10月4日星期三
放學後, 校車姨姨同我講：「佢可能肉緊得滯，咬左個同學一啖。」
當時阿仔個樣都好氣憤，本來我想話問下個同學仔有冇事，佢捉住我話：「唔好聽X姨講既野，佢講D野唔岩既！佢講埋D野係錯架！」咁我唯有算啦, 等阿仔冷靜完之後先問佢發生咩事。 Continue reading “咬人…..”
Category: 【教養篇】
講講教養
今日認真爽！因阿仔返十點幾，放下午四點半，因為要為畢業典禮綵排。即係我又足足有接近六個鐘頭既自由時間！
其實平時佢逢星期二都會返早Ｄ（11點幾）放五點半，而黎緊亦都仲有三日會係返呢個時間，其中兩日仲要係（如無估錯）放五點半，仲多一個鐘頭添！！呢Ｄ咁寶貴既「自由時間」對於我地呢Ｄ”Full Time Mom”黎講，確係聽到都令人無比興奮！
今次想講既主要都唔係呢樣野，而係，呢個衰豬！放學一接左佢，我同老師企係門口傾左幾句就突然間唔見左人！！我當然估到亦都知道佢去左邊啦！就係跟咗同學仔&同學仔屋企人走咗去水池果邊玩。但係咁樣係唔得，無法接受佢呢個行為，因為佢冇話我知更加冇問過我可唔可以自己行先就走咗去，所以我要嚴厲懲罰佢，下個星期成個星期放學後都唔可以去水池果邊同同學仔玩。
在學校犯錯
今日放學時，老師跟我說兒子今天的表現很差，犯了幾次錯。
一) 排隊時起腳踢檯旁邊的電線。
二) 去洗手間時撞到其他同學，被全日班的老師投訴。
三) 回課室時跑。
四) 被叫去反思過錯後，立即向 NET 招手，說了幾句便走去玩，即時被罰他的老師叫停。
心心獎勵 : Mack
前幾日已經儲夠10個心心，可得小禮物價份，但一直未買。今早上完拼音班後，到書店看書，兒子就拿來一盒 Cars 裡面的其中一個人(車)物~mack 的模型，跟我說要買這個仲獎品。
烏龍
以為今早要上英文，原來是明天…以前返上午校就星期二下午上英文，但轉了下午校之後是星期三上午上的，我又攪錯啦！
唯有帶著兒子一起去超市吧！
之前他最愛吃奶皇飽，今次指明只要蓮蓉飽！
買了二百多元，他還非常熱心地幫我拿牛奶呢！ Continue reading “烏龍”
坐定聽書玩得少 幼園學生唔夠醒 | 晴報Sky Post
今日看到這篇報導「坐定聽書玩得少 幼園學生唔夠醒 」(原文)
邊看邊感到慶幸自己順應兒子的性格而認為遊戲中學習比較有效。而有效的意義於我個人來說, 就是擁有自我(但也不能太過), 有自己的意見, 懂思考等等。
看到文中提及「遊戲結束，老師要收拾玩具，你唔想執，咁點算？」, 我立即就問兒子 (當時我們正在球場, 兒子去玩 scooter) , 那時候未看到下圖: Continue reading “坐定聽書玩得少 幼園學生唔夠醒 | 晴報Sky Post”
新書：芝麻街
Learning manners is a lifelong education.
上網買左呢套書
$86 from yahoo auction
孩子的自尊心
平時，兒子在街上行為不好，或者做錯了事，我都會立即指出。
如果是一些必須要即時教訓的行為，我會把他拉往一邊慢慢跟他講。
一直以來都是用這個方式去處理。
可是，今天當我讀到某文章時，我才想起自己完全忘記了這一個很重要的地方！
就是孩子的自尊心。 Continue reading “孩子的自尊心”
【升小準備】新聞一則 (2015/05)
兒子今年將會報幾間直資小學，我們都要準備去應付面試。
例如….從小就著重德育、行為和習慣的培養。(可是他愈來愈貪玩和頑皮，令人非常擔心)
也從小就讓他學英文，培養看書的興趣。(愛聽但不愛看才對吧！因為文字….4歲半的他還是在自己翻書時只看圖，不讀字)
一歲後開始參考遊戲書，讓他從遊戲中學習。(這方面大人要花很多時間，所以也做得不太好！放的時間不夠多)
有讓他背唐詩，玩記憶力遊戲等，訓練觀察力和記憶力。(這個也需要花很多時間，次數要多….所以也是做得不夠)
堅持講故事
要堅持每日同阿仔講故事！
早兩晚講呢本：
阿仔好鍾意個故事，仲聽到狂笑添！
因為入面有好幾個生字係連我自己都唔識，所以我就用左個咁既方法去幫自己記，兼且可以教埋佢：
張 memo 係以簡單同佢會明白既字句黎寫。
故事書
我好少買中文故事書俾阿仔，亦好少去圖書館借。呢幾本係大約兩年前係淘寶買，成套有十本，阿仔都幾鍾意睇。
尋晚佢就拎左呢三本俾我同佢講故事，我只係講左兩本，其餘既佢自己睇，又睇到要訓覺都仲要睇。
近來我少左同佢講故事，忙其他野，但而家開始我要再努力啦！一定要堅持每日都講故事！同時要開始訓練佢自己講！
加油加油！！
Protected: 這是我的兒子 寫於2015
【做功課】「我唔去公園玩，所以我唔做功課」！
今日學校放假，尋日做左少部份功課，淨返兩本中文（各有兩版），同埋一張英文寫字既工作紙。
今朝早我同佢一齊係廳做功課，我扮睇書，佢就係我面前做。開頭做十分鐘，休息十分鐘。後來佢話想要做耐D，就俾20分鐘佢去做。點知做左都未夠7分鐘就話想休息，OK！就係咁，做到10點幾差唔多11點。 Continue reading “【做功課】「我唔去公園玩，所以我唔做功課」！”
聽新聞，手工頸鍊，懲罰
朝早阿仔第一個起身！因為佢急…所以冇耐大聲叫醒埋我！(明嗎？哈哈)
由於比平時早左成40分鐘左右，所以我地有更多時間做多d野。
開新聞睇。 Continue reading “聽新聞，手工頸鍊，懲罰”
很好的遊戲+認到字
晚飯後，爸爸同阿仔玩左個遊戲，我覺得非常好！就係讀一篇野俾阿仔聽，當佢到個x字，就用筆寫個”tick”號。
以前我睇過類似既遊戲，但就話叫小朋友一聽到某個字就拍手，唔記得有冇玩過。呢個遊戲可以訓練小朋友既專注力同反應！其實拍手既反應需要快D，但劃tick都ok，可以玩完之後叫佢自己數返，睇下岩唔岩。我自己就從中訓練下佢，就係唔可以用手指指住黎數，只可以用眼望住黎數。佢第一次數錯，叫佢數多次，岩。再用手數多次，都岩。 Continue reading “很好的遊戲+認到字”
Protected: 受挫
第一次在play store買圖書
是這本：小王子英文版。
以前沒看完整個故事，所以很想看。Play Store有好幾本不同的選擇，價錢也不一樣，最後選了這本，一來字體看得比較舒適，二來非常便宜，只需要6元不到的價錢就可以擁有！ Continue reading “第一次在play store買圖書”
Math
加數好耐之前已經開始教，大約係３歲幾既時候。好簡單咁問如果屋企有我地３個人，跟住XX同XX黎左，咁一共有幾人呀？又或者，而家屋企有２個人，之後２個都出左街，咁仲有幾人係度呀？阿仔大致上都好輕易就計到５以內既加減數。 Continue reading “Math”
做功課&練習
今日做功課時我拎埋自己買俾佢既練習出黎睇，佢見到竟然話好想做！所以就俾佢「休息」（即係做完一樣功課時之後休息一陣先再做另一樣功課既時間）果時做啦！可能佢覺得好得意啦！同學校俾佢既功課唔同，又多圖畫掛！ Continue reading “做功課&練習”
Telling time
今早起身同佢講左一頁英文生字，另外口頭做左兩版英文comic exercise. 仲有開始左新既幾張字卡認字。再教埋佢睇鐘，長針搭1係5分鐘，教左搭1至搭4。
想買迪士尼年票
以前就覺得阿仔太細，而家4歲都差唔多啦！突然間好想買！原來銀卡大人先至係$988，去3次就已經比7日去兩次果種抵啦！$988去3次平均$330咋！之前都冇乜點留意，怪不得咁多人買啦！ Continue reading “想買迪士尼年票”
０－４歲【如何教孩子認中文字分享】
一定要讓孩子在沒有壓力的情況下學習！才能令他們產生興趣！
教兒子認字真不容易！
個人認為認字十分重要, 但教小朋友絕對不能用迫的, 所以我試過好幾種方法, 希望能引起他學習認字的興趣。由於兒子＂嚴重＂地不喜歡看字, 無論是中文還是英文。(英文字母倒是未滿一歲便全部認得, 多得 “Disney World of English” 這套教材) 所以教他認字這條路也不是容易行的喔!! >”<
親子閱讀能激發認字興趣？
很多人都說只要持續跟孩子講故事, 加上父母慢慢的引導, 孩子自然就會愛上閱讀, 甚至能夠認字。
鼓勵
夜晚食飯前，同阿仔讀左一次貼係雪櫃上既兩張紙，一張中文一張英文既「規矩」。
原意係想佢重溫一次以發現自己做得唔好既地方，例如仍然係會手多多，人地拎住既野會唔問就攞。又例如係街唔小心撞到人，唔會立即主動講sorry，不過對我就每次都記得！呢樣就有進步，所以我讚佢做得好，但要記得係街對外人都要講呀！
講講下先發現，原來阿仔有幾樣野已經做到啦！有明顯既進步！例如借左人既野要還，同埋岩岩講既道歉。於是我就拎返佢做得到既例子黎大讚佢有改善。
跟住由果一刻開始，佢變得好乖，我睇得出佢係刻意去做好自己！呢樣野證明小朋友確係好需要鼓勵架！ Continue reading “鼓勵”
開始用Keyboard打字
課程中有些遊戲要做句子改正，大概兩星期前，阿仔開始好努力咁學打字！睇見佢全神貫注地搵字，而且有次係冇人睇住既情況下打左差唔多成句句子出黎，心情實在難以言喻，好開心！
英文格言
近日開始教兒子一些英文格言，如前天開始教的：
Time and tide wait for no man.
今天他已經記得了！另於今早再加這兩句：
Practice makes perfect.
Be grateful for what you have, you will end up having more.
我盡量去選一些他會比較容易明白的，希望可以利用這些格言去鞏固他對英文句子結構的認識。而且句子都有意思，主要會選擇關於品格和勉勵的。
之前print過一張紙，是家庭規則，開了一個file來放，連同這些格言也放進去了！
這個file原意是放一些自己要注意的教養問題，處理孩子情緒或犯錯時的做法，與及部份讓兒子看的重點，即如家規。
小手工，讓座
小朋友之間發生的問題
昨天下午爸爸回來了！等他睡了一覺之後，我們便出發去公園玩和到超市購物。
行前，兒子用滿成熟的口吻說：「如果公園有其他小朋友我便去玩，如果沒有小朋友的話就不去。」
到公園時已經4點多，所以有不少小朋友在呢！兒子當然好開心！有小朋友拿著玩具車，兒子好想玩，望著別人的玩具，試過伸手去拿。也有只望著對方而沒有出手，對方比兒子小，伸手打了兒子一下，我只觀望而沒有介入，兒子有點不快但沒有還手，望望我，然後向我跑過來說小朋友打他。我說沒事的，小朋友很小，你原諒他吧！
後來又有另一個小朋友帶來玩具車和玩具槍，兒子走過去，想要玩車，對方當然不給。兒子想要搶但搶不到，我跟他「說不要搶，應該要先問對方可否借來玩！」但對方不肯，「那就算了！因為玩具是對方的嘛！你可以去玩別的。」可是兒子說不開心，對方不借他，他就甚麼都不想玩了！我開始有一點生氣，說「你不去玩，那我們走吧！」
他起來，還是走過去看人家的玩具。那好吧！沒關係的，只要不好再搶。
我發現公園裡的孩子大多沒有家長理會般，發生甚麼事也都如是。雖然我也是採取「小孩子之間發生的事情，由他們自己去解決」，但有時候，孩子做得不好，或者有疑惑時，家長不是應該指導一下嗎？也許我比較多事，我是全程看著兒子玩的，介入他們之間的事情其實很少，眼見有問題的比我介入的多，但那些都是必須放手的。
昨晚看了一本書，說到的就是這個問題。
“父母要有正確的心態，看到孩子被其他小朋友打，當然會心痛，但父母不可能為孩子承受一切，有些痛苦只能讓孩子慢慢學會自己承擔。”
“父母應該要思考的是：如何讓孩子和父母所付出的痛苦，化成為成長的代價。”
返學冇扭計啦!
今日返學MAX好叻叻豬! 完全冇扭計! 所以媽媽就獎佢食左粒THOMAS糖!
而家差唔多每朝起身都會俾佢睇一陣YOUTUBE / DISNEY教材 / 其他VIDEO先返學。睇到夠鐘出門口。十次都九次阿仔都會扭計, 話「再睇」! 但今日竟然好乖咁同「POCOYO」講拜拜!!
我當然超開心! 所以就用”不定期獎勵” 既方法(即係冇特定因咩去獎勵) , 俾左粒糖佢食。
呢種獎勵可以令小朋友捉摸唔到幾時會有獎勵, 而去努力D做好自己! 因為如果佢知道幾時有獎勵既話, 就會只在某D有獎既情況下先做得好。反而係佢捉摸唔到既情況下, 佢先會做出比較多好既表現。
【獎勵】好行為
大概係兩三星期前開始, 為左加強訓練去廁所, 我就用糖作獎勵!
但係跟住阿仔就病左, 所以唔俾佢食住, 而係用張紙, 畫粒糖記低, 之後補返份獎品俾佢。果排阿仔就成日都話要「食獎品」! Continue reading “【獎勵】好行為”
聰明寶寶左腦右腦大開發
早幾日去圖書館借左本書
令我非常想買左佢! 內容係教你用遊戲既方式去激發左右腦既發展。
吸引既地方係佢有好多遊戲, 針對唔同既發展, 而且每個遊戲篇幅精簡, 無論駛唔駛返工, 多時間定少時間陪小朋友玩, 都可以精簡地利用呢本書既遊戲去幫助小朋友既發展! Continue reading “聰明寶寶左腦右腦大開發”
轉身
BB識轉身啦! 好開心呀!
一直以黎都有教下佢, 真真正正識轉既就係尋晚!
係背向天, 再轉為面向天。
本來第一次都覺得可能係咁岩得咁橋, 但之後再轉多幾次都成功, 就知道BB已經學識左啦! 佢記得點用力法!
真係覺得佢好叻呀! 學得好快! Continue reading “轉身”
