Posted in 【孕記】2016

產後記 ~ 痛

20170115_103226.jpg

幾時先可以唔痛呢?13日啦!姑娘話會痛成個月…上胎都有痛,印象中冇今次痛咁耐,亦冇今次咁痛。

Posted in 【孕記】2016

39週5天了!

preg.jpg這兩天都有少許作動,尤其今天,有輕微陣痛感了!
晚一點點或者就會入院。
因為我真的很關心順產和開刀的問題,所以又看了這篇:

【轉戴】剖腹產後自然生產

來源網址

2016-12-28-T03.png

下面是節錄上文,關於自己上胎生產的情況:

2016-12-28-T03s.png

 

38週到醫院產檢時, 我第一次知道這個令人震驚的消息:醫生說我上胎是因為盆骨不夠位所以造成產程遲滯並且要緊急開刀!醫生還說 Max 出生時6磅多, 頭仔並不算大, 說甚麼差2.8 cm….
怎麼我從來都沒有想過這個問題呢?一直以為自己只不過是子宮頸開不夠度數, 但因為穿水太久, 而且 Max 和我都發燒了, 所以才緊急開刀的。要是真的不夠位生, 這胎來到39週5天了!開刀生才會安全吧!!加上近來接二連三發生的產婦死亡事件, 即使說是設備最齊全的公立醫院都如是, 怎叫人有信心….?? 但其實我是多麼多麼多麼想順產!

Posted in 【孕記】2016

【38週6天】全孕期狀況總結

來到38週6天了,明天便踏入39週。之前還很擔心會早產,幸好一直都沒有甚麼問題,而且還能順利渡過至39週,感恩!

這篇來個暫時的懷孕總結,我怕今天不寫,就不知道哪一天可以寫了!因為隨時生得!天知道幾時會作動?

今胎跟上胎一樣不算辛苦,也不「論盡」,因為肚子不大嘛!

比上一次好的地方是~今胎沒有感到過暈眩,上胎就經常覺得頭暈、心悸、反胃想吐。可能是近年來的生活都十分正常吧!事實上,陀第一胎之前的飲食和生活習慣都不太好。 Continue reading “【38週6天】全孕期狀況總結”

Posted in 【LIFE】生病紀錄, 【孕記】2016

【期待你的到來】倒數14日 ~ Max 病了

2016-12-16

尋晚 Max 訓覺時發開口夢, 仲要係半喊半發忟, 仲以為佢只不過係發惡夢, 到半夜我地訓訓下, 佢走左過黎同我地一齊訓之後, 我發現佢原來發緊燒!! 果陣係4點半左右, 即刻同佢食左次退燒藥, 佢半夢半醒咁食完後繼續訓, 冇幾耐就退左燒。

雖然今日返學唔需要上堂, 因為係聖誕聯歡會, 但根據過往經驗, 佢燒得一次, 通常過幾個鐘D藥力散左之後又會再燒, 所以決定唔俾佢返學。(好慘…小學第一年既聖誕聯歡會就冇得參加…我想喊…)

sick_syokuchuudoku.png不過, 呢個決定實在太正確! 因為佢朝早七點幾起身, 食左幾啖通粉早餐之後就話個肚唔舒服, 拎住架紙飛機係梳化坐&玩, 叫佢訓一陣佢唔肯, 問佢咩事, 佢話唔開心, 因為唔舒服, 話個肚唔舒服。後來仲突然擺隻手埋口…我就知道佢想嘔! (因佢不嬲想嘔都會做呢個動作!) 於是同佢去 toilet, 真係嘔左!

然後又反覆咁嘔多兩次, 第一二次都係白色嘔吐物多, 第二次多左水, 第三次已經係黃色既水…之後都有兩次話想嘔, 但係嘔唔出! 其中一次係臨出門口, 想同佢去睇醫生, 點知著好鞋之後又要除返鞋去攬住個廁所…陰公豬。

Continue reading “【期待你的到來】倒數14日 ~ Max 病了”

Posted in 【孕記】2016

【期待你的到來】倒數15日 ~ 尋晚郁少左

2016-12-15

仲有15日就到預產期啦! (12月30日) 好期待…唔知細佬會揀邊日出黎呢?

z61尋晚真係好驚嚇! 由大約5點左右, 我開始留意到BB冇乜點郁, 而且仲慢慢覺得個肚有D痛, 不過我知道呢D係個肚唔舒服既痛, 而唔係陣痛。於是我就好似平時咁拍下佢, 等佢郁, 好在有反應, 不過就只係輕輕咁郁一下半下, 直至到7點幾都仲係咁, 冇乜點自己郁…拍都係一時時郁! 所以果陣十分擔心! 最矛盾係佢唔係完全唔郁, 拍佢又有「少少」反應! 咁但係平時拍佢, 佢係會郁得多D架, 唔似尋晚咁只係郁 DD 咁多! 爸爸話咁要去睇醫生, 但係呢個 moment 呢個情況, 當然唔係睇醫生啦! (-_-“) 係一定要入院囉! 不過我就想再留意多陣先, 因為跟住我地就食晚飯啦! 佢好多時都會係我食飯既時候踢得好勁, 所以想食埋飯睇下點先。好在佢又真係有踢, 雖然冇平時咁大力, 但都踢返多左, 可能係因為坐得比較直, 佢唔係咁舒服, 所以食飯時佢就會踢得勁D! 哈哈~
到今日為止, BB 同平時一樣郁得好多同好大力, 所以已經完全放心哂。 Continue reading “【期待你的到來】倒數15日 ~ 尋晚郁少左”

Posted in 【孕記】2016

【生產】風險雖然很低但一旦發生超可怕

dc_67對這則新聞略有所聞, 但就未真正看過報導, 剛巧見到朋友 share, 才發現原來是這樣….

 

發佈日期: 2016-10-11
原文:http://www.hk01.com

懷孕37周婦伊院催生 大量出血器官衰竭亡

一名懷孕37周的26歲女子,上周四到伊利沙伯醫院進行定期產檢時,發現有蛋白尿和高血壓的情況,醫生遂安排她入院催生,惟產婦於生產後不久開始出血過多,同日晚上10時急救,出現「彌散性血管內凝血併發症」,子宮大量出血,其後器官衰竭及出血,經搶救後無效延至前日上午死亡,而初生嬰兒情況穩定。

曾切除子宮保命

醫管局公布,該名孕婦10月6日上午7時許生產,嬰兒情況穩定。但產婦生產後不久開始出血過多,醫生即時進行緊急,包括給予凝血藥物和及輸血。惟病人情況轉差,於同日約晚上出現「彌散性血管內凝血併發症」,子宮大量出血。醫生決定為病人進行緊急子宮切除手術,防止再大量出血。

病人其後被轉送到深切治療部,分別於上周五,凌晨及早上進行了兩次緊急止血治療程序,但病人身體多個器官衰竭及出血。前日情況再度轉差,於上午7時許進行第三次緊急止血治療程序,經搶救後無效延至上午十一時不幸離世。院方將個案交死因裁判官跟進。

伊利沙伯醫院發言人補充指,該名產婦是懷首胎,懷孕12周起已在該院定期產檢跟進,血壓及尿液檢測亦正常,直至10月6日產檢才發覺她出現蛋白尿及高血壓情況,惟最終搶救無效不治,院方今日(11日)已與病人家屬會面。

「彌散性血管內凝血併發症」為已知的妊娠併發症,嚴重會影響病人全身凝血功能,引致多個器官出血及衰竭,甚至死亡。

婦產科醫生:年輕孕婦妊娠易有高血壓 0.5%分娩時出血死

婦產科專科醫生靳嘉仁指,孕婦有蛋白尿和高血壓是妊娠高血壓的症狀,如果藥物不能控制血壓,孕婦有機會中風、胎盤剝落,增加胎兒宮內死亡機會。懷孕37周以後及妊娠高血壓,一般會催生。他指,「彌散性血管內凝血併發症」(DIC)則是由於大量出血,流失大量凝血因子,令全身「周圍」出血的併發症。他表示,年輕孕婦患妊娠高血壓的機會較高,而妊娠高血壓加上催生,會增加出血機會。他指出,分娩過程中流出500毫升或以上的血液,可界定為出血過多,大概5%孕婦會出現此情況,若流超過1000毫升血液則可列為嚴重出血。據統計,約有0.5%至1.5%孕婦會發生因分娩流血至死,機率大概是每200個有1個。

伊院發言人表示,「彌散性血管內凝血併發症」為已知的妊娠併發症,嚴重時會影響病人全身凝血功能,引致多個器官出血及衰竭,甚至死亡。院方對病人離世十分難過,向死者家屬致以深切慰問。院方會繼續與其家屬保持遘通、詳細解釋情況,並提供一切所需協助。此外,本院已透過醫院管理局早期事故通報系統向醫管局總辦事處呈報今次事件,並會跟進事件。

lineh3

雖然死亡率看似不高, 但一旦發生就好危險…事主(死者)好慘…保住了嬰兒但保不住母親…誰會想到生完之後會發生這種事呢? 尤其之前一直都是好好的, 沒有甚麼問題的。所有突發的事情都太突然了! 叫人很難接受…
看著看著, 自己上胎剖腹產, 今次如果想試順產的話, 也會有0.6%~1.4%發生子宮破裂的機會…似乎風險極低, 但同樣地, 一旦發生也多半是非常嚴重的。 Continue reading “【生產】風險雖然很低但一旦發生超可怕”

Posted in 【孕記】2016, 【推薦】

「樂兒網」拎禮物

改期兩次, 今日終於都”成功”去左「樂兒網」拎禮物啦!

20161104_171847.jpg

幾年前陀 Max 果陣都未流行 Whatsapp group, 而家真係唔入呢D谷唔得呀!
實在太多好叻既準媽媽有呢D資訊!我都係因為見到人地 Share 先識得去登記入會咋!

呢個網好得意, 只要你係懷孕滿八週既孕婦, 持有懷孕證明, 就可以入去登記做會員, 然後約期上去佢地位於荔枝角 (長沙灣廣場) 既寫字樓, 俾資料去登記同佢地合作既各個品牌做會員, 就可即時獲得各會籍的迎新禮品!

好似尋日咁, 我只需俾資料樂兒網職員核對, 佢地就有張貼紙 Print 出黎, 再貼上去唔同品牌既入會form度, 自己就唔洗將D資料寫完又寫就能夠入會啦!幾方便。

不過有D禮品都唔需要填form入會都可以透過入樂兒網而獲得禮品, 所以各個孕媽媽千其唔好錯過呢個「一站式入會平台」呀!!

line17

樂兒網 FACEBOOK / WEBSITE / 登記成為會員

lineb_illust_114_1m

♣FOLLOW / CONTACT US : FACEBOOK

Posted in 【孕記】2016

【返醫院產檢】胎盤低置驚魂 + 「拗柴」跌倒

點解話係驚魂? 因為原來唔低囉!

之前一直都係健康院做產檢, 10月尾亦即27週尾時係私家照到我胎盤低, 返健康院同醫生講, 再加上又 check 到蛋白尿, 所以一次過尋日去醫院做檢查。

本來以為係唔同平時既產檢啦, 點知原來係一樣…即係去到要量血壓、體重同驗小便。但竟然今日驗小便又pass喎…上星期明明連續兩日驗都唔pass…不過當然冇事好過有事啦!

等叫名去交資料後就等見醫生, 呢度已經等左超過半個鐘。醫生都係摸下肚, 聽下心跳咁, 同埋話30週都仲有機會升返上去, 好似話到34定36先去決定咁上下!然後叫我去等照超聲波。

就係咁又等左半個幾鐘…真係好討厭去醫院做產檢。angry Continue reading “【返醫院產檢】胎盤低置驚魂 + 「拗柴」跌倒”

Posted in 【孕記】2016

參加講座 & 有關DHA

星期日, 下午兩點半去聽講座。
記得上胎都只係聽過兩次講座, 而今胎先係第一次!(27W3D)

20161002_134421_HDR.jpg

今胎第一次去健康院產檢時登記左幾間奶粉公司, 之後曾經有好多電話打過黎, 我好多都冇聽, 而聽過既就係問我參唔參加講座, 但我都全拒絕了!(就係因為唔想去所以先唔聽電話…)

後來見好多媽媽都好熱心咁去參加講座, 仲會收到好多禮物, 有D都確係好吸引!!雖然我依然冇主動去搵講座黎聽, 但咁岩其中一間打電話俾我, 於是我就答應去聽啦!

見到佢 send 黎既地址係:屈臣氏內!有D奇怪咁既?不過既然都已經去到附近(冇錯,我係去到先睇到個詳細地址….face3), 都去聽聽啦!

時間係下午兩點半, 我地先去食野。呢度D點心好一般, 不過就有我好鐘意食既麻蓉飽!但可惜都係唔好食。

因地方問題, 爸爸睇車, 我帶住 Max 去聽講座。佢雖然成日話想走, 唔想聽, 但都陪我到最後一分鐘, 雖然都有頑皮既時候, 但已經算好乖啦!
Continue reading “參加講座 & 有關DHA”

Posted in 【LIFE】2016, 【孕記】2016, 【小學】Max P.1

【小一生】連續兩日帶少了東西上學

2016-09-13 (Tuesday)

話說尋日放學返黎就發燒,食左退燒藥精神哂!夜晚同今朝都冇事了!當然要如常返學啦!
放學返屋企後冇耐 Grandma 就黎左啦!夜晚一齊去食晚飯,仲買左呢盒好靚既月餅($198)。
月餅比較乾身同實,味道有點太甜,比起星期六買既某某酒樓就差D囉!似乎都係D蓮蓉軟身D先好食。

20160913_212858_hdr

line13

CYMERA_20160913_132122.jpg
午餐~同朋友飲茶, 兩個人食好多野啊!!

Continue reading “【小一生】連續兩日帶少了東西上學”

Posted in 【孕記】2016

22週 醫院照結構

2016-08-26 

6月尾去醫院做第一次產檢,之後就開始轉去健康院做,今日黎做助產士超聲波。

約咗下午四點,交低阿仔俾 Grandma 後就搭小巴去,住呢度好方便好近,幾分鐘就到。

登記後坐低填完表都唔洗兩分鐘就叫名入房啦!今次比六年前第一胎係聯合照得更詳細!真係詳細太多啦!果年係醫生幫我照的,比較深刻印象係講個腦同心臟心瓣。今次除左呢兩樣之外,其他例如眼、鼻、嘴、手手腳腳等等,甚至腳趾仔都有講,姑娘好有耐性同細心。

Result 係一切正常,雖然係咁,但姑娘話準確度只係大約七成…最終都係要出左世先知。最開心既就係知道BB頭圍而家係20cm左右,其他我就冇問到,但睇佢叫我俾健康院果張紙估計,BB既大腿骨長度係 3.5cm!好細小好得意!!由於我個肚同上胎一樣,都係唔係咁易睇得出,即係有時連我自己都覺得個肚好細咁,所以我好驚 BB size 會細,但姑娘話佢條線係虛線之內,係正常大小!咁都好D!

照完到離開全程只係半小時左右咋!仲以為最少都要個幾兩個鐘添!都係既,照結構都係一人一次,又要撞岩咁上下週數,都唔會太多人。

Posted in 【LIFE】2016, 【孕記】2016

Max 陪我睇醫生 + 細佬同大家 Say Hi~

2016-08-18

今早見到MAX自己係間房度唔知做緊乜, 好靜, 一望, 原來佢自己開左隻故事CD, 一邊聽一邊跟住睇本書! 好感恩, 佢唔係第一次係咁啦, 可能真係大個仔, 之前係我開隻CD, 然後我拎本書跟住個故事咁睇, 而家佢終於自己咁做啦! 雖然唔知佢係咪跟得到D文字, 但係見到佢都會跟住黎”翻”本書, 算係成功既一步。(再重申, Max 係非常之唔喜歡睇字, 唔鐘意認字的…)

20160818_122837_HDR.jpg

Continue reading “Max 陪我睇醫生 + 細佬同大家 Say Hi~”