Posted in 【Baby Food】, 【LIFE】2017

2017年除夕。快一歲BB的早餐【全麥班戟】

2017年最後一日啦!呢一年點解過得特別快咁嘅?舊年呢日我都仲未有動靜……係開始有啲非常不規律嘅陣痛,有時隔幾分鐘,有時隔幾個鐘,一痛起上嚟都覺得幾痛吓!所以都好易分辨到。

原來我都仲有少少記憶,哈哈!

呢一年嘅轉變都幾大,新生命嘅出現、哥哥嘅行為同所發生嘅種種……同埋自己都有好大嘅改變!自己唔同咗嘅地方就緊係關於「入廚」啦!以前我絕對係唔鍾意亦冇興趣煮,到哥哥要食粥仔,甚至要食飯之後先開始學煮吓,但都未算十分努力。

而家細佬行blw,食物方面真係要R爆頭咁去同佢準備,一來要睇佢鍾唔鍾意食,二來又要整得容易拎住食,更重要嘅係同樣要容易咬到同吞到。呢個過程一啲都唔簡單!我就係邊學邊試,終於叫做修成正果!(誇張咗啲😅)

嚟到就嚟一歲啦!已經有好大進步,唔再需要為佢拎唔拎到而擔憂。咁耐以嚟未試過真係 chok,但 gag 就到現時為止都間中有出現。佢成日好心急咁食嘢,大大個麵包/成舊大過拳頭嘅食物,係都要成舊夾硬「室」入口!

講咗咁耐,其實呢篇本身係想寫今朝試嘅新食譜!就係呢個啦~

又係 pancake!

簡單快捷!又容易拎!

但係呢個食譜其實麻麻,因為細佬嘅反應係:望幾望,玩一陣,咬咗兩啖之後就繼續研究呢舊嘢!跟住就係掉~ 然後,俾第二舊佢,放入口冇耐又吐返出嚟。

我試吓係咪真係咁難食,原來都幾實吓!味道唔係太差,但相比起用香蕉嚟整,當然差好遠。

呢度用咗3樣食物:1隻蛋,1/4 杯 full milk,3大匙全麥麵粉 (whole wheat flour)

同平時煎班戟一樣咁煎,但由於尋日新買咗支 coconut oil,所以就用咗嚟煎。

呢支油好香好正呀!用咗兩次幾乎愛上!

Posted in 【LIFE】2017

夜訪廟街

星期五放學不嬲都唔會趕住做功課,更何況5點要去佐敦!仲要今晚爸爸唔喺屋企食飯,一於同Max去拍吓拖!


本來想去玩具反斗城睇玩具,但係呢度超多「手指陀螺」,睇到佢都攰啦!自己話要返屋企。

Posted in 【LIFE】2017

【二年級】Eat & Shop @ Festival Walk

今次測驗第一日係星期五,又早放學,所以等細佬喺屋企食完嘢,我哋就出發去又一城。

一來想去玩具反斗城,二來要去Taste換貨,三來知道GAP做緊減價,買夠6件有65折,都幾抵,所以順便去果度食 lunch & shopping。

Max認得呢間餐廳,未睇有乜食就話要入去!原來佢想要氣球!

Max好叻呀!自己叫嘢食,仲主動問人有冇氣球。

細佬呢!就緊係一齊食啦!但由於佢已經食咗 lunch,所以我就俾咗啲麵包佢咬。咬足大半場,叻叻! Continue reading “【二年級】Eat & Shop @ Festival Walk”

Posted in 【LIFE】2017

BLW (AGE:9M16D) 午餐♡牛奶饅頭♡仲有美味雞肉丸♡

尋晚又整饅頭。

屋企有蕃薯,本來想試吓整蕃薯饅頭,但都係下次先,因為開始整果時已經10點幾。

呢啲時間兩個小朋友都瞓咗,我先可以安安靜靜地做呢件事!如果佢哋未瞓,我絕對會忍唔住去攪吓佢哋!完全唔可以整。咁點解日頭哥哥返緊學細佬瞓緊覺果陣唔整呢?因為太多嘢要攪啦!又成日都覺得好攰,反而夜晚冇咁嘅感覺!?

今次用多咗一倍份量,但同上次一樣,點都搓唔到個麵團光滑,我諗係因為牛奶嘅比例多咗少少?下次試吓落少啲先。

上次哥哥食到一個唔夠,要食埋人哋果個。今次夠喇掛!點知佢又唔想拎返學校當snack咁食,我都明,緊係想食啲「好味又冇益」嘅零食啦!但係間唔中一兩日食返啲健康啲都要!所以最後佢都帶咗一個饅頭返學校。

咁細佬又點呢?

睇吓佢食到!

我將一個饅頭切開3份,佢幾乎全部食哂,只係掉咗半舊落地,睇嚟都OK鍾意喎!其實都係因為之前見佢食得幾好,我先有動力繼續整,當然哥哥又肯食就更加要整啦!

另外,午餐仲有早幾日整好嘅「焗洋蔥紅蘿蔔雞肉雞肉丸」,因為屋企冇哂蔬菜了!唯有加埋士多啤梨同梨。

今次食到兩個左右嘅雞肉丸,士多啤梨幾乎食哂,梨就食一兩舊就吐同喊 (哈哈!),其實BLW嘅小朋友唔係更加揀飲擇食咩?我覺得好好好明顯噃!!

Posted in 【FTM】學整嘢食, 【LIFE】2017

【光波爐】海綿蛋糕 (亂改版)

不得不讚,繼尋日工人姨姨 (我叫唔出”工人姐姐”,因為佢年紀比我大😂) 好有心咁整完曲奇餅之後,今日又再主動話要整呢個海綿蛋糕!

佢係參考本光波爐食譜嚟整嘅,但係又懶叻咁唔睇,話自己記得。點知轉個頭原來佢記咗整曲奇餅嘅材料,完全唔係整蛋糕果啲,只係用咗整蛋糕話要用嘅自發粉…代替咗整曲奇餅用嘅麵粉!

當時佢已經將牛油150克同自發粉150克溝埋咗啦!發現咗之後唯有即刻上網睇吓有咩係可以用呢兩樣嘢嚟整啦…最後就將人哋嘅食譜份量加返啲,而用嘅糖份量又減啲咁 (我唔鍾意太甜),結果焗出嚟又幾好食喎!

材料:
牛油 150克
自發粉 224克
糖 90克
蛋 3隻
鹽 少量
雲尼拿油 2滴

做法:
用光波爐焗12分鐘+3分鐘+4分鐘,完成。

點解焗幾次,咪就係因為入面未焗到囉!所以自己慢慢加時間去焗咋!

原來咁都得嘅,好似又唔係太難。難得工人姨姨咁肯學,我都要努力呀!

***係喎,呢個應該已經唔係海綿蛋糕,都唔知係乜蛋糕啦…😅 最大嘅分別係用多咗一樣嘢:牛油!

Posted in 【LIFE】2017

【BB車】Larktale Chit Chat 好吸引 (得個睇字)

前排 REX pat pat 紅左好多日, 我唔想用 disposable diaper, 所以就用 liner, 結果D liner 好快就用哂啦! 於是諗座上網買啦~ 咁岩睇到呢部BB車 : Larktale Chit Chat, 好吸引呀! 價錢又唔貴, ($2200) 又想換車添…

Larktale Chit Chat.gif
6.6kg 重左D, 不過我幾鐘意

 

屋企部 Capella 都係用左唔係好耐咋….貪佢夠輕(4.5kg), 岩哂我呢D怕重怕阻訂既人, 而且坐位又比較高。不過個外型就平實D, 而頭先見到呢部就靚仔D咁囉…..

capella.jpg

Posted in 【Baby Food】, 【LIFE】2017, 【Rex】成長記錄

7個月(7m10d) 加固 + 去泳池游泳

20170811
Day 222
7 months 10 days
31 weeks 5 days

全日都是BLW,沒有用匙餵。
(但有用手餵給他BLW的食物)

由於早上7點半才飲第一餐奶,11點都未準備好食物給他,所以12點時第二餐也是飲奶。

然後就是1時許,因為食物已準備好了,而且哥哥也開始吃午飯,所以就直接拿給他吃。

可能不太餓,吃了一會兒粟米之後就不再吃了。

午餐:粟米、蘋果、豬肉

跟哥哥一起吃

Continue reading “7個月(7m10d) 加固 + 去泳池游泳”

Posted in 【Baby Food】, 【LIFE】2017

Baby Yogurt

Day 217
7 months 5 days
31 weeks

第一次食,已經可以食到9成!剩低果一成就緊係媽媽食埋佢啦!

(好在唔多……總覺得D Baby food好肥!😅)

Rex 食第一啖時,成個人好像打冷震一樣,似乎味道好震撼?哈哈!但之後一直都吃,應該係覺得原來都幾好味!?

另外,今日食咗兩餐糊仔 (米糊同燕麥糊),另外自己揸住食嘅有粟米,同埋菜心。粟米食幾啖唔食,改餵糊仔,菜心係飲茶時叫嚟俾佢食,但因為剪得太短,拎唔到,而且亦唔夠林,所以食得唔多。

反而食得多啲嘅係節瓜,但都係因為啲皮冇削哂,仲有一層薄薄哋喺度,所以好難先咬到啲肉俾佢!(係啊!我係咬完再餵佢) 要好似西瓜刨咁刨走層皮,又要留到啲肉俾佢食,好高難度!😂 仲有再俾啲飯佢食,夜晚果餐都有。

仲有試咗新嘢!就係將啲糊仔,「不」定喺 spoon 度等佢自己食。第一次用匙羹,好好笑,見到個 spoon 上面嘅嘢食,就用手抓啲糊仔!結果當然係周圍都係啦!超 messy!我扶住佢手教佢點用,佢就揸住咬個匙羹尾!以後都會繼續俾佢用匙羹食嘢。

總結,最近食嘢 (非糊仔或食物蓉類) 都冇乜點咳,而 gaging 更加係好耐冇見到有出現!睇佢食嘢都有郁吓郁吓個嘴,應該係咀嚼啦?又或者叫做「妹」緊,總之佢吞到,又冇上述兩種情況出現,我就認為佢喺食嘢呢方面有進步啦!

嚟緊計劃每餐加返多啲食物種類俾佢,之前一餐都係一至兩種,因為我真係好想可以完全俾佢BLW,所以要勤力啲整多幾款嘢俾佢食啦!

Posted in 【買】BB用品, 【LIFE】2017, 環保尿片 Cloth Diaper

超靚環保尿片

好耐冇影細佬個 Pat Pat….著果條片啦!

Rumparooz 啲片片真係靚到呢!

好老實,著咗幾個月環保尿布 + 好多唔同牌子,呢隻牌子嘅設計確係唔好!但奈何佢啲設計又太靚,所以都係忍唔住買多咗幾條。

購自 : Nicki’s Diapers (Rumparooz One Size Diaper Cover)

line10

~♥~給我一個讚~♥~
Our Diary 家庭育兒生活旅遊分享 

line10

Posted in 【LIFE】2017, 【LIFE】飲飲食食

【大瀛喜】日本料理放題

在旺角朗豪坊對面的MPM文華商場,是第二次來吃了!由於日本放題太多,我也記不起原來曾經來過,上到商場接待處後才記起。至於上次的食後感是如何,一樣是記不起來,人大愈大記性就愈差,加上生了兩個孩子,都有點影響吧?有人說剖腹產因為要打麻醉針,所以記性就更差…又可能是真的?

Continue reading “【大瀛喜】日本料理放題”

Posted in 【LIFE】2017

2017 書展

本來打算一早起來便出發去會展,但因為9時許已掛8號風球,我們已經整裝待發,唯有改為去飲茶啦!

幸好下午已經除下風球,我們就正式出發了!還碰見幼稚園同學仔呢!

排了一個小時左右,終於可以入場了!因為有3張免費入場票,只需多買一張兒童票便可。($10)

免費票是之前在 Facebook 參加了一個由《親子頭條》攪的活動獲得的獎品。近來玩了好幾個遊戲,分別得了三個獎品呢!以前極少,甚至從不參加這些遊戲的,但互聯網實在太方便,看到朋友玩的多,自己也會想試試!得獎的感覺好開心😆

Continue reading “2017 書展”

Posted in 【LIFE】2017

兩兄弟去公園玩

Day 199
6 month 18 days
28 week 3 days

近來天氣不穩,前兩日還下很大雨。今日見天氣不錯,至下午三時許都一直天晴,於是便帶他們到公園玩。

Max 也有好多天沒去玩了!平時的運動只有星期六學游泳那50分鐘,和星期一學籃球的一個半小時,其餘時間大多數都沒有運動。

想試試讓 Rex 玩 swing,但似乎還不行呢!他一坐進去就跟一隻”蝦”一樣!彎著腰,整個背都是向後彎的。 Continue reading “兩兄弟去公園玩”

Posted in 【買】BB用品, 【買】Shopping, 【LIFE】2017, 【活動】暑假 Summer Holiday Activity

【電影】Cars 3 @ iSquare TST (國際廣場)


前日上網買了今日在尖沙咀 iSquare UA Cinema 上映的《反斗車王3》的戲票。由於英文版只有下午1點05分這場次的時間比較適合,旺角那間的時間太早了!所以就選擇iSquare這間。

Max 距離上次去戲院大概已經超過兩年了!因為上一次看戲看到一半就開始問吵:看完了沒有?我想走了!所以就決定讓他大一點才去。

今次是他主動說要看的,而且確實是期待了很久。上個月知道這部戲將會在7月13日上映,原來他牢牢記住了!早幾日就開始問我幾號?說13號就有 McQueen 看。

Max 可是忠實的粉絲,之前曾經喜歡過的人物,如 Thomas, Elmo, Pocoyo 等等,全部出局!只剩下 McQueen 仍然是他最愛。 Continue reading “【電影】Cars 3 @ iSquare TST (國際廣場)”

Posted in 【LIFE】2017, 【活動】暑假 Summer Holiday Activity

【朗豪坊 ~ 蜘蛛俠:強勢回歸】

難得地由我帶 Max 去學游泳, 學完之後當然要帶他周圍去去啦!平時由工人姐姐帶著, 永遠只能夠上完堂就立即回家, 最多只會去買少許東西來吃。

其實他要求過我幾次, 想我帶他去學游泳, 不知道是為什麼?真的是因為幫他洗澡時, 用花灑淋在他頭上?(他超怕水灑在面上)

拖著他行去洗澡時, 他說他不會拖著工人姐姐的, 我問為什麼?他說不想。

出門口前極速地上網看附近有甚麼地方可以帶 Max 去, 好讓他開心一下, 目的地是尖沙咀或旺角, 最後決定旺角, 因為近些!(我超懶)而且朗豪坊有他很喜歡的 Super-heroes 其中之一 ~ Spiderman!還有一個重點, 今天是下雨天呀!所以, 連著地鐵站而不用走出露天地方的朗豪坊就最適合不過了!

20170617_114035
首先會見到的拍照區

Continue reading “【朗豪坊 ~ 蜘蛛俠:強勢回歸】”

Posted in 【LIFE】2017, 【活動】BB會。朋友聚會

端午節去游泳@清水灣二灘

20170530_153653.jpg今日端午節, 天氣很好, 起床後就決定去游泳, 由於 Rex 只有水泡和游泳用的環保尿片, 而沒有泳衣, 所以要即刻去買。

Max 知道可以去游泳, 開心極了!

準備好所有物品後, 便到深水埗買東西, 再吃東西。

搭了百多元的士, 接近三點去到清水灣二灘, 非常多人呀!!

圖中的綠色換片墊大派用埸, 一個未會坐的BB, 總不能直接就躺在沙灘蓆上吧!! 帶BB車也太不方便了。除了手抱, 就是躺在這張換片墊上。好處是濕了或者有沙都可輕易一抹就乾淨! BB去沙灘必備! (購自淘寶)
Continue reading “端午節去游泳@清水灣二灘”

Posted in 【買】BB用品, 【LIFE】2017

【銅鑼灣。皇室堡】EAT & PLAY (夏天BB車出行物品)

每次去街都有好多~好多東西要準備!我沒有寫下有甚麼東西需要帶,但其實也是有必要的,這樣便可以減少帶少了東西的機會(應該說沒有機會吧),而且在出行前也可以執得更快手!

20170528_120121.jpg

No. 1 必備物品:遮太陽+擋塵+擋細菌

上圖頂部的「揹帶雨衣」原本覺得買得很不值,因為本來我想買的是BB車雨擋,售貨員就拿了這款給我們,當時我竟然看都沒看就相信了她,買下了這塊根本不是for BB車用的東西….
但後來發現,用它來遮太陽+擋塵+擋細菌(在街上難免有不掩著嘴巴就咳或打噴嚏的人!)原來相當不錯呢!!兩邊還有不少的空隙可以讓空氣流通,即使像昨天那麼熱也不至於太焗。
如果是冬天的話,就改為用細一點的被子,甚至試過用我自己的超大圍巾,超級擋風!

Continue reading “【銅鑼灣。皇室堡】EAT & PLAY (夏天BB車出行物品)”

Posted in 【LIFE】2017, 【學習】興趣班

又是時候為暑假作準備@去報名了

自從有工人姐姐之後, 想去哪裡都可以, 通常我都是突然決定出去的。
這種自由的感覺已經失去了多年, 好想流著兩行眼淚說一句:我自由了!

這幾天開始為哥哥看暑期活動, 如果不是因為收到 World Family 的雙月刊, 我也未醒覺到是時候要為他找些活動了呢…

dse_2017.jpg

只有一個一連三天的活動當然不夠, 本來就想他學游泳, 所以就去 YMCA 報名。
除了游泳班外, 還幫他報了籃球班。
之前在甲子上課, 直到現在都是, 但開始感到課程已不太適合他了 (很多小朋友都比他小), 而且價錢也比較貴。回想初時是因為兒子還小, 可以學籃球的地方極少。現在已經大個仔了, 就轉到別處學吧! Continue reading “又是時候為暑假作準備@去報名了”

Posted in 【LIFE】2017

Rex愛扯衫、Max去游泳

20170518_110324

Rex 好喜歡扯自己的衣服!
更喜歡舔衣服、毛巾等!

20170518_110014

還有常做的動作: 抓後腦
癢嗎??
我知道濕疹令你感到很癢, 但後腦那些紅了的皮膚也是濕疹嗎?
我以為只是有點紅而已…

20170518_174849

Max 明天放假, 心血來潮就帶他去附近泳池游泳。
反正那麼近, 又突然想這樣做。
他開心極了! 雖然我沒有下水, 但看著他玩都可以。
不過有次他沒有用水泡, 在水裡跌倒, 我差點要跳進泳池去救他呢…
儘管最深水處只不過是 0.73米…

今年暑假鐵定要幫他報名學游泳!
之前一直覺得他還小, 亦因為他學興趣班的表現而認為未適合學游泳。
去年未發現有Rex時, 也打算讓他學的…所以今年一定要學!!

這個泳池個人感覺不太好, 因為要行上一層樓梯, 然後要走很遠的路才到習泳池。
原本打算讓 Rex 也學BB班游泳的, 還是算了吧!!??

Posted in 【LIFE】2017, 【Rex】成長記錄

Photo shooting @ Mary K Stdio

今日12點多出門口,到位於大角咀的 mary k studio 拍照。


第一次與其他年齡相約的BB玩。

見到第一個bb就主動出手😂 捉人家的手。

更好笑的是,另一個bb伸手到他面前,他竟然舔人家的手😅

影樓場地不大,但早有聽聞這間拍照不錯,終於體驗到!負責人見到Rex的濕疹皮膚,拿了一支 lotion 和 oil 給他塗呢!

回家後發現他本來出了不少紅色的粒粒都退了!皮膚又白又滑!頭頂上的粒粒也平滑了好多好多,即時靚仔返哂!立即就跟他們要了一支,期待用後可以改善。

不過隔了好幾個小時後,又再有少許紅了!應該要持續塗才見效。用後再報告。

Posted in 【買】BB用品, 【LIFE】2017, 環保尿片 Cloth Diaper

CB片片初體驗 + Sunday Shopping

今朝一早就試下著環保尿片, 我等左呢一日好耐啦!

相關文章:我的第一套【環保尿片】Charlie Banana

20170430_083358.jpg

睇過原來著起上黎都好大舊, 睇過官網定唔知邊度, 話3個月以上建議用兩條片芯, 於是就放入一大一細入去, 所以真係好大舊呢!! 怪不得D外國人成日話 bulky 啦!  Continue reading “CB片片初體驗 + Sunday Shopping”

Posted in 【LIFE】2017, 【Rex】成長記錄

DAY 111 又好多粒粒

20170423_215917.jpg

雖然開始用美國加州寶寶既金盞花來幫細佬沖涼, 但係依然都係有繼續出粒粒, 不過就好似…係好似比之前少左!不過都會繼續用。

20170419_144322

California Baby Calendula Shampoo & Bodywash (251ml)
California Baby Calendula Everyday Lotion (192ml)

上面兩支購自babyhk.com, 分別都係$118。

近來飲奶比之前好少少, 係少少咋!
冇之前咁揀擇…冇扭得咁勁…然後先飲奶樽。
通常都係肚餓就肯飲, 但飲了一大半就停, 其實又未飽, 然後又啜手又好似想飲奶咁既樣子。
估計佢係想埋身…..所以留肚!! 又或者係眼訓, 想要一點 comfort 而已…

有時食食下, 通常又係食到咁上下, 即係丑仔已經唔太餓, 但又未飽時, 就會好似影片咁樣玩…啜下又吐下出來咁。終於都俾我影到佢啦! 不過由於部電話唔掂…所以影到好「疾」, 呢排hang機好嚴重, 9成9係因為影太多相同video, 攪到部機好有問題!

雖然我呢部LG G4攪成咁, 但係我大大話話都用左年半有多(?), 整過唔記得係一次定兩次, 但係依然都叫做用到, 不過真係想換機了!!
我不嬲都對換電話呢件事冇乜興趣, 除非有需要, 但都唔會點研究! 但今次又想研究下到底換iPhone好定係都係用返Android機好。我主要都係for影相, 同埋要有超大容量先得!! 實在影太多太多相啦…

Posted in 【LIFE】2017

工人姐姐到了!

等到頸都長,終於來到了!

今日就去 agency 公司接她回家。

暫時覺得她ok的,來到就主動清潔、掃地和執拾。也主動去看看Rex。

而Max就一如既往,熱情地跟她暢談!主動拖姐姐的手etc….所以我不太擔心他不喜歡或不肯跟工人姐姐,反而怕以後會欺負人家,不聽姐姐的話…

Posted in 【LIFE】2017

We4 去街啦!@ Mega Box

20170205_165359
Rex ~ Day 34

星期日, 我地去左九龍灣 Mega Box 行街買野食野。

坐月坐左成個月, 終於可以出下街, 大滿足!!

第一次帶住 Rex 去到咁遠, 之前果兩三次都係近近地去樓下, 只有一次係搭的士約10分鐘路程。

所以今次帶左三餐奶, 三條尿片。飲左兩餐奶, 換左一次片片。 Continue reading “We4 去街啦!@ Mega Box”