Posted in 【LIFE】生病紀錄, We Two

【急性過敏】同貓貓玩完之後敏感

2016-11-25 (Friday)

今朝早時我同 Max 講過話放學同佢去街,等佢放學返黎時,睇 openrice 見到一間貓 cafe,喺油麻地,有得食吓野又可以俾佢同啲貓貓玩吓,玩完仲可以順便去買啲練習俾佢溫習同準備下星期測驗。於是返屋企換件衫咩個袋就出門口啦!佢有話想去公園玩,但公園咁近,幾時都去得啦!而且就快測驗,我同佢講話測完驗先可以去玩,去貓 cafe 有得同貓貓玩又可以食埋野,佢都好開心好期待。

點知….呢個係一個錯誤既決定…..

isu29.gifMax 同啲貓貓玩左陣,我地就叫野食,大約過左20分鐘就開始食野。食到咁上下阿仔就繼續搵啲貓貓玩,跟住開始走埋黎係咁捽眼,我叫佢唔好捽啦!佢話好痕,我望吓佢係咪有貓毛或者其他嘢入眼,望咗幾次又用紙巾同佢抹吓,都唔覺有嘢入左眼,但就發現到佢隻左眼有啲透明嘅嘢,好似啲 Gel 咁樣?唔似係外來物,但我又完全諗唔到係啲乜,又抹唔到。佢突然間好攰好眼訓,可能因為返完學好攰要午睡果種,我叫佢合埋眼休息吓先。然後再發現佢塊面起左啲紅色同一粒粒,佢覺得痕又去抓,我開始估到佢應該係敏感啦!!於是拿拿林食埋果少少嘢就即刻同佢去睇醫生,前後逗留左喺 cafe 大約40分鐘,而開始敏感係嚟到之後35分鐘左右。
Btw,啲嘢食其實都幾唔掂!!不過埋單個價錢同餐牌既唔同?平啲喎!埋單 $128。

落到樓下本來想搭的士去長沙灣睇雷慕德,但搵的士時突然記起我地嚟果陣經過過一間診所,不如近近哋去呢度睇算啦!入到去…嘩!好多人呀!想想哋走…不過都入左黎就登記啦….雖然話要等半個鐘,但阿仔佢好攰好眼瞓,合埋眼行路,都係唔好周圍走。等既期間佢一直 ZZZZ,好在冇騰來騰去咋!可以俾佢休息吓。

illu_12_006.gif醫生先睇佢隻左眼,話果啲透明 gel 狀既野係佢眼球既啫喱因敏感而腫脹!阿仔患上急性敏感症,話呢啲滴眼藥水都冇用,咁我又唔會亂同佢用眼藥水,我自己不嬲都唔用呢啲野。醫生仲建議我喺診所餵埋阿仔食咗藥先走,唔係就可能連隻右眼都腫埋。(結果都係腫哂) 睇埋咳同流鼻水,都只係俾兩支藥水 : 敏感同咳,仲有盒藥膏搽敏感。即刻食次藥先走,搭的士返去。阿仔一直都好攰,瞓住咁行返屋企。

[醫生話要戒口,唔可以食:蛋、牛同海鮮]

返到去佢係房訓多陣,我就即刻將所有衫褲褸,有機會痴住D可能係既致敏源全部拎去洗。

Max 只係恰著左一陣就話唔訓,走左出電腦椅度坐,我先發現佢兩隻眼已經腫成咁!!

20161125_193305.jpg
唉…好慘豬呀!!心痛死我啦….. Continue reading “【急性過敏】同貓貓玩完之後敏感”

Posted in 【LIFE】2016, We Two

Saturday ~ Lego班、買圖書、RBTea

星期六, 又去上 LEGO 班啦!
又去麥當勞食早餐, Max 上星期話要再換呢 D Mask! 一去到已經第一時間睇下今日換邊款啦! 仲同我講話呢個先至係柯柏文。(我唔識分…亦都冇睇到)

cymera_20161112_105544
佢真係好鐘意!! 我覺得佢戴住好鬼得意…XD Continue reading “Saturday ~ Lego班、買圖書、RBTea”

Posted in 【LIFE】2015, 【LIFE】飲飲食食, We Two

【午餐】All Day Breakfast @ Cafe 360

今日星期一, 聖誕假期的第一天, 沒有打算去甚麼地方, 就近近地走到西九龍中心逛逛。

行前看過 Openrice, 好像有幾間新的餐廳, 沒有刻意去找任何一間, 只記得在6/F 和 8/F 都有沒試吃過的。

搭乘扶手電梯上了6/F, 也沒有刻意去找, 已經見到其中一間了 : Cafe 360
Continue reading “【午餐】All Day Breakfast @ Cafe 360”

Posted in 【迪士尼美語學習】World Family, 【活動】暑假 Summer Holiday Activity, We Two

影畢業證書 & 朗豪坊拍照

image

早前完成的畢業考試已經合格,今日到寰宇家庭位於朗豪坊的寫字樓去拍畢業照。
第一次穿上畢業袍!戴上四方帽。好可愛,好Cute呀!哈哈!
而他表現還算合作,雖然花了不少時間來拍照,但我知道他已經算站立得很定了!
離開時,兒子猛拉著我,說要過去看看。 Continue reading “影畢業證書 & 朗豪坊拍照”

Posted in 【LIFE】飲飲食食, We Two

【午餐】Chafee Brandish~失望了!

還記得第一次來吃的肉醬意粉,令人一再回味!

很久沒來這間餐廳了!
對上一次來是4月22日 (詳文:午餐@太子Chafee Brandish Fabalous Bar & Restaurant午餐和晚餐@太子Chafee Brandish)

今日本想在家煮些簡單的食物給兒子吃完去上英文班,但不知怎的,總覺得很累,又以為圖書過期了,所以走到深水埗去還書+借書,然後再行路回家。
想起會途經這間餐廳,不如在這裡吃吧! Continue reading “【午餐】Chafee Brandish~失望了!”

Posted in 【LIFE】飲飲食食, We Two

【午餐】炑八韓烤

上星期六,MM豬上完兩個興趣班後,我們去找東西吃。
沒有頭緒,只是一直走,朝著我們的目的地:朗豪坊 行去。記得這條路上有好幾家餐廳。
當經過這間店:炑八韓烤時,我看了兩眼,便決定去試試看。
以前路過都記得有間這樣的韓烤,但一直都沒有打算去吃,今次入去店舖,發現原來環境都不錯!要走兩段樓梯,再轉右進入店內。

韓烤
我們吃的是「韓風溫泉蛋肉醬鐵板飯」
$42, 需要加一服務費: 埋單 $46

Continue reading “【午餐】炑八韓烤”

Posted in 【LIFE】2015, We Two

迪欣湖活動中心 Inspiration Lake Recreation Centre

阿仔成日話想去 picnic,舊年去過一次,可能佢唔記得啦!前排因為老師講同佢地介紹過迪士尼快線,佢就話好想搭。
呢排又拎返套美語教材既碟黎聽,就更加想去。
尋日先知道今日爸爸要返工,所以尋晚就決定今日同佢搭下迪士尼快線兼去埋野餐啦!次次同爸爸去都係揸車,所以都冇機會搭!仲唔襯呢個機會去搭返次?我都未搭過吔~!

朝早等阿仔起身再出街買野準備整野食,返屋企整左三樣好簡單既野食帶去: 芝士火腿三文治,什果沙律,唐生菜雞肉。如果有「迪士尼美語世界」既家長一定會對呢三樣野有點印象!事實上,阿仔就係要做到幾乎一樣!最好笑係佢曾經講過要打 baseball!一諗起呢樣野我真係忍唔住笑到流眼淚,實在太可愛啦!去 picnic,整 sandwich, chicken 我都仲可以,講到 baseball 就…真係幫你唔到呀仔…..!

Continue reading “迪欣湖活動中心 Inspiration Lake Recreation Centre”

Posted in 【LIFE】2015, We Two

午餐@長沙灣

星期一,放學後我們要到長沙灣找姨婆,因為家裡已經沒剩幾多「荷蘭cream」了!
我們先去你最喜歡的公園玩一會,再去翠河吃肉醬意粉,你最愛!
食物未到,你便躺下來閉上雙眼,我忍不住要把你這個樣子拍下來!怎料被你發現了!呵呵~

**今天下午天氣很暖,餐廳很焗,所以把校服~針織衣脫下,只穿著一件內衣:)**

Posted in We Two

去圖書館

星期六,學校興趣班完後,我地先去食粥,再去圖書館,今次借左9本都係阿仔既書。

image

呢個南瓜粥幾好味,但阿仔都唔太肯食,雖然最後都食左一碗多。炒麵佢就唔食。
跟住就返屋企啦!

Posted in We Two

搭地鐵時

阿仔坐緊時,隔離位落車,佢將架玩具車放隔離坐位度玩,我叫佢唔好,有其他人要坐,佢收一收返架車,又再繼續放隔離位玩。我見到有個女人已經走左埋黎,但見阿仔咁樣,佢只係企係度冇夾硬坐低。
我見阿仔仲唔收埋架車,我就走開左唔理佢,佢唔開心想喊咁走埋黎,仲有點發脾氣咁用力拉住我件衫。果下極度想鬧佢,不過我忍住,只係細聲咁話佢,佢話知道自己唔岩,影響到人地,落車都捉佢埋一邊,問清楚佢到底知唔知自己做錯乜野。見佢都知道,我就算啦!

前兩日返學都有想喊,唔捨得我走,係咁用手圍住我隻腳,(兩日有都同學仔一齊入都係話唔想返學)但今日冇啦!好乖咁自己排隊入去,不過見到李老師係門口都唔主動叫人。

Posted in We Two

冒險樂園波波池

image

星期五,沒有課堂,上午11點多帶兒子到冒險樂園玩,回想上一次去玩波波池已經有幾個月了!所以他玩得好開心!有一點不一樣的是,他入到去竟然不是第一時間玩車,而是走進去執波波,然後上去上面放入槍內發射!真的長大了!
照片中的他,在波波池內顯得成熟了不少呢!

Posted in We Two

759阿信屋字母粉

image

星期二
起床時已9點!立即抱你起來,快速地洗臉吃甘大茲作為早餐,換衣服穿襪子鞋子後便出門口。幸好趕的及,不用再次搭的士返學校!(已經有兩次了)
下課後,我們去shopping!分別去759阿信屋,惠康,和街市。
這包字母粉是在759買的,加入水餃和菜心,你喜歡吃!本想買些醬汁來煮肉,卻怕不懂得用而放棄了!

Posted in 【LIFE】2014, 【LIFE】飲飲食食, We Two

去買蛋糕

image

下午出發去吃午餐,然後買些東西來送給grandma, 因為今天是她的生日。這間舊式茶餐廳在有早餐吃!真好呀!

image

在始創找東西吃時跟佈置公仔拍照。
我們看了幾間餅店,最後決定到上次買蛋糕給爸爸的那間,買了一個生日蛋糕準備今晚跟grandma慶祝生日。

**晚上在Neway跟grandma慶祝生日**

Posted in We Two

風雲色變

image

上午去買餸,本來打算回家煮飯,但天氣太熱了!回家途中經過一間平時也間中來吃早晚餐的那間餐廳,想也不想便進去了!

出門前兒子拿了這個恐龍公仔,而非他最愛的玩具車。每次選擇帶甚麼玩具出街,他都很有主見,並不是任何車他都可以,今天帶了這個,你以為他就很喜歡這個玩具嗎?才不是呢!明天就不想了!有時候卻又忘記了要帶玩具!

我有時候會提醒他帶,但當他穿好了鞋子之後才說要拿玩具的話,我不會讓他自己選,只會隨意拿一個給他。如果他說不想帶這個,我會:
1) 自己脫下鞋子去拿
2) 沒時間了,你想選自己喜歡帶的玩具,下次就要記得穿鞋子之前就拿出來了!

下午突然行雷閃電!很大聲!簡直有如爆炸般。我拿起電話拍影片,不一會兒就開始下大雨了,天也黑起來!幸好已經買了餸。近來這種情況很常見,最好是襯天晴的時候就去做要做的事!
那時候兒子剛要午睡,他說「好驚」,是真的嗎?

Posted in We Two

不問自取別人的東西來玩

image

可憐的樣子! (>﹏<)
因為犯了「不問自取別人的東西來玩」這過錯,所以被嚴厲處罰!

今天開了茄汁豆做餸,已經很久沒吃了!你好喜歡!不過吃完之後有點扭計說要再吃多些,但已經吃光了!不可能再開一罐,而且吃太多也不好!你很少會這樣,但近來多了這種情況,就是說好了的事情不肯做,或者喜歡的就想要求更多,哭也好鬧也好,你會賴著要求!

Posted in We Two

New toy

image

放學後,從地鐵站走出來,經過對面一間文具玩具店,兒子一如既往,拉著我走去看玩具!
見到一堆掛起來的車只不過是15元,想到之前的星星獎勵計劃已經貼滿了星星,於是決定送一個給他。
我極少會買玩具給兒子的,即使買,也只會選擇一些有教育意義的玩具,所以這次算是破例呢!其實之前好像都有買過玩具車,但不太記得了!年紀大喔…

Posted in 【LIFE】2014, We Two

大口仔@The One

6 July 2014 (Mon)
 20140706_123736
20140706_123756 20140706_12434020140706_124352 20140706_123859  
約了Grandma,當日我也不知道原來 THE ONE 有大口仔!
見到都很有驚喜呢! 好可愛! 很久沒見大口仔啦!!
展覽期大概至9月, 大家不用急著去拍照!
今個暑假,人見人愛的大口仔首次集合眾家庭成員及好友一起衝出日本,參與在The ONE舉行、充滿日本文化及熱鬧氣氛的夏祭。場內特設大型立體燈籠裝置、小食亭及撈金魚場景,讓大家親身感受日本夏祭的歡樂氣氛!
日期:6月29日至8月31日
時間:上午10時至晚上10時
地點:The ONE UG2中庭
之後再去K11!
呢度都熊貓呀!不過超細隻!
(三千隻迷你Iron Panda阿潘達)
20140706_145024
Posted in We Two

Lunch @ McDonald’s

放學去了M記吃午餐! 好像很多天沒吃啦! 反正今天沒準備午餐, 就讓兒子開心一下嘛!!

We went to eat lunch at McDonald’s.
Since I think it’s not healthy, I really don’t always have lunch / dinner there but only sometimes.

Posted in 【LIFE】2014, We Two

Children’s Day

It’s school holiday too. We went to Tsuen Wan to have the piano class.

今日學校假期…所以今個星期都只係返左一日學。
中午同姨婆飲茶, 因阿仔濕疹生到塊面爛哂, 姨婆拎左D cream俾我地。
然後終於去學琴啦! 對上一堂已經係3月10日。

上完堂去公園玩(特別喜歡同D哥哥玩), 又行左陣街!
一見到隻鴨仔就話要同佢影相!! 咁又確係幾吸引小朋友既~

These gifts are for my son! He loves the story book so much and can’t wait to read it!

今日係兒童節, 買左兩樣野俾阿仔。其實都只係買野俾佢既藉口!
本故事書就真係好抵買, 只係$49!
而PUZZLE就想左幾日,出地鐵站阿仔話想去睇果間既玩具, 見到所以買左! ($32) 呢隻係48塊。
本書阿仔都好鐘意, 搭地鐵時已經叫我講佢聽! 我都有講到。呢本書真係唔錯, 有成35個故事, 而且內容都幾好!

後記: 因覺得呢本書實在好岩睇! 有次見到一本FOR 5 YEAR OLDS既就即刻買左, 不過字就多好多! 而且多好多vocabularies! 但之後又冇再見到呢系列既書啦!! 好在有買!

Posted in 【LIFE】2014, We Two

兩日冇返學

旅行回來後呢兩日都冇返學!
尋日就我起身之後仍然係好眼訓, 而且阿仔條褲又未乾!
今日就係因為尋晚失眠!! 連阿仔都係…佢成點鐘有多先訓著, 我就成4點幾5點先訓著呀! 所以, 完全起唔到身, 連鬧鐘響左我都唔知!! 一訓就訓到10點!!

尋日係屋企冇出過街, 只係襯阿仔訓左果陣急急落去買送。
午餐我自己煮左個辛辣麵, 阿仔竟然都食到! 不過我唔主張佢食呢D麵! 幾啖都可以!
而今日就同佢去附近公園玩左陣, 再邊行去交電話費邊睇衫! 買左條OPS! ($35)

Posted in 【開心時刻】2014, We Two

After school & after dinner

今日平時一齊放學果位女同學仔因為病左所以冇返學, 我地就自己去左個噴水池度玩。

希望佢快D好返啦! 唔知聽日上普通話堂返唔返到呢??

另外, 果位同學仔媽咪whatsapp俾我問候阿仔 (之前夾埋三日冇返學), 好感激佢既關心同慰問呀!

Playing at the fountain with classmate.

Picture

另一位同學仔呀!

之後我地去左西九龍中心, 先上9樓奇趣天地玩左陣…um…其實只係去行左陣咋! 冇唱到錢玩呀! 因為我唔知屋企仲有冇coins。而阿仔又好想玩, 後來我諗住去唱錢啦, 點知阿仔要去洗手間, 好似下一層先有, 所以局住走。

Have a walk but didn’t play anything. And have lunch at the food court of Dragon Center.

落到樓下係food court, 順理成章就食飯啦! 點知食完阿仔又要去洗手間 (大!!!) 唯有走人啦! 不過都係下一層「蘋果商場」兜左個圈先走。

 Picture

We went to Dragon Center again after dinner since the time is still early! (we finished our dinner at 8p.m.) Played children’s ball pool, bowling and basketball games!

夜晚食完飯見到只係8點咋! 於是即興成家去多次西九龍中心!! 因為今日完全冇同阿仔玩過, 我想了左呢個心願呀! 結果係去左冒險樂園玩波波池! 仲玩左次bowling同籃球!

Posted in 【LIFE】2014, We Two

借書 Kids book from the library

我同阿仔11點多出門口, 諗住去公園玩, 然後去圖書館。點知落緊毛毛雨, 所以取消去公園, 係附近食個早餐, 再搭巴士去圖書館, 借左幾本阿仔睇既書, 兩本自己睇。


今早用左十幾分鐘玩 Talk Along, 然後講左本故事書。

回程搭巴士時, 阿仔話要睇書, 自己係個袋度拎書添! 我就幫佢拎左本 The Little Red Riding Hood 出黎俾佢睇, 佢叫我講, 我話返屋企先, 但佢好有熱誠咁, 好想我講, 咁我唯有細細聲咁講啦! 睇左一半就要落車。

路過一間餐廳門口有 egg-tart 賣, 佢話要食! 其實平時我地都會買架, 今次我都有諗過買, 點知佢已經主動要求買黎食! 買完仲話要即刻食添! 不過都係返屋企先啦!

返到去, 佢好乖咁自己食完個tart之後我就再同佢講埋個故事, 然後講埋 On the Road 果本。雖然字多, 句子亦深D, 但可能D圖有車啦, 佢都一直聽&睇哂!

再玩多陣, 兩點半就要佢去訓啦! 呢排放假D時間錯哂! 夜到點幾兩點先訓得著, 訓到朝早9-10點幾先起身! 放埋呢兩日, 星期一就返學啦! 想正常返D!

Posted in 【LIFE】2012, We Two

悠悠閒逛 THE ONE

2012年8月25日 (SAT)

又同阿B去街街啦!
今日去左尖沙咀THE ONE。
因為有RILAKKUMA!
媽媽自己都影左D相, 要帶阿B去影先得!

20120825-1

20120825-2

呢度有間LEGO專賣店, 仲有張檯俾小朋友玩LEGO, 都幾好呀! 有機會再帶阿B黎玩先得! 不過, 我更想既係買返副俾佢。

20120825-3

好啦! 黎到6/F caffè HABITŪ (openrice), 門外面有SOFA坐! 岩哂呢個坐唔定既小魔怪!

買左個藍莓芝士蛋糕同一個唔記得咩青豆湯。阿仔只肯食CHEESE CAKE (應該話佢鐘意食先岩!), 個湯可能佢覺得唔好飲。我自己都覺得個湯既味有D唔同…我地好少食呢種味道既野。諗住俾多D唔同口味阿B食, 但佢點都唔肯飲, 唯有放棄, 自己飲哂啦!

20120825-4

之後仲係另一間餐廳度, 呃左人地一個氣球添呢!

20120825-5

Posted in 【LIFE】2012, We Two

沙田行街街

2012年6月30日 (星期六) 

阿仔今朝好早起左身, 7點未夠就要飲奶。

爸爸返工後, 阿仔喊住要跟爸爸, 一邊喊一邊講話「街~街~!」

我諗佢又好想去街啦! 呢個衰豬, 成日都扭去街丫~~

所以冇幾耐我都帶左佢出街, 出門口時落緊微雨。

不過阿仔鐘意去街, 都照同佢去啦!!

20120630-1

其實冇咩頭緒要去邊, 因為帶住阿仔想買野都唔係幾方便。

出去一定搭地鐵, 近丫嘛! 阿仔鐘意行商埸, 想去D出閘就係商埸既地方! 有諗過去旺角新世紀, 但就要轉火車, 唔係好想再轉火車, 所以打算去又一城。

去到九龍塘火車站, 搵緊邊度出口, 阿仔見到火車站月台已經大叫TRAIN, 又企係度唔郁! 好明顯佢好想睇或搭火車! 所以最後都係上左火車, 因為咁岩真係有架車到站!

最後就去左沙田, 阿仔幾開心幾興奮! 成日都唔要我拖! (佢一興奮就係咁架啦) 自己走走走~~~

慢慢行左去一田果邊, 再落地下行左陣, 係間BOOK SHOP (好多教育玩具同書果間, book castle?) 度停留得最耐! 阿仔對果D有得玩既書好有興趣, 不停”禁”。

有幾本ELMO都幾得意, 我真係好想買呀~~~ 不過本本都差不多兩舊水一本, 如果真係要買, 絕對要揀清揀楚! 

之後去買左兩個麵包, 一路行一路俾阿仔食, 點知食食下佢眼訓到要抱, 然後一抱就即刻訓左啦!! 如果搭返火車轉地鐵回家, 咁就要轉三次車…同埋我驚冇位坐….唔通叫醒阿仔? 定係又膽粗粗地問人可唔可以讓座呢? 我選擇左…….都係搭的士啦! 不過80蚊, 係去程時既10倍有多!!! 而家一百蚊對我黎講真係好多, 但係搭車真係我弱項! 慳唔到呀………!!

返到屋企~ 唔~~ 都係1點半左右!