上星期五放學後約左朋友同小朋友去學校附近個公園玩, 走果陣因為要去郵筒寄件, 所以就行入「村路」。點知行兩行就見到前面有條隊, 好多車係度。平時係唔會咁多車架！當時只覺得可能係有D小問題所以塞一陣應該會冇事。
點知塞左幾分鐘都完全唔郁, 朋友都係行呢條路, 佢架車係我後面再後面, 佢打俾我。講講下大家都決定行第二條路走人！
後來知道原來係發生左交通意外！當日聽聞係有架車撞到個女仔。
由於我有訂閱一個叫做”IN YOUR AREA“既網站資訊, 所以收到e-mail就㩒入去睇下新聞, 都冇醒起呢單意外。
咁見到原來話個女仔得10歲！都撞得幾嚴重下: The 10-year-old was taken to hospital with ‘serious injuries’. But they are not believed to be life threatening.”
雖然冇生命威脅, 但係嚴重受傷…..仲要同哥哥差唔多大….
諗返呢度都屬於一個寧願小鎮, 雖然唔交通算繁忙, 但係點都有車來往。之前我地住呢度果陣, 成日都放兩個仔自己出去對面草地玩, 或者係去附近個朋友屋企。咁一出門口係要過一條 main road 再轉入黎既小路, 一直都又要心驚又要懶得出去睇住佢地過馬路….覺得哥哥夠大個識得過馬路, 可以睇實細佬。雖然每次我都會千叮萬囑咁叫佢地過馬路一定要企定望清楚有冇車先過, 但係始終都係小朋友….以後都真係要小心…..
M.R. In UK 