Posted in 【哥哥的小學生涯大小事】, 【學習】

【Summer 2019】打字

大個仔啦!呢個暑假就努力學好打字先啦!

學完英文再學中文💪

Posted in 【Rex】成長記錄, 【學習】

Playgroup 蛋。蛋。蛋。

今日爸爸收早,第一次來跟Rex一起上Playgroup。

今日玩的活動是放雞蛋入圓桶、用蠟筆幫雞蛋填色、在「米堆」中拿雞蛋給爸爸媽媽,最後還有蛋吃呢!弟弟超愛吃雞蛋,應該覺得很驚喜吧!

明顯地,今堂比上堂乖了!為甚麼會這樣?相信不是因為爸爸在吧?且看下堂會不會一樣乖!

Posted in 【Rex】成長記錄, 【學習】

14M9D ~ 開始學習用筆畫畫啦!

星期六同哥哥出中環睇醫生。爸爸收咗工,緊係叫埋佢出嚟啦!難得只有我哋兩個,細佬喺屋企,我哋就完全屬於佢啦嘛!睇完醫生Join埋爸爸就周圍行吓。

入咗HMV,哥哥睇玩具,爸爸唔知行咗去邊,我陪咗哥哥一陣就去睇第二啲嘢。原諒我……睇啲男仔玩具真係冇興趣㗎……

無意中發現咗呢盒特粗嘅蠟筆!諗起之前聽完姑娘講要俾佢試吓拎筆畫嘢,於是即刻買。

買咗返嚟幾日都未開始用,早幾日第一次,同細佬喺廳張檯,俾佢坐喺張櫈仔度畫。

雖然我有捉住佢右手同佢寫吓畫吓,但係佢畫兩吓就開始拎啲筆嚟玩,最後仲將支筆擺去個窗度,又想掉……好在唔易爛啫!

今日食完晚飯,佢又好似平時咁,多次走埋嚟要我抱住。

都係一上嚟就攪個 keyboard 啦!再唔係見到第二啲新奇嘢就攪吓。

呢次我突然醒起呢盒蠟筆,就拎返上次畫果張紙出嚟俾佢畫啦。

今次叻咗!開頭未係好記得咁,後來就開始畫畫畫~ 畫完一支又拎另一支,不停換筆!係不停!拎起畫幾秒就換!

其實抱住佢睇住佢畫仲好!一來親暱啲♡二來要捉住佢手都容易得又,三來就係睇得好清楚佢點畫(玩)法。

仲可以喺佢一邊畫嘅時候,一邊教佢認識咩顏色,我覺得個一個非常適合同一歲BB玩嘅親子遊戲/活動。一邊親子 (我成日都會係咁錫佢面珠仔),一邊教吓佢嘢,佢又開心有新奇好玩嘅嘢俾佢攪。

我覺得佢係「攪」,比起玩,用「攪」呢個字嚟形容絕對係更加貼切!😂

Posted in 【學習】, 【小學】Max P.1

哪裡出錯了……

今日下午,哥哥要去上普通話堂,這是最後一堂了,他恨了很久啦!

這孩子愈來愈不願意去上課,更試過上堂時打瞌睡。我也不想強迫他繼續學下去了(之前的確有一點,但都以說話來說服了他)但…他的中文已經不太好,這個也不學的話,會變成怎樣呢?

我不要求他很叻,只希望他可以跟得上而已。愈不懂的愈需要去面對,愈逃避只會愈差!
我跟他說:The only way to overcome fear is to face it! (這是我從美劇 “Once Upon A Time” 中學到的XD 我把這句抄下來,就是想他明白)
他喜歡 Super Heroes,他們都是勇敢的,他們遇到困難都會勇敢面對的!這才是男子漢。

我做不到放手不管,讓他觸礁,然後面對後果…這對他來說是無效果的!
因我發現,他對於一些因為自己的錯誤而帶來的結果毫不重視,甚至只會怪責其他人,好像任何事都不是他的錯,而是別人的錯。例如因為起床後沒有刷牙而不能吃早餐,但他說很肚餓了,我們叫他立即去刷牙,那麼就可以吃東西!而他卻會埋怨我們….

自從升上小學後,變得非常自我,非常不好教…..我常常在想,到底哪裡出錯了?(除了自己的臭脾氣外….)
唉!
我又要再埋頭苦幹一番了!!

Posted in 【學習】, 從遊戲中學習

【McQueen帶小朋友遊世界】讓孩子自主學習~益智玩具做得到!

上星期有一晚,我們吃完晚飯,Max 看DVD,我坐在他旁邊拿著電話看 instagram。

當我看到左邊這張照片時,問他知不知道這是哪裡?
而他….竟然知道!(驚訝驚訝)我只不過是試試問他而已,因為這個建築物很特別嘛!卻從沒想過他會知道!

說真的,如果我不是看到內文,也不知道是哪裡呢!

而 Max 的答案是 “Spain”。

為什麼他會知道?原來是一個幾年前買給他的 McQueen 學習玩具教他的!!玩具上有這座建築物!

我真是非常無敵驚訝,雖然不是第一次發現他「自己學習到啲嘢」,但作為媽媽的我依然會感到無限驚訝!難道是因為他年紀還小?覺得孩子學習到的東西理應都在父母掌握之中?

小朋友每一次的進步和學習,對家長來講都是好 impressed 的,至少我是這樣。所以不要小看這類型玩具!既可以擔當 babysit 的角色,又可以讓小朋友從中學習,同時又不怕如「電子奶咀」般傷害眼睛和只輸入影像。唯一的不好處是這個玩具太大件,帶出街不太方便噜~! Continue reading “【McQueen帶小朋友遊世界】讓孩子自主學習~益智玩具做得到!”

Posted in 【LIFE】2016, 【學習】

【小一生】寫聖誕卡

20161118_171326.jpg

星期五放學, 返屋企放低書包同支樂器之後, 我地就係商埸行下諗住買D野俾佢食啦!

點知佢食左支珍寶珠就夠…話唔駛買野食。

我諗到都好耐冇同佢去公園玩了, 所以就同佢去公園玩。

返屋企之後我好攰, 去訓左一陣。

期間 Max 已經入過黎問過我幾次D字點寫或點串, 我都估到下佢做緊乜。

就係:自己寫聖誕卡俾老師同同學仔!

呢個小朋友真可愛♥

lineb_simple_128_0m
20161118_213357.jpg
準備好哂…筆…課本…仲有係咁叫我 print 俾佢既全班同學姓名list Continue reading “【小一生】寫聖誕卡”

Posted in 【小學】Max P.1

【小一生】數學功課

通常星期五放學返黎我都會俾佢玩, 唔洗佢做功課, 星期六先做。
話哂返左成個星期學, 雖然每日都會有時間玩, 但係放假嘛, 俾佢盡情玩耐D。

CYMERA_20161112_091200.jpg

呢份係星期五佢係學校做左既功課, 真係….有冇攪錯….錯成咁都得!!!
係學校做就係咁…佢會好求其, 字都寫得非常醜, 我成日都會擦佢D字。
我都想做到「唔好擦咁多」, 但係實在太多..亦都寫得太求其啦….!!

Posted in 【LIFE】2016, 【學習】興趣班, 【小學】Max P.1

【小一生】星期六興趣班

20161008_120618_HDR.jpg

Max 好鐘意砌Lego, 得知學校有Lego班就話要參加。
但就同逢星期六既籃球班撞正時間, 所以唯有將籃球班改期。

今日係第一堂。
因為我自己身體既關係, 所以來回都搭的士, 真係太奢侈啦!但係冇辦法, 太疲累。
去到見到個個都著運動服, 就知道著錯衫….Max 話冇聽到要著運動衫。

校內有提供座位俾家長做等候區, 而且一個小時好快就過左。
上完堂我地就去食野啦, 然後返屋企繼續做埋D功課。

Continue reading “【小一生】星期六興趣班”

Posted in 【學習】小號, 【小學】Max P.1

【小一生】學樂器

雖然前兩日 check 到胎盤低, 據聞最好唔好跑呀、跳呀咁, 仲有最好行少D休息多D。
但因為去完街返去接阿仔時已經有少少遲, 咁唯有跑住去啦….

20161007_155403.jpg

小學要揀一種樂器學習, Max 自己揀左小號, 佢話好好聽喎!
今日係第一堂, 我地經由學校代買呢支小號。
Max 放學時就拎住呢個咁大既盒落車, 然後就急不及待咁拎出黎”玩”。
夜晚爸爸返黎亦都好熱衷咁再拎出黎吹, 希望佢真的有興趣同會努力學習點吹啦!!

Posted in 【小學】Max P.1, 【教養篇】

咬人…..

10月4日星期三

放學後, 校車姨姨同我講:「佢可能肉緊得滯,咬左個同學一啖。」

facefaceface

當時阿仔個樣都好氣憤,本來我想話問下個同學仔有冇事,佢捉住我話:「唔好聽X姨講既野,佢講D野唔岩既!佢講埋D野係錯架!」咁我唯有算啦, 等阿仔冷靜完之後先問佢發生咩事。 Continue reading “咬人…..”

Posted in 【LIFE】2016, 【小學】Max P.1

【小一生】放學鳥

20160919_195742_HDR.jpg

星期一放學返黎就咁攰?
因為食左藥掛!

放學返黎做完對哂功課後話想睇電視,本來都想同佢落公園玩下,但我又有D懶,再加上已經五點四十分,晏左D!所以俾佢睇電視算啦!
點知睇睇下恰眼訓,個頭「中」左一下!haha
我就叫佢不如訓一陣先。一訓就訓到八點啦!

而家佢大部份功課都可以係學校完成,所以返屋企之後只係需要用好小時間去做功課,都幾好呀!
由差唔多四點返到屋企,做功課連埋整下野又執下書包咁,都係個幾鐘頭。

不過就比較少同佢溫習,係今日有寫明要溫中文,所以夜晚食完飯我地就同佢默果幾個字。
係完全冇俾佢溫過或睇過係咩字,因為都係學過的,想睇下佢識幾多。
結果就只係錯左一個字,都可以接受啦!

晚飯後我地又帶YOYO落街散步了!
一個小小孩,拖住一隻小小狗,個畫面真係好得意架!!face2

♣FOLLOW US / CONTACT US : FACEBOOK

Posted in 【LIFE】2016, 【孕記】2016, 【小學】Max P.1

【小一生】連續兩日帶少了東西上學

2016-09-13 (Tuesday)

話說尋日放學返黎就發燒,食左退燒藥精神哂!夜晚同今朝都冇事了!當然要如常返學啦!
放學返屋企後冇耐 Grandma 就黎左啦!夜晚一齊去食晚飯,仲買左呢盒好靚既月餅($198)。
月餅比較乾身同實,味道有點太甜,比起星期六買既某某酒樓就差D囉!似乎都係D蓮蓉軟身D先好食。

20160913_212858_hdr

line13

CYMERA_20160913_132122.jpg
午餐~同朋友飲茶, 兩個人食好多野啊!!

Continue reading “【小一生】連續兩日帶少了東西上學”

Posted in 【LIFE】生病紀錄, 【小學】Max P.1

【小一生】放學後發燒

flame01.gif尋日星期一,返學前其實都冇乜特別病態。

事源星期日佢去生日會時玩玩下開始流鼻水,走果時仲攰到訓著左!但果下我地即刻帶佢去睇醫生(以前屋企樓下間中醫),亦都好快就食左一次藥。之後佢都好精神丫!見佢朝早冇乜野咪照返學。

放學接佢時,校車姨姨又同我講佢唔舒服仲好似發燒,我摸摸佢個頭,同平時既溫度差唔多,佢不嬲都好熱架!所以都冇特別處理。返到屋企佢野都唔食就話要休息啦!就咁就好快訓著左!訓訓下突然喊,再摸下佢個頭,嘩!!今次真係發燒啦!唔駛探熱已經知。於是同佢貼張退熱貼(因尋日先食完中藥,唔敢俾退燒既西藥佢食),佢又繼續訓。

之後佢醒醒地,話個額頭好痕,仲發脾四添!好啦!咁除左佢啦!我就打去問下爸爸好唔好俾佢食退燒藥,佢話俾喎!隔左超過24小時,咁好啦!就俾佢食啦!食完佢唔肯訓,攤係SOFA度係咁話要睇電視。我話唔得架!睇電視都好花精神,對眼睛又唔好,你病一定要休息多D。一係聽歌啦!聽歌就可以。

所以佢就話要聽隻手指D歌,即係韓文歌。但係聽聽下又話覺得睇電視唔會花精神!好想睇。我堅持唔可以!之後佢就入房玩啦!其實佢食完退燒藥都好快就精神返!仲擔心緊聽日需唔需要同佢請病假….

到今朝早,一叫佢起身就即刻起到,好叻仔!又冇咩舒服喎!尋晚都有諗過唔知佢會唔會半夜又發燒,好在冇。所以佢食完早餐就同佢食多次退燒藥,然後就送佢返學啦。

Posted in 【LIFE】生病紀錄, 【小學】Max P.1

【小一生】開學第五日要請病假了

20160907_130257.jpg
兩個人的午餐

阿仔一直都有少少咳,但返學後第三日開始見佢有D鼻水,問佢課室係咪有開冷氣,佢話係。

咁凍唔凍?有冇拎件外套出黎著?佢話著過一次。
如果凍一定要著外套呀!小學唔同幼稚園呀!要自己做架!

Continue reading “【小一生】開學第五日要請病假了”

Posted in 【LIFE】2016, 【小學】Max P.1

【小一生】小學生涯開始了

20160901_0658519月1日,期待已久的小學生涯要開始了!

今早全屋的鬧鐘都未響,Max 就已經起床了!當時還未夠六點呢!(因為媽媽生怕自己起不到床,所以較了兩個鬧鐘,一個自己用一個放兒子房間)

其實我自己整晚都睡得不好,醒過很多次,然後又睡著、再醒來、再睡著….

可能我們在潛意識裡也都很緊張吧?所以兒子才這麼早起來,自己也很「醒訓」。

起床後第一件事當然是去梳洗,兒子在這方面已經做得不錯,很多時都不用催促便能完成。

等待吃早餐的時候,兒子拿起放在餐桌上的一本英文故事書來看,真乖呢!這完全是因為「就手」!所以,有時候刻意放一些想孩子看的書在桌子上是有效的啊!如果不放桌子,他幾乎沒甚麼可能在這個時間主動去看書。 Continue reading “【小一生】小學生涯開始了”

Posted in 【學習】, 【每日】學習內容

早餐後學習

今早未夠9點起身, 反而尋日要補堂返10點, 就訓到9點幾仲要我叫佢起身。
不過阿仔都算好叻, 尋日叫佢起身, 話要去上普通話堂啦! 佢就即刻彈起身, 落床著拖鞋, 非常抵讚!

食早餐時, 佢同我講話想睇碟 (Umi-zoomi), 我話你食完野做下練習先, 佢好乖咁話好。
今日就俾左一本英文 (K1-Grammar), 同一本 P.1 Comprehension) 佢做。
另外同佢串幾個字: January, February, March。呢3個都係學校新教的 Vocabularies, 通常老師會抽幾個黎「默書」, 所以我記得既話都會盡量得閒就同佢溫下。

咁樣就過左一個鐘, 一做完阿仔就即刻去玩 Lego, 睇碟當然就忘記左啦! 到佢記得果陣, 已經得返10分鐘就要出門口了!

Posted in 【LIFE】2016, 【學習】

【義工】救世軍義賣曲奇, 每盒二十蚊…..(很好的體驗)

2016年4月24日 (星期日)

今日我們一家做了一件很有意義的事,參加了由救世軍主辦的「錫錫媽媽曲奇義賣」活動。

大概是早一個月之前,在 facebook 見到救世軍的廣告,就是為這個活動招募義工。我便毫不猶豫地 click 入去報名了。

因為可以讓只有五歲的小朋友做的義工好像不多,或者是我自己找不到。雖然一直都好想跟兒子一起做義工,奈何很多的義工工作都是賣旗。今次好特別,不是賣旗,而是賣曲奇!而且有星期六或日可以選擇!那當然就選星期日啦!爸爸都可以一起參與。

line16

【三個要支持「錫錫媽媽曲奇義賣」的理由】

1. 每一盒曲奇均由復康人士用心烘焙和包裝
2. 街頭義賣由親子義工全程主領
3. 善款支持媽媽照顧有特殊需要孩子

一連三個週末,當在街角遇上「錫錫媽媽曲奇義賣」義工隊,請停下步伐,以心回應。

「錫錫媽媽曲奇義賣」
日期:4月23-24日、4月30日及5月7日
時間:下午1時至5時半
地點:佐敦、尖沙咀、沙田、大圍及銅鑼灣 (詳情:http://bit.ly/22PbTGC)

查詢:2783-2333

(資料來源: facebook)

Continue reading “【義工】救世軍義賣曲奇, 每盒二十蚊…..(很好的體驗)”

Posted in 【學習】

麵包店玩加數

下午兒子沒有午睡,於是帶他去玩玩,消耗一下體力吧!
先去麵包店買兩個蛋撻。
我借機問兒子,3元一個蛋撻,我現在要買兩個,需要幾元?
他答我6元。
對!
然後我把手中拿著我一個5元和一個一元硬幣交給他,問他這些錢夠不夠。
他看了看,說:「夠啦!」
「你怎知?」
「因為一個5加1是6。」

賣蛋撻給我們的叔叔聽到,便問兒子:「如果買3個呢?要幾錢呀?」
我知道他不是太懂要怎麼計算,即使曾經教過他。
「3元一個蛋撻,買3個要幾錢?」我再加一句:「3,3是…?」
兒子明白了,他說:「9」

他答對了叔叔的問題的那刻,我覺得很開心。但其實我是不應該感到高興的,他只不過是懂得乘數表,而經我提點之下,才知道答案。
下次再有這種情況,就應該要給他多些時間去想想。

Posted in 【學習】, 【學習】興趣班

阿仔對於「學習」的想法

前兩日同個仔搵咗間跳舞學校,諗住俾佢學跳舞啦!之前都有提過,因為佢好有表演慾,又鍾意跳舞,聽到快歌都會un吓。

點知都未上完堂已經同我講話唔想上啦!問佢點解,佢話唔想姐姐㩒停啲音樂。即係想係咁播歌?係咁跳舞?佢話係呀!唔想做動作。我話要熱身嘛!你上體操班都要啦!佢話體操都唔鐘意上!
幾時變成咁!??

再了解多啲,原來佢話鍾意自己跳,我諗諗吓,同學琴一樣,佢鍾意自創歌曲(但係彈到冇人會想聽…),跳舞又係,佢寧願自己亂咁彈嚟彈去…

返到屋企,同一樣嘅嘢又發生,就係畫畫。佢唔願意學,佢認為自己已經畫得好靚。同佢多番解釋都未有太大改變…仍然鍾意「自我奔放」!呢個仔太自我啦!

Posted in 【學習】

Trinity GESE Examination

考試時間是12點20分,導師說要早10分鐘到。好緊張呀!我們早了15分鐘左右到,但先上了洗手間,再去登記。原來要帶身份證明文件,我忘了…也沒有印象聽過。

image

未夠20分便入房應考了!是一位白髮女士。我在外面偷偷地看了一會,只看到她,看不到兒子。
好像過了5分鐘,約6-7分鐘才出來。
問兒子有沒有信心拿最高評級,他說有!而且也顯得很開心。
成績要等六星期左右才有…即是快9月了吧?!有些portfolio放不到這張證書。

Posted in 【迪士尼美語學習】World Family, 【學習】

DWE 迪士尼美語世界 考試錄音

兒子從BABY時期3個多月開始使用美語教材,也一直是寰宇家庭的會員,至今已經四年多了!

早在買教材時已經知道可以考試,但當時兒子還很小,心想那是很久之後的事吧!所以一直都沒有理會,也漸漸忘記了! Continue reading “DWE 迪士尼美語世界 考試錄音”

Posted in 【學習】, 【學習】興趣班

Lesson: Conversation Changed to Phonics

上了大半年會話班,今日開始轉為PHONICS。
Mr.G說兒子認得的字不少,但都是靠記,並不是用拼音的!所以他的記憶力真不錯!哈~

兒子根本就沒怎麼學過PHONICS ,只有間中讓他聽聽PHONICS KIDS。
這套教材(PHONICS KIDS)有課本的,如果肯跟著課本和DVD去學,相信會學得到(最少也有基本功)!但我沒買課本,只有碟,而且個人又比較懶!所以放了DVD就由他自己去看去學。
兒子也頗喜歡,雖然有時我一說要播DVD,他就指明不要看PHONICS,但如果我硬要播,他還是會乖乖的投入的去看!而且有時還會哼入面的歌!

今堂完後,老師說兒子的表現比之前好!
可能因為兒子的會話very well 而且懂得的vocabulary已經不少,所以之前上的課就比較心散。
但PHONICS他不太懂,所以就更留心吧!

我也問兒子覺得怎樣?
他說: Very happy. A bit difficult. No classmates, only me. I feel lonely. (…..?!)

看來他比較喜歡上PHONICS呢!
image

上圖:又寫「藝術字」

Posted in 【學習】, 從遊戲中學習

Good morning

image

兒子的「早操」~ 玩遊戲書!

今早在專頁寫了一句:個人認為,孩子一天沒有學到任何東西就很浪費。

其實每天都可以利用不同的”工具”去讓他們學習。

簡單如問幾個引導他們思考的問題已經可以!最少已經可以訓練他們的思維。
如果父母能有系統地、針對性地去教,我相信日子久了必有成果!

我自己很重視「思維」這種事。
思考、判斷和創作,這三方面都需要幫助去啟發!父母作為孩子的第一位老師,必須要注意呢!

Posted in 【LIFE】2015, 【學習】

星期一佛誕假期

起身後就去TKO飲茶,max對表弟十分熱情,仲撩人玩,鼻碰鼻去逗人笑!

今日帶呢本俾佢玩:

image

好耐之前玩過,佢唔係好識搵打斜既字,但今次叻左!如下圖:

image

然後呢種好似係第一次玩:

image

都幾好喎!搵字母之餘仲考下佢識唔識個生字。阿仔大致上都估到,但有些仍要提示先估中。

Continue reading “星期一佛誕假期”

Posted in 【LIFE】2015, 【學習】, 從遊戲中學習

星期日的學習內容

早上上完跳舞班,回家後快速地做了幾版遊戲書。

image

上圖是猜謎遊戲。
兒子很少接觸這類題目,所以他沒有細想題目給予的提示,總是胡亂猜,一邊指著圖畫,一邊望著我,期望我能立即告訴他是否猜對。
我就用剔除的方法來幫他思考,一行字一行字地去看。最後由他自己想到了答案,但過程是在考我耐性…

下午的簡介會完後,父子倆來接我回家。兒子吃了點東西,便去午睡,時間大約是6點左右。
後來我也累了,跟他一起睡,竟睡至11點!甚至連兒子都還未睡完「午覺」!
唉…怎麼攪的…

起來後,吃了點東西,我就開World Family 的 “Step by Step”,讓他做做練習好了!

image

玩了一約半個多小時,兒子又再就跟我講故事~就是那本自制的紙皮書。今次先用中文再用英文講。
然後就到我跟他講故事~”Frozen~The Christmas Party”,接著去睡覺。

由於午睡至11點,兒子1點去睡覺時就不太睡得到,所以我讓他出來再做今早那本練習。做了一會,又再去睡。

(現在已是深夜3點了!兒子還沒睡著…天呀!)

Posted in 【學習】, 【教養篇】

堅持講故事

要堅持每日同阿仔講故事!
早兩晚講呢本:

image

阿仔好鍾意個故事,仲聽到狂笑添!
因為入面有好幾個生字係連我自己都唔識,所以我就用左個咁既方法去幫自己記,兼且可以教埋佢:

image

張 memo 係以簡單同佢會明白既字句黎寫。

Posted in 【學習】, 【教養篇】

故事書

image

我好少買中文故事書俾阿仔,亦好少去圖書館借。呢幾本係大約兩年前係淘寶買,成套有十本,阿仔都幾鍾意睇。
尋晚佢就拎左呢三本俾我同佢講故事,我只係講左兩本,其餘既佢自己睇,又睇到要訓覺都仲要睇。
近來我少左同佢講故事,忙其他野,但而家開始我要再努力啦!一定要堅持每日都講故事!同時要開始訓練佢自己講!
加油加油!!

Posted in 【學習】, 【學習】K2

數學 (減數)

星期日,上完跳舞班又未出門在口,我就叫佢做下減數。
佢唔係好明,我認為自己都講得好清楚,但佢好似唔肯去諗咁。有時個樣似唔係諗緊,但原來係諗緊喎!唔通呢個就係佢諗緊野時個樣?(包括行為同表現)

image

上圖見到有空白既地方,就係要用減法。
例如中間畫左果幾個圓圈,就係用黎佢解釋 題目有個8,由兩個數字加埋組成既,一個數係3,咁另一個係點計出黎呢?
一開始教佢數手指,8隻手指,唔要3隻,剩幾多?佢識計,但唔明白同條題目俾既數字既關係,唔明點解咁減法。
再用另一種方法:我先畫8個圈,再圈住3個,話佢地係第1組,咁剩返既就係第2組啦!
咁樣畫出黎佢就明,講到答案。
不過由於本來已經打算只做一兩題,所以講到佢好似已經明白之後,就唔駛再做,下次再做睇佢記唔記得先!

Posted in 【學習】

Phonics DVD & more

image

我係淘返黎架,之前俾過你睇,我覺得幾好呀!佢呢種方法都可以學到blending,其實都唔駛上堂啦!太貴啦!我地個年代,唔上堂都識呀!只不過係唔完整,亦都係比大個先會學。而家只係提早哂,幼稚園就開始學。
你見到呢套碟好開心呀!仲真情流露咁同我講:「多謝媽媽!」真係心都甜呢!仲要係講左兩次,時間都隔左好耐。可想而知你有幾開心!

Posted in 【學習】

Phonics Learning

一個學Phonics的網站,免費的!
READING BEAR (http://www.readingbear.org)

READINGBEAR

對於年紀小的孩子來說可能會有點兒悶,我認為比較適合約四歲或以上,(網站亦寫道適合4至7歲) 而且對PHONICS有點認識(例如有聽過PHONICS的兒歌或接觸過LETTER SOUNDS)的小朋友。

還有另一個不錯的學習網站: http://www.starfall.com/index.htm
兒子剛剛開始玩,一玩就是20分鐘!
緊記不要讓孩子玩太久啊~而且最好陪著他玩!
我自己通常會讓他玩10至20分鐘,陪伴方面則是久不久才坐在他旁邊看他玩,不會一直坐著!因為想讓他自由發揮,但又不能玩了其他!所以間中去看看他。我認為這樣也可以訓練他的自制能力。

***e.g. 這個認識形狀的遊戲不錯>>http://more2.starfall.com/m/math/geometry-content/load.htm?f&d=demo&n=enviro-shapes&y=1

Posted in 【LIFE】2015, 【學習】, 【學習】認字, 【學習】K2

自己讀書

今天放學後,我們先去長沙灣公園玩,兩個小朋友都非常開心呢!然後去圖書館借書。
我最近看了幾類型的ebook,好想去圖書館找找相關書籍,可惜未能找到。(妹妹都好enjoy在圖書館走動,不過有點難控制,所以不能花太多時間去找書)
兒子說要找Kipper的書來看,所以今次就把綠色和橙色(Stage 7, 8)系列拿出來讓他選。另外借了一本,是一位好心的姐姐幫他拿的,當時兒子見到坐在隔離的姐姐有本McQueen書,伸手就去拿!姐姐說書架上還有一本,而且二話不說就去拿來給兒子!在此感謝她的熱心!

image

借完書,我們便去餐廳吃午餐,原來已經到了下午茶時間!叫了兩個餐都只是55元!
兒子從圖書館出來就手拿著這本圖書邊行邊睇,逐個字讀…遇到不識的字就問我。我當然不厭其煩地一一回答啦!不過始終在街上走著,不應該這樣看書。連過馬路都不肯把書合上…

image

但他此舉真令我感動!可能受之前強迫他跟著我讀故事書影響,又可能因為幾日前我情緒不好時說的一堆話影響…(要學習還是沉迷玩樂?自己選!)

總之今次他的好學的心令我非常欣賞,當然也有大讚!「媽媽覺得好開心,因為你會主動讀書,而且唔識既字又會問!你做得好好。」

Posted in 【學習】, 【學習】K2

新字卡學英文句子+短文加強理解能力

今日睇佢本手冊時搵到佢今個星期學既英文字, 諗住由佢剛學既生字去開始教佢認全句句子。例如butterfly, 仲好有心機咁搵埋其他野去教佢, 如 pollination, 呢個字我都係剛學識。另外教佢串埋butterfly, 串左三次。

前兩日又買多兩疊白卡紙, 我本來想買一疊, 但阿仔話要買兩疊, 佢係知道我用黎教佢認字,好有心!哈~ 尋日開始寫左幾個新既中文生字俾佢認下, 今日開始寫英文, 由幾個佢識既字開始, 再申延加一兩段較為詳細既內容, 作用唔係俾佢認, 只係用黎當聽多D英文句子, 等佢既理解能力好D!自己亦從中記多D句子結構。

仲有幾張每張寫4行短句子, 如 “The pig is pink. He likes to play in the mud.” 俾佢讀同認字。都好成功咁教左一張, 而背面我都用埋黎寫一D關於豬既野, 我先知道 (或者學過但忘記了) 原來豬唔識排汗, 所以先咁鐘意 play (roll) in mud.

好鐘意咁樣去教佢!自己又學到野!

Posted in 【學習】, 【學習】認字, 【學習】K2

認字

以前都提過,用過幾個方法去幫佢認字。
例如一齊睇學校派返黎既中文課本(內容有一半係故事,阿仔一向都好有興趣)。同一本書講好幾次,佢都係只能認三兩隻字!
又用字卡,佢對呢種當然冇太大興趣啦!但佢係肯認既,只不過非常無趣,令佢感到比較困難。好似「奇怪」同「特別」呢兩個字,用左兩星期都仲未認到…
今朝早,我忍唔住啦…要佢一邊用手指住D字一邊讀。之前都試過,但非強硬手法,今日就係!每一頁都只不過係一行字,連埋標點符號十幾個字咋!讀左兩版,以後果幾日都要繼續,試一試佢得唔得!

差D唔記得,仲有一個方法就係 print 張紙,寫左一D野,間中同佢讀下。都有用架!佢有時都會叫我讀佢聽,不過只限英文果張,中文果張可能內容悶D佢冇興趣吧!呢排因為有妹妹係屋企,佢食飯就係對住中文果張紙食,所以呢兩日佢都係度搵佢識既字黎讀喎!我又乘機教埋佢認隔離左右果D。

Posted in 【LIFE】2015, 【學習】, 【學習】K2

English

講完數學講下英文先。

前排PRINT左一張紙, 寫低左阿仔所識既 “B” 字開頭既生字, 打下打下先發覺原來淨係B字頭都已經識好多啦!咁打埋其餘果25個字母咪….我意思係有排佢認!

開始左夾夾埋埋幾日,因為間中會停左一至四日不等!我一次教一行~3個字, 或者兩行~6個字。有D字當然未認到, 當我用Blending既方法去提佢時, 佢答到呀!例如 Bank, 我先讀 “an”, 再問佢 “b” + “an” 即係?佢答到, 我問佢咁加k係尾呢? 佢就識讀啦!好開心,要繼續努力!