Posted in 【LIFE】2011

2011年BOXING DAY

2011年12月26日 (星期一)

阿仔病了! 發燒。

可能尋晚已經有D唔舒服, 怪不得成晚都好扭計! 不過感覺到佢好熱好慶時係今朝早。

食左4次藥了! 都係燒完又起! 都唔知駛唔駛帶佢去睇醫生, 因我記得上次佢發燒都係咁, 總之食完藥會退一陣, 但兩三個鐘左右又好燒!

阿仔病, 心都痛!

雖然唔舒服, 但我今朝同佢玩果架學步車, 本來係佢後面扶住架車同佢一齊行, 後來我放左手佢終於都識得推住架車黎行啦!!

點解我之前咁蠢一直都冇用咁既方法呢!! 唉!! 又浪費左咁多時間…

阿仔到今日都係未識行啊…..

下午我地去左新都城同阿仔影相, 行左唔係好耐就返屋企啦!

Posted in 【LIFE】2011

芝麻街衫仔, 織頸巾

2011年12月23日 (星期五)

尋晚帶左阿仔去大埔做節食飯, 住幾晚返走。

但我出門口時唔記得帶埋頂冷帽 (呢幾日會好凍呀!) 所以收工即刻返去拎, 再入大埔, 食埋飯。

之後係一田買左五百蚊衫俾阿仔! 係芝麻街同跳跳虎! 因為阿仔睇YOUTUBE既ELMO唱歌就會好好笑! 好鐘意!

買左兩件衛衣一條厚褲同一條頸巾。

另外, 前兩晚開始織冷衫俾阿仔! 好希望可以趕及聖誕果日俾佢著! 雖然我知一定唔會織得好靚, 而且仲有人話隻色………….不過算啦! 第一次織著得到就夠啦…!

Posted in 【LIFE】2011, 【學習】興趣班

第3堂PLAYGROUP

2011年12月17日 (星期六)

http://youtu.be/qCaoiUPiKvg

阿仔上第3堂PG了!

同上次差不多, 冇乜唔同。

仍係開頭好留意咁留意人地做乜, 但自己又唔跟住做, 例如拍手。

唔知係咪太眼訓呢? 今次比上次更少出聲! 係第一次最好笑, 係咁叫, 而第二次係咁拍檯, 企次就冇乜啦! 仍然係坐坐下坐唔定要”扇”落地….

仍然係見到個書櫃D書就爬爬爬, 對D書好有興趣!

而今次到最後吹泡泡, 阿仔就好開心啦! 係咁捉, 不過動作唔快, 慢~~~慢~~~咁伸~~隻~~手~~去~~捉~~~~!! emotionemotionemotionemotionemotion

今次仍然係要搭的士走, 原因係..我以為果個站係返去, 點知原來唔係, 問人又問唔到個站係邊喎! 唯有搭的士啦…..

Posted in 【LIFE】2011

冇時間寫BLOG

對唔住啊BB~ 媽媽而家日日都返工, 放工又要陪住你, 都冇時間寫BLOG…

其實我地每星期日都有活動, 都會同你周圍去, 都好開心架!

只要….你開心, 媽媽就滿足架啦…………

(有心機時我一定會補返寫架!!)

Posted in 【LIFE】2011, 【學習】興趣班

第二堂PG

2011年11月26日 (星期六)

第二次上PLAYGROUP

點解隔左一個星期先上? 因為媽媽話阿仔仲係細, 仲未知發生緊乜事咁, 所以分隔耐少少先上一堂會好D喎~!!

不過今天上堂同上次好唔同呀! 阿仔真係大個左啊~!

首先係一開始既時候, 阿仔已經望住MISS, 同埋留意到其他人。佢就眼定定咁望住MISS, 後來仲開始跟住拍手添! 雖然係遲左…因為人地拍完做第二D動作佢先拍! 哈哈!

埋去張檯度坐時又幾乖咁坐定, 不過對手就係咁拍檯! 有兩個BB都跟住拍! MISS教生字佢都好留心咁望! 真叻叻! 之後用CRAYON填色, 阿仔覺得好得意, 係咁笑!!

撈波波時冇上次咁好笑, 但手仔叻左, 拿個SPOON (打邊爐用果D!!) 拿得好左! 但當然都係我扶住佢隻手啦….

不過之後講故事時就分哂心啦! 可能因為其他BB都係咁玩同周圍爬, 所以阿仔又周圍走動~~ 要去捉佢!!

最後吹泡泡佢眼定定咁望住, 又用手去摸!

同上次好唔同, 上次真係好似完全唔知發生緊乜野事咁! 但今次佢開始留意到成班人做既野都係一致。

下次上堂就已經係三星期後啦! 經過今日上堂, 又覺得其實可以上返密DD, 兩星期一次都OK!

Posted in 【LIFE】2011

拎相機

2011年11月25日 (星期五)

收工特登入大埔借相機! 當然亦都同細佬食個DINNER啦! 雖然係M記! 都係因為又開始有大富翁要儲….

跟住行左陣一田, 超多人, 因為大減價! 想買平野真係唔到我, 我實在唔係幾忍受到……

20111125

加左效果的喲~~ (執相, NOT部機^^)

Posted in 【LIFE】2011, 【活動】BB會。朋友聚會

揀相

2011年11月23日 (星期三)

同阿仔參加左12月4日FACEBOOK BB會舉辦既活動! 尋晚因為出左去接阿仔所以返到屋企太夜未揀完D相就訓覺, 到今朝起身再揀! 終於都揀好左! 點知原來話可以揀多5-6相, 嘩~! 咁好!! 今晚幾累都要揀埋D相佢啊!

終於~ 真係揀左好耐~~ 因此我太多要求了! 唔想咁多張都係訓係床度影, 又要揀D著既衫唔好咁肉酸…又想要每個月都有一張 (因總共可以放10張相), 所以就用左好多時間去揀啦!

好期待當日既活動呀! 因為係第一次參加! 希望阿仔玩得好開心~好開心啦!!!

Posted in 【LIFE】2011

圖書館借碟同書

2011年11月18日 (星期五)

收工等爸爸期間去左附近圖書館, 借左三隻MUSIC CD 同三本英文故事書俾阿B!

阿仔前排開始”惡叫”, 即係發脾氣時發出既”惡聲”! 真係好惡呀! 點算….我唔想佢係咁啊~!!有冇人可以教教我應該點教佢呢??

Posted in 【LIFE】2011

星期日出尖沙咀

2011年11月13日 (星期日)

下午出左尖沙咀SOGO 搵姨婆同表舅父。
因為唔想放假都同阿 B 係屋企無無聊!
想佢可以去多D地方!
佢有得去街就好開心架啦!

2011111301 2011111302 2011111303

夜晚爸爸收工就JOIN埋一齊, 仲等埋表姨收工添! (8點)
因為表姨話想見阿B! emotion

Posted in 【LIFE】2011

星期六收工去公園玩

2011年11月5日 (星期六)

收半晝, 1點。

返到屋企, 阿B出左街, 冇耐就返黎。原本都打算帶阿B去公園玩, 不過有某個原因令我一定要落實執行! 所以就帶左阿B搭小巴去公園玩啦!

 2011110501
一去到, 緊係打韆鞦啦!! 阿B至愛!!

落車時有好人幫我拎架BB車。(走果時又有好人幫我拎部車上車) 比較唔同既係呢兩次都係男士!

好多謝佢地!

去公園前其實阿B想想地訓覺, 但都玩左成個鐘左右! 因為去完一度玩完再去第二邊玩! 咁我俾佢拖住我自己行啦, 佢就行左去SWING度, 我知佢想玩就放佢上去玩, 佢笑得好開心!!! 我都好開心呀!! 阿B開心真係令我超開心!!

玩到成身汗, 5點多D就走啦! 今日好熱呀!!

未上小巴佢已經訓著左啦! 仲要係好累果隻~

20111105022011110503

玩得好開心呀~ 

2011110504
其實阿B不太ENJOY玩滑梯….

2011110505
玩到唔想走咁呢~~!

Posted in 【LIFE】2011

返新工

明天開始一份新的工作了! 是寫字樓放9放6的。

上班的地點算是非常近! 乘車不用半小時就到! 真好呢~!!

 

話說是昨天才打電話來的, 叫我明天就上班去…當時太突然了, 雖然我也很想快點有工返, 可是那一下子的突如其來, 其實令我有點想多待一兩天才去上班, 不過最後我還是答應了! 也好的, 1號開始嘛!

Posted in 【LIFE】2011

學識拍肚仔

前晚食哂D藥, 但喉嚨仍然有啖, 好驚傳染俾阿仔, 所以尋日朝早再睇醫生。

爸爸話呢個醫生D藥勁D, 但係我食左幾次啦~ 反而覺得D藥好無力!

早幾日教BB如果肚餓就用手拍肚仔, 阿仔真係學野好快, 一教就即刻識! 係咁拍, 有時仲用兩隻手一齊拍添! 真係俾佢笑死!! 打後呢幾日佢都係咁! 但佢就唔知道拍肚仔代表咩囉…又或者佢係未明白咩係肚餓….不過佢會一連串, 做佢所識既動作, 即係拍手+飛吻+拍肚仔! 好攪笑!!

Posted in 【LIFE】2011

會叫我們了

前晚開始, 我覺得阿仔開始識真係叫我地啦!

佢有好幾次, 爬過來望住我, 講左個同媽字好似既音, 又走去爸爸度同爸爸講左個好似爸字既音!

打後呢兩日佢都係咁, 好似今日一起身佢就望住我, 因為我病緊,又冇戴口罩, 我完全唔敢開口同佢講野, 但阿仔反而同我講野先…佢發既音係….媽!!!

Posted in 【迪士尼美語學習】World Family, 【LIFE】2011

會自己拍手和飛吻了

2011-10-20 (四)

今天BB學懂了自己拍手啊! 開心極了! 他自己都知道自己學懂了! 而且不斷重覆地拍手! 愈拍愈好呢~!! 而且愈拍愈大聲!! emotion

同時間亦肯自己做「飛吻」這個動作! 真係驚喜啊! 已經很早之前就開始教他, 終於都做到出來了!

說”CLAP YOUR HANDS”, 他就會立即拍手! 反應真快! 說”BLOW A KISS”, 也懂得將手掌放在咀前面, 不過還是一副很想咬手指的樣子, 手掌放上面後良久都不願離開!! 所以這個飛吻的動作還不知道算不算已經懂了呢!!

至於拜拜和HELLO, 仍然未會做。

Posted in 【LIFE】2011

8個月發展 — 詳細

20110908

書中有提及到BB食野既時候要邊玩邊食, 係因為「玩」係BB生活既所有! 所以呢排餵佢食野都冇之前咁容易發脾氣(我自己呀! 因我實在太冇耐性了!) 而且, 佢食野時又要拎住D野玩! 都算! 食到咁上下, 即係開始有D飽, 佢就開始將佢玩緊既野掉落地, 仲要好得意咁望住掉/跌左落地果樣野!! 書入面都有講到, BB好鐘意將野掉落地同埋望住掉落地既過程, 佢地覺得好有趣…..當我明白到呢樣野既時候, 我已經唔會再動氣!! 雖然有時係咁幫佢執返D野上黎都幾煩….不過真係明白左之後我又真係可以唔激氣! 另外今日係網上睇到8個月BB既發展情況 (HERE), 都係咁講。

“Your baby will love to watch as he drops an object then see it get picked up (by you, of course). Your baby isn’t trying to annoy you. He just finds the spectacle interesting and naturally wants to see it again and again! ”

 

至於某D發展情況, 我就覺我自己做得不足了! 因為佢寫到 “Your baby now understands how objects relate to one another, too. For example, he realises that smaller things fit inside bigger ones.” 我應該要拎返D杯仔出黎俾佢玩下 (DISNEY果套有)。

“He’ll easily find something you hide, and he’ll point or look at the correct objects when you name it.” 都未係好叻…好似頭先咁, 成日同佢睇, 佢自己都成日睇果本BATHING BOOK (ANIMALS BOOK), 扮埋叫聲問佢係邊隻動物, 佢可能唔知我問乜掛? 同埋指出黎果下都唔知佢咁岩定真係指! 仲有, 佢一定知既DOG同CAT, 佢好似特登唔指, 或者指錯俾我睇咁!好似同我玩咁…….

就好似有時同佢玩, 俾樣野佢, 叫佢拎住, 好啦, 叫佢俾返我時, 佢就好奸咁笑住轉身想逃走咁! 明明知道我叫佢做乜, 佢係度玩返我轉頭囉!! 所以我都唔知到底佢識唔識……

“Your baby is probably beginning to master the pincer grasp. This is the delicate manoeuvre that lets him pick up small objects with his thumb and first and second fingers. He may use his pincer grasp to pick up a small piece of food, such as a rice cake, and feed himself.” 佢用手指公同食指拎野食比較差! 淨係識用食指, 但手指公就唔係好識去配合! 所以大大塊果隻餅佢自己食到 (不過都係食到尾就跌左!) 但細細粒果隻星星餅佢就食唔到啦!! 已經成日要佢自己練習點食……

講到屋企既安全, 真係唔敢放佢落冇墊野既地上面玩! 因為佢試過「中」左個頭落地幾次! 瘀哂…而家多數都係放佢係床上面, 我唔係成日都可以睇住佢…唯有墊枕頭CUSHION係地下, 以防萬一跌落床都唔會有事……..而結果就係佢真係跌過幾次囉!! emotionemotionemotionemotionemotion (好在…有墊野)

以前細個D果時拎本書出黎講教事佢聽, 佢都好乖咁聽, 後來發展到佢係咁要捉本書, 再發展到佢又要捉, 捉多兩捉唔俾佢就轉身走人! 總之無論咩書都好,有冇圖畫都好, 佢目的只有一個, 就係要拎黎玩!!

至於部卡機, 之前因為佢實在太煩啦! 係都要捉部機, 又將明明”碌”緊果D卡拎出黎! 於是遠離佢, 佢乖左咁會睇同聽, 不過好快又唔望架啦! 最後….呢絕掂呀! 就係由佢攪部機同D卡! 就算我碌20張, 佢都仲好有興趣張張拎走!! 不過咁做佢都叫做聽到之餘都睇到下既…..

而家好鐘意痴人, 有事無事都想撲埋黎! 又知人鬧佢, 扁咀, 超得意!!

Posted in 【LIFE】2011

掉左野落街??

今日俾阿仔掉左我個髮夾落街!!

事源我拎住相機同佢影緊相 (當然係不停捕捉佢果種啦!) 佢玩玩下見到我個髮夾就會好似平時咁撲埋黎玩! 拎走埋! 跟住佢走埋窗邊, 我仍然影緊佢相, 點知影影下, 發現佢手中既髮夾唔見左…..!

咁即係….俾佢掉左落街!!!? 雖然唔係親眼睇到, 不過估計八成都係…因為之後我搵唔返個夾!

仔呀~~ 咁細個就學人掉野落街….平時俾佢D玩具你掉落地下都未夠過癮?? emotion

Posted in 【飲食】0-2歲, 【LIFE】2011

食食下粥訓著

阿仔今早7點幾飲奶, 玩左陣再訓左一陣, 到10點幾食完粥就冇訓。

1點幾我就帶佢落街行下啦! 仲第一次逗留係樓下公園既長椅度坐, 俾阿仔「自由發揮」(都不過係兩尺範圍內)。

我去萬0買野既時候, 阿仔又係架車度自己企左起身! 無辦法, 唯有顧住佢安全就算, 有時真係唔得我就抱起佢, 不過又抱住佢又推埋部車就難少少。

跟住返屋企後就餵佢食粥, 點知佢食食下扭幾扭竟然訓著左!! 證明其實佢好眼訓但係又有D肚仔餓!

今日落多左米, 不過落少左水, 出黎就唔飯唔粥咁既樣! 我就覺得似飯多D, 不過又好綿既….另外又係薯仔同蘋果。我都想落D肉呀! 不過唔識點整……

Posted in 【FTM】心情記事, 【LIFE】2011

對於某報導的感想

對於昨日某報的報導, 我認為只要孩子學得開心, 不覺得學習(認字)是件辛苦和不開心的事便可! 當然, 由於報導不可能非常詳盡, 所以我們不能妄下定論說那位家長是否扼殺了孩子的童真(看卡通片, 兒歌之類)。

只是, 當我看過很多家長(可能有些還未為人父母)的留言後, 驚覺原來很多人都不認同, 或不知道”早教”。 Continue reading “對於某報導的感想”

Posted in 【LIFE】2011

西蘭花+薯仔+蘋果

至於今日整左咩俾佢食呢, 就都係西蘭花加薯仔, 冇煲粥, 因為實在幾麻煩, 要睇火。另外仲加左個細蘋果, 攪埋一齊。我自己試過就覺得好好食! 唔知阿仔鐘唔鐘意呢…不過佢今次食唔哂一碗呀! 唔知係咪多左薯仔, 定係食食下期間飲多左水, 所以易飽D呢? 又或者係因為佢食得太慢, 變左D野食落到胃度佢就開始覺得飽。

Posted in 【LIFE】2011

出左牙仔啦

今日餵阿仔食野既時候, 發現佢下排好似有D白色野咁, 都唔係十分為意, 諗住都係差唔多出果種。點知之後諗住望清楚果時, 就發現原來佢已經出左兩隻牙仔啦!!

只係出左少少, 但真係好得意呀! 踞齒狀咁樣。

原來阿仔出牙, 心情都可以興奮成咁!! 如果第時阿B真係識叫媽….咁咪開心到暈左??!!