由於弟弟是大B，即入讀K1時年齡已經是3歲8個月了，除了暑假完結前幫他報讀了一個一星期兩天的日語課程外，並沒打算再報讀其他課程 / 興趣班，所以有很多時間。本來很想用這一年去實行 homeschooling，不過要好好計劃一番才可，否則只能像現在般，零碎地去教。
想不到，今日這樣簡簡單單，已經做到一個小小的 homeschooling。
從昨天買的新書開始，一邊講，一邊開影片給他看。
這樣做，不但加深了他對書內提及過的事物的認識，而且也令他看這本書的興趣更大。
另外，因為書內的都是畫出來的圖畫，而影片則是真實的東西，所以亦可以讓他清楚知道畫中的東西實際上是甚麼樣子。
書內提到收割後的 wheat 可以用來製成 flour，家裡一直長期有麵粉，於是就順理成章拿出來給他玩，來一個 messy play 完成一個簡單的「小課程」。
如果可以，帶他到農場看看更好呢！
非常扭計既一日, 可能因為 pat pat 損左好痛? 定係有其他唔舒服呢? 攪左成個下午…好攰呀…
夜晚都係咁扭, 好少可! 見到佢咁好心痛…
夜晚舅父舅母黎左, 仲同哥哥打機添! Max 緊係好開心啦! 放呢個新年假都打左唔少次機…又成日睇電視, 乜都睇一餐, 開學之後絕對唔可以啦!!
上午都有同哥哥溫習下, 今日要佢學寫幾種生果名, 佢只係識寫西瓜, 其他如: 蘋果、香蕉、橙等等, 全部都唔識。重組句子就只係做左三幾句, 因為佢D中文太弱啦…
細佬D皮膚咁樣, 我地之前已經開始用金銀花同佢沖涼, 已經好左D。
尋晚爸爸話佢成日撲係佢心口度擰個頭, D頭泥就係咁樣俾佢擰甩哂!! 咁都得?! 雖然我有時會好有衝動想整甩佢, 但我真係唔敢, 驚整痛佢, 好在而家自己甩哂。
今日仍然係好扭計, 開始好頻密咁換片, 一有便便, 就算好少, 都即刻同佢換。
希望可以快快好返啦! 而且細佬佢食人奶會比較少便便, 希望唔洗同佢次次換片都要抹 pat pat, 減少磨擦既機會, 應該可以快D好返。
下午同佢換片時見到D便便有次係綠色, 帶少少黃色, 即係有少少淺色但又以綠色為主, 而且仲好大堆, 同平時唔同, 佢平時既多數係少量既黃色便便, 所以即刻影低張相, 跟住再上網睇下到底發生咩事。
事隔唔係好耐佢又痾, 呢次仲奇怪, 係泥土啡色, 一樣係比平時多, 但冇岩岩果次綠色既咁多, 又影相。呢隻色好似話係正常, 所以主要都係睇點解D便便會係綠色! 睇完之後我覺得係因為消化不良…好在之後既便便都正常返, 應該冇乜問題了! 佢仲要已經可以訓得幾好, 唔似得尋日咁唔訓又扭計, 相信佢尋日真係有唔舒服…!!
雖然細佬令我地好頭痕, 但係我都要開始”理下”哥哥, 要佢做下D練習同寫下字, 唔想佢完全放低哂學習! 所以繼續溫下D生果名。
今日好好多啦! 有半日都冇乜便便, 濕片多, 我見佢損左果個位都好返D, 太好啦!!! 不過佢好返D之後我又開始懶….
繼續同哥哥溫下中文生字, 仲係唔太記得: 蘋、啤(梨), 而蕉同橙字都記得。另外又做重組句子。
今早未夠9點起身, 反而尋日要補堂返10點, 就訓到9點幾仲要我叫佢起身。
不過阿仔都算好叻, 尋日叫佢起身, 話要去上普通話堂啦! 佢就即刻彈起身, 落床著拖鞋, 非常抵讚!
食早餐時, 佢同我講話想睇碟 (Umi-zoomi), 我話你食完野做下練習先, 佢好乖咁話好。
今日就俾左一本英文 (K1-Grammar), 同一本 P.1 Comprehension) 佢做。
另外同佢串幾個字: January, February, March。呢3個都係學校新教的 Vocabularies, 通常老師會抽幾個黎「默書」, 所以我記得既話都會盡量得閒就同佢溫下。
咁樣就過左一個鐘, 一做完阿仔就即刻去玩 Lego, 睇碟當然就忘記左啦! 到佢記得果陣, 已經得返10分鐘就要出門口了!
2016-04-19 (星期二)
兒子很早就起來了！自己刷牙洗面後吃早餐，不過他說那盒芝士餅不好吃。
他自己玩了一會後，我便開始讓他做練習。
先做這本：數學。
買的時候（約半年前）發覺入面有些比較難，有些比較容易！今次做的算是十分容易。
左面：將十朵花分為一組，每組放入一個籃子裡，看看可以分到幾多籃。
右邊：找數字分給小兔們。例如拿著紅色籃子的小兔，要的是比30大的數字。
很簡單！兒子好多天沒有做練習了，這個來當作 warm up 的！！ Continue reading “每日學習 2016-04-19”
今日無返學，上午看了兩個關於 digestive system 的影片，十二點吃烏東做午餐，然後寫了兩個詞語 : 季節，炎熱。帶同狗兒一起去玩，散散步。
前兩晚開始要阿仔9點同9點半去瞓覺，幾好，第二朝又早起身可以自己玩吓玩具，到我起身就可以同佢準備上堂或溫習吓。
今早8點起床，吃過早餐後玩了一會，便開始學習。
這本是“學林數學 – 1上”，出版社 : 學林教育協會有限公司。
今次做的是立體圖形，只有其中三種 : 柱體，球體和錐體。兒子第一次接觸，學得還不錯。
另外做了“階梯數學”，認識了更多柱體如正方柱體，長方柱體和圓錐體等。
因為這一題，還學習了少許除法。
