Posted in 【購物分享】BB用品

BLW 必備之一:餐盤

買果陣都未知咁多人用!買完之後先留意到,

或者上 Instagram search blw,都會見到唔少人係用呢隻碟㗎!仲要又係藍色。

Bumpkins Silicone Grip Dish

原來都買咗就嚟一年啦!

我自己就覺得好好用!

最好嘅地方係佢夠「細」,擺得到喺 High Chair 張枱上面!(我用Combi)

反而 “ezpz” 呢個牌子嘅 mini mat 就唔夠擺啦!

睇埋後面

Bumpkins (右邊藍色) 雖然望落圓啲大啲,但佢貼住枱果個位所佔嘅空間冇 ezpz 咁大,即係上至下呢個闊度係比 ezpz 細少少,所以啱啱好擺到。

第二個好處,就係 bumpkins 個碟大啲,同 ezpz 相比……因為後者真係幾細吓!最大果格淨係擺飯波都唔夠。細食嘅都應該勉強夠嘅 (?!)

Bumpkins 隻碟深啲又大啲

至於「啜」得夠唔夠實,都係一個需要留意嘅問題!唔係兩吓就俾BB成碟搬起……咁就慘啦!

好在兩隻都OK,尤其 Bumpkins,佢係點都拎唔起隻碟㗎!除非……張枱本身有少少污糟或濕咗,咁就會啜唔實。

試過有時細佬食食吓玩食物,我成碟拎走,見佢乖返先俾返個碟佢,但抹唔乾淨張枱面,佢就可以三兩吓手勢同我成碟拎起……

講到帶出街,其實同其他碟無異,因為外面唔係有枱布就係木枱,有得啜都冇得俾你啜……

咁買咗冇理由唔用,所以平時喺屋企用 bumpkins,出街就用 ezpz,貪佢有埋個透明袋,帶出街就方便啲。

如果想買隻呢啲碟,建議可以入手 Bumpkins!或者買兩隻,一隻做後備都好呀!

Bumpkins Silicone Grip Dish

ezpzfun Mini Mat

Advertisements
Posted in 【買】Online Shopping 網店購物, 【購物分享】BB用品, 環保尿片 Cloth Diaper

又買新片片!一睇就知我最LIKE邊個牌子啦…

nickisdiaper2018.jpg

雖然Rex啱啱先至14個月大, 不過我想為戒片片做定準備!
所以就揀咗上圖果套 “Best Bottom Potty Training Kit”。
另外, 因為屋企用緊嘅片片已舊, 唔係話唔可以繼續用, 不過我真係好想同佢換多啲輕巧啲嘅片! 而且有啲牌子吸咗VV就會勁臭!當然同時間有關, 但只不過係隔耐少少都會好臭喎!我仲有好多其他牌子可以對比, 所以我真的不能亦不想接受….!

又有啲牌子雖然唔算好臭 (點都係會有啲, 分別在於是否強烈!!), 但質地就偏硬, 我覺得唔夠舒適。

今次就主力只買 Best Bottom 呢個牌子, 因為佢係片殼同片芯分開, 又有 button 可以扣實, 條芯唔會周圍走, 呢樣好緊要呀!大家都知道, 啲 BB 幾咁活躍㗎啦!換片又點會同你乖乖瞓喺度唔郁任你舞。呢個時候, 我唔想仲要去 adjust 冇固定到嘅片芯囉……

另外一個重點就係佢啲片芯仍然好柔軟, 感覺好舒服, 我買既係 “Stay Dry Bamboo – Large”。
今次想試下第二款, 就揀咗 Bamboo, 同 Bamboo Overnight。而家夜晚用緊即棄式, 唔想咁臭嘛……我又唔敢博用一啲比較薄嘅環保尿片(Flip, Best Bottom) Best Bottom 呢隻片芯我怕唔夠吸。

講返今次我都係 Nicki’s Diapers 度買, 原來星期六 order 仲有 giveaway 添!!

但如首圖 Order Summary 所見, 只有3位幸運兒咋!!唔知有冇我份呢~嘻嘻!!

Order Summary 第二張相果份係 Free Gift, 買滿 USD 49 就送俾你, 唔洗抽獎。
買滿 USD 100 同 200 又有另一款禮物, 我記得滿 $200 好似係送 Bamboo Blanket, 都幾吸引!可惜我冇乜野要買了, 或者遲D要戒片片果時就要再入貨。
但如果你係新手媽媽/ for new born baby/ 入定環境尿片做準備, Nicki’s Diapers 真係一個唔錯既選擇。

lineb_simple_121_1m

相關文章:

【環保尿片 CLOTH DIAPER】

美國製造環保尿片 Best Bottom【+另一推薦買片網站】

Posted in 【買】Online Shopping 網店購物, 【購物分享】BB用品

【淘玩具】推薦遊戲桌

淘寶買嘅玩具到咗啦!

其中啲蛋蛋係我最想買的!未拆開,但睇落質量都唔差。個繞珠就失望啲,雖然有睇尺寸,但竟然係咁細?右上角個玩具,中間有架火車開著會自己行,Rex 竟然驚!細膽到佢……至於下面果8個拼圖啲質量就差啦!而且佢仲處於乜都擺入口嘅階段,所以會收起唔俾佢玩住,因為有少少木刺。

右下角有個人頭果個,係可以自己幫佢配眼耳口鼻,幾得意。

最後再講吓右上角張遊戲桌,雖然細佬驚架火車,但係成舊嘢嘅質量唔錯!幾好添!RMB200 左右。

Posted in 【購物分享】BB用品, 【Rex】成長記錄

我的孩子很忙碌

斬吓眼細佬就8個月有多啦!近來可以坐定定耐玩具嘅時間亦都耐咗!

對於玩具,我個人比較鍾意啲具有操作性嘅!而且最好唔係電子玩具,即係㩒制就發聲果啲。不過我覺得呢類玩具點都要有一個,係一個就夠啦!所以最好就係揀啲大舊啲,即係多啲唔同操作就有唔同聲音嘅。

好忙咁玩緊新拎出嚟嘅玩具!(多謝朋友仔)

我唔想個仔擁有太多玩具,所以我會精心挑選!

前排就買咗下面呢架珠珠車仔,一來有上面可訓練小肌肉嘅珠仔,二來前面有繩拉,可以俾佢知道要架車行,唔一定要推架車,仲可以用繩嚟拉㗎!

但凡可以轉(Spin)嘅玩具,細佬好鍾意轉!就好似呢架車啲轆咁,同哥哥一樣咁鍾意玩!(太相似啦!定係多數BB都係咁?)

又好忙咁玩呢架車仔,一玩就…唔知幾多分鐘!

講開玩具又想講吓去完日本返嚟,買咗一樣非常滿意又鍾意嘅書仔!就係呢本啦~ (同玩具有關咩?哈哈…)

係磨砂膠書,中間有層薄海綿。

購自大宮鐵道博物館。

我鍾意佢嘅原因係,一來唔會被撕爛,二來又咬得(/≧▽≦)/~┴┴   仲唔怕好似啲紙板厚書咁唔小心打到自己會痛。仲可以陪BB沖涼時睇,一邊睇書一邊沖涼!仲有仲有,入面全部都係男仔都鍾意嘅車同火車!一見到已經諗都唔諗即買。

佢有時都會拎住本書嚟睇㗎!好攪笑,唔只書,有啲 lotion 呀,cream 呀果啲,佢都會拎住睇,好似識睇啲字咁。

Posted in 【購物分享】BB用品, 【LIFE】2017, 環保尿片 Cloth Diaper

超靚環保尿片

好耐冇影細佬個 Pat Pat….著果條片啦!

Rumparooz 啲片片真係靚到呢!

好老實,著咗幾個月環保尿布 + 好多唔同牌子,呢隻牌子嘅設計確係唔好!但奈何佢啲設計又太靚,所以都係忍唔住買多咗幾條。

購自 : Nicki’s Diapers (Rumparooz One Size Diaper Cover)

line10

~♥~給我一個讚~♥~
Our Diary 家庭育兒生活旅遊分享 

line10