Posted in 【童言】, 【FTM】學整嘢食

唯有幫你消滅哂佢哋!

講緊嘅係呢啲:

其實我自己好鍾意飲,尤其係朝早起身口淡淡,飲一杯熱乎乎,濃濃嘅朱古力!好正!

尋晚整咗啲牛奶包,其中兩個夾白朱古力饀,兩個夾芝士,當然都係整俾哥哥,仲有三個迷你麵包夾BB芝士俾細佬。另外有兩個冇饀嘅,下午哥哥放學返嚟我就整咗個牛肉漢堡夾埋芝士俾佢食,超開心!

尋日仲焗咗個 Apple Crumble,哥哥今日帶咗返學校小息食,仲話今日得一件開心事,就係食咗呢個咁好味嘅蘋果批!我相信係真心話,因為佢放學返嚟同臨瞓前都講咗次!♡♡♡ 又曾經好幾次話多謝我,成日整咁好味嘅嘢俾佢食。知就好啦!😘

頭先就整咗兩個迷你腸仔包、兩個吞拿魚包、一個提子包(切開6件再痴埋成一個圈,哥哥仲問我係咪冬甩🤣),仲有兩個冇饀嘅麵包。

唔知點解今次焗完有個包面縮咗!麵包真係唔易整,我仲有好多咗要學!!

Posted in 【童言】

【熙言】窩心

今日 grandma 上左黎, 我可以唔駛咩住 Rex BB 去接哥哥放學啦!
Max 一見到我就問「細佬呢?」
我話佢係屋企。
「係咪工人姐姐黎左啦?」
(我都想呀!)
「好野!」
(唔係呀!工人姐姐未到呀…我係話我都想佢到左。點解你咁開心?你好想工人姐姐快D到咩?)
「係呀!因為你就唔駛咁辛苦,成日都要帶住細佬走黎走去丫嘛!」
(嘩~!sweet 到暈呀…乜原來你咁識諗呀!媽媽真係好開心,多謝你!)

Posted in 【童言】

可愛到暈…講母親節

尋日阿仔做做吓功課突然走入房同我講 : “媽媽,我愛你!”
咁突然嘅?不過我都攬住佢話我都係呀!
跟住佢就話 : “I love you more than words could ever say.” (呢句我同佢講咗幾年,佢熟哂!)
好鬼 lum!哈哈!
原來佢話佢寫緊份功課係“我愛媽媽”,所以就走入嚟同我講。好傻豬呀!

今朝又係好可愛,佢問我星期六定日會幾點起身。
我話唔知架,做咩?
佢話想我晏啲先起身。
我問點解?
佢話佢要買嘢送俾我!!
因為母親節,仲有媽媽就嚟生日。

Posted in 【童言】

【MAX語錄】結婚…女朋友…老去

1)
上星期有日下午,兒子在家裡吃飯時突然說:「我話同CXX (女同學名字) 結婚,我想同佢結婚呀!但係佢話唔同我結,話同LXX結。但係結婚要男仔同女仔先得架嘛!女仔同女仔係唔可以架!」
Hahaha….傻瓜。
我沒有說甚麼,只對他說,你想跟CXX結婚嗎?要等你長大了才好決定啊!

2)
有日放學,他突然說:「媽媽,我同想同你結婚,然後你生個細佬或者細妹丫!結左婚先可以生BB。」
下?XD 真係爆笑…
他很想有弟妹,我知道。
童言無忌,我絕不是取笑他,4歲半的孩子,這叫可愛!直話直說,怕甚麼?最重要的是,不要也不能取笑他!!

3)
早幾晚睡覺前,我跟他聊天,我說:「媽媽會看著你一天一天的長大,你也會看著我一天一天的老去…」聽到這裡,兒子突然放聲哭起來!!噢…我說錯話了嗎?是事實嘛!這麼一個小人兒會想到很遠了?怎麼會哭起來呢?很傻…

4)
昨天,朋友問那張貼紙是不是女朋友送的?兒子直認「是啊!」朋友笑,我沒笑。孩子的想法沒有錯,是一個朋友,只不過性別是女的,在他來說不就等同女朋友嗎?正常不過。

Posted in 【童言】, 【迪士尼美語學習】World Family, 【LIFE】2014, 【學習】

當我還在睡覺時

今早當我還在睡覺時, 兒子走來跟我說了一大堆英語。

Wake up mommy! It’s time to wake up! We have to go to playhouse with 橋橋哥哥 and 文文弟弟! Let me look at the clock now.
Oh…the long hand points at seven, and the short hand points at 10! We should go now! Wake up mommy!

哈哈…我聽到真是好開心! 好好笑! 因為我昨晚跟他說過, 今天會帶他去跟他們去playhouse玩! (說錯了, 應該是playroom才對呢!) 可想而知他有多期待!

雖然自從K1後, 在一間學券幼稚園上學, 讓他漸漸不想多說英語。
所以這一次說了一連串, 又覺得好安慰。
但其實他本來就真的比較喜歡英語! 這樣才是他嘛!