Posted in 【買】BB用品

【BLW】必備之一:餐盤

入手之時, 我完全不知道原來這款有很多人用!買完之後才有留意到。

或者上 Instagram search “blw”, 都會見到不少人都在用這個餐盤!而且跟我一樣都是藍色。

說是到底是哪個牌子呢??

Continue reading “【BLW】必備之一:餐盤”

Posted in 【Baby Food】

【1歲】簡易有營早餐

細佬尋日一歲啦!我哋只係簡單地喺屋企同佢切蛋糕、唱生日歌去慶祝生日,多謝Grandma都嚟到賀!

食嘢方面暫時都唔會有乜改變,我都會 keep 住整唔同嘅食物俾佢。今朝起身就整咗呢個:【一口藍莓燕麥】

係參考外國嘅食譜,再自己一邊整一邊試。

材料:2大匙 Rolled Oats (不到個匙羹成座山咁高嘅份量
幾粒藍莓
2大匙Baby cereal

本來只用燕麥,但煮完之後發覺仍然太水,所以加咗啲Baby cereal,即刻杰哂!等佢放涼少少後,就加入藍莓,再用匙羹整形,食得!好快好方便!啱哂我呢啲懶人😆😅 但係絕對係有營養而且味道都唔錯!

做出嚟嘅份量唔只張相入面咁少,有多一倍左右。

雖然係有啲啲濕,不過bb都拎到嚟食,初時個衰衰豬見到藍莓就淨係拎粒藍莓,但後來食吓食吓冇藍莓果啲都食哂,即係全部都食哂!好叻仔!

呢餐應該十分飽啦!跟住就緊係的佢入房玩一陣,然後就瞓覺啦!佢而家嘅 timetable 就係咁,晨咁早 7 點幾左右起身,食埋早餐就大概 9 點至 9 點半去瞓,呢一覺通常係個半鐘至兩個鐘,咁我就用呢啲時間去準備午餐。

Posted in 【Baby Food】

試呢個食譜:Apple and Cheese Quinoa Bites – delicious recipes for little hands

http://littlegrazers.com/apple-and-cheese-quinoa-bites/#.VQHvMbDF9FM

用食譜約一半嘅材料去整。

半個大型蘋果,100g藜麥,約25g芝士(因為得返咁多)。

都幾難搓成波波,我就一隻手用細匙羹,一隻手推落個Tray度。不過由於都幾多汁(來自蘋果),所以我用個sift去隔吓啲汁先整形放落去。

焗完就係咁

雖然有搽啲油喺錫紙上,但係都十分癡底!後來發現用手「Mit」比較容易😅

都幾好味,細佬食咗一半左右。

Posted in 【Baby Food】

【11個月】BLW 午餐。薯蓉、班戟、漢堡

整一個餐要用嘅時間係 1 hour +

因為我會盡量用多種食材去整,所以看似簡單嘅一樣食物,需要嘅時間其實唔少!

今日午餐:
1) 芝士西蘭花紅扁豆焗薯蓉 (西蘭花同薯仔蒸熟,加埋芝士同紅扁豆,用攪拌機打蓉,150度焗咗15分鐘)
2) 南瓜肉桂蘋果燕麥Pancake (約1.5tbsp南瓜, 小半個細蘋果, 2tbsp燕麥, 1.5隻蛋, 3tbsp低粉)
3) 洋蔥蘋果牛肉漢堡 (200度焗20分鐘)

個薯蓉本來係想焗到硬身啲!可以切開俾佢拎住食,但可能用嘅度數太低,而且時間唔夠耐,結果焗完出嚟就只係比蓉硬身少少!

咁點算呢?唯有當俾個機會佢學吓用匙羹食嘢啦!😁

咁其實都唔係第一次用匙羹,之前整薯蓉+蔬菜/水果,諗住用嚟拌意粉食,都試過俾啲蓉佢。我會「畢」起一羹蓉,再放喺佢個盤上面,佢已經學識咗自己拎嚟擺入口食,仲識得食完冇咗啲嘢食就俾返個匙羹我!

除咗薯蓉,仲俾過 Yogurt。

Posted in 【Baby Food】

【10M7D】BLW 午餐

今朝5點半起身飲奶,尋晚食得太少啦!晚飯時間又邊食邊恰眼瞓,之後又唔肯飲奶。

到8點幾NAP一陣,9點半左右起身。我就10點幾先開始整午餐,趕到11點半俾佢食!

左上係蒸熟嘅西蘭花,右邊係粟米雞肉煎餅,下面5塊係香蕉PANCAKE。

整呢啲嘢都用咗差不多成個鐘頭!不過自己落手落腳整,睇住佢食都會投入啲!😆

見佢肯食已經非常高興,食得多更加係開心到彈起!

Posted in 【Baby Food】, 【學習】興趣班

【9個月】BLW (9M11D) 晚餐♡幾乎掃哂

首先講吓晚餐有啲咩食。

1) 三文魚+菜心+蛋黃+糙米白米飯波
2) 菜心莖

由於Rex下午3點半左右醒咗到晚飯時間 (7點幾8點) 都冇瞓過!本來都好驚佢會太眼瞓而唔肯食,點知竟然幾乎同我掃哂所有嘢!

今次堅唔係掃落地!本身我一開始放低個盤,佢就拎乜掉乜,我嬲嬲地,已經一見佢掉就捉住佢隻手,平時最多擋吓,唔俾佢掉到落地。今次我見佢掉多幾掉就成盤拎走,然後逐啲嘢分批放喺檯。咁樣佢反而開始拎嚟食!丫…明明肚餓,都要掉餐飽先!

有時佢一邊掉,隻狗就一邊喺附近等食,好好似佢餵緊狗咁!😑

然後呢一餐就係佢一路食,我就一路將啲嘢食放喺檯。最後仲食到冇哂,連喺檯上面啲碎哂嘅都拎嚟食!從未見過嘅奇景呀!!

Continue reading “【9個月】BLW (9M11D) 晚餐♡幾乎掃哂”

Posted in 【Baby Food】, 【Rex】成長記錄

BLW (7M27D) 第一次食牛油果:敏感

Lunch:
PASTA, 紅蘿蔔,薯仔,菜心
食得好少,完全唔係「食野MOOD」。

Snack:
日本帶返黎既水蜜桃
餵佢食

Dinner:
飯波
唔多肯食,玩完一餐之後扭計,餵佢又食。

我有用筷子餵佢食大人飯,佢成日想拎我對筷子,唔知算唔算對餐具有興趣?
不過得果七個幾八個月又太細啦~之前試過Preload Spoon俾佢,一拎就跌哂,都未放入口。
就算放入口,位置錯哂,仲要不停咬SPOON,頭又咬尾又咬,算吧啦!佢只係牙痕吧!!

至於牛油果,今日係第一次俾佢食。
非常非常林,一拎起就爛哂!
但細佬識得啜手,即係都食到D!
而且食完幾個鐘頭後發現佢塊面多左紅色粒粒,即係敏感。

Posted in 【Baby Food】, 【LIFE】2017, 【Rex】成長記錄

7個月(7m10d) 加固 + 去泳池游泳

20170811
Day 222
7 months 10 days
31 weeks 5 days

全日都是BLW,沒有用匙餵。
(但有用手餵給他BLW的食物)

由於早上7點半才飲第一餐奶,11點都未準備好食物給他,所以12點時第二餐也是飲奶。

然後就是1時許,因為食物已準備好了,而且哥哥也開始吃午飯,所以就直接拿給他吃。

可能不太餓,吃了一會兒粟米之後就不再吃了。

午餐:粟米、蘋果、豬肉

跟哥哥一起吃

Continue reading “7個月(7m10d) 加固 + 去泳池游泳”

Posted in 【Baby Food】, 【Rex】成長記錄

7個月(7M9D) 加固食物:蕃薯、青瓜、蜜糖豆、薯仔、藍莓、紅桑子、雞肉、蘋果、啤梨、白飯

20170810
Day 221
7 months 9 days
31 weeks 4 days

當我在打文章題目時,自己也嚇了一跳!怎麼一日已經吃了這麼多種食物呢?真的假的??

午餐:蕃薯,青瓜,蜜糖豆

另外還準備了一碗薯仔+蜜糖豆+雞蓉,只吃了很少,可能太乾了,不喜歡吃吧!

下午在超市買了好多蔬果回家,所以就加了藍莓和紅桑子 (Raspberry) 給他當點心吃,不過是我餵他的。照舊一開二,吃得很好,沒有咳和 gagging 之類。

幾乎全部為Rex而買,好貴啊!

Continue reading “7個月(7M9D) 加固食物:蕃薯、青瓜、蜜糖豆、薯仔、藍莓、紅桑子、雞肉、蘋果、啤梨、白飯”

Posted in 【Baby Food】, 【Rex】成長記錄

一打二,好攰呀!加固第十九日。節瓜。

2017-7-21
Day 201
6 month 20 days
28 week 5 days

因星期日打算去書展,所以讓工人姐姐今天放假。

我整天不是在廚房,就是在抱或陪著Rex。

上午蒸了個節瓜給弟弟,蒸蕃薯給哥哥,自己吃了一片牛油芝士麥包,還做了壽司!

很忙,但可以為他們弄些新鮮和健康的食物,很充實也很滿足。

Rex 今日的食物:節瓜宴╮(╯_╰)╭
a.m. 節瓜,牙仔餅
p.m. 節瓜
Dinner 節瓜

沒甚麼味道的節瓜,對嬰兒來說都很好味!

Continue reading “一打二,好攰呀!加固第十九日。節瓜。”

Posted in 【Baby Food】

加固第十八日。軟綿綿的紅蘿蔔

2017-7-20
Day 200
6 month 19 days
28 week 4 days

今日用了一種新方法,可以令紅蘿蔔變得非常軟!Rex 終於肯吃了!之前吃了兩三口就咳,而且似乎令他很不舒服,隨之而來的就是哭和不肯吃。原因就是因為紅蘿蔔對他來說太硬了!於是上網找到這個方法。

昨天如常地將紅蘿蔔蒸好後待涼,再放入冰格,雪了幾個小時,然後就拿出來放在雪櫃,到今日拿出來”叮”暖給他吃。

質感完全不同了,變得非常軟熟,我也很驚訝可以軟成這種程度!

可以吃得很開心了

Continue reading “加固第十八日。軟綿綿的紅蘿蔔”

Posted in 【Baby Food】

加固第九天。香蕉,蕃薯,菜心,米糊

2017-07-11
Day 191
6 Month 10 Day
27 Week 2 Day

早上:BLW香蕉

之前吃香蕉使我十分擔心,害怕他是把很大的一塊咬斷後就直接吞下!
但今早我看到原來比較大塊的,他是含在嘴裡的上方,所以不易看見。
而且,有比較大塊的,有時他也會吐出來。原來是真的會懂得這樣做啊!
絕對不要看小嬰兒!哈~

中午:菜心藜麥米糊

午餐是米糊。本想帶出街吃的。

為什麼又BLW,又要餵米糊呢?
唉~是媽媽自己想他吃多點,而且覺得他有能力會學懂咬,也會學懂直接吞。
簡單說,即是他會自己分辨甚麼可以直接吞,甚麼需要咬和咀嚼!
真的,我相信。
因為看到他一見到菜心就拿著送到嘴巴前。
而且今天更學懂得「扯」這個動作呢!! Continue reading “加固第九天。香蕉,蕃薯,菜心,米糊”

Posted in 【Baby Food】, 【Rex】成長記錄

加固第七天。早餐飲奶後吃香蕉

2017-07-09
Day 189
6 Month 8 Day
27 Weeks

昨晚12點多飲最後一餐奶,今早大概8點多醒來後,沒有立即哭著要飲奶,所以我就讓他自己坐著玩。

說起來真的好開心,足足有八個小時不用餵奶!現在順便就講講「戒夜奶」。

雖說「好像」已經戒了,但其實是時間掌握的問題…..最後一餐奶決定了下一餐奶的時間!而最後一餐奶也受對上一餐的影響。

從四個月時開始,我限定了自己:早上那餐奶不到五點也不給。當然,一直都有在半夜三點、四點這些時間醒來,所以一開始的時候還是要半夜起來,盡量只拍拍或抱抱來讓他繼續睡覺。

之後把最後一餐奶調較到一點左右,再慢慢地提早一點,大約十二點鐘。但他一直都會在三點幾四點幾這些時間醒來,持續了很久…差不多兩個月!直到最近才開始好些,即使半夜醒來,我沒有去抱他,只會拍拍,他就會繼續睡覺。那之後醒來的時間大約在六點左右!已經算是很好了!!

Rex 可算是十分配合,每晚到了八點幾九點左右就會很累很累要睡覺。但無論如何,最晚一餐一定要餵他,即使他沒有醒來。有時只吃到兩安,但有時又會吃四安左右。總之,吃多少都總要吃,那麼我便可以多睡一會了!因為我實在太累啦~由出生到五個多月還要半夜醒來…. Continue reading “加固第七天。早餐飲奶後吃香蕉”

Posted in 【Baby Food】

加固第六天。初嘗蘋果味道

2017-07-08

近來努力埋頭苦幹,為Rex編排餐單,先後吃過香蕉、即沖米糊、自制米糊、菠菜和菜心後,今日吃的是蘋果。

看似很多?嗯…其實正式加固是從3號開始,只加了菠菜和菜心而已,其餘的都是再之前已吃過。

加固:菠菜 (原來是高敏食物)
第一次食菜心

手仔太可愛了,捨不得裁剪掉

6個月嬰兒可以吃的蘋果蓉

做法:先將蘋果削皮去核,切粒,隔水蒸8~10分鐘,再用攪拌機攪蓉,待涼後給他吃。

蒸、煮、焗都可以,總之令蘋果變稔便可。我嘗試過用壓的方法但不行,最後都要拿去攪拌。第一次我有加水去攪拌,晚上那次則沒有。

有網站說可以4個月吃,但攪拌完後的蘋果蓉仍有很粒小的顆粒,個人怕BB未能消化,所以還是六個月才給。 Continue reading “加固第六天。初嘗蘋果味道”