K1開學後不足三個月, 我已經想同個仔轉校, 但最後都放棄左, 原因覺得佢返呢間學校非常開心!
最近, 又令我感到愈來愈想同佢轉校了! 爸爸亦說覺得學校不太好, 溝通不足!
於是, 今日放學我就同班主任傾左陣。了解左阿仔係學校既表現同老師對佢既評語, 其實呢D野都唔係我想同阿仔轉校想得到既答案! 即係冇關係。但呢樣應該係爸爸想要知既野。
講下老師講乜啦! 佢話阿仔始終比較細, 12月B, 所以好貪玩, 當要做一樣野時佢都未能停低唔玩住。另, 比較心急, 排隊有時都會排得唔好, 推前面同學之類咁啦! 亦試過係學校推跌過同學仔。玩玩具又有試過人地玩緊走去拎黎玩, 冇守規矩輪流玩。不過阿仔好熱情, 見到同學個個都會叫係佢優點。另, 上堂好投入, 雖然細B, 但學習方面完全冇問題, 只係真的好貪玩, 同埋性格心急!
傾計之時, 阿仔有叫我走啦, 佢想同同學仔一齊走 (果個同學係成日一齊放學既), 總之成個過程佢叫左我三四次左右! 老師話佢要學習一下處理自己既情緒! 例如話俾佢知玩完啦, 佢會話唔想呀, 要玩呀! 又如排洗, 佢而家要排第一! 唔想排後面! 做唔到第一就會唔開心。
2013-12-22 (SUN)
又是 World Family 的活動啦！這次是正式的 X’mas Party ！於富豪九龍酒店三樓舉行。我們遲了一點點才到達。
當我們進埸後，大家都已經坐定定，幸好職員才剛開始派東西來做裝飾。 Continue reading “World Family X’mas Party@Regal Kln Hotel”
2013-12-21 (Sat)
今日學普通話, 我同盈媽飲住茶等。
學完就接佢地兩個小朋友一齊繼續飲。
因為要趕去學琴, 我地就走先。
阿仔今堂開始用新書! 表現都OK! 係開頭冇咁乖。
又係搭地鐵返屋企, 呢兩次都好叻仔冇扭眼訓, 捱到返屋企! 叻叻!!
原本今星期一係要補堂, 但我果日病到七彩, 唔記得左去!! 當日都係爸爸湊放學。
我好自責..因為一個好小既問題而好嬲…鬧佢! 令佢唔開心….
返屋企時我要阿仔自己除褸, 佢除唔到, 件褸太窄 (其實只係比一般窄少少)。佢竟然話「媽媽, 我下次要著D除到既褸!」佢咁都得! 唔係應該同自己講下次一定要除到件褸咩?!! 反而係要著件除到既褸…..
另外, 由於夜晚約左人食buffet, 午睡時我同阿仔講「快D訓啦! 訓醒我地又去街啦! 因為聖誕節呀, 我地約左朋友食飯。」
然後佢就話「我唔想聖誕節過左呀!」
傻豬….聖誕節都未到就已經話唔想過左! 太悲觀了吧??
呢排去街佢見到D聖誕裝飾都會指住話「媽媽, 聖誕裝飾呀!」我話係喎! 佢就話「即係我就黎生日。」
對於自己既生日, 佢非常期待呢! 可惜今年我冇同佢攪生日會…其實個心都唔係好舒服….如果好似舊年咁攪生日會, 佢一定會開心到暈呀!
2013-12-20 (Fri)
今日學校聖誕聯歡會+生日會。呢D就係所有既禮物啦!
另外仲有收到幾位同學仔送既聖誕禮物包! 多謝哂!
估唔到會有呢! 初時仲以為係D老師送既???!
而今日阿仔放學時好奇怪, 可能我預佢今日係學校應該玩得好開心, 放學都會係好開心。點知我一接佢, 佢就同平時好唔同咁呢埋我腳邊, 冇好似平時咁周圍叫D同學仔! 連有其他家長都發現佢唔同平時!
之後問佢做咩事, 佢竟然話見到盈盈所以怕醜??! 「我見到盈盈所以怕醜啦嘛!」我分別問左佢三次左右, 佢都係同一個答案。不過又有可能係因為學校玩得太開心, 但要放學就顯得唔捨得, 所以心情低落!
今早天氣仍然非常寒冷, 跟昨天差不多都是8度左右。但今天我沒有幫他穿上紫色那件羽絨, 太麻煩, 回到學校要換。只穿了深藍色的羽絨背心, 這個就不用脫下來, 可以穿著回校。
26號的聖誕 Party, 真擔心攪不成! 還欠十多二十人?? 但又說是付了訂金不能退! 那會怎樣呢? 其實當初知道這個 Party 要60人參加, 已感到大不對勁! 太多了吧? 希望最後是可以如常舉行! 大家作為家長的都想孩子開心, 不想令他們失望!!
另外, 由於忘了買片片, 所以昨晚兒子沒得用….所以就….OMG….真是氣死我了!
2013-12-15 (Sunday)
今天我們6個大人2小童去了Hong Kong Disneyland, 因其他星期日我們都有活動, 唯有在今天來啦! 可是這種天氣很令人頭痛…雨一直下個不停, 雖不大雨, 但不能無視。兒子整天都要穿著雨衣。
畫公仔~Daisy! 因我要捉著兒子的手畫, 所以畫得很像骷髏骨…超瘦面! 然後一起跟Mickey & Minnie 拍照。之後去了這裡醫肚:
吃完便到 Tomorrowland 玩 Orbiron 太空飛碟。 朋友的兒子玩完之後害怕得哭起來…之後去玩跑車, 由兒子來坐司機位, 令他很興奮呢!!
Autopia 跑車天地
之後去玩 「巴斯光年星際歷險」, 可能我自己一人坐, 所以得分比上次高呢! (忘了上次是跟兒子坐的嗎??)
玩完隔不久, 巴斯光年就出現了, 可以跟他拍照啊~!
然後再會合舅父他兩, 一起玩 Mary-go-round! 兒子玩得非常開心! 笑得最利害! 對他來說玩這個最funny吧! 看得我們也很開心呢!!
事件: 與同學一齊放學時, 在地鐵站內跑
懲罰: 立即跟同學說拜拜! 各自離開!
兒子的反應: 非常不開心, 將手上的聖誕禮物包拿來出氣, 氣憤地向空氣一揮。我知道他很生氣, 我沒有罵他, 只跟他說: 你哭完我們才上車, 未哭完就不上車。他便跟我說我哭完啦! (其實當然未啦!)
上車後他仍在哭, 直至, 好心的太太讓座給我們, 我抱著他坐下來, 我便細聲跟他說”道理”, 我一再強調「是因為你自己的行為不好, 而導致你今天不能跟同學一起等車」!
昨天已經發生過類似事件, 但地點是在月台上, 當時我跟對方談話中, 故沒有立即制止他, 至差不多談完之後, 我就跟他說 “如果跟同學一起放學會忘記了應該做和不應該做的事的話, 那媽媽就不許你們一起放學!”
放學後到了對面大公園玩, 離開時見到這棵聖誕樹, 我也忍不住要幫兒子拍照呢!
而他, 當然喜歡啦! 因為他會「毛手毛腳」!
上星期MAX看過醫生, 隔幾天後我就開始咳, 是病變了!? 還是我的抵抗力弱了!?
近幾次兒子病倒, 我都沒有病倒! 但這一次, 不單只病, 而且感到這種病是很討厭的那種, 我不知怎麼形容, 就好像小時候的那種, 人沒有怎樣不適, 就是喉嚨好像很「濁」般難受。
昨天和前天都沒有上學, 今天病情其實與之前差不多, 但我不希望他連續三天都缺課, 他那麼喜歡上學…
上學前到「細公園」玩一會兒。
晚上爸爸跟 Max 講故事 (學校的課本)。
這是昨天去跟朋友吃飯, 由一位姨姨(網絡不公開名字啦)送的。
謝謝喔! 喜歡^^
A gift for Max from my friend. Love it! Thanks!
2013-11-21 (Thu)
放學後立即乘巴士去元朗。
早到了足足40分鐘, 發現冒險樂園就在對面, 便上去玩!
玩完之後朋友還未到, 在餐廳對面公園繼續玩。
終於見面啦~
2013-11-17 (Sun)
與一眾媽媽跟孩子們在這裡聚會及野餐
2013-11-10 (Sun)
Grandma 去旅行了!
這是MAX第二次到機埸啦! 第一次就是今年5月, 媽媽單拖去歐洲那天! 這一次他對乘搭飛機非常有興趣!
2013-11-08 (Sat)
今個星期開始, 學琴改為星期六。所以放學後, 我們便去拍拖啦! XD
小孩子即是小孩子, 見到雪糕車便嚷著要吃! 對啦…有時候, 我會有一種想法：「原來我的兒子跟一般小孩一樣! 都喜歡食薯條, 雪糕等!」(竟然會這樣想….)
Continue reading “After school @ Harbour City”
2013-11-02 (Sun)
晚上, 悠悠妹妹來我們家玩喔!
最有趣的是, MAX餵妹妹吃飯呢! 而且, 更有趣的是, 悠悠也乖乖的吃啊!
覺得孩子有點可憐…
這兩天早上上學時分別碰到不同的同學仔。
昨天碰到的是一個曾經主動地拖兒子的女同學, 所以他們見到面時都有拖手仔。不過另外一位同學 (我沒留意到原來是同一班的) 就不肯拖了。
今天, 前面有兩位同學仔, 兒子想上前拖左邊的那位, 但對方不肯, 死命要拖工人姐姐。兒子不知怎好般望著我, 我便跟他說:「沒關係, 同學仔不想拖你便不要拖吧!」
之後, 兒子仍然開心地自己走前去, 不再勉強要跟同學仔拖手。
雖然他看似沒事, 但我知道他被拒絕的那一刻, 感覺不是很好吧! 從他轉過頭望著我的眼神, 使我感到憐憫…不過, 作為家長, 是不應該將負面感覺表露出來的, 相反，要說些正面的說話。那一刻, 我也不知道該說甚麼好! 那一句「沒關係」(唔緊要), 是我最常用的。
有要務丫~~ 所以我地去左新都城果邊! 買左呢個MCQUEEN俾阿仔啦! 佢自己揀既!
夜晚去了太子一間好出名既餐廳据扒 ~ 金鳳大餐廳!
要等位, 好多人。
去左旁邊個公園仔度玩, 就係餐廳左手邊, 好近。個公園就比較細, 不過阿仔仲細, 都會玩得開心！總好過企係門口悶悶的呆等。
呢位小朋友, 食左都未到一半就已經….
因為佢冇乜點訓午覺呀! 幾咁精神~都係要玩! 一食飯呢~ 就眼訓啦!
點解D細路仔通常都係咁既呢??? 食飯先黎恰眼訓!
講下呢間野, 好好食呀! 怪不得多人成咁啦! 不過坐就唔係咁舒適! 幸而我地可以坐到卡位, 就好少少啦! 不過感覺同個環境都係比較迫。如果為左食, 就冇所謂! 但食完係唔可以坐耐D果種! 而且佢好得意架! 一排一排咁入座, 然後就一排一排咁上菜啦~! 再之後咪一排一排咁離開~轉人囉!!
阿仔呢排講野叻左好多。
尋日送佢返學撞見佢班主任, 都話佢叻左, 講野有紋有路了! 問我佢受過咩「特訓」…
我自己都有少少覺得佢叻左既, 不過唔係明顯地「好多」。
而且叻左既係去廁所果方面, 雖然佢未係次次都會講要去, 但起碼每次同佢去廁所, 條片(後來用底底)都係乾既!
當然有時會因為佢突然講既野而笑左!! 甚至笑到痛!!
好似尋晚咁, 我同佢訓覺時佢又係唔肯定定地訓, 郁來郁去, 我都唔記得點樣令到我話媽媽嬲啦, 唔理你。跟住, 佢訓係我隔離, 望住我, 講左句:「媽媽, 唔好嬲啦!」 (仲要係BB仔口音, 超攪笑!)
果下你仲嬲得落咩?? (即使有時我只係扮嬲)
跟住再黎多句:「下次唔嬲啦!」 又再令人發笑。
另外, 佢而家咩都想要自己做。例如開門, 佢好趕住咁行去一邊準備開木門, 一邊講:「媽媽, 我想自己開門!」著鞋有時都會講「我想自己著」, 總之, 佢的確係好多野想自己做! (佢做既果D!)
即係自己著褲, 可能唔係次次著到, 有D難度, 所以佢寧願拖慢黎做, 甚至唔著!! 都唔會話想自己著! (印象中都有一兩次例外)
仲有easter holidays後開學, 佢MISS話佢英文好叻。
事源係佢放學時有位外藉老師入黎同學生講類似放學啦~既說話, 之後就走啦! 阿仔就大叫「MISS??? Where are you going?」(引用老師既轉述)
其實, 阿仔佢係屋企, 有大約七成都係講英語, 包括自己同自己玩, 更加有八九成。
接左阿仔放學後, 原本打算上麻麻屋企, 不過電話中聽到佢未唔得閒 (打牌), 我地就去左餐廳食D野先。之後都冇上去, 因為再打電話都係”忙碌中”, 所以我地就返屋企。
尋晚訓覺前阿仔又唱歌仔!
今次突然唱”when i was young i listen to the radio…”
有時候, 連我呢個做阿媽既, 對佢突然做出既某些行為, 言語等等各樣, 都會大大感到愕然同驚訝!!
雖然呢D野都係我或其他人教, 但有時真係估唔到, 好似呢幾句歌詞, 佢未試過咁樣唱出黎! 原來, 歌詞已經係佢心中了!
正如以前所教既一切, 其實佢係學左, 佢識左啦! 只不過未係時候表現出黎俾你睇。
又好似前晚咁, 同親戚食飯。爸爸唔小心倒瀉左杯野飲係我度, 姨婆坐阿B隔離幫佢抹, 阿仔突然同我講“tissue, please“, 下???!!
都係果句, 雖然都成日教佢同佢講, 但佢真係會出奇不意地突然間講出黎, 而係一個你冇提點佢既情況下!!
爸爸突然話同我地去山頂！大約7點幾去到。
印象中, 我自己上過黎食飯兩次, 其他咩景點或景觀都係冇睇過架！
阿仔最開心既奠過於可以坐係呢架車入面啦！
不過真係好大風, 凍凍地。
今日去左冒險樂園玩, 係…不過唔記得邊間….因為又係補寫!
今日grandma出黎搵我地食野。由於此篇屬2015年的補記, 所以都冇咩內容, 因為已經唔記得哂啦…..=0=
M.R. In UK 