Posted in 【童言】

【熙言】窩心

今日 grandma 上左黎, 我可以唔駛咩住 Rex BB 去接哥哥放學啦!
Max 一見到我就問「細佬呢?」
我話佢係屋企。
「係咪工人姐姐黎左啦?」
(我都想呀!)
「好野!」
(唔係呀!工人姐姐未到呀…我係話我都想佢到左。點解你咁開心?你好想工人姐姐快D到咩?)
「係呀!因為你就唔駛咁辛苦,成日都要帶住細佬走黎走去丫嘛!」
(嘩~!sweet 到暈呀…乜原來你咁識諗呀!媽媽真係好開心,多謝你!)

Advertisements
Posted in 【童言】

可愛到暈…講母親節

尋日阿仔做做吓功課突然走入房同我講 : “媽媽,我愛你!”
咁突然嘅?不過我都攬住佢話我都係呀!
跟住佢就話 : “I love you more than words could ever say.” (呢句我同佢講咗幾年,佢熟哂!)
好鬼 lum!哈哈!
原來佢話佢寫緊份功課係“我愛媽媽”,所以就走入嚟同我講。好傻豬呀!

今朝又係好可愛,佢問我星期六定日會幾點起身。
我話唔知架,做咩?
佢話想我晏啲先起身。
我問點解?
佢話佢要買嘢送俾我!!
因為母親節,仲有媽媽就嚟生日。