Posted in 【寵物】Pocoyo

Pocoyo 來了個多月

image

好耐都冇寫我地屋企既新成員:Pocoyo啦!
佢係一隻 Tiny Toy Poodle,係比玩具貴婦狗更細既品種。

Continue reading “Pocoyo 來了個多月”

Advertisements
Posted in 【寵物】Pocoyo

Pocoyo 吃飯的問題

image

image

有時這隻傻傻的小狗,叫人很擔心。
例如吃飯(當然是指狗糧),不是吃的太少就是吃得太急,以致剛吃完不久就嘔吐!有時候甚至不吃,試過把糧放在地上,隔了兩三個小時之後才吃!而那次已經比平時稍微遲了一點給牠吃。
費解!
前兩晚帶過牠去街,雖然已經打齊3針了,但我覺得還不是每天都要帶去街的時候。也未必每次出街都要放牠在地上跑!(每次回家都要抹腳…)
牠也真的太瘦了!打算每星期吃一次罐頭,希望吸收不同的營養。

昨天有客人來探訪Pocoyo!哈哈~
Pocoyo 非常熱情好客呢!

Posted in 【寵物】Pocoyo

YOYO正常返

尋日打完針後一直都怪怪的,今早一起身已經完全正常!
但佢今日令人好激氣,就係多次發生「意外」,wee左去廁所以外既地方。
最好笑係呢隻狗狗學人食菜!佢走左入廚房偷野食囉!我岩岩先洗完菜,都唔知跌左塊落地,就俾佢擔走左!XD

image

晚飯後一齊落街同佢玩下,佢驚到趴係地下,唔肯行,要拖佢走…
但去到公園果邊跑又好開心。
佢同阿仔玩,有時都會用左牙去掂阿仔,但我地就好少,一有就鬧。

Posted in 【寵物】Pocoyo

POCOYO打第3支針

今日帶左POCOYO去打針。
一落街佢已經開始驚叫!諗住買個口罩可以稍為遮掩住佢把聲。
點知都冇用既….可以口罩大左D,令佢有空間開口!
沿途抱住佢都係咁叫,間中有停下,但比數都係叫多過唔叫。

就係咁,大約行左十分鐘就去到寵物店。
我地係呢度買,狗狗第三支針可以俾佢地俾獸醫打埋,仲平好多!
出面大約二百蚊(職員話),俾佢地打只需80蚊!

我地兩點左右放低yoyo,4點幾就打黎話攪掂啦!

Yoyo由爸爸接,但返黎之後一直都唔太好心情,仲成日吠,好似仲驚緊咁!慘豬…
我伸手去摸佢仲有點抗拒咁擰轉面添!好似嬲左我咁。阿仔抱佢有兩次都吠!我都驚驚地唔知佢會唔會咬我地!!
後來食完飯帶佢落街,佢先慢慢開始冇事。
我冇去,返到黎同佢梳下毛毛,跟住佢又冇野啦!正常返。

Posted in 【寵物】Pocoyo

Pocoyo 第一次去寵物美容

POCOYO來到我們家超過一星期了!要去洗白白啦!

image
Little boy and little puppy^_^

這間店就在我家樓下,只隔一個舖位,超方便!
一問之下,價錢是我問過的三間中最貴的一間,不過店員講得很清楚會做些甚麼,而且入到去沒有任何氣味,雖然貴一點,我還是選擇這間。(話說之前想過買的那隻紫娃娃所在的那間舖,今日一入去就聞到好大陣便便氣味,怕怕!)
最重要是這間夠近!新開張不久。
要知道,yoyo 在街上非常不習慣,上星期就試過抱牠外出,怎料還未過馬路就忍不住要帶牠回家,因為牠害怕的大叫!這樣子叫,恐怕會嚇到好多人…

剛才洗白白完畢,見牠好像沒那麼害怕,便抱牠到處逛逛。
但原來還是一樣,不到五分鐘,應該是到了比較多人和有車的地方,牠又再驚叫起來!
唯有回家吧!
所以選一間最近的寵物美容絕對無錯!!

image
店員送了黃色的頸巾給yoyo,好可愛丫!

店員說牠很膽小!
而且BB狗來說,牠算是很瘦!摸到骨的…
關於yoyo常常嘔吐,店員說可能牠吃的太急,一日分三餐給牠吃,可免除牠太餓而吃得太急。

Posted in 【寵物】Pocoyo

又蝦 Pocoyo

本來都唔想講,但阿仔實在太…唔小心!成日都整到 yoyo 慘叫,今日仲叫到好奇怪!唔似平時果種聲咁尖,沉少少,但又唔係睇電視果種好驚既吠叫聲,係一連串既放聲慘叫…聽到都心痛!
睇黎阿仔都有排教…已經每次都講,每次都解釋,都仲係有事發生!