Posted in 【LIFE】2016

【成長】幫手洗碗

上星期,兒子第一次幫忙洗碗。洗完之後他似乎十分滿意自己的表現,自信心滿滿的!之後更多次說過要再幫忙洗碗。

 

Posted in We Two

不問自取別人的東西來玩

image

可憐的樣子! (>﹏<)
因為犯了「不問自取別人的東西來玩」這過錯,所以被嚴厲處罰!

今天開了茄汁豆做餸,已經很久沒吃了!你好喜歡!不過吃完之後有點扭計說要再吃多些,但已經吃光了!不可能再開一罐,而且吃太多也不好!你很少會這樣,但近來多了這種情況,就是說好了的事情不肯做,或者喜歡的就想要求更多,哭也好鬧也好,你會賴著要求!

Posted in 【FTM】心情記事, 【LIFE】2014

早教的暫時結果

由於對某個網站的blog無信心, 所以我將寫在其中的內容全搬過來。

可是最嚴重的問題是, 那邊連 export 都做不到!! 害我要用人手一篇一篇的 copy  paste 過來…. (哭)

剛剛搬到這篇:

對於某報導的感想

現在兒子已經3歲半了, 先寫一篇來 update 一下他的學習情況!

我的宗旨仍然沒有改變…就是, 不會讓他看電視, 除了 Continue reading “早教的暫時結果”

Posted in 【LIFE】2013, Quote

驚訝於兒子所學的…@2歲3個月 (27months)

尋晚訓覺前阿仔又唱歌仔!

今次突然唱”when i was young i listen to the radio…

有時候, 連我呢個做阿媽既, 對佢突然做出既某些行為, 言語等等各樣, 都會大大感到愕然同驚訝!!

雖然呢D野都係我或其他人教, 但有時真係估唔到, 好似呢幾句歌詞, 佢未試過咁樣唱出黎! 原來, 歌詞已經係佢心中了!

正如以前所教既一切, 其實佢係學左, 佢識左啦! 只不過未係時候表現出黎俾你睇。

又好似前晚咁, 同親戚食飯。爸爸唔小心倒瀉左杯野飲係我度, 姨婆坐阿B隔離幫佢抹, 阿仔突然同我講tissue, please, 下???!!

都係果句, 雖然都成日教佢同佢講, 但佢真係會出奇不意地突然間講出黎, 而係一個你冇提點佢既情況下!!

Posted in 【LIFE】2012, Quote

講I LOVE YOU! & 單腳企

今日搭地鐵時, 本來背住我, 突然轉身過黎, 攬住我講左句 “I LOVE YOU!”, 初時都估唔到佢講咩架, 隔左幾秒先諗到! 之後仲要講多句 “攬實”, 真係LUM到爆呀!

頭先阿仔竟然單腳企係自己張飯椅上! 仲要雙手擺下擺下取平衡咁!

從今起, 我地都要習慣下叫阿仔個名啦! 唔可以再叫BB! 大個仔啦!

而且由於阿仔開始會講「俾BB」,「BB玩」等等, 所以更加唔好再叫佢做BB。雖然, 佢係我心目中仍然係好BABY~~~emotion

呢排開始用花灑同阿仔沖涼, 每次都喊到豬仔咁, 今日竟然完全冇喊到! 好開心呀! 終於有進步啦!!

Posted in 【LIFE】2012, Quote

學組句?

OLYMPUS DIGITAL CAMERA

阿仔拎新玩具入黎同我講「玩呢個」。我話好呀! 佢邊爬上床邊說「上黎」。上到黎又話「坐低玩」。這一連串既說話方式, 唔係第一次, 都已經維持左一段時間。其實佢都算係學緊組句了! 是嗎??

另外, 阿仔整親自己, 痛既話佢會話「SORRY!」。不過佢一定係誤會了! 自己整親先SORRY, 佢整親人地又唔會SAY SORRY! 哈哈! 佢攪錯左呢!!

 

Posted in 【LIFE】2012

返學後的表現令人擔心

上星期五阿仔返左一日學, 星期六去大埔禮賢會OPEN DAY, 之後食埋飯先走。

好肯定既係因為返左果日學之後, 阿仔既情況令我非常擔心! 星期六果日好明顯佢連跟開既人都唔肯跟, 係都要叫媽媽, 係咁話「媽媽度」。就連我入個廁所都喊到豬仔咁, 冇人TUM到佢。夜晚訓覺又係咁喊, 明明訓著左, 都會突然間喊, 好似係發惡夢咁! 好可憐! 又係咁叫媽媽, 媽媽度

因每次阿仔喊, 我都會話BB唔好喊, 媽媽係度。有時連爸爸抱佢都唔得, 我一抱佢哄佢就收聲。到尋晚, 星期日, 阿仔仍然係咁發惡夢, 我開始有D滾滾地! 嬲唔係嬲阿仔, 而係嬲間學校! 點解可以令到我個仔咁驚, 變成咁? 親戚都話阿B唔係咁, 痴身左好多, 而且個樣好可憐咁! 我就感覺到阿B既恐懼! 佢真係好怕我行開左就唔再見到我咁……超級缺乏安全感! 正常已經試過咁多次, 佢應該好明白, 媽媽走左, 轉頭(或者係返學既果幾個鐘), 媽媽係會返黎既! 但阿仔既情況係, 佢可能知道, 但仍然連果一陣間既分離都唔能夠接受! 導致到佢而家咁樣。

而尋日上寰宇家庭既活動時, 阿仔一入門口已有D抗拒咁唔想行入去。之前一直都冇試過係咁! 而上堂既時間就同對上果次差不多, 都係周圍走, 冇時停, 最多只會留心果一陣間。其他小朋友都冇咁”活躍!! 佢簡直就好似一隻甩繩馬騮仔咁!! 捉佢埋黎坐又會扭計! 總之, 佢都鐘意係果度玩, 我認為係因為有爸爸媽媽係度, 佢先至可以上堂都玩得開心。

Posted in 【LIFE】2012

識投訴話媽媽鬧!

可能我太急於訓練阿B去廁所同自己食飯啦, 所以因為呢樣而鬧得佢都幾勁! 有時係因為太嬲, 一時忍唔住…有時又因為覺得佢開始大個仔, 明白我講乜, 覺得佢係應該要識, 要記住, 所以鬧佢! 但我知咁樣其實好錯! 佢可能會對呢D野產生恐懼, 更加唔想見到既係因為見我咁樣鬧佢而學左我…我既情緒同表現太激動啦! 而最攪笑既係, 呢兩日我鬧完佢, 由爸爸去接手處理教佢既野時(因爸爸係度會好D, 我唔駛係情緒唔好時仍然要繼續理阿B! 換個人去教佢會好好多!), 佢就同爸爸講「媽媽鬧」! 令當時好嬲既我都忍唔住笑……

Posted in 【LIFE】2012, 【LIFE】生病紀錄

阿仔病了啦!>”<

2012年8月4日 (星期六)

而家阿仔識得眼訓話要「訓覺」!
同時會自己或者拖埋我話”GO GO GO”咁行去張床度!
***因為佢岩岩先咁做完黎! 可能係因為食完藥更加眼訓!***

尋日接返阿仔, 不過佢病左啦! 係咁咳! 今日帶左佢去睇醫生。
係診所, 佢主動叫個(年紀都頗大既)姑娘做姨姨! 入到醫生房又同姑娘玩! 唔知姑娘係咪幫佢執返佢玩緊個樽之後, 仲同人SAY “THANK YOU”! 叻叻豬…

Posted in 【LIFE】2012

發展情況:英文, 食飯, 去廁所

1Y7M – 一歲七個月

阿仔近日講既英文開始有尾音啦! 例如 CAT 有T音, YES 有S音!
另外, 教左好耐既GOOD MORNING, 佢開始起身時主動同我講啦!
仲有GOOD NIGHT, 不過相對較少。

而”THANK YOU”, “唔該哂” (阿仔係會加個”哂”字!! 好好笑!)
有一兩次都記得同主動講! 希望之後都記得多D啦!!

而近兩個星期左右, 佢亦都開始多左自己拎D書出黎睇!
至於LOOK卡就少左, 應該係因為我少左拎出黎同佢玩…我真係衰呀….
但係部Leap Pad 呢, 佢就好主動咁成日叫人同佢玩!
開下關下咁, 都係因為佢鐘意按d制….不過都有點本書既, 未聽完就點來點去囉!

食飯方面, 仲未識自己食! 佢肯學肯試, 但只係開頭果一陣間, 轉頭就唔試。
日頭我同佢既時候, 我會開頭果幾啖捉住佢隻手同佢一齊食, 但之後我會放手由佢自己食, 食就食, 唔食就到咁上下時間收左佢。阿仔通常都係我唔幫佢既時候就唔肯自己食, 跟住就喊! 喊到我收野同俾佢出黎為止。
但之後佢當然會好快又餓啦! 我就會俾生果佢食, 直至到晚飯一齊食。

去廁所方面, 小便都係未得! 開大就退左步! 之前都有試過開大前出聲, 趕我切坐低, 但自從果次之後一日, 去左姨婆度之後返黎就忘記左咁!! 連all左之後都冇出聲!! 跟住咪又話佢啦! 佢就開始講返, 但仍然係遲左講。
尋日買左幾條學習訓練褲仔俾佢, 希望訓練到佢小便啦!

目標係8月份之內能夠成功咁訓練到佢去廁所小便!! 大便既就要繼續努力!

Posted in 【LIFE】2012

第一次係BB坐廁上去便便

2012年7月1日 ~~ 係阿B第一次係BB坐廁上去便便既日子!

當時阿B突然間話:「ALL屎!」我就問佢一句:「係唔係要ALL屎呀?」佢答我話係, 於是即刻除佢條褲拉佢去佢個坐廁度ALL!

一除褲就見到都ALL左一大堆, 不過都要坐落去ALL架啦~~ 要俾佢知道ALL都係呢度ALL。

之後呢幾日都係一樣, 阿仔會突然間話ALL S, 咁我都係會拉佢去坐廁所。好似尋日咁就最成功啦! 雖然都係ALL左係條片度, 不過都有一半係廁所度。

而 今日, 阿仔好似有D玩野成份!! 同佢出左街, 佢又話ALL S, 唔知係咪「形住」, 我都好似聞到D味, 點知返到屋企望, 原來係冇囉! 之後食左D野, 佢又話ALL, C同尿都有講過! 但去到廁所坐左好耐都冇!! 到有次我做緊其他野佢又話ALL, 我都唔知信唔信佢好啦! 而且我都唔得閒!! 但呢次竟然係真!! 好似狼來了咁~_~!!

俾阿仔激C左啦~~~~! emotion

 

其實呢~ 之前阿B係姨婆婆度都試過話ALL, 然後真係坐左係大人廁所度ALL左。

唔知佢幾時可以真係學識呢….??

Posted in 【LIFE】2012

剛剛識講既短句

阿仔識講GOOD NIGHT了!! 仲要講得幾正架! 我好早已經開始晚晚同佢講GOOD NIGHT, 真開心阿仔到左快歲半前就識講了! 希望再識埋GOOD MORNING啦!!

又識叫”DADDY”! 唔係爸爸, 係DADDY!! 叫得好攪笑!!

亦已識最少至20既英文, 因為一路同佢數, 佢TWENTY都識接落去!

而近來亦開始教佢星期幾, 同埋月份。

一個星期前左右, 阿仔訓訓下突然彈左起身, 手做埋動作咁講左合字”TALL”, 跟住又訓返!! 好好笑!

不過果下突然覺得…阿仔咁樣好似好可憐咁?? 連訓覺, 定係發夢, 都諗住學習既野….

但係, 小朋友白紙一張, 你俾咩佢就接收乜野, 佢習慣左既野, 其實對佢黎講唔係一件慘事或者係辛苦事吧? 而且佢都好喜歡學習! 教佢一樣野, 佢除左好快就學到記到之外(當然有時都會之後唔記得左), 亦都明顯見到佢真係好想學!

例如, 過馬路咁, RED IS STOP, GREEN IS GO。佢而家每次見到紅綠燈都會叫”RED”或者”GREEN”, 仲有車呀, 貨車呀, 的士呀等等~~ 總之叫到你要應佢為止!! 唔係就會一路講果樣野! 甚至佢會拍下你, 叫你, 你應佢之後, 佢就再講果樣野!

顏色果方面阿仔好似比較弱, 問親佢咩色都好似亂答咁, 講開RED, 就問親佢都答RED…而家就係咁, 問佢咩色一定係答你RED!! 顏色分組, 佢又好似唔識咁, 唔肯分或者分錯哂…其實我有D擔心呀…

Posted in 【LIFE】2012

2012年5月總結

呢個月以黎, 阿B有好大既進步, 例如突然間識讀APPLE, 又發覺原來佢好多個英文字都記得! 指住個字, 然後阿B識讀出黎果下既感覺真係好奇妙呀! 好得意! 個心又好安慰! 不枉我”無時無刻”都教佢野!

最SURPRISE果下係, 前兩日我先後寫出C,A,T, 阿B當然識呢D字母, 但最驚喜既係, 佢識讀 “CAT”!!跟住我又寫D,O,G, 佢又識讀係DOG!!! 開心到我彈起呀!!!

有D字卡, 佢簡直就如同教材錄影中既小朋友咁, 識讀D字! 果種感覺真係難以言喻!!

好可惜, 自己既英文唔叻, 唔能夠再教更多俾阿B, 但我仍然會繼續努力, 盡量將自己識既野同阿B講多D, 教佢多D!

而家阿B亦開始發幾個音, 例如UMBRELLA, 同埋佢一直都好鐘意講既”CAR”, “ON ROAD” (the car is on the road), 好攪笑架! 聽到佢有努力學習呢!

尋日又突然叫我”媽媽”, 但佢既音真係好特別…好似D日本人叫媽媽果種音呢! 即係類似”媽麻”。

一直以黎佢叫我都叫到好似”馬+晚”音咁, 有時喊既時候叫我都會重覆叫媽媽媽媽。

同埋佢其實都幾多野講, 又好鐘意跟人講野。我有時同佢係屋企, 我講乜佢就跟住我講乜, 好好笑, 對住阿仔真係好開心, 而且慢慢一日一日咁見住佢識既野愈來愈多, 亦都非常非常開心同滿足!!

BB~ I LOVE YOU!!!

睇書話中國人唔會常將我愛你講出口, 我諗我對住阿仔唔會!! 我而家都經常對住佢講MAMA love you so much!! 同埋I LOVE YOU MAX!!

另外, 閃卡已經好少玩了! 當然呢排我冇返工又開始同佢玩返, 不過都係唔多記錄每日玩, 總之記得既時候我就會同佢玩啦! 即使有冇成效都好, 我都相信會有一定用處既!!

Posted in 【LIFE】2011

2011年BOXING DAY

2011年12月26日 (星期一)

阿仔病了! 發燒。

可能尋晚已經有D唔舒服, 怪不得成晚都好扭計! 不過感覺到佢好熱好慶時係今朝早。

食左4次藥了! 都係燒完又起! 都唔知駛唔駛帶佢去睇醫生, 因我記得上次佢發燒都係咁, 總之食完藥會退一陣, 但兩三個鐘左右又好燒!

阿仔病, 心都痛!

雖然唔舒服, 但我今朝同佢玩果架學步車, 本來係佢後面扶住架車同佢一齊行, 後來我放左手佢終於都識得推住架車黎行啦!!

點解我之前咁蠢一直都冇用咁既方法呢!! 唉!! 又浪費左咁多時間…

阿仔到今日都係未識行啊…..

下午我地去左新都城同阿仔影相, 行左唔係好耐就返屋企啦!

Posted in 【LIFE】2011, 【學習】興趣班

第二堂PG

2011年11月26日 (星期六)

第二次上PLAYGROUP

點解隔左一個星期先上? 因為媽媽話阿仔仲係細, 仲未知發生緊乜事咁, 所以分隔耐少少先上一堂會好D喎~!!

不過今天上堂同上次好唔同呀! 阿仔真係大個左啊~!

首先係一開始既時候, 阿仔已經望住MISS, 同埋留意到其他人。佢就眼定定咁望住MISS, 後來仲開始跟住拍手添! 雖然係遲左…因為人地拍完做第二D動作佢先拍! 哈哈!

埋去張檯度坐時又幾乖咁坐定, 不過對手就係咁拍檯! 有兩個BB都跟住拍! MISS教生字佢都好留心咁望! 真叻叻! 之後用CRAYON填色, 阿仔覺得好得意, 係咁笑!!

撈波波時冇上次咁好笑, 但手仔叻左, 拿個SPOON (打邊爐用果D!!) 拿得好左! 但當然都係我扶住佢隻手啦….

不過之後講故事時就分哂心啦! 可能因為其他BB都係咁玩同周圍爬, 所以阿仔又周圍走動~~ 要去捉佢!!

最後吹泡泡佢眼定定咁望住, 又用手去摸!

同上次好唔同, 上次真係好似完全唔知發生緊乜野事咁! 但今次佢開始留意到成班人做既野都係一致。

下次上堂就已經係三星期後啦! 經過今日上堂, 又覺得其實可以上返密DD, 兩星期一次都OK!

Posted in 【LIFE】2011

學識拍肚仔

前晚食哂D藥, 但喉嚨仍然有啖, 好驚傳染俾阿仔, 所以尋日朝早再睇醫生。

爸爸話呢個醫生D藥勁D, 但係我食左幾次啦~ 反而覺得D藥好無力!

早幾日教BB如果肚餓就用手拍肚仔, 阿仔真係學野好快, 一教就即刻識! 係咁拍, 有時仲用兩隻手一齊拍添! 真係俾佢笑死!! 打後呢幾日佢都係咁! 但佢就唔知道拍肚仔代表咩囉…又或者佢係未明白咩係肚餓….不過佢會一連串, 做佢所識既動作, 即係拍手+飛吻+拍肚仔! 好攪笑!!

Posted in 【LIFE】2011

會叫我們了

前晚開始, 我覺得阿仔開始識真係叫我地啦!

佢有好幾次, 爬過來望住我, 講左個同媽字好似既音, 又走去爸爸度同爸爸講左個好似爸字既音!

打後呢兩日佢都係咁, 好似今日一起身佢就望住我, 因為我病緊,又冇戴口罩, 我完全唔敢開口同佢講野, 但阿仔反而同我講野先…佢發既音係….媽!!!

Posted in 【迪士尼美語學習】World Family, 【LIFE】2011

會自己拍手和飛吻了

2011-10-20 (四)

今天BB學懂了自己拍手啊! 開心極了! 他自己都知道自己學懂了! 而且不斷重覆地拍手! 愈拍愈好呢~!! 而且愈拍愈大聲!! emotion

同時間亦肯自己做「飛吻」這個動作! 真係驚喜啊! 已經很早之前就開始教他, 終於都做到出來了!

說”CLAP YOUR HANDS”, 他就會立即拍手! 反應真快! 說”BLOW A KISS”, 也懂得將手掌放在咀前面, 不過還是一副很想咬手指的樣子, 手掌放上面後良久都不願離開!! 所以這個飛吻的動作還不知道算不算已經懂了呢!!

至於拜拜和HELLO, 仍然未會做。

Posted in 【LIFE】2011

4個月針

今日去健康院打針。

係樓下食早餐, 由於已經11點幾, 阿b要飲奶了! 又趕住11點半前既早餐, 所以就沖左支奶, 拎落去餐廳度餵。(估唔到只係落樓下都要拎埋出街餵)

BB重6.99kg (約15.5磅), 頭圍係43.5cm, 但冇度到身長! 好想知呀!!!

今次打既針同上次一樣喎~ 其實我都唔係好記得上次打既係乜, 印象中係有咩4合1。但我一定記得阿B打完針既反應…喊到收唔到聲! 而今次打第一支時佢喊, 不過幾秒就收聲。第二支就比第一支喊得早D! 而且喊耐左! 但冇上次喊咁耐, 而且可算係喊得短時間! 不過出返大堂時, 佢雖然收左聲, 但係仲有扁咀! 好可憐呀!!

尋晚開始阿B又抓對腳, 個膝頭哥又爛哂啦!!! 唉….真係要去睇人地介紹果個醫生啦….再係咁真係唔掂! 可憐既BB已經受左成3個月既皮膚痛苦啦………….

Posted in 【LIFE】2011

出牙?

呢幾日PAPA發現BB D牙肉腫腫地, 仲有D硬, 懷疑就黎出牙仔!! 如果真係咪好得意??!! 不過我又覺得得果3個月人仔就出牙, 會唔會有可能呢?? 上網睇過一D出牙既徵狀, 又有幾分相似喎! 想像阿B出牙仔個樣, 就覺得好得意啦!! 再諗大D, 諗埋阿B好似其他小朋友咁大個既時候, 識行識走, 仲更加得意!!
而家已經得意成咁, 到時咪仲得了???

不過咁…其實呢排我對阿B既感覺…好似衰左D! 可能係因為佢前排飲奶飲得少左, 跟住就開始容易發脾氣, 或者係…容易煩躁! 令到我都感到好煩躁!! 有時真係忍唔住…我都有D嬲!

不過阿B咁細個, 我又有乜可能嬲佢呢? 有時佢真係喊得好可憐架! 就算明知佢係扭抱, 咁佢都唔知道咁做係唔好架嘛!

呢幾日開始同BB玩拉住兩隻手坐起身,
佢竟然嫌坐起身都未夠, 仲未雙腳用力企埋起身添!!
真係俾BB笑死呀!! 好勝B!!

Posted in 【LIFE】2011, 【LIFE】生病紀錄

兩個月針, 發燒

BB昨天到健康院打針, 一次過要打兩支針! 左右邊的大腿各一支。

我抱著BB, 姑娘一打第一支, BB已經嚎哭了! 但也不及第二支針慘!!
當時姑娘已經告訴了我, 第二支針會比較痛的, 我看BB的反應已經知道真的很痛…….哭得比第一支針大聲! 而且更更淒慘!! 臉色也特別紅特別深色!!

記得上一次滿月時打的針, 雖然你有哭, 但只是打針時哭了幾秒, 之後已經不再哭了!

而今次, 我有點懷疑BB你是否有點屬於詐驕而哭呢? 但我相信第二支針你真的很痛。無論你是很痛還是詐驕, 媽媽都一樣會把你抱緊和哄你的啦!

在健康院量度的:
頭圍: 40 cm
身長: 58 cm
體重: 5.65 kg (接近13磅)

BB晚上發燒了!!
不過你很乖啊! 沒有怎麼因為不適而哭!
你爸爸打算帶你去看醫生…
不過最後還是貼了退熱貼, 吃了未滿月時那些退燒藥 (爸爸問過人是可以吃的), 睡一會後就退燒了! 不過到今天下午還是有一點燒。

Posted in 【LIFE】2011

身高和體重

現時 vs 出世時
體重約13磅 / 6kg vs 6.38磅 / 2.895kg
身高約61cm vs 49cm
頭圍約41cm vs 35.5cm

參照健康院給我們的那本”針卡”, 入面有寶寶生長圖表。無論是哪一項, BB都比標準的快了一條線, 甚至兩條線!!

如頭圍, 本來他的成長線至2個月時是40cm, 他現在是41cm。
體重, 本應約5.2kg, 現在6kg。
身長, 本應約55.5cm, 現在61cm。

不過, 這些都是我們自己量度的, 所以可能會不十分準確!
明天會到健康院打針, 到時候就有準確的數字了!

BB 你今天飲奶的情況依然不太好! 真的是厭奶? 這麼快?