。

2018.3.18 Sunday

Breakfast : Banana Pancake, Strawberries, 紫甘筍汁杏脯燕麥

2018.3.19 Monday

Breakfast : Banana Pancake, 自家芝士粟米包小半個

Lunch : 藜麥飯波,炒茄子,蕃茄仔,Bell pepper meatballs

Tea time : 日式煮紫甘筍,芝士炒蛋

Dinner : 白飯,肉桂蘋果,青椒豬肉丸,西蘭花

2018.3.20 Tuesday

早午餐 : 日式揚豆腐,茄子,青椒豬肉丸,白飯,配和風蘿蔔醬

♡因為起身後未食早餐就瞓返,再起身時已經唔係早餐時間,否則就唔知幾點食午餐,所以就食一餐算了♡

Tea time : 自家芝士麵包

Dinner : 洋蔥西蘭花炒蛋,蘋果,白飯

2018.3.21 Wednesday

Breakfast : 烚蛋,自家提子包,芝士,車厘茄

Lunch : 紅扁豆白飯波,雞肉丸(冇食),南瓜,白蘿蔔

2018.3.23 Friday

Lunch : 螺絲粉,牛肉薯波,烚蛋,豬肉丸

2018.3.24 Saturday

Breakfast : Banana Oats Pancake, 杏脯燕麥

Lunch : 洋蔥牛肉紅蘿蔔飯波,香蕉

2018.3.27 Tuesday

Lunch : 甘筍,粟米藜麥菜心蕃薯飯波(焗),車厘子,火龍果

Tea time : 牛奶麵包

Dinner : 焗飯波(同上),白飯波 (即是有兩款),甜豆煎蛋,豆腐豬肉漢堡

♡個煎蛋佢肯食,好多時都唔食㗎!比較鍾意食烚蛋,又或者佢鍾意食煎嘅多啲?焗蛋9成食剩大半♡

2018.3.28 Wednesday

Breakfast : Pear (綠色皮果隻,唔記得叫咩梨)

Lunch : 三色螺絲粉,洋蔥炒牛肉,芝麻紅扁豆焗紫心蕃薯波波

啲牛肉就咁俾佢食㗎咋,但我有間中有用筷子餵佢。

Tea time : 自家肉桂提子包

Dinner : 烚蛋,豆腐豬肉漢堡,火龍果,鮮淮山西蘭花紅米糙米飯波

2018.3.29 Thursday

Breakfast : Banana Pancake, Yogurt

Lunch : 豆腐豬肉漢堡,揚豆腐,紫菜黑白芝麻飯波,車厘子

Tea time : Cheese, 自家提子包,自家蘋果蛋糕

Dinner : 紅蘿蔔飯波,雞肉漢堡,烚蛋,車厘子

♡大件事!而家好似開始對烚蛋麻麻地!之前明明好鍾意,尋晚同今晚都唔多掂隻蛋♡

2018.3.30 Friday

早餐:杏仁片核桃杏脯燕麥

♡點知勁眼瞓,食唔多♡

午餐:有機粟米,焗雞肉漢堡x2,焗紅蘿蔔薯餅,白飯波

♡哥哥走埋嚟合照,攬到人家咁嘅樣ಠ╭╮ಠ ♡

下午茶:自家提子方包一片

晚飯:外出韓食 ~ 白飯,烤牛肉、豬肉、紅椒、黃椒,芝士粟米,蛋…

2018.3.31 Saturday

早餐 : 粟米煎蛋,Oatmeal with cranberries

♡又眼瞓到暈,直頭暈咗😅 所以只係食咗兩啖蛋,燕麥冇食到♡

午餐 : 烏東,紅蘿蔔薯蓉,蕃薯,雞肉丸,自家提子方包半塊

♡早餐冇乜點食,竟然連午餐都食咁少…原因係啲嘢唔啱佢胃口😑 最後唯有俾半塊麵包佢,等佢開吓胃♡

晚餐 : 紅米糙米白飯波,粟米煎蛋,三文魚

♡自己食得好差,唔肯食,最後幾乎全部工人餵……😣♡

Posted in 【Rex】成長記錄, 【學習】

14M9D ~ 開始學習用筆畫畫啦!

星期六同哥哥出中環睇醫生。爸爸收咗工,緊係叫埋佢出嚟啦!難得只有我哋兩個,細佬喺屋企,我哋就完全屬於佢啦嘛!睇完醫生Join埋爸爸就周圍行吓。

入咗HMV,哥哥睇玩具,爸爸唔知行咗去邊,我陪咗哥哥一陣就去睇第二啲嘢。原諒我……睇啲男仔玩具真係冇興趣㗎……

無意中發現咗呢盒特粗嘅蠟筆!諗起之前聽完姑娘講要俾佢試吓拎筆畫嘢,於是即刻買。

買咗返嚟幾日都未開始用,早幾日第一次,同細佬喺廳張檯,俾佢坐喺張櫈仔度畫。

雖然我有捉住佢右手同佢寫吓畫吓,但係佢畫兩吓就開始拎啲筆嚟玩,最後仲將支筆擺去個窗度,又想掉……好在唔易爛啫!

今日食完晚飯,佢又好似平時咁,多次走埋嚟要我抱住。

都係一上嚟就攪個 keyboard 啦!再唔係見到第二啲新奇嘢就攪吓。

呢次我突然醒起呢盒蠟筆,就拎返上次畫果張紙出嚟俾佢畫啦。

今次叻咗!開頭未係好記得咁,後來就開始畫畫畫~ 畫完一支又拎另一支,不停換筆!係不停!拎起畫幾秒就換!

其實抱住佢睇住佢畫仲好!一來親暱啲♡二來要捉住佢手都容易得又,三來就係睇得好清楚佢點畫(玩)法。

仲可以喺佢一邊畫嘅時候,一邊教佢認識咩顏色,我覺得個一個非常適合同一歲BB玩嘅親子遊戲/活動。一邊親子 (我成日都會係咁錫佢面珠仔),一邊教吓佢嘢,佢又開心有新奇好玩嘅嘢俾佢攪。

我覺得佢係「攪」,比起玩,用「攪」呢個字嚟形容絕對係更加貼切!😂