Posted in 【Rex】成長記錄, 【學習】認字

【Rex 學習】中文認字

唔知大家有冇睇開 Facebook 一啲二手童書 Group?我間中都會睇吓。最近就俾我見到套中文認字閃卡,係大 size 果種,於是就俾我買咗啦!

之後喺淘寶訂購咗幾百張白卡紙,好似係 300g/張,重到阿媽都唔認得😅

但要自己手寫,我又懶,買就叻,做就……哈哈!都寫咗10張㗎!不過就好少同佢睇,所以其實都仲係停留咗喺度。

去完旅行返嚟正常都唔想洗錢住,已經洗咗一大筆嘛……都唔知點解無啦啦又走去睇啲 Group。都好嘅!中文字卡不嬲都想買,只不過我未搵到邊度有,先至唯有去淘寶訂。而家終於都有啦!就開始同細佬玩嚕!

首先,我係已經知道佢OK會睇嘅,我先決定買。之前一直有用迪士尼美語世界啲卡仔同佢閃,佢好開心㗎!重點係我發現佢真係有睇,仲會好似睇到唔夠喉咁!所以每次同佢玩完我都會攬到佢實同大力拍手讚佢,佢又會笑得好開心!好似因為認到字而有滿足感咁。

而家一日同佢閃兩三次,記得果吓就會玩,唔知成果會係點呢?我都好期待……就好似用迪士尼套教材咁,我相信堅持同佢做都係會有成果嘅!

希望佢可以對中文都有興趣啦!英文我反而唔擔心。

Advertisements
Posted in 【學習】認字

字卡的玩法(一)

【提示:按標題進入文章內容才看到圖】

用字卡來認字,效果多數都是有的,我認為最重要的是夠不夠有趣。
兒子本來就對文字無興趣,只喜歡玩,要他坐定定跟你一起看字卡讀字,不是不可行,只是怕令他抗拒,變成不喜歡認字。(幸好未有)
我曾經用過這種方法來強迫他跟我讀字,是有效的,認到算不少字,但不好玩。有鼓勵也有獎勵他,所以都未致於抗拒。有時甚至變得積極,說要自己拿著逐張讀,不用我拿著問他。
但孩子始終愛玩,所以一直都努力去想去試一些有趣的方法,去讓他認得更多字。
說到這裡想聲明一點,兒子認得的字不算多。我沒跟人比較,也不知道怎比較,每個小朋友認得的字都可能不盡相同呀!我這樣猜,是因為除學校外,我就只有用字卡和間中”強迫”(又強迫)他來跟我讀課本中的故事來認字。所以我就認為他所懂得的字應該不算多了!

說了很多題外話,現在開始分享一下我自己想出來的認字遊戲玩法。 Continue reading “字卡的玩法(一)”

Posted in 【學習】認字, 【每日】學習內容

每日學習 20150609

上課:學校
遊戲:[認字]自製字卡(中多英少),4 in a line
英語:Phonics DVD, Oxford e-book
故事:Joe Goes to Toronto (學校圖書)

image

學校每個月有五本圖書借給學生,不能自己挑選。家長也可以借五本,但我自己從未借過。
有時兒子拿了圖書回家,一本都沒看過!
有時只看一兩本,或者會看兩三次,總之就是很少看。
從今以後要看多點了!要好好利用這個資源呢!

Posted in 【學習】認字, 【教養篇】

很好的遊戲+認到字

晚飯後,爸爸同阿仔玩左個遊戲,我覺得非常好!就係讀一篇野俾阿仔聽,當佢到個x字,就用筆寫個”tick”號。

以前我睇過類似既遊戲,但就話叫小朋友一聽到某個字就拍手,唔記得有冇玩過。呢個遊戲可以訓練小朋友既專注力同反應!其實拍手既反應需要快D,但劃tick都ok,可以玩完之後叫佢自己數返,睇下岩唔岩。我自己就從中訓練下佢,就係唔可以用手指指住黎數,只可以用眼望住黎數。佢第一次數錯,叫佢數多次,岩。再用手數多次,都岩。 Continue reading “很好的遊戲+認到字”

Posted in 【LIFE】2015, 【學習】, 【學習】認字, 【學習】K2

自己讀書

今天放學後,我們先去長沙灣公園玩,兩個小朋友都非常開心呢!然後去圖書館借書。
我最近看了幾類型的ebook,好想去圖書館找找相關書籍,可惜未能找到。(妹妹都好enjoy在圖書館走動,不過有點難控制,所以不能花太多時間去找書)
兒子說要找Kipper的書來看,所以今次就把綠色和橙色(Stage 7, 8)系列拿出來讓他選。另外借了一本,是一位好心的姐姐幫他拿的,當時兒子見到坐在隔離的姐姐有本McQueen書,伸手就去拿!姐姐說書架上還有一本,而且二話不說就去拿來給兒子!在此感謝她的熱心!

image

借完書,我們便去餐廳吃午餐,原來已經到了下午茶時間!叫了兩個餐都只是55元!
兒子從圖書館出來就手拿著這本圖書邊行邊睇,逐個字讀…遇到不識的字就問我。我當然不厭其煩地一一回答啦!不過始終在街上走著,不應該這樣看書。連過馬路都不肯把書合上…

image

但他此舉真令我感動!可能受之前強迫他跟著我讀故事書影響,又可能因為幾日前我情緒不好時說的一堆話影響…(要學習還是沉迷玩樂?自己選!)

總之今次他的好學的心令我非常欣賞,當然也有大讚!「媽媽覺得好開心,因為你會主動讀書,而且唔識既字又會問!你做得好好。」

Posted in 【學習】, 【學習】認字, 【學習】K2

認字

以前都提過,用過幾個方法去幫佢認字。
例如一齊睇學校派返黎既中文課本(內容有一半係故事,阿仔一向都好有興趣)。同一本書講好幾次,佢都係只能認三兩隻字!
又用字卡,佢對呢種當然冇太大興趣啦!但佢係肯認既,只不過非常無趣,令佢感到比較困難。好似「奇怪」同「特別」呢兩個字,用左兩星期都仲未認到…
今朝早,我忍唔住啦…要佢一邊用手指住D字一邊讀。之前都試過,但非強硬手法,今日就係!每一頁都只不過係一行字,連埋標點符號十幾個字咋!讀左兩版,以後果幾日都要繼續,試一試佢得唔得!

差D唔記得,仲有一個方法就係 print 張紙,寫左一D野,間中同佢讀下。都有用架!佢有時都會叫我讀佢聽,不過只限英文果張,中文果張可能內容悶D佢冇興趣吧!呢排因為有妹妹係屋企,佢食飯就係對住中文果張紙食,所以呢兩日佢都係度搵佢識既字黎讀喎!我又乘機教埋佢認隔離左右果D。