Posted in 【LIFE】2014

病了, 發燒了 (續..)

星期六發病, 星期日起身就煲個南瓜粥佢食, 係我第二次煲, 不過今次用爐, 唔係用電飯煲, 而且用多左成倍南瓜, 阿仔覺得好味呀! 上次係連我自己都唔想食…

夜晚, 有燒, 食完藥隔一陣都燒….

星期一, 一早起身好唔精神咁, 走左出SOFA味坐, 飲左杯奶, 跟住一直話肚痛。 本來都諗住返學…唔返啦! 叫佢入房訓下休息下, 佢訓下醒下, 好辛苦咁, 跟住仲突然不停叫「媽媽…」我埋去攬住佢, 佢就突然…..嘔!! 抱都抱唔切入廁所啦! 抱佢伸出床邊都黎唔切!! 好嬲呀…唉! 又鬧。

不過嘔完之後佢精神左! 仲話要去玩車。點知玩玩下就訓左啦! 由於張床未PO返張床單, 又見佢訓得好林, 就由佢訓地下啦! 反正有地墊。

下 午都有燒過, 不過夜晚又好精神, 完全冇野咁, 所以, 星期二就帶左佢返學啦! 始終…好多日都冇返學, 我覺得唔係幾好! 而且, 又以為佢只不過係發燒, 所以冇咩事就想佢返學。不過其實真係唔好囉, 我諗就算好似好返咁, 要睇多兩三日! 以免返學傳播病菌啦!! 事關今次我地都好肯定阿仔係學校被傳染而病成咁, 好心痛呀!! 雖然明白到小朋友一齊返學, 本來就好大機會人地病就你都好易病埋一份, 但係點都覺得好唔抵呀, 無啦啦病到咁嚴重…唉!!!!

跟住果日放學又知道隔離班個妹妹都病過之後返學, 而家好返, 即係話, 學校已經好多病菌了….(我估計)!!

到夜晚, D藥其實已經食哂, 又燒了!! 唔掂啦! 第二日再去睇醫生! (星期三)

而且, 連爸爸都話病呀!!! 發冷同發燒呀! OMG!!! 所以佢兩個都要睇。而我呢, 好在一見阿仔病果時已經食定維他命C! 所以而家冇咩事…希望唔好病埋, 咁就大獲啦!! 病左湊仔超辛苦架……自己一個就話者……

咁尋日, 睇完醫生又食左D藥, 今次醫生開左肚痛藥。成日都冇咩事, 但都諗住聽日唔返學, 廢事啦。

今朝啦, 星期四起身食左次藥, 我又衰, 見佢尋日冇乜野, 今朝又冇燒, 就冇俾佢食退燒藥啦, 點知, 轉個頭佢又話唔舒服, 首先話個肚, 然後又開始燒啦! 佢一直訓一直唔舒服…直到夠鐘食第二次藥我就同佢食哂4支。

聽爸爸講佢今日開工都冇食藥, 又係一唔食又黎料…….勁呀! D菌!! 

Posted in 【LIFE】2014, We Two

借書 Kids book from the library

我同阿仔11點多出門口, 諗住去公園玩, 然後去圖書館。點知落緊毛毛雨, 所以取消去公園, 係附近食個早餐, 再搭巴士去圖書館, 借左幾本阿仔睇既書, 兩本自己睇。


今早用左十幾分鐘玩 Talk Along, 然後講左本故事書。

回程搭巴士時, 阿仔話要睇書, 自己係個袋度拎書添! 我就幫佢拎左本 The Little Red Riding Hood 出黎俾佢睇, 佢叫我講, 我話返屋企先, 但佢好有熱誠咁, 好想我講, 咁我唯有細細聲咁講啦! 睇左一半就要落車。

路過一間餐廳門口有 egg-tart 賣, 佢話要食! 其實平時我地都會買架, 今次我都有諗過買, 點知佢已經主動要求買黎食! 買完仲話要即刻食添! 不過都係返屋企先啦!

返到去, 佢好乖咁自己食完個tart之後我就再同佢講埋個故事, 然後講埋 On the Road 果本。雖然字多, 句子亦深D, 但可能D圖有車啦, 佢都一直聽&睇哂!

再玩多陣, 兩點半就要佢去訓啦! 呢排放假D時間錯哂! 夜到點幾兩點先訓得著, 訓到朝早9-10點幾先起身! 放埋呢兩日, 星期一就返學啦! 想正常返D!

Posted in 【開心時刻】2014, 【LIFE】2014

Strawberry Picking Day 第一次去摘士多啤梨

2014年初四 (Lunar New Year)

去左錦田鄉村俱樂部玩! 主要係去摘士多啤梨! 阿仔第一次摘呀! 出發前同佢講左, 佢就係咁問係咪到啦? 係咪去摘士多啤梨啦! 可見佢都好期待呢!!

We went to Kam Tin and picked strawberries! This is Max’s first try! He was sooo excited and had so much fun! Continue reading “Strawberry Picking Day 第一次去摘士多啤梨”

Posted in 【LIFE】2014, 【學習】興趣班

放學去學琴

星期一, 放學去荃灣學琴, 是補堂。又再去那間MISS COOL (大概串法, 因忘了) 食鯛魚玉子飯! 個人認為真的非常好味呢!

今堂兒子表現一般, 下堂開始會改星期一上堂! 因為星期六太多人了! 兒子容易分心!

唔知佢係咪真係鐘意學琴呢? 今朝返學同佢講話放學去學琴, 佢就話:唔返學, 但係去學琴!!

上堂老師話佢放左咁耐假, 問佢都仲記得之前學過既野。