Posted in 【Rex】成長記錄

Rex’s Diary 《4m13d》加固

Rex 的食量一向驚人,是那種一次吃不多,但很快肚餓又要食。

最近媽媽谷開始多人 share bb 加固, 我就買了一個濾網來將食物壓蓉。以前不懂這個方法, 只知道用攪拌機, 原來用濾網這樣壓蓉都好ok啊!

昨天飲飽飽後又很快餓, 因為時間未夠, 差太多了!就想 : 不如就讓他試試啦!正好家裡有香蕉, 也沒有想太多就弄給他吃。

Nuby 購自 amazon

一開始他對匙羹完全無興趣, 連送到他嘴邊都不為所動!唯有用少許力放入他口裡。吃了兩三啖後就開始超級喜歡, 還追著吃呢!

他吃得不錯, 懂得含著匙羹合起嘴巴, 也懂得“莓莓吓”。即使如此, 我也不敢給太多, 只有很少很少的份量, 大概只有5份1匙!始終第一次試嘛!而且我覺得第一次加固就吃香蕉可能不太好, 所以就那一點點便足夠。

到今早雖然匙羹不同了, 但可能認得這類東西, 立即就顯出很想吃的樣子, 哈哈!今次吃了大半匙左右。

Posted in 【LIFE】2011

4個月多D, 識轉身! 危險了!

尋晚, BB突然間自己轉身! 超興奮!! 真係出奇不意!

baby05.gif其實呢排阿B都成日半轉身架啦! 佢發脾氣就會轉向自己既右手邊, 食住隻手咁! 其實只要佢用多少少力, 隻手就一就, 就會轉到! 估唔到尋晚佢突然間轉左!! 即刻拎部DV出黎想拍低佢, 但係拍唔到了!

之後阿B都仲有轉呀! 不過都係拍唔到…

到今日, 佢自己轉身好多次啦! 好勁呀!! 仲要轉完背向天, 又轉返做面向天!! 不過同時間危機感就到啦!! 佢咁樣轉法好危險呢~~ 真係要時刻睇住佢了…放佢係張床度都可以轉左身!!

好似頭先咁, 佢扭眼訓, 所以係咁轉~轉~轉~ 轉到背向天時又係咁喊, 唔想郁咁, 成塊面訓係床度, 太危險了! 所以要轉左佢個身向天!

最後都係要係隔離拍住佢暗佢訓….如果由佢自己扭下扭下咁訓著既話就唔得啦~~! 一定又係咁轉..!

Posted in 【LIFE】2011

4個月針

今日去健康院打針。

係樓下食早餐, 由於已經11點幾, 阿b要飲奶了! 又趕住11點半前既早餐, 所以就沖左支奶, 拎落去餐廳度餵。(估唔到只係落樓下都要拎埋出街餵)

BB重6.99kg (約15.5磅), 頭圍係43.5cm, 但冇度到身長! 好想知呀!!!

今次打既針同上次一樣喎~ 其實我都唔係好記得上次打既係乜, 印象中係有咩4合1。但我一定記得阿B打完針既反應…喊到收唔到聲! 而今次打第一支時佢喊, 不過幾秒就收聲。第二支就比第一支喊得早D! 而且喊耐左! 但冇上次喊咁耐, 而且可算係喊得短時間! 不過出返大堂時, 佢雖然收左聲, 但係仲有扁咀! 好可憐呀!!

尋晚開始阿B又抓對腳, 個膝頭哥又爛哂啦!!! 唉….真係要去睇人地介紹果個醫生啦….再係咁真係唔掂! 可憐既BB已經受左成3個月既皮膚痛苦啦………….