Posted in 【LIFE】生病紀錄

【哥哥】第一次見政府醫生

排期已達18個月了!今日終於都第一次見醫生。

順便自己都去埋登記,封轉介信已經快兩個月前,唔係帶個仔嚟都唔知幾時先肯嚟排期。😂

一去到交齊文件就喺房門口等見醫生,期間阿仔好乖咁拎啲功課出嚟做。一來等嘅時候冇咩好做,二來快啲做完功課返去可以玩丫嘛!

都唔洗一個鐘,可能只係半個鐘左右,就到我哋啦!姑娘都話我哋好好彩,平時好多人。

醫生就問好多問題,其實都答過好多次……對上一次係見社工,嘩!耐到呢!好在今次都唔算耐,主要係問啫,上次係傾計

然後就去約期,再去拎藥。

拎藥果層超臭,救命……點知原來我要去登記新症就係呢一層……😭 我好想去第二間登記呀…但諗返上次陪媽咪去果度都間中有臭味,又遠,咁就算啦!都係幾個月先嚟一次啫……到時。

見我個護士長係男人,好好人,知我有兩個小朋友要照顧,就話幫我睇吓有冇啲已取消嘅預約,等我唔洗排到出年9月先睇。最後約咗出年3月。太太太好啦!唔洗再俾咁貴去睇醫生啦……早半年即係睇少兩次啦!多謝哂你呀!

期間佢叫我當細佬都有喎……佢話因為兩個一定會有影響。其實我都當佢係,不過而家咁細個,就做唔到啲乜啦!見醫生果陣我都有問,醫生就話太細一定 check 唔到。其實有又點,藥一定唔會食,行為方面就……醫生都有建議做法嘅,都係果啲啦!要一致,兩個都係咁處理之類。

等攞藥果陣就去買啲嘢食,阿仔已經肚餓了。

返到去,細佬已經落咗公園玩啦!於是哥哥換套衫都落去,因為佢已經做哂功課。

Posted in 【LIFE】生病紀錄

流感

近日流感又開始嚴重,哥哥也是在學校被感染了吧?星期二放學回家後,睡了幾個小時,然後就發現他發燒了。

爸爸立即帶他去看醫生,但沒有做流感測試。多看一兩日才決定吧!

然後一直都有燒,服藥後會退,但時間隔久了又再燒。

雖然這幾天正值上學期考試!但都不敢讓他上學,一是怕傳染給別人,二是身體虛弱,需要多休息。(可是孩子就是這樣,覺得好了點就有精神狂玩,不肯休息,幾乎要罵才肯休息)

十分慶幸好自己作出了這麼正確的決定!因為到了星期五,這麼多日了,情況以為會好點嗎?原來是沒有!爸爸帶他出去一會便不舒服了!回家時更辛苦到哭呢!說好頭暈又想嘔。我可憐的孩子……如果勉強去上學了,會不會暈倒呢??又或者要去學校接他回家??總之就肯定是辛苦的。

今日星期六,學校興趣班也不上了。而且問題是,他媽媽也病了!(抵抗力到底是有沒有的呢?) 實際上星期四已經有少許病徵,星期五嚴重了一點,靠著家裡的感冒藥、維他命C等,捱過了一天。但星期六就不行了,只覺得嚴重了,沒有好轉,唯有看醫生。

弟弟呢?Touchwood 沒有甚麼事,有幾聲咳,但精神好好!一定要小心不要傳染他,也希望家中不要再有人病。

Posted in 【LIFE】生病紀錄

又病

早兩個星期因為感冒令哮喘發作,仲要入院住咗兩晚 (其中一晚可回家),估唔到今日又突然病咗。

朝早都冇乜嘢,仲同佢做功課、對功課。攪掂之後轉個頭見佢去咗瞓覺。起身時話頭暈,好似入面有嘢攪吓攪吓咁!仲愈來愈辛苦咁樣。我就話不如你睇陣電視,睇吓會唔會好啲。但結果睇睇吓發現佢發燒了……

臨出門口去睇醫生時問佢先話有啲喘……

去睇咗最唔想去果間,不如今次唔係果個男醫生 (上次星期日去睇都唔係佢) 都好啲!

雖然而家咁大個仔,但係就反而比以前更擔心佢……

Posted in 【LIFE】生病紀錄

哥哥住院一晚

今次應該係第三次住院,唔計出世果次。

本來以為係感冒引致中耳炎或肺炎 (醫生話),後來去醫院照到冇事,但因為氣喘得厲害,所以要佢留院觀察!

而家雖然出咗院,但係叫做渡假 (想當年都係咁),聽朝都再返醫院。

呢次住院我哋冇陪佢過夜,一來佢大個仔啦,二來佢都叫我哋返屋企。不過因為半夜都要探熱,聞氣,所以佢話成晚只係由兩點瞓到五點左右,返到屋企又唔瞓吓,結果食飯果陣就超攰超眼瞓,食完即刻瞓了。

條氣順返又冇咁唔舒服果陣都仲可以咁……活潑可愛🤣

Posted in 【LIFE】生病紀錄

Rex 病了…

20170614_213226.jpg

前兩天開始咳很多, 昨天 Grandma 和姨婆來探我們, 發現他呼吸有像氣管有點問題的聲音, 於是叫我們立即帶他去看醫生。

其實早幾日之前, 哥哥先開始咳的, 而且咳得頗厲害, 又有鼻水。已經著他不要靠近弟弟, 但始終很難避免 (也要他合作才行)。

20170614_224727.jpg
飲完奶已經睡熟睡了~

吃藥後似乎很好睡, 希望弟弟快些好吧!

Posted in 【FTM】心情記事, 【LIFE】生病紀錄, 【Rex】成長記錄

第一次飲開奶茶

20170504_225157.jpg 哥哥都未飲過, 點解細佬要飲呢?

其實第二個小朋友, 自己既接受能力真係高D。第一個, 好緊張, 咩都唔識, 更加唔想俾佢試D自己唔多識既野。自己本身唔係咁接受咁細個B飲呢D野, 所以就唔俾哥哥飲。

而細佬呢, 因為睇到哥哥都冇乜野丫! 而遇到問題時, 對好多方法都開始比較接受 (真係唔知點解?) 可能同見得多人講有關, 所以呢幾日見佢皮膚似係濕疹, 尋日又突然多左咳, 所以決定俾佢試下。

去藥材鋪買左D開奶茶, 4碗水煲成1碗, 再分開倒入奶樽。每次開奶都用少少, 我自己就用一安黎開, 但細佬非常唔鐘意陣味, 唔肯飲。不過由於太餓, 最後都有飲。

第二次飲果陣, 飲左 100 ml 就嘔奶啦! 佢係極少嘔奶, 對上一次係覺得佢唔多舒服, 冇睇醫生, 最後自己好返。可能飲人奶真係有幫助!!

之後第三次飲, 都唔飲得多, 明明好肚餓, 都係唔多肯飲。佢平時飲奶已經夠難餵, 而家仲難….好在我對BB有無限包容同愛心…..(對大D既小朋友就真係極少)

好似係飲緊果時定飲完, 聞到好臭尿味, 可能係因為D開奶茶同佢排咁D毒!! 唔知啦, 希望佢會好D啦!

講開, 尋晚同前晚為左湊佢, 我幾乎成晚冇訓過。尋晚仲係由1點9左右, 直到4點半左右先有得訓。呢個 baby 又未戒夜奶, 我到底可以支撐到幾耐呢….其實而家已經好攰了……….

Posted in 【LIFE】生病紀錄, 【Rex】成長記錄

Rex ~ Day 67【健康院打針】

20170310 (Friday)

咁快又一個月啦?! 上次去健康院好似唔係好耐之前既事。
今次好勁呀, 朝早7點幾食完奶, 一直到差唔多可以離開健康院前先醒一醒!

20170310_104231
訓足全程
20170310_124601
兩隻大脾仔都打哂

打完針去左西九龍一間新開既餐廳食飯,都係因為張傳單,爸爸話去試下。
佢既comment係差, 咁我個飯我又覺得味道係OK好食既, 只是賣相唔多掂。

Rex 係餐廳飲奶, 飲完同佢坐係度掃風時, 佢咳左幾聲 (呢排都有少少咳) 之後就噴泉式咁嘔奶!
都唔得幾多下….
我自己係第二次見, 上一次就係埋完身之後嘔。
今次可能因為有痰? 定係打完針有D唔舒服呢?

食完飯拿拿林搭的士返屋企, 因為要換片!

返到去以防萬一就同佢食左次退燒藥(回家後第二餐奶前食),之後一直都冇發燒,又冇乜唔舒服,不過就咳多左!唔知同支針有冇關,之前咳聲幾清,而定咳聲好濁,又多左痰,所以飲奶都咳好多次…好慘咁…平時佢飲得急就咳, 但都唔會咳太多次, 而家就飲一餐奶都起碼咳4, 5, 6, 7次….總之飲幾啖就咳啦。

睇返哥哥細個D相, 原來仍打完呢兩支針後係有發燒, 細佬就冇。
唔通因為有食人奶? 而家只希望佢D咳可以自然好…雖然唔係好想佢睇醫生食西藥, 但暫時咁睇佢仲未有好轉。

Posted in 【LIFE】生病紀錄, 【孕記】2016

【期待你的到來】倒數14日 ~ Max 病了

2016-12-16

尋晚 Max 訓覺時發開口夢, 仲要係半喊半發忟, 仲以為佢只不過係發惡夢, 到半夜我地訓訓下, 佢走左過黎同我地一齊訓之後, 我發現佢原來發緊燒!! 果陣係4點半左右, 即刻同佢食左次退燒藥, 佢半夢半醒咁食完後繼續訓, 冇幾耐就退左燒。

雖然今日返學唔需要上堂, 因為係聖誕聯歡會, 但根據過往經驗, 佢燒得一次, 通常過幾個鐘D藥力散左之後又會再燒, 所以決定唔俾佢返學。(好慘…小學第一年既聖誕聯歡會就冇得參加…我想喊…)

sick_syokuchuudoku.png不過, 呢個決定實在太正確! 因為佢朝早七點幾起身, 食左幾啖通粉早餐之後就話個肚唔舒服, 拎住架紙飛機係梳化坐&玩, 叫佢訓一陣佢唔肯, 問佢咩事, 佢話唔開心, 因為唔舒服, 話個肚唔舒服。後來仲突然擺隻手埋口…我就知道佢想嘔! (因佢不嬲想嘔都會做呢個動作!) 於是同佢去 toilet, 真係嘔左!

然後又反覆咁嘔多兩次, 第一二次都係白色嘔吐物多, 第二次多左水, 第三次已經係黃色既水…之後都有兩次話想嘔, 但係嘔唔出! 其中一次係臨出門口, 想同佢去睇醫生, 點知著好鞋之後又要除返鞋去攬住個廁所…陰公豬。

Continue reading “【期待你的到來】倒數14日 ~ Max 病了”

Posted in 【LIFE】生病紀錄, We Two

【急性過敏】同貓貓玩完之後敏感

2016-11-25 (Friday)

今朝早時我同 Max 講過話放學同佢去街,等佢放學返黎時,睇 openrice 見到一間貓 cafe,喺油麻地,有得食吓野又可以俾佢同啲貓貓玩吓,玩完仲可以順便去買啲練習俾佢溫習同準備下星期測驗。於是返屋企換件衫咩個袋就出門口啦!佢有話想去公園玩,但公園咁近,幾時都去得啦!而且就快測驗,我同佢講話測完驗先可以去玩,去貓 cafe 有得同貓貓玩又可以食埋野,佢都好開心好期待。

點知….呢個係一個錯誤既決定…..

isu29.gifMax 同啲貓貓玩左陣,我地就叫野食,大約過左20分鐘就開始食野。食到咁上下阿仔就繼續搵啲貓貓玩,跟住開始走埋黎係咁捽眼,我叫佢唔好捽啦!佢話好痕,我望吓佢係咪有貓毛或者其他嘢入眼,望咗幾次又用紙巾同佢抹吓,都唔覺有嘢入左眼,但就發現到佢隻左眼有啲透明嘅嘢,好似啲 Gel 咁樣?唔似係外來物,但我又完全諗唔到係啲乜,又抹唔到。佢突然間好攰好眼訓,可能因為返完學好攰要午睡果種,我叫佢合埋眼休息吓先。然後再發現佢塊面起左啲紅色同一粒粒,佢覺得痕又去抓,我開始估到佢應該係敏感啦!!於是拿拿林食埋果少少嘢就即刻同佢去睇醫生,前後逗留左喺 cafe 大約40分鐘,而開始敏感係嚟到之後35分鐘左右。
Btw,啲嘢食其實都幾唔掂!!不過埋單個價錢同餐牌既唔同?平啲喎!埋單 $128。

落到樓下本來想搭的士去長沙灣睇雷慕德,但搵的士時突然記起我地嚟果陣經過過一間診所,不如近近哋去呢度睇算啦!入到去…嘩!好多人呀!想想哋走…不過都入左黎就登記啦….雖然話要等半個鐘,但阿仔佢好攰好眼瞓,合埋眼行路,都係唔好周圍走。等既期間佢一直 ZZZZ,好在冇騰來騰去咋!可以俾佢休息吓。

illu_12_006.gif醫生先睇佢隻左眼,話果啲透明 gel 狀既野係佢眼球既啫喱因敏感而腫脹!阿仔患上急性敏感症,話呢啲滴眼藥水都冇用,咁我又唔會亂同佢用眼藥水,我自己不嬲都唔用呢啲野。醫生仲建議我喺診所餵埋阿仔食咗藥先走,唔係就可能連隻右眼都腫埋。(結果都係腫哂) 睇埋咳同流鼻水,都只係俾兩支藥水 : 敏感同咳,仲有盒藥膏搽敏感。即刻食次藥先走,搭的士返去。阿仔一直都好攰,瞓住咁行返屋企。

[醫生話要戒口,唔可以食:蛋、牛同海鮮]

返到去佢係房訓多陣,我就即刻將所有衫褲褸,有機會痴住D可能係既致敏源全部拎去洗。

Max 只係恰著左一陣就話唔訓,走左出電腦椅度坐,我先發現佢兩隻眼已經腫成咁!!

20161125_193305.jpg
唉…好慘豬呀!!心痛死我啦….. Continue reading “【急性過敏】同貓貓玩完之後敏感”

Posted in 【LIFE】2016, 【LIFE】生病紀錄

【生活記事】中秋節翌日~睇醫生

星期五 (假期)

昨晚在公園玩完之後回家又發起燒來!所以今早起床後就找找哪個醫生有應診。
幸好有人推薦過的西醫~勞炳和醫生今天會營業至下午一點,於是便前往登記。
早就預計到會很多人(多人說好嘛),打算登記後才吃早餐,正好姑娘也建議我們吃完早餐再回去。
於是到就近的大快活。

早餐後返診所等候。希望這一次可以痊癒啦!

 

Posted in 【LIFE】生病紀錄, 【小學】Max P.1

【小一生】放學後發燒

flame01.gif尋日星期一,返學前其實都冇乜特別病態。

事源星期日佢去生日會時玩玩下開始流鼻水,走果時仲攰到訓著左!但果下我地即刻帶佢去睇醫生(以前屋企樓下間中醫),亦都好快就食左一次藥。之後佢都好精神丫!見佢朝早冇乜野咪照返學。

放學接佢時,校車姨姨又同我講佢唔舒服仲好似發燒,我摸摸佢個頭,同平時既溫度差唔多,佢不嬲都好熱架!所以都冇特別處理。返到屋企佢野都唔食就話要休息啦!就咁就好快訓著左!訓訓下突然喊,再摸下佢個頭,嘩!!今次真係發燒啦!唔駛探熱已經知。於是同佢貼張退熱貼(因尋日先食完中藥,唔敢俾退燒既西藥佢食),佢又繼續訓。

之後佢醒醒地,話個額頭好痕,仲發脾四添!好啦!咁除左佢啦!我就打去問下爸爸好唔好俾佢食退燒藥,佢話俾喎!隔左超過24小時,咁好啦!就俾佢食啦!食完佢唔肯訓,攤係SOFA度係咁話要睇電視。我話唔得架!睇電視都好花精神,對眼睛又唔好,你病一定要休息多D。一係聽歌啦!聽歌就可以。

所以佢就話要聽隻手指D歌,即係韓文歌。但係聽聽下又話覺得睇電視唔會花精神!好想睇。我堅持唔可以!之後佢就入房玩啦!其實佢食完退燒藥都好快就精神返!仲擔心緊聽日需唔需要同佢請病假….

到今朝早,一叫佢起身就即刻起到,好叻仔!又冇咩舒服喎!尋晚都有諗過唔知佢會唔會半夜又發燒,好在冇。所以佢食完早餐就同佢食多次退燒藥,然後就送佢返學啦。

Posted in 【LIFE】生病紀錄, 【小學】Max P.1

【小一生】開學第五日要請病假了

20160907_130257.jpg
兩個人的午餐

阿仔一直都有少少咳,但返學後第三日開始見佢有D鼻水,問佢課室係咪有開冷氣,佢話係。

咁凍唔凍?有冇拎件外套出黎著?佢話著過一次。
如果凍一定要著外套呀!小學唔同幼稚園呀!要自己做架!

Continue reading “【小一生】開學第五日要請病假了”

Posted in 【LIFE】生病紀錄

Sick & fever

image

阿仔病了!
原以為只是咳嗽,午睡時睡不好,咳個不停,起來後仍然很疲倦說要再睡。
他的臉紅紅的,幫他探熱,但只有35度,奇怪。
去看醫生,姑娘量到體溫是38點幾度,真是發燒了!

Posted in 【FTM】心情記事, 【LIFE】生病紀錄

睇醫生

呢幾日又開始咳多咗同流少少鼻水,仲話有喉嚨痛添!係佢自己話要去睇醫生,尋日已經講啦!於是今日放學就去睇啦!
已經就快半年了!斷斷續續咁病,冇停過…一直都有同佢戒口,但絕對戒唔清,有時會去咗打邊爐,有時喺學校或者放學又會食少量零食。
所以屋企好多零食都係得個擺字,我都唔買俾佢,但仍有不少存貨。
真心希望大家為小朋友好…唔好再俾咁多零食佢哋食啦…有病冇病都係咁話啦!一日一兩粒糖,真係唔好…

Posted in 【LIFE】生病紀錄

睇中醫

由15年嘅9月尾開始,斷斷續續咁病到而家!前個星期有幾日好咗啲,前日開始又流鼻水,尋晚仲鼻塞添!攪到又吸藥又要噴鼻通鼻塞…

今日天氣轉冷,起身得果8度咋!本來想去長沙灣睇返個女醫生,不過阿仔話想睇中醫,都好,咁近,就樓下喳嘛!希望今次一直睇可以睇返好哂啦!

Posted in 【LIFE】2015, 【LIFE】生病紀錄

【Daily Life】 20151022

今日放學後已經五點半,我還要遲了去接你,所以乘車時大概已經六點了吧。

回家的路上你說肚子餓,要買美味棒吃,不過美味棒太大個了!吃完便不用吃飯,所以買小小的芝士波,綠茶味和紅莓味各一。不過你說芝士味很難食!(竟然…!) Continue reading “【Daily Life】 20151022”

Posted in 【LIFE】2015, 【LIFE】生病紀錄

身高和體重 4y9m

呢幾晚訓覺都有鼻塞,辛苦到喊,尋日同今日流鼻水又多左,於是今早上完跳舞堂就去睇醫生啦!
係診所量身高體重:
身高:103 cm / 40.5″(扣除對波鞋既高度估計)
體重:39 lbs

記得舊年K2時係學校量高係 105 cm!都唔知佢點度既!至於體重,大概超過半年前係33磅,呢次接近40磅!真令我驚訝!怪不得重到我抱唔到一陣就要放低佢啦!

Posted in 【LIFE】2015, 【LIFE】生病紀錄

留在家裡的星期日

兒子病了,昨午帶他到長沙灣看醫生。怎料,自己太大意了!忘記昨天是星期六,那間診所下午休息…
唯有找其他啦!
有三間都沒開門,幸好有一間有開。
這間診所有玩具,而且大多是娃娃屋,我都忍不住跟兒子一起玩…嘻!
其實是看見兒子病,很心痛,想要多陪陪他。

今日本來去上第一堂跳舞,雖然兒子退燒了,但沒精神,請假了!
然後一整天都沒出門,在家玩,午餐外賣,晚餐煲粥。

Posted in 【LIFE】生病紀錄

開學就病

這個星期開始上學,第二天回家已開始有點咳嗽,前晚有點嚴重,昨天上學便幫他戴口罩。
放學時,老師說他咳得幾嚴重,那時候我就應該要帶他去看醫生吧?
昨晚睡覺時一連串的又叫又哭,原來發燒了!立即拿退燒藥水餵他吃,大約凌晨3點才睡著。
開學,總是會病…

Posted in 【LIFE】生病紀錄

睇醫生

早幾日開始瞓覺時鼻塞,又喊,今日開始就咳啦!把聲仲有少少變左。

6點幾同佢去長沙灣睇醫生,點知睇開果間竟然冇開。
去左轉彎果間睇,係女醫生。

都係話感冒,開既係4日藥!($300)

Posted in 【LIFE】2015, 【LIFE】生病紀錄

睇西醫

呢幾日都有D流鼻水,今朝早返學時見到佢因為有鼻水而令對眼都有d淚水,似係敏感到咁。一時又唔記得同佢戴口罩(仲好似冇帶),到放學時老師話覺得佢有D感冒,所以就同佢戴左口罩。

而且我開始聽到佢有幾聲咳。

於是等佢瞓醒午覺,大約已經6點幾7點,就同佢去睇西醫。點解講明睇西醫呢?因為好耐都冇睇,呢幾個月都係睇中醫。

睇醫生時,阿仔對醫生個聽筒很好奇,問醫生可唔可以俾佢聽下!!點知個醫生超好人(其實不嬲都覺得)真係俾佢聽呀!嘩…我妒忌呀~我咁大個女都未聽過呢!哈哈…

Posted in 【LIFE】生病紀錄, 【LIFE】運動

跑步 + 玩scooter

今日阿仔仲有D流鼻水, 本來都想同佢睇醫生, 但我唔知睇中定西好, 最後都係冇睇到!! 我諗住用「自然療法」….即係同佢做下運動, 食下生果咁 (都冇買到…屋企只有banana, kiwi…但未熟), 再跑埋聽日星期日, 睇下情況有冇改善先!

於是今日洗左一機衫, 另一機未洗完之時我地就落左去跑步啦! 佢因為病所以好快就累了! 只跑左兩個圈未夠就叫累, 想唔跑, 我就同佢一齊跑, 拖住咁跑左兩三個圈, 最後都完成左9個半圈!! 叻仔呀!!

不過佢今日就係都要著拖鞋…跑步喎…所以跌左一交損左!!

跑完返屋企, 我又在猶豫去唔去睇醫生….仲同佢講話去架, 攪到佢好想出街玩! 雖然我最後係冇去到, 但阿仔拎住部scooter準備出門口咁款…唯有同佢再落去玩多次啦!!! 大概只係玩左15分鐘左右! 就返屋企食飯啦! 今日又係煮肉餅….我知冇新意, 但健康…同埋好過出街食!!

Posted in 【LIFE】2014, 【LIFE】生病紀錄

病況

今朝早阿仔仲有肚痛! 佢醒左都唔願起身, 話好辛苦…咁我問佢, 係好痛好痛, 定係幾痛, 佢話幾痛。問佢持續痛定係痛一陣又停一陣咁, 佢話痛一陣停一陣。諗諗下都係唔好博, 決定同佢去睇醫生, 反正仲有咳。

點知, 去睇醫生果陣唔記得講佢仲有咳, 所以只開左兩隻藥…止肚痛同利大便藥!! 因為醫生話佢只係個肚多風, 去唔到廁所便幫佢開藥。

不過睇完醫生都精神哂! 我同佢去圖書館, 又去買麵包, 佢都冇話好辛苦或好攰咁。

返到屋企亦完全唔似有唔舒服, 問佢, 佢都係話冇唔舒服冇肚痛了! 咁….二百幾蚊睇醫生好似……….

Posted in 【LIFE】2013, 【LIFE】生病紀錄

我們都病了 (咳嗽)

20131129_111331.jpg
上星期MAX看過醫生, 隔幾天後我就開始咳, 是病變了!? 還是我的抵抗力弱了!?

近幾次兒子病倒, 我都沒有病倒! 但這一次, 不單只病, 而且感到這種病是很討厭的那種, 我不知怎麼形容, 就好像小時候的那種, 人沒有怎樣不適, 就是喉嚨好像很「濁」般難受。

昨天和前天都沒有上學, 今天病情其實與之前差不多, 但我不希望他連續三天都缺課, 他那麼喜歡上學…

上學前到「細公園」玩一會兒。

20131129_224435.jpg
晚上爸爸跟 Max 講故事 (學校的課本)。

Posted in 【LIFE】生病紀錄, 【學習】

病咗幾日+聽外語

20130424_103916 20130424_103920

4月24日病了~ 去睇醫生。

4月29日 (星期一)

阿仔上星期返左兩日學就病咗,直到今日仲有咳,所以仍然請病假。

我就努力利用多啲時間去同佢睇書,講故事。

佢一見我拎書出黎(尤其套教材果D),通常都好有興趣走埋黎聽我講同一齊睇。好開心有呢種「暫時性嘅成果」,會繼續努力!!

另外,開唔同語言嘅電台佢聽,主要係日語同德語,而佢至愛嘅pocoyo就多以西班牙語同英語播俾佢睇。

因近來準備去旅行,我自己都而學少少french&german,順勢又俾阿仔聽下學下。

Posted in 【LIFE】2012, 【LIFE】生病紀錄

呢幾日病左, 辛苦!

星期四本想帶阿仔返學, 點知自己星期三夜晚開始唔舒服, 仲發燒! 燒到40.4度! 食完飯就去訓左陣, 差唔多12點果時就成條死屍咁行出去量體溫, 因我知自己已經發緊燒! 發冷! 好辛苦! 跟拎左感冒藥同退燒藥食。之後係退左燒, 但係個頭都痛痛地!

到星期五, 起身果時都係唔多妥, 不過都帶左阿仔返學。跟住冇返屋企, 去做左好多野! 攪到接阿仔都遲左! 原本12點9食完飯走, 但去到已經1點3左右。

又成星期冇返學, 今次接阿仔時佢仍然係喊喊地咁, 係訓覺房已經望到我, 走到埋黎之後好快就冇再喊! 而且同之前有D唔同! 佢可以愉快地同老師拜拜, 心情亦都比之前任何一日都好! 相信佢係開始適應了! 希望下星期可以有更大既進步啦! 不過要等到星期三先返學, 因為中秋假期。

雖然未睇醫生, 但星期三果晚話左星期四入大埔, 而且禮賢會既交FORM最後日期係星期五, 所以今日無論如何都要入去! 先搭9個字車去坑口拎證件相, 然後再搭車去觀塘, 再搭半個幾鐘頭車入大埔! 搭巴士都搭到頭暈呀!! 到大埔仲要食一陣野又交埋FORM去浸信會, 先至去睇醫生食藥, 勁辛苦! 成個人冇力! 好在食完藥慢慢咁好返D, 個人有力左同精神返D! 再去禮賢會交FORM。

正校D職員俾我感覺係…麻麻地! 有個阿姐我唔知佢係咪老師, 唔係好似囉! 望左我個仔幾次, 但係毫無表情! 真奇怪! 你覺得我個仔有問題? 定係覺得佢得意先望佢丫? 咁望法但又冇表情, 難免令人感到不安! 同不滿!! 一直以黎我都係咁! 同阿仔出街, 有人係咁望佢, 但又冇同佢玩或笑之類, 都會令我覺得奇怪, 繼而覺得討厭!!

今日中秋節 (星期日), 我起身又好累了! 經過一輪梳洗之後個人都係唔多舒服, 本來打算帶阿仔入大埔玩, 但係都係由爸爸代勞啦! 我係屋企又再睇幼稚園既野, 跟住訓左陣, 起身後個頭仲更更更痛!! 唉~ 未好返哂尋晚就唔應該飲啤酒啦!! 低B!!

Posted in 【LIFE】2012, 【LIFE】生病紀錄

阿仔病了啦!>”<

2012年8月4日 (星期六)

而家阿仔識得眼訓話要「訓覺」!
同時會自己或者拖埋我話”GO GO GO”咁行去張床度!
***因為佢岩岩先咁做完黎! 可能係因為食完藥更加眼訓!***

尋日接返阿仔, 不過佢病左啦! 係咁咳! 今日帶左佢去睇醫生。
係診所, 佢主動叫個(年紀都頗大既)姑娘做姨姨! 入到醫生房又同姑娘玩! 唔知姑娘係咪幫佢執返佢玩緊個樽之後, 仲同人SAY “THANK YOU”! 叻叻豬…

Posted in 【LIFE】2012, 【LIFE】生病紀錄

阿仔病左, 仲要氣喘……

2012年6月13日 (星期三)

阿B病了! 仲要呼吸好辛苦咁, 應該係氣喘……

本來話聽日先去接佢, 但因為咁, 就今日夜晚接。

一去到第一時間俾阿仔聞氣, 即刻舒服哂!

不過係電話度聽到阿仔喊, 真係超心痛架! 當時已經好想入去拎舊野俾佢聞…

話說前兩晚將阿仔交俾姨媽果時因為我冇俾到件外套佢, 而之後佢地去既地方又勁大冷氣, 一冷一熱咁阿仔就病了!

一病, 佢條氣就好容易唔順? 我都唔係太記得係咪! 因我冇印象係嚴重! 只記得佢病就會有啖, 俾佢聞氣就訓得好D! 呼吸大聲成咁真係好少………

走果時搭的士, 個司機又好好人, 幾多野講。佢仲話阿仔好乖添! 可能係因為佢病但又冇扭計?

今日日期阿仔唔係屋企, 自己一個人又諗野諗到好唔開心。
其實唔想諗, 但聽到一首又一首既歌, 眼淚就流左落黎, 都唔知乜事, 完全控制唔到!

Posted in 【LIFE】2011, 【LIFE】生病紀錄

兩個月針, 發燒

BB昨天到健康院打針, 一次過要打兩支針! 左右邊的大腿各一支。

我抱著BB, 姑娘一打第一支, BB已經嚎哭了! 但也不及第二支針慘!!
當時姑娘已經告訴了我, 第二支針會比較痛的, 我看BB的反應已經知道真的很痛…….哭得比第一支針大聲! 而且更更淒慘!! 臉色也特別紅特別深色!!

記得上一次滿月時打的針, 雖然你有哭, 但只是打針時哭了幾秒, 之後已經不再哭了!

而今次, 我有點懷疑BB你是否有點屬於詐驕而哭呢? 但我相信第二支針你真的很痛。無論你是很痛還是詐驕, 媽媽都一樣會把你抱緊和哄你的啦!

在健康院量度的:
頭圍: 40 cm
身長: 58 cm
體重: 5.65 kg (接近13磅)

BB晚上發燒了!!
不過你很乖啊! 沒有怎麼因為不適而哭!
你爸爸打算帶你去看醫生…
不過最後還是貼了退熱貼, 吃了未滿月時那些退燒藥 (爸爸問過人是可以吃的), 睡一會後就退燒了! 不過到今天下午還是有一點燒。