很久不見了！我已經兩歲多啦！
由於，yoyo的淚腺太髒了！怎麼都抹不掉，唯有出刀啦！拿出剪刀剪呀剪~ 就變成這樣子。
還不錯吧？哈哈…
Category: 【寵物】Pocoyo
天氣寒冷～星期一停課一天
呢幾日天氣開始轉冷, 仲要係非常寒冷！星期日晚教育局就宣佈幼稚園同小學都停課一天。突然有一日假期，唔好浪費啦！
雖然仲睇緊中醫要食藥，即係仲有D咳，但我想阿仔係街行下玩下都好過大部份時間係屋企嘛！
於是，睇完中醫就去公園玩一陣，再去行花墟，因為幼稚園有教過阿仔 Flower Market。其實我地以前行過，不過學校教完再帶佢行，印象會更深刻同更投入呢！！ Continue reading “天氣寒冷～星期一停課一天”
剪毛~剪得好短
一見到佢，我忍唔住笑。太可愛啦！
十一假期 寵物公園
原來呢度有個寵物公園，我哋帶咗 pocoyo 嚟玩，佢同阿仔都玩得好開心呢！
呢度真係唔錯，夠地方俾狗狗跑來跑去！又多(狗狗)朋友。
Yoyo 一去街就唔理我哋架啦！叫都唔識反應…但係到佢攰攰哋時都會聽話，train 到吓！
YOYO 第一次游水
【YOYO】很久沒在blog出現啦！
YOYO 洗澡
Yoyo 洗完白白了！
(嘩~照片的顏色怎麼這樣怪…)
兒子爭著要抱牠！
的確好肯幫忙，只怕一不小心…
又有小禮物呢！
今次這個比較好，牠咬不到！
Pocoyo 來了個多月
Pocoyo 吃飯的問題
有時這隻傻傻的小狗，叫人很擔心。
例如吃飯(當然是指狗糧)，不是吃的太少就是吃得太急，以致剛吃完不久就嘔吐！有時候甚至不吃，試過把糧放在地上，隔了兩三個小時之後才吃！而那次已經比平時稍微遲了一點給牠吃。
費解！
前兩晚帶過牠去街，雖然已經打齊3針了，但我覺得還不是每天都要帶去街的時候。也未必每次出街都要放牠在地上跑！(每次回家都要抹腳…)
牠也真的太瘦了！打算每星期吃一次罐頭，希望吸收不同的營養。
昨天有客人來探訪Pocoyo！哈哈～
Pocoyo 非常熱情好客呢！
Protected: 舅父來探YOYO
YOYO正常返
尋日打完針後一直都怪怪的，今早一起身已經完全正常！
但佢今日令人好激氣，就係多次發生「意外」，wee左去廁所以外既地方。
最好笑係呢隻狗狗學人食菜！佢走左入廚房偷野食囉！我岩岩先洗完菜，都唔知跌左塊落地，就俾佢擔走左！XD
晚飯後一齊落街同佢玩下，佢驚到趴係地下，唔肯行，要拖佢走…
但去到公園果邊跑又好開心。
佢同阿仔玩，有時都會用左牙去掂阿仔，但我地就好少，一有就鬧。
POCOYO打第3支針
今日帶左POCOYO去打針。
一落街佢已經開始驚叫！諗住買個口罩可以稍為遮掩住佢把聲。
點知都冇用既….可以口罩大左Ｄ，令佢有空間開口！
沿途抱住佢都係咁叫，間中有停下，但比數都係叫多過唔叫。
就係咁，大約行左十分鐘就去到寵物店。
我地係呢度買，狗狗第三支針可以俾佢地俾獸醫打埋，仲平好多！
出面大約二百蚊（職員話），俾佢地打只需80蚊！
我地兩點左右放低yoyo，4點幾就打黎話攪掂啦！
Yoyo由爸爸接，但返黎之後一直都唔太好心情，仲成日吠，好似仲驚緊咁！慘豬…
我伸手去摸佢仲有點抗拒咁擰轉面添！好似嬲左我咁。阿仔抱佢有兩次都吠！我都驚驚地唔知佢會唔會咬我地！！
後來食完飯帶佢落街，佢先慢慢開始冇事。
我冇去，返到黎同佢梳下毛毛，跟住佢又冇野啦！正常返。
Pocoyo 第一次去寵物美容
POCOYO來到我們家超過一星期了！要去洗白白啦！
這間店就在我家樓下，只隔一個舖位，超方便！
一問之下，價錢是我問過的三間中最貴的一間，不過店員講得很清楚會做些甚麼，而且入到去沒有任何氣味，雖然貴一點，我還是選擇這間。(話說之前想過買的那隻紫娃娃所在的那間舖，今日一入去就聞到好大陣便便氣味，怕怕！)
最重要是這間夠近！新開張不久。
要知道，yoyo 在街上非常不習慣，上星期就試過抱牠外出，怎料還未過馬路就忍不住要帶牠回家，因為牠害怕的大叫！這樣子叫，恐怕會嚇到好多人…
剛才洗白白完畢，見牠好像沒那麼害怕，便抱牠到處逛逛。
但原來還是一樣，不到五分鐘，應該是到了比較多人和有車的地方，牠又再驚叫起來！
唯有回家吧！
所以選一間最近的寵物美容絕對無錯！！
店員說牠很膽小！
而且BB狗來說，牠算是很瘦！摸到骨的…
關於yoyo常常嘔吐，店員說可能牠吃的太急，一日分三餐給牠吃，可免除牠太餓而吃得太急。
又蝦 Pocoyo
本來都唔想講，但阿仔實在太…唔小心！成日都整到 yoyo 慘叫，今日仲叫到好奇怪！唔似平時果種聲咁尖，沉少少，但又唔係睇電視果種好驚既吠叫聲，係一連串既放聲慘叫…聽到都心痛！
睇黎阿仔都有排教…已經每次都講，每次都解釋，都仲係有事發生！
Yoyo豬
新花名：yoyo豬 XD
只是幾天，怎麼我都覺得牠長大了呢？不像剛到家裡時的baby，雖然還是很baby！
至於potty training，算很叻豬，多次懂得上廁所，但仍然有意外。
因為之前嘔了幾次，所以非常小心地，沒有再給牠吃零食，也沒有吃關節藥，狗糧也浸好了才給牠吃。昨天有嘔過，想說今日沒有，怎料剛才11點多又嘔…
POCOYO又嘔
Pocoyo又嘔啦！
下午5點多左右，兒子用狗糧跟牠玩了一會(訓練)後，我再餵牠吃了半粒藥，不久之後就嘔了！
前後已經3次，所以打電話去寵物店問問。
他們建議今晚不要跟牠玩，盡量困著牠，也不要餵狗糧，只給一匙狗罐頭，看看情況有沒有改善。
之後去了附近一間寵物店買罐頭，再問問職員，估計可能是因為沒有浸糧給牠吃，消化不良…！
哎～都是我不好…都是我太懶…
另外，牠可算是完全懂得上廁所了！
超開心！寵物店的人都說牠很叻叻！
重新教”Sit”
今日Pocoyo好像忘記了甚麼是sit，叫了多次都還要撲上來，就好似叫牠 Stand 一樣，是混淆了？還是真的忘了！？
Anyway，我又再教過sit, hand 和 stay。經過一兩次訓練後，又再做到了！
尤其stay，令我非常意外！牠的停留時間可以接近10秒。可能是因為昨天訓練過，牠很記得吧！
當中我也加有come和leave it的指令。
Come很重要，yoyo暫時學得還可以，都是用食物來引誘。
謝謝朋友指教！尤其訓練項目的分配，很有幫助！
至於另一重要課題~potty training(真的跟幼兒要教的沒兩樣)，今日的表現不錯，只有兩三次意外。
其餘的，牠都懂得上狗廁所。
我個人認為已經算是很成功呢！
我發現牠興奮時會小便！
今日兒子放學回家後，可能見到我們，牠很興奮，不停的大解小解…我又不能忍受牠踏到自己的便便又走出來，所以每次我都先弄乾淨狗廁所，再幫牠腳。
來來回回不知多少遍…暈！！
有點衝動買個狗籠，至少尿在裡面也不會弄髒腳 (大便就難免了)。
但想到將來很大機會不會再限制牠的活動範圍，所以即使需要狗籠，也只為了個廁所。這樣的話既浪費又阻地方，不如算了吧！？
Protected: 欺負！？
跳到出黎
今日pocoyo既狀態好奇怪，有點倒退！今朝叫佢坐唔肯坐，仲扮傻撲我手心既野食，證明佢唔係唔想食，而係唔想做！攪到我又要再用手去㩒低佢。
本來想話今日開始教佢stay，睇黎要看情況啦！
下午放學回家後，玩左一陣佢就poo，當然我係廚房煮緊野俾阿仔。突然阿仔同我講話yoyo痾左啦！一睇，嘩~ 好叻呀！痾正係廁所上面，仲要今日個狗廁所係放係洗手間門口，唔係平時放既企缸內。
即係話佢認得個狗廁所啦！
但之後有一次vv就痾左落地。
另一次又痾得正！
我同阿仔兩個午睡，佢都瞓左。
4點幾，我起身同佢玩一陣佢就轉圈+痾岩地方。
以為痾完，放出黎又即刻轉圈，又痾岩左。
相信佢已經明白到便便係要係狗廁所上啦！好開心呀！
不過都係要再睇耐D！頭先都有意外。
識得去便便啦！
今日有幾次見pocoyo狀似要便便，於是帶佢去企缸。
入到去再同佢講「痾poo poo啦！痾vv啦！」
跟住佢就會開始轉圈！成功！
有一兩次係廁所外面，冇獎勵。只係讚。
但有兩次好成功咁痾到正！我就俾左尋日爸爸買返黎既「練牙力零食」俾佢作獎勵。
雖然話第時有機會攪到隻狗狗為左食物而夾硬痾，但呢一刻我實在覺得識去廁所太重要啦！我唔理咁多啦！第時最多咪唔俾零食獎勵！
最開心係佢明顯明白呢個動作：抱佢入去+痾poo poo。因為佢聽到就會望下個狗廁所。
我又發現一樣野，如果佢急佢一入去冇耐就會開始轉。如果唔急就放好耐都唔郁，會趴左係度悶悶不樂咁。
Pocoyo 嘔吐！
今早起來跟牠玩了一會，牠就去vv了。
因我圍著牠的活動範圍只有「床」+「狗廁所」。據說狗狗不會在自己睡覺的地方便便，所以牠並無選擇！
爸爸昨晚去買的狗狗床！
Yoyo很喜歡！很快已經明白到這是給牠的地方！
聽聞狗狗認定那個地方是自己的地盤就會在那裡「挖洞」，yoyo就是不停地、使勁地挖。也有咬！但我們不准牠咬。
10點半左右，我跟牠玩了一會，又用零食來訓練牠stand、sit、hand。但吃了三顆零食後開始對零食的興趣不大，有點奇怪！狗糧也又不是吃很多，為何會沒有食慾？
不到10分鐘，就見到牠嘔吐！！
嘔了剛才吃的零食出來，不過是濕的。
會不會是因為牠吃完零食就飲水？
會不會是因為舔了不乾淨的地方？
會不會是玩的太瘋？肚子不舒服？
這令我想起：
昨晚曾經發現牠的床上有少許濕了！還以為牠v在床上，已覺得很奇怪。
我想，可能又是嘔吐…
不會吧？是有病嗎？
但牠又不似…
Pocoyo 簡稱 Yoyo
為方便起見，三個音的Pocoyo已簡化為yoyo…
今早我們起來後不久，牠就先後V了兩次和Poo了三次，一次VV在地上，其餘的都是見牠狀似要便便，立即拉牠到狗廁所，都很成功，也大讚了！
至於訓練”Sit”也則有很大的進步！
牠已經聽懂了！而且也會坐下來了！
很開心！
兒子上學後，開始訓練hand，之後間中有練習，但還是以Sit為主。
兒子非常喜愛Yoyo，昨晚睡覺時更多次在房內探頭出來看Yoyo，也多次被我責罵！
今早起來也因為看Yoyo而超慢刷牙…
食：
帶兒子上學後回來發現牠V在食物盤內…
(即是幾乎沒有吃過食物，於是倒掉。
用狗糧引牠做動作才有得吃)
然後一直都沒上過廁所。
很奇怪，放在盤內牠只吃少許甚至不吃，好像忘記了有食物。(不餓嗎？)
把牠困在細小範圍內又不吃！
但當我們拿著來餵牠又肯吃。
接兒子回家時約1點半，再餵過狗糧+training。
很快，真的，只需半天，yoyo已經學會了”hand”這個動作了！而且還開始會主動握手！雖然未必每次都主動，但感覺得到牠是放鬆了右手，準備給我握！(我用左手)
VV方面仍然不行，但有點進步吧？因為牠會V在廁所與地面中間的位置。
可能牠以為那裡是可以的？
Poo也有點進步。
看準時間，放牠入企缸，不一會就開始團團轉，然後就Poo了！
晚上又一次成功！
Pocoyo ~ 便便紀錄
到家第2天
昨晚將牠放在地毯上，旁邊放狗廁所和水，再用其他東西圍著。
今早起來發現牠很叻叻的便便在廁所上。
不過放出來後又尿了少許在地上。
吃過食物後，再圍著牠，卻很久都未有便便，於是放出來讓牠走動一下。
然後，出現要便便的動作了，快手抱牠入廁所，雖然未能放上狗廁所，幸好還是在洗手間內。
到12點，我把牠關在企缸內，廁所也放在入面。不一會，便見到牠尿在廁所上了！
超開心！
之後我們出門去，直至下午4點半回家。
當時見牠仍在睡覺，而廁盤看似沒有尿過。但牠很快便睡來，跟牠玩了一會已見牠有尿意，一見牠想解放，即時移牠去廁所，但已經來不及了…
被我一移，牠即時停止尿尿，估計牠仍然解放完畢，於是用中午的方法：連狗帶狗廁所放入企缸內。
真的！非常厲害！不一會就尿在廁所上啦！
已經兩次了！
雖然剛剛尿了在地上…但一入企缸就能在正確位置解放！
這可算是成功了的第一步吧？
聽聞要訓練狗狗上廁所需要幾個月時間，甚至是半年！！
但願Pocoyo可以不用那麼長時間啦！
更新：第二次正確vv後，以為不會再解放。5點左右爸爸回家跟牠玩了一會後，又再轉圈！於是帶牠去狗廁所，牠在廁所附近一直轉，停下來之時又對不正！我又拉牠往廁所上面去，今次牠沒有因而嚇倒繼，而是繼續poo，所以今次又成功了！
晚上7點左右，v在廁所門口地毯上…
9點多，把牠困在洗手間內，發現牠V了出來，位置不十分準確，但都有一半在廁所上面！Well Done Pocoyo！
我們家的新成員
牠的名字是Pocoyo.
兒子改的。
現時4個月大。
出生日期應該是2月21日，因第一針是4月21日，店員說出生後兩個月才可以打第一針。
已經打了兩針，最後一針將於7月頭打。
兒子當然好開心，在寵物店已經嚷著要抱狗仔。
回家後有出現過一些對狗仔不好的行為，如向牠掉東西、推開牠。
兩個小孩子都要好好訓練！！
但願Pocoyo會一直伴隨著兒子一起健康快樂地成長。
