Posted in 【飲食】0-1歲時, 【LIFE】2011

食食下粥訓著

阿仔今早7點幾飲奶, 玩左陣再訓左一陣, 到10點幾食完粥就冇訓。

1點幾我就帶佢落街行下啦! 仲第一次逗留係樓下公園既長椅度坐, 俾阿仔「自由發揮」(都不過係兩尺範圍內)。

我去萬0買野既時候, 阿仔又係架車度自己企左起身! 無辦法, 唯有顧住佢安全就算, 有時真係唔得我就抱起佢, 不過又抱住佢又推埋部車就難少少。

跟住返屋企後就餵佢食粥, 點知佢食食下扭幾扭竟然訓著左!! 證明其實佢好眼訓但係又有D肚仔餓!

今日落多左米, 不過落少左水, 出黎就唔飯唔粥咁既樣! 我就覺得似飯多D, 不過又好綿既….另外又係薯仔同蘋果。我都想落D肉呀! 不過唔識點整……

Posted in 【飲食】0-1歲時, 【LIFE】2011

薯仔西蘭花, 帶出街食

201108181

今日雖然會帶阿B去俾婆婆湊, 但我唔想因為咁而令阿B冇得食奶以外既食物, 所以朝早佢食完奶之後冇耐, 我就咩埋阿B落街買左個薯仔啦!

我當然係唔知點整又唔知整咩好啦! 所以都係上網參考下….最後決定煲稔D薯仔再加埋西蘭花混埋一齊俾佢食! 仲可以裝埋入尋日新買既碗仔度帶出去食添!

呢個碗仔都真係幾方便呀! 係TOYRUS買超特價, 20蚊!! 不過缺點係唔可以保暖, 所以當帶左出去俾阿B食既時候已經凍哂。

201108182

另外又開左支果汁俾佢飲。係屋企都唔多肯飲, 但出到去最後都飲哂! 叻仔^^