Posted in 精油, 護膚品

【精油功效】對乾燥皮膚最好的9大精油

  1. Chamomile (洋甘菊精油) – 具有超強的舒緩、滋養和鎮定作用。
    適合乾燥和敏感皮膚。
    個人感覺: 陣味開頭唔慣會覺得唔係咁好聞, 不過聞得多就覺得好正, 好療愈。
  2. Frankincense (乳香精油) – 古埃及人用這種精油來保養皮膚,甚至用於木乃伊!被廣泛認為能促進細胞再生,甚至使膚色均勻。
    非常適合:細胞再生,甚至改善膚色。
    個人感覺: 一樣, 陣味唔討好, 但係會愈來愈可以接受, 但都唔係好聞。
  3. Rose (玫瑰精油) – Rose oil is brilliant for skin care!
    玫瑰的美麗香氣,非常女性化。玫瑰精油具有舒緩、鎮定和平衡的作用。經常跟乳香和天竺葵混合作為護膚品,以平衡皮膚。
    好處:舒緩和鎮定肌膚
    個人感覺: 咁貴, 一定好啦!哈!氣味濃郁…..
  4. Geranium (天竺葵精油) – 完美的平衡劑。
    天竺葵精油可以平衡皮膚,荷爾蒙和人們的情緒。
    略帶澀味,並能調整膚色。具有抗炎作用,可舒緩皮膚並減少泛紅。
    非常適合:平衡和調整膚色
    個人感覺: 陣味都係濃同感覺成熟, 唔係我杯茶。
  5. Lavender (薰衣草精油) – 另一個平衡身體,心靈和皮膚的平衡劑。
    薰衣草精油極度鎮定和舒緩。
    好處:鎮定和舒緩皮膚,身體和頭腦。
    個人感覺: 愈聞愈愛, 明白點解咁多人鐘意, 真係會慢慢地愛上…
  6. Myrrh (沒藥精油) – 一種神奇的抗衰老精油。
    沒藥精油具有保護作用,抗氧化的特性,可以幫助防止紫外線傷害,同時減少細紋和皺紋,並支撐年輕肌膚,也用於改善疤痕。
    好處:抗衰老,可以抵禦紫外線。
    個人感覺: 冇乜感覺, 唔算係好聞。
  7. Sandalwood (檀香精油) – 一種對我們的皮膚和心靈極為鎮靜的精油 (an extremely calming oil for our skin and our minds)
    檀香油非常適合乾燥,受刺激和發炎的皮膚。
    適用於:乾燥,受刺激和發炎的皮膚。
    個人感覺: 正正正!
  8. Helichrysum (蠟菊精油) – 以其潛在的抗衰老和減少疤痕的功效而聞名。
    蠟菊精油對皮膚非常保濕。還有潛在的好處,可以幫助阻止紫外線對皮膚的傷害。
    適用於:抗衰老和減少疤痕的出現
    個人感覺: 未用過, 因為好貴, 或者遲D先買黎試下。
  9. Carrot seed (胡蘿蔔籽精油) – 胡蘿蔔籽精油算是一種 carrier oil 多過屬於精油。
    胡蘿蔔籽精油具有奇妙的顏色,可為我們的皮膚提供健康的光澤,並且對皮膚非常保濕。
    理想選擇:以自然色調潤澤肌膚
    個人感覺: 好大陣味, 開頭聞OK, 但用在皮膚上就有D難接受, 氣味實在太強烈。

參考網址

Posted in 【精油。芳療】, 【英國】生活篇 (2021)

【精油 DIY】驅蚊(蟲)膏 – 盒裝方便攜帶

轉眼間,2021年已經過左4個月,好快就開始步入夏天啦!

黎到呢邊未夠一年,天氣既變化仲未完全體驗哂。由一開始(10月)到埗時覺得好凍,到12月至2月時真真正正既凍!直到而家所謂既春天,冇錯好似回暖,但係氣溫依然由零至12度左右不等。只不過係因為一來日照時間長左,二來個太陽曬得耐左,又唔知點解個太陽好似特別熱咁!如果冇出去,有時係屋企都真係要換短袖衫褲,連我咁怕凍既人都會換!(不過涼返少少就要換返長袖!)

周圍d花花草草樹木都好似由沉睡中起返哂身!明明出面棵樹黎到果時一塊葉都冇,到而家竟然開哂花!!

雖然未見有好多蚊蟲(但開始有螞蟻),不過做定準備都係有需要!所以今次整既係驅蚊(蟲)膏。

Continue reading “【精油 DIY】驅蚊(蟲)膏 – 盒裝方便攜帶”
Posted in 【精油。芳療】, 【英國】生活篇 (2021)

【精油 DIY】乳木果油+椰子油乳霜 (小朋友可用)

喺英國有時都好得閒㗎!雖然話冇工人乜都要一腳踢,但係時間點都係有嘅!

呢排就開始學吓自己整 Lotion / Cream 啦!因為對精油 (Essential Oil) 有興趣,愈睇就愈想自己整嚟用!之前都為咗兩個仔嘅健康而學整嘢食,其實用喺皮膚上嘅嘢都一樣要注意吓,冇咁多化學嘢一定係件好事丫。🤣

第一次整就緊係搵啲簡單啲啦!如果你係新手就更加啱哂。呢個乳霜未必係最完美或最適合你,不過如果想加入呢個 DIY 行列嘅話,都可以話係入門同必試。而且我打算之後都會繼續試吓整其他唔同嘅 Lotion / Cream,有興趣記得 follow 我個 blog 呀!或者 Facebook Page,不過就好少 update,like 咗都叫做搵得返丫!😅

其實自己整乳霜係一啲都唔難,可以話超簡單!最緊要係買到啲材料。唔知點解硬係覺得喺香港係難買啲,呢度可能慣咗樣樣上網買,所以只要 search 吓就好輕易就搵到,而事實上呢邊嘅選擇就好似多D。

我呢次所有材料都喺 Amazon 買。

首先第一種材料就係乳木果油。(Shea Butter) 我係買呢隻:連結 Link

材料1:乳木果油(SHEA BUTTER)

好多 DIY Lotion / Cream 都會用到佢,睇返原來係因為……

一來佢係純天然嘅植物油脂,非常溫和唔刺激,連敏感皮膚都用得,BB同孕婦都可以安心用。

二來佢嘅油脂可以做到深層滋潤,防止皮膚乾燥爆裂,又好容易被皮膚吸收,仲可以喺皮膚表面形成一層保護膜,洗都唔係咁容易就洗得甩。

三來佢含有天然嘅抗氧化成份,同埋維他命 A, D, E, F 等等,促進表皮細胞再生!幫助延緩肌膚老化。

總之要保濕又要 homemade,好大機會都會用到佢。

Continue reading “【精油 DIY】乳木果油+椰子油乳霜 (小朋友可用)”