Posted in 【Baby Food】

【11個月】BLW 午餐。薯蓉、班戟、漢堡

整一個餐要用嘅時間係 1 hour +

因為我會盡量用多種食材去整,所以看似簡單嘅一樣食物,需要嘅時間其實唔少!

今日午餐:
1) 芝士西蘭花紅扁豆焗薯蓉 (西蘭花同薯仔蒸熟,加埋芝士同紅扁豆,用攪拌機打蓉,150度焗咗15分鐘)
2) 南瓜肉桂蘋果燕麥Pancake (約1.5tbsp南瓜, 小半個細蘋果, 2tbsp燕麥, 1.5隻蛋, 3tbsp低粉)
3) 洋蔥蘋果牛肉漢堡 (200度焗20分鐘)

個薯蓉本來係想焗到硬身啲!可以切開俾佢拎住食,但可能用嘅度數太低,而且時間唔夠耐,結果焗完出嚟就只係比蓉硬身少少!

咁點算呢?唯有當俾個機會佢學吓用匙羹食嘢啦!😁

咁其實都唔係第一次用匙羹,之前整薯蓉+蔬菜/水果,諗住用嚟拌意粉食,都試過俾啲蓉佢。我會「畢」起一羹蓉,再放喺佢個盤上面,佢已經學識咗自己拎嚟擺入口食,仲識得食完冇咗啲嘢食就俾返個匙羹我!

除咗薯蓉,仲俾過 Yogurt。

Posted in 【Baby Food】

【10個月】10M6D。BLW 晚餐

介紹吓先!左上嘅係蘋果,右邊係甜椒牛肉丸同菜心。下面5塊係煎薯餅,入面有洋蔥同西蘭花,加咗2湯匙中筋麵粉,薯仔就用咗小半個。

個薯餅做法好簡單,削皮、切粒再蒸熟,然後壓蓉,MIX 埋洋蔥 (最好炒過,我今次懶只係蒸咗)、已蒸熟嘅西蘭花同麵粉,做成「麵糊」,就可以整個圓形落PAN煎。今次用咗太多油!下次要落少啲!

細佬雖然唔算十分鍾意食,但係…最後都食咗4塊左右!相信都夠飽了!菜心反而完全唔LIKE,吐返出嚟,牛肉丸都係麻麻鍾意。

Posted in 【Baby Food】, 【FTM】學整嘢食

【10個月】BLW ~ 茶點

下午一點,準時眼瞓。

呢轉十分好瞓,三點多啲先起身。

因為11點食 LUNCH,所以已經好肚餓啦!好在媽媽已經準備好豐富嘅茶點!

登~登~就係 STRAWBERRY PANCAKE 啦!

又係PANCAKE?

係呀!因為太容易整啦!又食得乾淨!

至於個牛肉漢堡,本來係整俾哥哥嘅,但係佢緊係覺得冇味,所以唔食!入面有紫洋蔥同埋車厘茄㗎!好有營養。細佬都食咗差唔多兩塊,有大半塊俾佢掉咗落地😑

士多啤梨班戟,我用咗4大粒士多啤梨,切粒攪蓉,加咗4茶匙中筋麵粉同2茶匙低筋麵粉,仲有一隻蛋,攪勻。份量要自己睇,視乎個稀杰程度去落麵粉,因為士多啤梨多汁,所以先要用咁多麵粉,由於一開始我係用中筋,後來先醒起用低筋會軟熟啲,所以就中筋同低筋麵粉都有😅

攪勻就落pan煎,冇用油。

而個牛肉就有用油煎,仲落好多吓添!因為冇加麵包糠,所以比較實同硬,但係細佬都食到!

Posted in 【Baby Food】, 【Rex】成長記錄

一打二,好攰呀!加固第十九日。節瓜。

2017-7-21
Day 201
6 month 20 days
28 week 5 days

因星期日打算去書展,所以讓工人姐姐今天放假。

我整天不是在廚房,就是在抱或陪著Rex。

上午蒸了個節瓜給弟弟,蒸蕃薯給哥哥,自己吃了一片牛油芝士麥包,還做了壽司!

很忙,但可以為他們弄些新鮮和健康的食物,很充實也很滿足。

Rex 今日的食物:節瓜宴╮(╯_╰)╭
a.m. 節瓜,牙仔餅
p.m. 節瓜
Dinner 節瓜

沒甚麼味道的節瓜,對嬰兒來說都很好味!

Continue reading “一打二,好攰呀!加固第十九日。節瓜。”

Posted in 【Baby Food】

加固第十八日。軟綿綿的紅蘿蔔

2017-7-20
Day 200
6 month 19 days
28 week 4 days

今日用了一種新方法,可以令紅蘿蔔變得非常軟!Rex 終於肯吃了!之前吃了兩三口就咳,而且似乎令他很不舒服,隨之而來的就是哭和不肯吃。原因就是因為紅蘿蔔對他來說太硬了!於是上網找到這個方法。

昨天如常地將紅蘿蔔蒸好後待涼,再放入冰格,雪了幾個小時,然後就拿出來放在雪櫃,到今日拿出來”叮”暖給他吃。

質感完全不同了,變得非常軟熟,我也很驚訝可以軟成這種程度!

可以吃得很開心了

Continue reading “加固第十八日。軟綿綿的紅蘿蔔”

Posted in 【Baby Food】, 【Rex】成長記錄

加固第十三日。豬肉。桃

uri_mh1500130288149-768x1365
2017-7-15

Day 195
6 month 14 days
27 week 6 days

Rex 早上醒來的時間不定時,之前用過一個方法想讓他定時一點,就是無論幾點起來 (除非睡晚了),都要等到五點正才給奶。

之後大多數日子都能夠睡至六點,甚至七點。但這幾天又變早了!昨天未夠四點,之後五點半。今早好一點,六點半。

早前有段時間吃奶的時間很固定,不計早上第一餐,9點 ~ 12點 ~ 3點 ~ 6點 ~ 9點,最後一餐12點,吵醒他吃。但近來又亂了!我決定要訂立時間表,之前其實有執行過,但行不通。因為他吃的份量和時間十分飄忽!連吃奶粉都這麼難捉摸…

新的時間表,相信會做得到,我就著他的作息去編排。時間寫的是固定,但會視乎情況相差 15~30 分鐘,跟到的就盡量跟。

6 a.m. ~ 第一餐奶
8 p.m. ~ 固體食物 (早餐)
9 a.m. ~ 第二餐奶 Continue reading “加固第十三日。豬肉。桃”

Posted in 【飲食】0-2歲, 【Rex】成長記錄

第一次食菜心

2017-07-05
Day 185
6 Month 4 Day
26 Weeks

REX: 好味道!

前日開始在米糊中加入菠菜,同時在6時左右給他吃香蕉 (更早前已吃過>>前文)。吃了三餐菠菜米糊後,今日讓他自己拿著菜心吃。

本來想以傳統方法去給他加固 (TW – Traditional weaning),但因為吃米糊時,常常用手抓弄匙羹,以為他想拿來玩,但他曾經拿到了就放入口,不知道是因為口腔期還是想要自己吃啦!總之,我再給他拿著其他東西,還是一樣要放入口,十分阻礙我餵他吃糊仔。於是想起了BLW!(BLW – Baby led weaning) Continue reading “第一次食菜心”

Posted in 【Baby Food】, 【Rex】成長記錄

加固第一天。菠菜 (原來是高敏食物)

2017/07/03

昨天是Rex的半歲生日!夠六個月大了!好開心好開心好開心~ (怎麼總覺得是前天的事…?)

今天除了趕快去診所吃剩下的一次口服輪狀疫苗外,還做了一件事,就是讓他吃 Solid food 了!

REX從大約4個半月開始吃 Solid food, 第一樣吃的食物是香蕉:Rex’s Diary 《4m13d》加固
之後吃米糊,又曾經因為濕疹問題停吃。及後再吃米糊時就是自製的了!一直吃到現在,未有加其他食物。

總覺得要等到足六個月才安心。

wp-1499065426539.
REX 參加派對

昨天雖然是踏入六個月的第一天,但因為我們參加了一個同年同月同日谷攪的半歲生日會,大家都累了~(我累啦)未能第一天就讓他吃固體,所以到了六個月的第二天,我等心急之人就趕不及待要讓他吃。

我決定今日開始加多一餐 (或者說是半餐) 糊仔,原本在晚上吃的,現在中午也吃。

而第一樣要吃的,是菠菜!

將菠菜加入攪拌機,跟米糊一起攪拌。

Rex 好愛吃喔!是太肚餓了?還是喜歡吃菠菜?又可能是因為今日的糊仔弄得比較稀的緣故?

不過我一邊餵,REX 就一邊要用手抓我的匙羹,實在太煩啦!我就出動早前在 amazon 買的 food feeder,將米糊倒入去,讓他自己拿著吃。

不過,無論米糊怎麼「杰」,放入去都還是會「滴」!所以,只讓他試試自己吃,滿足一下他的好奇心,我便收起food feeder,繼續餵他。

結果順利地把這個菠菜米糊吃了8~9成!後來因為剩下的不多,而他亦開始表現出不想吃,所以我就不再餵。

然後,又因為剛巧家裡有香蕉(即是非刻意買給他吃),所以又再出動food feeder!

因為之前已經吃過了香蕉嘛!所以一天吃這兩種食物不是問題!新嘗試的就只有菠菜。

line10

~♥~支持分享,請讚好專頁~♥~
Our Diary 家庭育兒生活旅遊分享 

line10

剛發現原來有濕疹最好不要吃菠菜,不過Rex吃完之後,皮膚沒有甚麼問題。
由於持續有濕疹,只能說這幾天都沒有嚴重到。