Posted in 【LIFE】2011

西蘭花+薯仔+粥

今日整左西蘭花+薯仔+粥俾阿仔食。20110822

本來仲有豆腐架! 點知唔記得左煮….所以, 有住呢三樣都應該夠啦!

不過D粥就唔係好擺得, 到夜晚果餐出太多水了! 好難餵, 而且阿B都好似唔係幾鐘意食咁…

Posted in 【LIFE】2011

Sai Kung “Yu Pai”

西貢魚排玩得超級開心

今日阿仔超開心! 因為佢笑得非常開心囉~~

就係一來好多哥哥姐姐同佢玩, 二來佢見到D狗仔覺得好好笑, 笑到幾乎趴係度咁滯呀! 真係俾佢笑死! 所以我地都好開心!

2011082101 2011082102 2011082103 2011082104

佢笑到呢~~ 平時我地千辛萬苦咁引佢笑, 但原來D狗狗完全不費吹灰之力就可以令阿仔笑到咁! emotion

而我呢就第一次玩WAKEBOARD。我地就帶埋阿仔一齊出去添! 不過佢太累了, 冇耐已經訓左! 定係個姐姐抱得佢太舒服?? emotion

Posted in 【LIFE】2011

第一次同其他BB一齊玩

今早去我媽媽家湊返阿仔, 跟住食左少少飯就搭小巴, 約左朋友係落車個位等, 跟住一齊去另一朋友家。

Image

emotionemotionemotion朋友屋企好多玩具呀! 阿仔玩得好開心! emotionemotionemotion

雖然佢未係好識同其他小朋友一齊玩, 但其實當佢一見到朋友個仔時, 係想同人地玩/溝通, 因為佢係咁望住人地, 跟住又用手掂對方, 再之後又攪人地隻耳仔….哈哈! 好似有點熱情。

另外, 阿仔有D唔同既地方就係佢既好奇心真係好重! 佢專注力唔耐, 而且熱愛周圍發掘新事物!例如見到張墊有凹凸既地方佢又去攪, 爬爬下都俾佢發現塊鏡! 所以話…而家真係每分每秒都要睇實佢!

Posted in 【飲食】0-2歲, 【LIFE】2011

薯仔西蘭花, 帶出街食

201108181

今日雖然會帶阿B去俾婆婆湊, 但我唔想因為咁而令阿B冇得食奶以外既食物, 所以朝早佢食完奶之後冇耐, 我就咩埋阿B落街買左個薯仔啦!

我當然係唔知點整又唔知整咩好啦! 所以都係上網參考下….最後決定煲稔D薯仔再加埋西蘭花混埋一齊俾佢食! 仲可以裝埋入尋日新買既碗仔度帶出去食添!

呢個碗仔都真係幾方便呀! 係TOYRUS買超特價, 20蚊!! 不過缺點係唔可以保暖, 所以當帶左出去俾阿B食既時候已經凍哂。

201108182

另外又開左支果汁俾佢飲。係屋企都唔多肯飲, 但出到去最後都飲哂! 叻仔^^

Posted in 【LIFE】2011

阿B唱歌!

繼早兩日拍VIDEO時唔覺, 睇返先發覺阿B識跟住黎唱歌之後, 今日再次有類似既情況出現!

就係我清唱俾佢聽, 而佢又間唔中跟住開幾聲咁! 好得意呀! 希望阿仔可以怏D識講野就好啦!

原來阿仔唔係冇乜點進步到, 而係向左其他方面發展呀!

企果方面佢已經好叻啦! 可以企好耐, 應該係十幾秒啦! 而家仲FEEL到有野可以企上去既就爬添! (其實由上星期開始已經會) 最勁係企係個軟綿綿既枕頭度都可以企好耐!

早幾日又開始教佢”SHAKE HANDS”, 佢又係好快就學識, 我話”BB, SHAKE HANDS” 佢都會好慢咁伸手出黎俾我!

前日收到網上買既波波, 教左佢一次點樣掉返個波俾我, 佢又識啦! 但控制方面當然麻麻啦!

而阿仔既脾氣有時真係令我唔知應該點教好…佢有D咩係想拎黎玩, 但你又唔俾佢時, 佢就會發脾氣大喊! 我最多都係等佢喊多幾聲先哄下佢, 點都唔會因為佢喊而俾佢玩果樣野!

另外, 開始放佢落床仔都唔係次次喊。因為我會同佢玩一陣先, 跟住先行開, 佢多數都會好乖咁自己玩。但如果行開時都係喊, 佢就會喊一陣唔喊, 自己玩。到你返返入去俾佢知道左, 佢就又開始喊架啦! 呢個衰豬…

仲有, 四日前開始同佢戒奶咀, 頭兩日好成功咁完全冇食過! 尋晚都差D得架! 不過佢訓訓下喊, 最後都俾左個奶咀佢啜…其實咁樣反而我都接受! 因為佢唔係無啦啦要食, 而係可能發夢嚇親之類, 需要果一種既安撫…..所以我認為都OK! 不過最好當然都係唔俾佢食啦! 希望快D可以做到!

至於今日呢, 就因為要送去俾婆婆佢地湊, 所以都有俾佢食 (佢地話我知)。

Posted in 【LIFE】2011

第一次去公園玩

唔係第一次去公園, 不過正式黎講就係第一次玩啦~

雖然阿B真係唔多舒服~ 不過佢都好叻仔, 仍然玩得好生猛!

上網買左張加高餐椅俾阿B, 即刻試坐~~

201108141

好新奇呀~~

 

201108142

除左張餐檯

下午同BB去左圖書館, 之後去公園玩。

第一次同阿B玩打韆鞦, 仲有滑梯, 都玩到笑架! 不過佢實在太眼訓太累啦! 所以都唔係笑得好大聲, 而且走既時候仲好快就訓著左添!

201108143

 

201108144

初初好似好驚咁

201108145

跟住開始玩到笑啦~

 

201108146 201108147

走果時阿B非常累, 咁樣都訓著左….

Posted in 【LIFE】2011

應該真係出牙仔啦!

B仔尋晚ALL左兩次爛既POO POO, 今朝起身又已經ALL左次! 而且尋晚開始感覺到佢好個頭仔好熱, 第一次探熱係37.4度(UNDERARM), 到訓覺時探就係36.9度。

20110814 應該真係出牙仔啦!

 

今朝起身一抱起佢就完全感覺到佢有幾熱! 一定係發燒! 所以冇探熱就俾左藥水佢食。

大個仔真係唔同左! 佢肯食! (可能因為呢支藥水唔太難食啦?) 仲好乖豬添!! 冇吐出黎! 之前食呢隻藥, 印象中都係有吐架!

跟住再貼退熱貼, 點知唔夠一陣就甩左!

Posted in 【LIFE】2011

濕疹再起

尋日接返阿仔, 發現佢好返一排既濕疹又再起, 仲要係面上!

跟住今日同佢沖涼時仲發現除左面, 原來身上都有!

咁岩得咁橋, 我冇返工之後D濕疹就好返好多, 而家又到返阿仔有!! 到底係咪真係咁橋呢???

Posted in 【LIFE】2011

LAST DAY

今日係最後一日返呢份工。

心情好興奮! 因為又可以經常都全日陪住BB。

好想襯呢幾日準備定之後淨係湊阿仔時可以做既野。

 

自從返左呢份工後, 真係太少時間可以對住阿仔, 就算返到黎佢未訓, 我都寧願自己休息或者做下其他野, 唔知係咪真係因為太大壓力。

而阿仔係我返左工只不過係個幾月既事之間, 我愈來愈覺得佢冇咁鐘意我….好傷心, 真係好唔想咁樣!

Posted in 【LIFE】2011

放棄這份工作

幾天前已經決定了! 在金錢與時間兩者之間, 我選擇時間!

朋友說得很對, BB不會知道你賺了幾多錢, 他只知道媽媽花了多少時間陪伴自己。

所以, 或者找份文職工作, 時間穩定, 也不用OT至夜晚不知幾點鐘! 又或者, 找份兼職。

昨晚知道BB的麻麻8月中要飛了! 要到10月才回來! 這樣的話, 如果我要上班, 就得找人湊BB了! 幸好, 本來我已經打算辭職, 否則的話就煩惱了!

好吧! 就趁她未出發之前, 為之後做好準備吧!!

Posted in 【LIFE】2011

阿B好大膽

返左工已經兩星期有多了! 由於實在太累, 而且在家裡的時間不多, 相對陪BB既時間亦唔多。

有時就算返到屋企BB都未訓, 都唔想同佢玩咁耐, 只想快D攪掂D野快D休息! 寧願BB早D訓, 甚至已經訓左覺。

其實真係好唔想咁樣! 不過又冇辦法…好想諗到辦法, 但未諗到! 快D諗到就好啦!! 不過諗到都要實行到至得!

BB而家好勁呀! 唔只識得雙手扶住D野企起身, 仲識得打橫行, 不單只咁樣, 佢仲叻到識「玩」! 就係
扶住野企起身, 之後望一望後面, 再放手, 成個人跌落床!
 
一次都可能係咁岩, 但佢做好多次! 即係佢發現咁樣好好玩!! 所以係咁玩!!

尋日我放假, 對左佢成日, 即使只係訓醒後果幾個鐘, 都好明顯佢好鐘意咁樣玩! 呢個阿仔真係大膽呀!!

Posted in 【LIFE】2011

看醫生

可憐的BB…被我害得也病了……emotion

昨晚回家BB有點燒, 吃了一次退燒藥。然後發現他的病徵跟我的差不多! 都是流鼻水, 打噴嚏, 還有發燒。

要遠離BB以免傳染他, 是很難的事! 我每天都要照顧他, 雖然有人會幫忙, 但不可能所有都幫的! 而且我自己是不可能完全罷手旁觀的! 即使戴上口罩, 大家在同一間房內, 細菌還是很容易存在於空氣中而令病菌傳播……

要是再有下一次, 我應該怎辦好呢?? 是否要搬走兩天? 還是完全不理會他? 但這個真的不可能做得到….

說回正題, 今早起來, 他的身體比昨天更熱! 吃完奶之後已是9時, 於是帶BB到樓下看醫生。醫生給了三種藥水, 可憐的孩子當然是邊吃藥邊哭…然後不一會就睡著了!

Posted in 【LIFE】2011

學行車

20110610 學行車

由於我真係覺得BB成日只可以訓, 或者大人抱住佢企下, 好悶咁! 所以決定買架BB學行車俾佢! 目的, 當然唔係想佢學行啦! 而家咁細個學都冇用…我只係想BB可以多樣野做! 而且有時我地唔得閒睇住佢, 都可以放係佢車度, 起碼都叫做安全D嘛!

咁最後就上網買左架學行車啦! 好抵呀~~~ 個賣家仲好好人, 我地仲傾左好耐電話添!!

佢話佢另外仲有個類似JUMPEROO既野, 所以上埋佢屋企睇。

我真係好想好想買俾阿B架!!! 但好可惜屋企冇地方可以擺…..我好肯定如果阿B識得點玩之後肯定好鐘意跳呀!!! 嗚……BB呀~~ 媽咪真係對你唔住!!

一拎部車返黎我即刻整起佢, 放阿B入去玩。

佢好得意呀! 望住我笑! 果種笑係唔同架! 係好開心但又唔係「興奮」果種! 又好似係笑得好甜咁! 我以為佢係鐘意架車啦….點知我又覺得好似唔係好係咁, 可能部車前面d玩具唔吸引佢啦!

不過有左架學行車, 阿b望海報都方便左好多呀! 唔駛下下都係我抱住佢去睇, 好累架嘛!!

Posted in 【LIFE】2011

以後要非常小心!

6月4日, 難忘的一天, 也是不可忘懷的一天!

不是那個六四。

每次回想起來, 真的好想哭, 可憐的孩子, 都是媽媽不好, 媽媽不小心, 媽媽對不起你啊!

幸好, 暫時仍然沒有甚麼問題, 否則的話, 我真的不知道日子要怎麼過了…我一定會超級傷心。

以後真的真的要非常小心!

Posted in 【LIFE】2011

不愛吃米糊??

早兩日餵阿B食糊仔, 發覺佢叻左好多!
佢而家識得自己張開口食啦! 所以都唔係好難餵。
果日仲係餵得十分乾淨添! 冇乜點整污糟D衫同手仔。

點知就之後果日再餵, 佢就好唔合作了!
係咁吐返出黎, 餵左入佢口都只不過係含住, 轉個頭就吐出黎。
攪到餵佢下一啖既時候冇手幫佢抹…所以就食到非常污糟啦!
仲有D激氣添呀!

再之後果兩日都係食得時好時唔好。
好似尋日咁, 食左幾啖就唔肯食, 我拎支奶試下佢, 佢又肯飲喎! 咁即係肚仔餓啦!! 咁即係佢唔鐘意食精仔囉! 而今日又再一次證實係唔鐘意食啦!

Posted in 【LIFE】2011

自己飲奶

今朝爸爸餵阿B第一餐奶時, 媽咪都仲訓緊覺…ZZzzZ

阿B竟然好叻仔咁自己拎住支奶黎飲!

雖然拎得唔係咁好, 但都算算地啦!!

希望阿B仔你快D學識自己拎住支奶自己飲啦! 咁媽咪就可以….哈哈~~~

Posted in 【LIFE】2011

鬧到阿B驚

尋日我好對唔住阿B呀! 因為我餵佢食糊仔時, 佢隻手仔多多咁, 整到D糊仔係隻SPOON度彈左D出黎, 污糟左少少…我就好忟咁大聲左D…咁就嚇親佢! 佢想喊, 不過好快又冇事。

食完之後仲好開心咁笑…尤其見到佢咁天真咁可愛! 真係好心痛! 令到BB唔開心! 我唔想BB唔開心…佢係幾咁天真無邪咩都唔知…我竟然鬧佢!!! 我真係衰呀!!!

z61.gif開始覺得阿B鐘意我, 尋晚咁, 佢捉住我隻手都可以玩好耐! 下午果時佢扭眼訓, 抱佢一陣放返低佢就冇扭計了!

佢而家好鬼叻呀! 識得除手套! 但係兩隻手仔仲係好鐘意抓自己對腳! 雖然D皮膚好返好多, 但係俾佢咁抓傷左又係好唔哂! 有時見到佢抓又會好忟想鬧佢! 但係又唔想鬧! 真係….

自從佢識轉身後, 真係每次都要趴係度訓!! 如果未熟睡, 反返轉佢佢就喊! 一唔係就係都要反返轉趴返係度!!! 所以呢~ 真係要等佢訓耐左先可以幫佢轉返身! 但係有時都睇唔到咁多! 夜晚大家都訓哂覺, 咁第二日就會發現佢又係趴左係度…真係俾佢笑死! 乜趴係度訓舒服D架咩?? 定係有安全感D???

Posted in 【LIFE】2011

買襪仔

咩住阿B, 去左新都城買左對襪仔俾佢! 因為唔想佢再自己對腳抓傷自己對腳!

之前果D襪已經唔岩著啦! 連買左唔係好耐既H&M果三對都係!! 真係….

點知對襪好唔掂囉! 著左一陣就已經起毛粒啦!!! 仲要係唔平既牌子…..雖然對襪都唔係好貴! 只係19蚊, 但係都冇理由咁架嘛~~

連H&M果3對都係架! 乜而家D BB仔襪咁易起毛粒架咩??!! 用D料咁差架咩???

Posted in 【LIFE】2011

第一次食糊仔

今日下午同婆婆飲茶, 跟住去左舅婆度食飯。

係婆婆屋企玩左陣! 不停表演轉身!

跟住係舅婆屋企第一次食糊仔! 係舅婆餵阿B你食架! 你要記住啊! 哈哈~!!

阿B都好叻叻呀…識得「妹」下「妹」下! 算係咁啦~~ 拿~~ 唔係讚你呀!! 只係講出黎者….^^ (BB仔唔讚得架!!!)

但係BB好心急好緊張! 食完一啖都未吞, 或者係都唔知道要點吞, 又想再食! 等多一陣都唔得! 就喊啦~~ 傻瓜瓜!!

Posted in 【LIFE】2011

4個月多D, 識轉身! 危險了!

尋晚, BB突然間自己轉身! 超興奮!! 真係出奇不意!

baby05.gif其實呢排阿B都成日半轉身架啦! 佢發脾氣就會轉向自己既右手邊, 食住隻手咁! 其實只要佢用多少少力, 隻手就一就, 就會轉到! 估唔到尋晚佢突然間轉左!! 即刻拎部DV出黎想拍低佢, 但係拍唔到了!

之後阿B都仲有轉呀! 不過都係拍唔到…

到今日, 佢自己轉身好多次啦! 好勁呀!! 仲要轉完背向天, 又轉返做面向天!! 不過同時間危機感就到啦!! 佢咁樣轉法好危險呢~~ 真係要時刻睇住佢了…放佢係張床度都可以轉左身!!

好似頭先咁, 佢扭眼訓, 所以係咁轉~轉~轉~ 轉到背向天時又係咁喊, 唔想郁咁, 成塊面訓係床度, 太危險了! 所以要轉左佢個身向天!

最後都係要係隔離拍住佢暗佢訓….如果由佢自己扭下扭下咁訓著既話就唔得啦~~! 一定又係咁轉..!

Posted in 【LIFE】2011

濕疹大作戰!! 北角睇醫生

今日紅日, 我地帶左BB去北角(應該係炮台山)睇醫生, 係DISNEY個SALES介紹的。

其實都係咁上下既野, 俾藥膏搽同埋幫BB搽多D CREAM, 一小時左右一次。另外俾左支藥水係止痕的。

由於之前已經同BB搽過類固醇, 所以醫生開果盒我都係唔同佢搽住, 等多幾日先, 即使仍有濕疹都要俾皮膚休息下! 唔想BB好似我咁有明顯既疤痕呀!!

醫生話濕疹有機會係遺傳, 但亦有機會係父母都冇, BB都會有! 唉…點解要傳俾BB呢…前幾日開始我已經同個天講, 如果可以既話寧願BB既濕疹俾返哂我!!! 因我知道係有幾辛苦! 好唔想BB咁辛苦….真係好可憐呀….

而家佢塊面都有…已經幾日了! 中間有一兩日係好左, 但係之後又發! 有水出!

P.S. 今日係我咩BB出街, 幾乎全程咩哂! 其實膊頭都有D痛, 不過好在之後都冇事…原來都唔算非常辛苦! 第時我應該都可以自己一個帶BB去街啦! 唔太耐就OK…!

Posted in 【LIFE】2011

4個月針

今日去健康院打針。

係樓下食早餐, 由於已經11點幾, 阿b要飲奶了! 又趕住11點半前既早餐, 所以就沖左支奶, 拎落去餐廳度餵。(估唔到只係落樓下都要拎埋出街餵)

BB重6.99kg (約15.5磅), 頭圍係43.5cm, 但冇度到身長! 好想知呀!!!

今次打既針同上次一樣喎~ 其實我都唔係好記得上次打既係乜, 印象中係有咩4合1。但我一定記得阿B打完針既反應…喊到收唔到聲! 而今次打第一支時佢喊, 不過幾秒就收聲。第二支就比第一支喊得早D! 而且喊耐左! 但冇上次喊咁耐, 而且可算係喊得短時間! 不過出返大堂時, 佢雖然收左聲, 但係仲有扁咀! 好可憐呀!!

尋晚開始阿B又抓對腳, 個膝頭哥又爛哂啦!!! 唉….真係要去睇人地介紹果個醫生啦….再係咁真係唔掂! 可憐既BB已經受左成3個月既皮膚痛苦啦………….

Posted in 【LIFE】2011

扭計, 喊

BB而家趴係度, 兩隻手撐得比之前高左! 不過個衰豬好懶架! 成日都唔用力! 明明識得轉身 (背向天轉為面向天), 又唔肯郁!

好早之前買落個毛毛蟲公仔搖鈴, 前幾日佢都開始玩啦! PAPA拎住係佢面前, 佢就用手想捉個公仔咁, 識得分邊隻手近d, 用邊隻手去拎! 仲識得搖隻公仔添! 雖然控制得唔係幾好, 但識得搖已經好叻叻啦!! PAPA發現佢隻右手控制得比較好, 左手爭少少。

阿B而家愈來愈勁! 明明打直訓係度, 郁下郁下就變左90度轉! 變左打橫!! 又好鐘意打側身訓著覺…

呢兩日又開始學左新好好玩既野, 就係自己捉住條紗巾! 所以條巾就成日都會俾佢拎開左….

佢而家講野唔同左! 發出既聲音多左好多種!

每次用雙腳企係度就會出現”CHOK樣”! 仲會望住其他人得斥地笑!!

每次隻手拎到任何野, 都會拎埋口邊想咬!!

由於尋日我諗到D野…係一個應該幾好WORK既IDEA! 所以下午就即刻出去圖書館借書, 仲借左三隻碟俾BB聽。

可惜只有一隻係較為這合佢! 就係講故事果隻, 有三種語言, 我一直都好想買俾BB聽。另外兩隻係可以玩既多媒體光碟, 但就唔係我想要果種……如果BB將來再大D再借返黎就差唔多! 因為都幾得意! 第時一定要記得好好利用呢D資源啊!!!

而家阿B幾乎每次眼訓都要扭計, 通常都係扭兩扭 (雖然時間有時會耐D) 就會自己訓著, 所以我盡量都唔會理佢, 等佢知道眼訓要訓覺係自己做既事, 而唔係要人抱佢哄佢訓!

不過, 有時真係完全唔知佢咩事, 突然間可以喊得好勁! 有時仲會喊到失控, 明明係好肚餓要飲奶, 可能因為我俾佢飲左兩啖就拎開, 佢就會狂喊, 仲要收唔到聲咁, 俾返支奶佢都唔肯飲, 好似唔知道自己係因為想飲奶而喊…變左係為左喊而喊!!

Posted in 【迪士尼美語學習】World Family, 【LIFE】2011

Disney World of English

早排行經新都城好似係第一期, 見到DISNEY美語世界既PROMOTE, 都幾有興趣, 所以留低左資料同拎左張sample碟。
因為當時有野做定唔知趕住去邊, 所以話另外再約時間聽。
呢幾日係復活節假期, 就同公公約左對方直接上佢地center度聽, 仲帶埋阿B添~~! 呢次應該係阿B第一次去尖沙咀啊!
好似係差唔多三點上到去? 聽左都唔算太耐!
仲到左阿B夠鐘飲奶既時間! 係果度餵佢食奶! (下午4點)
最後我地都決定買! 係全套….超貴!!
但係為左阿B, 冇辦法啦….希望接觸多D英文, 將來學習都容易D!

返到屋企冇耐再出發! 因為約左個好朋友。
唔知道你仲有冇睇我呢個BLOG呢??
我想再講多次….THANK YOU!!!
YOU ARE MY BEST (x10000) FRIEND!!

Posted in 【LIFE】2011

自配親子裝^^

今日去大埔跟婆婆, 姨婆婆, 還有表姨一起飲茶。
阿B全程都好好訓呀! 淨係去到酒樓醒左, 玩左一段時候後飲奶, 飲完奶就扭計想訓覺! 我抱住佢一陣, 佢就突然間咁訓著左啦!! 笑死我啦!

一去到酒樓時, 姨婆婆話我地幫阿B著唔夠, (早兩日係H&M買果件橫間衫, 同格仔短褲) 即刻去一田買左條褲仔俾阿B! 好CUTE架! 有個公仔係大PAT PAT度!!

差D唔記得左講, 今日我地三個著左「親子裝」呀! 係我係H&M自己配架! 個PATTERN唔係完全一樣, 只係相似。總之都係深藍同白色橫間, 我睇哂男裝女裝童裝之後,

有D印象, 於是就靈機一觸, 不如三個人都揀件咁既衫啦! 一齊著實好得意呀!!而今日著左出黎個效果都OK! 唔係完全一樣仲好啦!!

110410

飲完茶去買左兩件衫仔, 一件係I LOVE DAD, 另一件當然就係I LOVE MUM啦!!

Posted in 【LIFE】2011

出牙?

呢幾日PAPA發現BB D牙肉腫腫地, 仲有D硬, 懷疑就黎出牙仔!! 如果真係咪好得意??!! 不過我又覺得得果3個月人仔就出牙, 會唔會有可能呢?? 上網睇過一D出牙既徵狀, 又有幾分相似喎! 想像阿B出牙仔個樣, 就覺得好得意啦!! 再諗大D, 諗埋阿B好似其他小朋友咁大個既時候, 識行識走, 仲更加得意!!
而家已經得意成咁, 到時咪仲得了???

不過咁…其實呢排我對阿B既感覺…好似衰左D! 可能係因為佢前排飲奶飲得少左, 跟住就開始容易發脾氣, 或者係…容易煩躁! 令到我都感到好煩躁!! 有時真係忍唔住…我都有D嬲!

不過阿B咁細個, 我又有乜可能嬲佢呢? 有時佢真係喊得好可憐架! 就算明知佢係扭抱, 咁佢都唔知道咁做係唔好架嘛!

呢幾日開始同BB玩拉住兩隻手坐起身,
佢竟然嫌坐起身都未夠, 仲未雙腳用力企埋起身添!!
真係俾BB笑死呀!! 好勝B!!

Posted in 【LIFE】2011

BB DAY 100

今日大家都很累了! 因為上午出左街三個鐘左右, 夜晚又再出去食飯三個鐘。我地去左新都城既稻香打邊爐, 唔知點解阿B有點扭計! 明明係眼訓都唔訓! 帶佢出商埸兜圈唔得, 放係BB車上推住行, 訓左, 但返到入去又醒返! 想扭想扭咁。

To my best friend, 我知道你地真係好想好想有小朋友,
我都真係好希望, 好希望你地早日達成願望!
我好肯定遲早有一日你地會抱住兩個小朋友黎搵我, 陪我仔仔玩呀^^

Posted in 【LIFE】2011

BB最愛的玩具…爛左!!

前晚(29號), 發生左一件令人非常傷心既事….
就係….BB最愛既玩具, 吊係床邊既音樂轉轉公仔玩具…
俾我「擰」爛左!!!

110331
黃色舊野中間本來有朵花, 擰佢就會轉同埋有音樂, 可惜成個俾我擰跌左….

講真, 爛左之後我真係好想喊!
尤其是知道好大機會係整唔返既時候!
我覺得自己好對唔住BB呀!!!
因為BB真係非常鐘意呢個玩具架!!! 嗚…嗚….

不過, 尋晚半夜既時候, 公公竟然突然間諗到個方法,
仲俾佢成功左!! 整好左個玩具添!!
就係呢個時候, 本來非常扭計狂喊既阿B,
聽到D音樂聲都唔夠兩秒, 就訓著左啦!!!
勁呀!!!
相信BB咁扭計, 都可能係因為佢覺得少左樣野咁!
所以當佢一聽到呢首咁熟悉既音樂,
就好自然地覺得安樂左?!

ANYWAY, 真係好在爸爸突然間變得咁醒!!
又真係俾媽咪激死…咁都整得爛!
其實呢, 我覺得舊花唔會係我一次就整得爛架!
我認為一定係日積月累, 然後我只係最後既經手人….

Posted in 【LIFE】2011

狼心D呀!!

尋日返左半日就收工了! 因為我決定唔做啦! 即刻返屋企睇阿B。

其實我好早就已經覺得BB係愈來愈扭計!
由果時訓覺前就扭計喊開始, 我就覺得係…
不過, 當時覺得BB仲細個, 就算扭計都要抱下佢!
因為佢乜都唔識, 只知道抱住舒服D會易訓著D!
而且都唔係話一抱就即訓, 都有時會扭好耐。

但我覺得而家BB開始大, 雖然都仲未識諗, 不過如果而家都繼續好似以前咁, 一喊就又抱又哄佢, 實會寵壞佢!! 所以我好想大家都可以狼心D, 其實都係為阿B好!
而且我認為只係唔好成日抱, 佢喊當然都一定要盡快俾回應佢, 等佢知道有人關心同係愛鍚佢, 只不過方法唔係抱佢。阿B D脾氣真係幾差下! 太容易發忟啦! 如果佢發忟就哄佢, 佢咪以為自己咁做有效, 咪會一路繼續囉!!

Posted in 【LIFE】2011

放假一天帶BB睇醫生

尋晚BB訓覺既時候抓損左自己! 仲要係有幾條痕!!
好明顯!! 真係心痛死我啦…………(又帶點激氣>”<)

1103291

而且仲發現阿B兩隻腳都有濕疹!
就有D似我以前有濕疹咁樣, D皮膚係爛爛地架…
又好痛! 阿B可能會覺得好痕好辛苦啦……!!
於是, 今日就請左假同BB落樓下睇醫生。
Continue reading “放假一天帶BB睇醫生”

Posted in 【LIFE】2011

昨天星期日, 剪頭髮

1103281
2011年3月27日 (星期日)
BB第二次去剪頭髮

初時剪都冇事, 不過剪剪下開始喊,
因為怕剪親BB, 所以就用D力捉實佢個頭,
BB本來就好唔鐘意人地整佢, 所以就發脾氣喊啦!!
不過對於我地黎講仍然係一樣咁可愛…哈哈!

1103282

之後返屋企上呢個架, 早兩日係IKEA買的。
因為我實在有太多褸啦! 而家咁樣好好多了!!
仲有少少位剩俾BB掛衫! 而爸爸就佔用左一個位掛左一件衫! 

1103283

收到人地送的呢堆BB衫, 好正呀! 多謝爸爸的朋友。

Posted in 【LIFE】2011

飲奶少左

BB呢排飲奶唔知做乜呢, 飲少左! (唔通開始厭奶???)
平時都飲6安, 有時仲飲到7安。
點知呢排都係飲4-5安多!
有時朝早果餐仲可以飲2,3安!!

記得開始返工後頭果兩晚, 夜晚BB都好扭計下!
唔通佢唔開心? 見少左我咁多個鐘!!
麻麻仲話佢一到夜晚就周圍望, 搵我地!
又話佢喊果時識得叫”媽~~~”
我就覺得只不過係佢咁岩喊果時做左個口形發音係”媽”….

尋日收工去買左套故事DVD。
前晚收工就即刻飛返屋企, 諗住剪頭髮, 點知冇得剪…
大前晚收工就去左買衫。
頭先收工就返左TP拎野, 終於都有返D衫著啦…!

Posted in 【LIFE】2011

返工

媽咪而家返緊工啦! 今日已經係第8日。
每朝早要離開BB, 都好唔捨得!

尤其係BB醒左, 我就好想同你玩!
如果BB喊緊仲大件事! 我會好想好想TUM返你….抱下你….
可惜往往都唔可以! 因為媽咪8點半就要出門口。
之前都訓到7點9起身, 不過諗諗下不如早D起身啦…
所以呢幾日都早左!