Posted in 【學習】K2

K2下學期功課

image
有加數啦
image
藝術?!

呢個仔,我俾佢笑死啦!明明我去瞓午覺前見到佢做好左上面既配對,我瞓醒起身就見到佢將D線改成咁樣!

但佢好乖仔,係我瞓覺期間做左兩張工作紙,寫左兩行數字。跟住佢入房話「我攰啦!」就開始瞓覺。當時係6點幾!我地去完公園返屋企已經5點啦!沖埋涼食埋野5點幾,即係佢用左一個鐘頭黎做,又冇人睇住佢,叻左呀!陣間起身要讚下佢先得!!

Posted in 【LIFE】2015, Quote

4歲的【我的志願】

前排學校教職業,阿仔話佢大個仔要做警察,態度仲要係好堅決果種!果陣未夠4歲。問佢點解想做警察,佢話因為有槍,可以「砰砰!」…..再問多D佢就話想要捉哂D壞人!

好啦~呢排唔知點解突然改左口,話大個想要做”Cleaner”!冇錯!佢係話要做清潔工果種cleaner….!「因為我做Cleaner做得好囉!」平時佢有幫下手吸塵,唔通因為咁令佢有滿足感所以想做?

又話想要駕駛垃圾車….可能佢呢期對垃圾車最好奇吧….!XD

我並冇刻意去講D關於呢兩種工作既野….因為我唔想破壞佢既「理想」!而且小朋友既諗法成日都會改變!暫時無須太認真!

Posted in 【LIFE】2015

簡單煮

image

前兩日煮左呢個餸,阿仔不停話好食,仲叫我日日都煮呢個餸添!成碗食哂之餘仲稀有地同我講話:「我好鍾意食肉架!」咁識講野,今日再煮多次啦!
果隻其實我都唔知係咩豆,一包包好左咁,係街市買。甘筍,肉碎,炒時加左少少蠔油,就冇再落其他野調味啦!
我唔多識煮野食,亦都唔係成日有心機學,所以有點亂黎。有肉有菜類又有甘筍,都好有營養啦!更難得阿仔鍾意食!Yeah~~

Posted in 【買】Shopping, 【學習】興趣班, 【學習】K2

【網購】淘到靚衫

image

阿仔著住果件紅色背心褸,前排收到,不過未夠凍,著唔到。
呢幾日咁涼,終於可以著啦!

除左條褲係香港買之外,其他包括對襪都係淘返黎!
件褸就簡直冇得頂添!質量唔錯。
其餘既都好OK!

另外,又開始睇小學,係時候為升小作小小準備啦!想佢考D認可性高既證書。
如無意外會報讀Trinity果D,因為Cambridge自學,如果加埋聖三一呢個,或者自己去報考都得!
係屋企附近上果個英文班唔係唔好,不過冇針對任何證書或考試,始終對升小冇乜幫助咁。

學校既興趣班又新一期啦!但阿仔又話唔想讀。
咁算啦!反正星期六好似好多小學有活動,留返空閒時間都好既。
但我會出去報其他,英文既證書其一,另外可能係跳舞,或者drama。