昨天交的功課，怎麼攪的，明明有檢查過，竟然看不見做錯了……
所以說，大人都會錯（尤其論論盡盡的我），更何況小孩？我要努力把要求降低才是……(^_^;)
Category: 【學習】K2
暑期活動冊
學校今日派的暑假作業。
全本共48頁，中英數都有。
有幾頁已經在學校做好了！
上圖，左頁的練習我覺得不錯啊！可以作為參考出題給兒子玩遊戲！應該會覺得好玩！
又到畢業典禮
畢業典禮又到了！跟去年一樣，各班都有份參與演出。
Continue reading “又到畢業典禮”
Protected: K2海洋公園相簿
學校手工：扇
放學時，人人手拿一把扇。
主題可能是畫消暑的情形？
之前有份功課要寫下消暑的食物。
看到有一面畫了兩個塗黑了的人，我問兒子那兩個人是誰？我心想：會不會是我們？
答案竟然是：黑人！
數學 (減數)
星期日，上完跳舞班又未出門在口，我就叫佢做下減數。
佢唔係好明，我認為自己都講得好清楚，但佢好似唔肯去諗咁。有時個樣似唔係諗緊，但原來係諗緊喎！唔通呢個就係佢諗緊野時個樣？(包括行為同表現)
上圖見到有空白既地方，就係要用減法。
例如中間畫左果幾個圓圈，就係用黎佢解釋 題目有個8，由兩個數字加埋組成既，一個數係3，咁另一個係點計出黎呢？
一開始教佢數手指，8隻手指，唔要3隻，剩幾多？佢識計，但唔明白同條題目俾既數字既關係，唔明點解咁減法。
再用另一種方法：我先畫8個圈，再圈住3個，話佢地係第1組，咁剩返既就係第2組啦！
咁樣畫出黎佢就明，講到答案。
不過由於本來已經打算只做一兩題，所以講到佢好似已經明白之後，就唔駛再做，下次再做睇佢記唔記得先！
運動會
今日係全校運動會，同舊年一樣都係體育館度玩。
阿仔玩得好開心呀！夜晚食飯時都提起話「今日真係好好玩呀！」
夜晚我地落去買野之前，唔知講開咩，阿仔話「因為我擔心媽媽會受到傷害」！！
點知轉個頭，佢就搵個玩具撞埋我度，都痛架！所以我就鬧佢…岩岩先話唔想媽媽受傷害，而家就黎傷害我！
唉…錯哂！一嬲就忍唔住！
功課
尋日派的，不過今日唔駛交，所以今日先開始做。
之前做過加數，今次都係加數。
阿仔識填2+2，其他唔識。我教左佢個方法，將條線向後移咁樣黎分組。
但佢冇跟，佢用左唔知咩方法，總之佢自己得出1+3，3+1，最後諗到4+0。
英文寫大細楷。
中文寫個「母」字。
【做功課】「我唔去公園玩，所以我唔做功課」！
今日學校放假，尋日做左少部份功課，淨返兩本中文（各有兩版），同埋一張英文寫字既工作紙。
今朝早我同佢一齊係廳做功課，我扮睇書，佢就係我面前做。開頭做十分鐘，休息十分鐘。後來佢話想要做耐D，就俾20分鐘佢去做。點知做左都未夠7分鐘就話想休息，OK！就係咁，做到10點幾差唔多11點。 Continue reading “【做功課】「我唔去公園玩，所以我唔做功課」！”
聽新聞，手工頸鍊，懲罰
朝早阿仔第一個起身！因為佢急…所以冇耐大聲叫醒埋我！(明嗎？哈哈)
由於比平時早左成40分鐘左右，所以我地有更多時間做多d野。
開新聞睇。 Continue reading “聽新聞，手工頸鍊，懲罰”
K2下學期功課
呢個仔，我俾佢笑死啦！明明我去瞓午覺前見到佢做好左上面既配對，我瞓醒起身就見到佢將D線改成咁樣！
但佢好乖仔，係我瞓覺期間做左兩張工作紙，寫左兩行數字。跟住佢入房話「我攰啦！」就開始瞓覺。當時係6點幾！我地去完公園返屋企已經5點啦！沖埋涼食埋野5點幾，即係佢用左一個鐘頭黎做，又冇人睇住佢，叻左呀！陣間起身要讚下佢先得！！
公園引發的謎思
返埋今日就放假啦！（1/5 紅日）
今日係星期四，由於再上一個星期四冇上到普通話堂，所以今日補堂，兩點開始，上到四點！
點知阿仔冇話攰，或者悶呀、好耐呀等等～ 回家路上我問佢去唔去公園玩一陣，佢竟然好乖巧咁同我講：「返屋企啦！要做功課啦！」可能佢想氹我開心，不過我早已打算同佢去玩，反而變左我鼓勵佢去！佢就非常興奮咁話好呀！去玩一陣啦！我好想去玩呀！
傻瓜…我知你一定想去既！只不過驚我話佢未做功課者！
原本打算玩20分鐘，不過玩左唔夠一陣，附近間幼稚園放學，好多小朋友黎玩，阿仔就愈玩愈開心，咁就玩左差唔多40至50分鐘。
期間佢曾經坐係上滑梯條樓梯度，有個女仔去上，阿仔又唔讓人，個女仔竟然一腳踩上阿仔大脾上！我即刻走埋去！
又，有個男仔突然大哭，咁岩阿仔之前好係佢附近，不過走開左。我聽到佢話有個男仔推佢定打佢，我幾驚係我個仔呀！原來唔係！其實我個仔佢極少會出手打人，推人都有可能，但係玩到忘哂形果種，所以都有諗過會唔會係佢。
阿仔佢比較鍾意同女仔玩，都好！我見間幼稚園有幾個男仔一齊玩，玩得好癲下，跌落地啦，一個疊一個咁，仲要見到都走埋去瞓埋一份，我就諗：老師講得岩，佢話如果讀男校，怕唔怕會曳呢？
果下真係嚇到有D驚！阿仔已經屬於活躍（活潑）份子，如果再加多兩三個同類型既就…諗到都想暈啦！
講返少少普通話堂既野，我差唔多夠鐘先上去，佢地仲上緊堂，我望入去，見到得兩個小朋友，另一個就好專心咁望住老師，而我仔就…雖然坐定定，但就望左唔知去邊！我聽到老師問佢問題，我仔全程答廣東話……
落堂時我問老師阿仔上堂既表現，係咪好唔專心。佢竟然答我唔係，係因為佢好聰明，一聽就明，所以唔洗望住佢！（下？？？）
不過，再一次聽到呢個 point，真係要我相信？聰明既人係唔駛聽書架咩？學校老師有講過話佢聽覺型，所以好多野佢聽左就已經記左係個腦度。希望係啦…
總之聽到正面既評價我已經好開心，但唔會滿足。
英文圖書
前兩日買左D故事書俾阿仔！Yeah~ 我同佢一樣好開心呀！以後都唔駛去圖書館借舊書啦！仲可以係床啦！梳化啦！等等既地方睇。
呢套書最令我驚喜既地方係佢有埋隻原聲講故事既CD！仲有本字典送，好正！
以後一定會再幫襯！
我們是平凡的一家人
孩子是聖誕節出生的孩子
爸爸是努力工作的爸爸
媽媽是全職媽媽
在FACEBOOK可以找到我們
http://www.facebook.com/ftmmm
自己讀書
今天放學後，我們先去長沙灣公園玩，兩個小朋友都非常開心呢！然後去圖書館借書。
我最近看了幾類型的ebook，好想去圖書館找找相關書籍，可惜未能找到。（妹妹都好enjoy在圖書館走動，不過有點難控制，所以不能花太多時間去找書）
兒子說要找Kipper的書來看，所以今次就把綠色和橙色(Stage 7, 8)系列拿出來讓他選。另外借了一本，是一位好心的姐姐幫他拿的，當時兒子見到坐在隔離的姐姐有本McQueen書，伸手就去拿！姐姐說書架上還有一本，而且二話不說就去拿來給兒子！在此感謝她的熱心！
借完書，我們便去餐廳吃午餐，原來已經到了下午茶時間！叫了兩個餐都只是55元！
兒子從圖書館出來就手拿著這本圖書邊行邊睇，逐個字讀…遇到不識的字就問我。我當然不厭其煩地一一回答啦！不過始終在街上走著，不應該這樣看書。連過馬路都不肯把書合上…
但他此舉真令我感動！可能受之前強迫他跟著我讀故事書影響，又可能因為幾日前我情緒不好時說的一堆話影響…（要學習還是沉迷玩樂？自己選！）
總之今次他的好學的心令我非常欣賞，當然也有大讚！「媽媽覺得好開心，因為你會主動讀書，而且唔識既字又會問！你做得好好。」
汗巾「這個可以給妹妹用」
今朝早起身返學，阿仔係櫃桶拎襪著時，發現左呢條汗巾，拎住黎同我講話一陣間可以俾妹妹用！
由此可見阿仔有幾咁期待妹妹黎！同埋對妹妹已經好上心啦！
好啦～今日妹妹冇黎到，佢今次只係問左句：「妹妹冇黎呀？」就冇再話唔開心，之前係次次都有架！可能開始習慣妹妹唔一定日日都黎。
放學，每個小朋友都拎住呢個植物…老實講，我已經唔記得左叫乜？只記得我地以前係用蠶豆，而且仲要係小學先開始種！佢呢種好似係紅豆？
當然要快快手手影低先啦！唔係過一兩日就…
新字卡學英文句子+短文加強理解能力
今日睇佢本手冊時搵到佢今個星期學既英文字, 諗住由佢剛學既生字去開始教佢認全句句子。例如butterfly, 仲好有心機咁搵埋其他野去教佢, 如 pollination, 呢個字我都係剛學識。另外教佢串埋butterfly, 串左三次。
前兩日又買多兩疊白卡紙, 我本來想買一疊, 但阿仔話要買兩疊, 佢係知道我用黎教佢認字，好有心！哈～ 尋日開始寫左幾個新既中文生字俾佢認下, 今日開始寫英文, 由幾個佢識既字開始, 再申延加一兩段較為詳細既內容, 作用唔係俾佢認, 只係用黎當聽多D英文句子, 等佢既理解能力好D！自己亦從中記多D句子結構。
仲有幾張每張寫4行短句子, 如 “The pig is pink. He likes to play in the mud.” 俾佢讀同認字。都好成功咁教左一張, 而背面我都用埋黎寫一D關於豬既野, 我先知道 (或者學過但忘記了) 原來豬唔識排汗, 所以先咁鐘意 play (roll) in mud.
好鐘意咁樣去教佢！自己又學到野！
認字
以前都提過，用過幾個方法去幫佢認字。
例如一齊睇學校派返黎既中文課本（內容有一半係故事，阿仔一向都好有興趣）。同一本書講好幾次，佢都係只能認三兩隻字！
又用字卡，佢對呢種當然冇太大興趣啦！但佢係肯認既，只不過非常無趣，令佢感到比較困難。好似「奇怪」同「特別」呢兩個字，用左兩星期都仲未認到…
今朝早，我忍唔住啦…要佢一邊用手指住D字一邊讀。之前都試過，但非強硬手法，今日就係！每一頁都只不過係一行字，連埋標點符號十幾個字咋！讀左兩版，以後果幾日都要繼續，試一試佢得唔得！
差D唔記得，仲有一個方法就係 print 張紙，寫左一D野，間中同佢讀下。都有用架！佢有時都會叫我讀佢聽，不過只限英文果張，中文果張可能內容悶D佢冇興趣吧！呢排因為有妹妹係屋企，佢食飯就係對住中文果張紙食，所以呢兩日佢都係度搵佢識既字黎讀喎！我又乘機教埋佢認隔離左右果D。
English
講完數學講下英文先。
前排PRINT左一張紙, 寫低左阿仔所識既 “B” 字開頭既生字, 打下打下先發覺原來淨係B字頭都已經識好多啦！咁打埋其餘果25個字母咪….我意思係有排佢認！
開始左夾夾埋埋幾日，因為間中會停左一至四日不等！我一次教一行~3個字, 或者兩行~6個字。有D字當然未認到, 當我用Blending既方法去提佢時, 佢答到呀！例如 Bank, 我先讀 “an”, 再問佢 “b” + “an” 即係？佢答到, 我問佢咁加k係尾呢? 佢就識讀啦！好開心，要繼續努力！
Blending (Phonics)
話說之前係某間教室同阿仔做左個測試, 開始醒覺佢係對”blending”完全唔識, 於是就搵左D apps俾佢邊學邊玩, 又係 youtube 搵左D教 blending 既video佢睇。雖然D apps 同 youtube 都教得好清楚, 但佢好似仲係唔明白係點咁！即例如 Tab, 人地教左”ab”點發音, 加左個T, T+ab 連埋咁讀佢就唔明！到底應該點教？定係佢未有能力？？
做功課&練習
今日做功課時我拎埋自己買俾佢既練習出黎睇，佢見到竟然話好想做！所以就俾佢「休息」（即係做完一樣功課時之後休息一陣先再做另一樣功課既時間）果時做啦！可能佢覺得好得意啦！同學校俾佢既功課唔同，又多圖畫掛！ Continue reading “做功課&練習”
K2 X’mas Gifts
從學校帶回來的禮物，還有同學仔送的聖誕卡。
K2 手工
今天這位小孩子心情有點不好喔！！
【網購】淘到靚衫
阿仔著住果件紅色背心褸，前排收到，不過未夠凍，著唔到。
呢幾日咁涼，終於可以著啦！
除左條褲係香港買之外，其他包括對襪都係淘返黎！
件褸就簡直冇得頂添！質量唔錯。
其餘既都好OK！
另外，又開始睇小學，係時候為升小作小小準備啦！想佢考D認可性高既證書。
如無意外會報讀Trinity果D，因為Cambridge自學，如果加埋聖三一呢個，或者自己去報考都得！
係屋企附近上果個英文班唔係唔好，不過冇針對任何證書或考試，始終對升小冇乜幫助咁。
學校既興趣班又新一期啦！但阿仔又話唔想讀。
咁算啦！反正星期六好似好多小學有活動，留返空閒時間都好既。
但我會出去報其他，英文既證書其一，另外可能係跳舞，或者drama。
K2 學校旅行
Saturday, 學校旅行！
雖然朝早你仲係好咳而且仲有D唔精神，但因為上年已經冇去，所以無論如何都要去！唯有放學果時先去睇中醫。
旅行地點係西頁，保良局北潭涌渡假營。都幾好玩呀！正門有公園，有得射箭，入到大堂門前面都有公園，玩個轉轉轉都已經玩左好耐！最後仲去埋踩單車，係你第一次正式係室外踩！ Continue reading “K2 學校旅行”
荔枝角公園
學校興趣班下課後，你拖著我手，說要帶我去看攀登架。
原來是荔枝角公園，即上星期你一直提到的「嶺南之風」。
原來就在學校附近！
這個大公園真的好大，感覺很好呢！
我們先在遊樂場玩了一會，再到處逛逛，然後便去吃午飯，再到圖書館看書，借了兩本圖書。
悠閒但快樂的一天，我完全沒有罵過你，是因為你真的很乖嗎？還是因為你太可愛了？想到老師帶過你來，然後你再帶我來，滿足你沒有玩過那個遊樂場的心願，覺得你好聰明，好可愛，這樣的話我也好想與你分享喜悅，令你快樂！
愈來愈喜歡用劍橋課程
阿仔而家日日都會叫我俾佢玩：「媽媽我想睇book1,book2呀～果D囉！」佢仲要句尾用個「囉」字！好招積「囉」！哈，真係學到我十足十…=”=
我發現佢開始會睇下D字，試過同佢一齊玩遊戲，係要串字，打字咁既，佢都好留心咁睇我打，或者我俾佢聽住黎打。
試過一次仲自己入「組句」果part玩！
聽歌仔亦唔再只係睇有卡通video果D, 好大堆字既佢都睇！有進步。
至於平時玩呢，就變返以前咁，經常講英文自言自語。由於佢屬於一個非常喜愛講野既人，而且中文既表達能力又好好，所以全日都不停咁聽到佢講野，一時中一時英咁，但就以中文佔多數，我估計係6至7成，有3至4成既英文當中，有D係夾雜左係中文句子入面。我認為咁樣非常之唔好，我叫佢一句全句中或英，全句英文唔識就問下人。好似今日咁，佢明明識得「煮」呢個字，佢都將句句子講成「cook俾我食」…暈…！
尋日有三份功課，係寫個「三」字同埋一個數字（我忘了），仲有一張work sheet。今日就只得一個「6」字。佢成日將左邊落筆寫就寫到好圓，所以下半部分就高左，成個字細哂！
Protected: Photo @MTR platform
寫8字
尋日既功課係寫數字「8」
咁難既，點解唔寫左個「S」先呢？阿仔不停咁將8字下面個圈寫到向左側，唔識將下面個圈同上面個圈平衡闊度。所以做完份功課，我都要佢繼續係張紙度寫熟佢。寫左廿幾個左右啦！都係寫得唔好，算啦！下次再寫。
八號風球
尋日放學仲係1號，但已知將會掛3號，返到屋企冇耐都3號啦！直至夜晚10點幾11點改掛8號添！今朝起身都要望下電話confirm係咪唔洗返學。
尋日放學後老師打黎話英文唱跳班有位啦！阿仔可以上。
有得上
放學收到黃老師電話，話coby sing and dance果班有位啦！有得上，我同阿仔講完佢都 yeah！！
Protected: 功課
學校的興趣班
係專頁有講，呢度都講返先得！呢度先係我想要好好一直保存至個仔大個可以睇返。
星期三派左表格，先後分別為美術，普通話，英文唱跳。當時問阿仔，佢全部都唔參加，我都猶豫到底參加學校既唱跳班定搵出面果D。所以我等第二日再問過佢！
星期四，佢就答話唱跳班，其他唔報。不過普通話班好抵，700蚊10堂，而且我好想佢學好普通話，語言好重要，所以都同佢報埋，講左佢知，佢都冇抗拒。美術都想佢報架，不過已經有一個唔係出於自願，咁就唔好報兩個都唔自願啦…時間又岩，呢兩堂連住咁上。
點知，星期五交低表格同錢，老師話唱跳班滿啦！要做後補。好受歡迎喎！同一心態，都岩既，人人都重視英文，比重視普通話為多！自己都係啦！最理想係第一英語，第二普通話，第三就係韓文！不過韓文我自學，都教唔到個仔幾多，盡量吧！
K2情況
講講阿仔新學期，K2啦！老師都轉哂，今日知道李老師去左教K3，鄧老師應該都係K1。而阿仔果班有3個班主任，因為佢係大班呀！成32人！另一班，爸爸話只是十幾人咋！
仲有令我更震驚既係，暫時我知道有3個同學留班，其中一個係自己要求既，驚小朋友讀得辛苦。其實佢小朋友同我係一樣係12月，但佢個大小小，我反而從來都冇擔心過阿仔會跟唔上之類。雖然佢性格貪玩，亦比較唔守規矩，（學同學媽咪話齋，佢太自主啦！）但佢學習能力肯定係「強」架！唔係做人阿媽想要認叻，但經過左呢三年幾，我由好「客觀同謙虛」咁覺得阿仔唔係話特別叻，大把大同佢一樣咁叻甚至更叻，變成為覺得阿仔的確「比唔少小朋友叻」。當然，我肯定比阿仔叻既小朋友大有人在，但我諗法既改變都係因為見到同感受到。
最近有媽咪講話唔明白點解d ftm會話壓力大，做ftm辛苦等等。我就講左自己既感受，就係壓力來自「教導」。由於自己全職照顧小朋友，於我而言非只是負責佢飲食同安全，更重要既係教育佢，包括性格，品行，同學術性既野。呢三樣野已經夠大壓力啦！但都好睇個人，有人話有可能因為要同老公捱，左計右計要慳d洗云云，我亦當然經歷過呢種壓力，可幸既係已經脫離左咁痛苦既時期。亦有人全職湊但冇話極度注重品格教育，而我就係非常非常重視呢樣野，反而阿仔細個我就好努力咁去教佢學術野，大大下變左重視禮貌，自理等等。
雖然係咁，我都唔係做得好好。可能自己情緒麻麻，易怒，又可能方法錯左。總之，全職去湊個小朋友同要返工既媽媽相比，大家都會有唔同既壓力同感受，唔應該話因為唔明人地點解有咁既感受而覺得不忿。
M.R. In UK 