Posted in 【Rex】成長記錄, Montessori & Homeschooling

【在家學習】(28m20d) 剝雞蛋殼

沒有刻意在家給他玩 messy play / sensory activity,只在公園讓他走到草地那邊玩泥沙。

去完公園就帶他去買麵包 (我一說要走啦,他就說:「包包」)。

入到麵包店,他第一時間走去拿夾子,想自己夾麵包?我沒有讓他夾,但在前往付款時,讓他雙手捧著托盤,走了幾步到收銀處。很成功功呢!當然我在旁邊緊張地「磅住」……

買完麵包去 supermarket。由於比平時晚了回家,就直接取消 naptime。

拿了個煮好的雞蛋給他剝殼,這是我早幾日前已經想讓他做,終於今日做了!

想不到這個小朋友竟然可以自己把雞蛋殼全剝掉了!我教的,就只是在一開始給他雞蛋時,示範了兩秒,然後他就全神貫注地剝啦!

最有趣的是一剝完殼就跟我說:「食㗎!」(意思是他要吃),我想說這是留來做晚餐的,但見他很想吃的樣子,而且,也不是大問題,就隨他的意思讓他吃吧!

這樣會不會比較有「立刻體會」的效果?常說發生甚麼事都要立即回應或跟孩子說,否則過後未必記得而且無意義了。剝完殼立即有雞蛋吃也算是吧?🤭

Posted in 【LIFE】2016, 【學習】

【義工】救世軍義賣曲奇, 每盒二十蚊…..(很好的體驗)

2016年4月24日 (星期日)

今日我們一家做了一件很有意義的事,參加了由救世軍主辦的「錫錫媽媽曲奇義賣」活動。

大概是早一個月之前,在 facebook 見到救世軍的廣告,就是為這個活動招募義工。我便毫不猶豫地 click 入去報名了。

因為可以讓只有五歲的小朋友做的義工好像不多,或者是我自己找不到。雖然一直都好想跟兒子一起做義工,奈何很多的義工工作都是賣旗。今次好特別,不是賣旗,而是賣曲奇!而且有星期六或日可以選擇!那當然就選星期日啦!爸爸都可以一起參與。

line16

【三個要支持「錫錫媽媽曲奇義賣」的理由】

1. 每一盒曲奇均由復康人士用心烘焙和包裝
2. 街頭義賣由親子義工全程主領
3. 善款支持媽媽照顧有特殊需要孩子

一連三個週末,當在街角遇上「錫錫媽媽曲奇義賣」義工隊,請停下步伐,以心回應。

「錫錫媽媽曲奇義賣」
日期:4月23-24日、4月30日及5月7日
時間:下午1時至5時半
地點:佐敦、尖沙咀、沙田、大圍及銅鑼灣 (詳情:http://bit.ly/22PbTGC)

查詢:2783-2333

(資料來源: facebook)

Continue reading “【義工】救世軍義賣曲奇, 每盒二十蚊…..(很好的體驗)”

Posted in 【LIFE】2015

【洗牙】太子道西長榮大廈

早前決定要在暑假期間帶兒子去洗牙,今日終於完了這個心願啦!

太子思傑牙科醫療集團小朋友第一次洗牙

舊年我自己就跟朋友去左尖沙咀洗牙, 呢次想阿仔去洗, 又唔想去到咁遠。由於呢區我地都唔係咁熟, 唯有自己上網搵資料啦!

睇左一陣, 唔係咁多人講關於洗牙或牙醫既野(除左箍牙),雖然有討論區有人留言講邊個好,但係地點唔岩。

Continue reading “【洗牙】太子道西長榮大廈”

Posted in 【開心時刻】2015, 【每日】學習內容

沙田 快拍Minions

image

晚上到沙田逛了一會。

原本想帶他去玩具反斗城,但兒子沒午睡,吃完飯已9點多,還是回家休息吧!
好想拍minions,下次要再來!!

每日學習內容:
1)早上做了幾頁練習。
2)第一次跟兒子玩「接龍」,有些詞語真是意想不到!當他接完之後都忍不住要拍手讚賞他!例如我說「會議」,他說「耳朵」,又如他說「奮力」,「暴力」,「彩虹」等等。當然還有很多不懂的詞語,也有說錯了的時候,如口語化的字,但真的比想像中懂得的多呢!

Posted in 【LIFE】2014

自己用KEY開大廈地閘和家門

今早去飲茶, 回家時交由兒子用鎖匙開門。
約一兩個星期前開始教他, 大概試過幾次!
希望他可以多做, 熟練一下怎麼用鎖匙開門吧!
除了這個目的, 也是為了訓練一下他的肌肉 (不知道屬大或小肌肉! 反正都是一種練習)。
拍了VIDEO, 遲些補上。

明天便開學了! 好像沒有怎麼去準備!

Posted in 【開心時刻】2014

第一次到戲院看戲

image

星期四
今日是值得記錄的特別日子,是兒子第一次到戲院看電影!
因為爸爸放假,所以早上起來就上網訂票。大約10點多便出發,到Mega Box吃早餐,然後去看11點45分的電影:Planes 2
兒子好興奮!相信對於這麼大的螢幕大開眼界吧!邊看也間中邊說話,不過算很少了!而且比想像中乖很多,完全沒有扭計。雖然後來有說想要回家,但仍很乖地把電影看完。非常抵讚!

Posted in 【開心時刻】2014, 【LIFE】2014

Strawberry Picking Day 第一次去摘士多啤梨

2014年初四 (Lunar New Year)

去左錦田鄉村俱樂部玩! 主要係去摘士多啤梨! 阿仔第一次摘呀! 出發前同佢講左, 佢就係咁問係咪到啦? 係咪去摘士多啤梨啦! 可見佢都好期待呢!!

We went to Kam Tin and picked strawberries! This is Max’s first try! He was sooo excited and had so much fun! Continue reading “Strawberry Picking Day 第一次去摘士多啤梨”

Posted in 【LIFE】2012

上幼兒園第一天

2012年9月3日 (星期一)

今日係阿B第一日返學。由爸爸媽媽一齊送佢返學。一早6點就起左身啦! 俾阿B嘈醒左!
7點40分左右出門口。

去到學校門口, 只係影左幾張相。跟住有個MISS就走埋黎問我想而家俾阿仔入去, 定係等一陣先。佢話因為校車乎返到, 課室就會得佢同另一個同學仔。咁我諗住少人D俾阿仔入去, 等佢容易適應D, 所以就話而家入啦。隨即, 好快, 就由普通話老師抱左阿仔走啦! 阿仔當然即喊啦! 但果一刻我真係全未有心理準備! 連同阿仔講幾句都未講…即係講D令佢安心點放心點既說話。例如, 媽媽一陣返黎接返你。

第一日返一個鐘。我地去左T.L.飲茶。飲完, 過左時, 差不多1小時45分先去接返佢。
班主任似有少少怨言, 話太耐了! 阿仔一直都有喊。

Posted in 【LIFE】2012

第一次係BB坐廁上去便便

2012年7月1日 ~~ 係阿B第一次係BB坐廁上去便便既日子!

當時阿B突然間話:「ALL屎!」我就問佢一句:「係唔係要ALL屎呀?」佢答我話係, 於是即刻除佢條褲拉佢去佢個坐廁度ALL!

一除褲就見到都ALL左一大堆, 不過都要坐落去ALL架啦~~ 要俾佢知道ALL都係呢度ALL。

之後呢幾日都係一樣, 阿仔會突然間話ALL S, 咁我都係會拉佢去坐廁所。好似尋日咁就最成功啦! 雖然都係ALL左係條片度, 不過都有一半係廁所度。

而 今日, 阿仔好似有D玩野成份!! 同佢出左街, 佢又話ALL S, 唔知係咪「形住」, 我都好似聞到D味, 點知返到屋企望, 原來係冇囉! 之後食左D野, 佢又話ALL, C同尿都有講過! 但去到廁所坐左好耐都冇!! 到有次我做緊其他野佢又話ALL, 我都唔知信唔信佢好啦! 而且我都唔得閒!! 但呢次竟然係真!! 好似狼來了咁~_~!!

俾阿仔激C左啦~~~~! emotion

 

其實呢~ 之前阿B係姨婆婆度都試過話ALL, 然後真係坐左係大人廁所度ALL左。

唔知佢幾時可以真係學識呢….??

Posted in 【迪士尼美語學習】World Family, 【LIFE】2011

會自己拍手和飛吻了

2011-10-20 (四)

今天BB學懂了自己拍手啊! 開心極了! 他自己都知道自己學懂了! 而且不斷重覆地拍手! 愈拍愈好呢~!! 而且愈拍愈大聲!! emotion

同時間亦肯自己做「飛吻」這個動作! 真係驚喜啊! 已經很早之前就開始教他, 終於都做到出來了!

說”CLAP YOUR HANDS”, 他就會立即拍手! 反應真快! 說”BLOW A KISS”, 也懂得將手掌放在咀前面, 不過還是一副很想咬手指的樣子, 手掌放上面後良久都不願離開!! 所以這個飛吻的動作還不知道算不算已經懂了呢!!

至於拜拜和HELLO, 仍然未會做。